əlverişli şərait yaradırdı. İqtisadi böhrandan öz xeyirlərinə istifadə
edən nasional-sosialistlər fəaliyyətlərini gücləndirirdilər. Onlar
əhaliyə sosial-iqtisadi sahələrdə geniş vədlər verirdilər. Mövcud
vəziyyət hökumətdən qəti addımlar atmağı tələb edirdi. Hökumət
əleyhinə olan çıxışlar yatırıldı. Qanuna zidd siyasi prosesləri ləğv
etmək və nəzarətdə saxlamaqdan ötrü tədbirlər həyata keçirildi.
1931-
ci ilin yazında siyasi təbəddülatlara qarşı mübarizə haqqında
dekret verildi. Dekretə görə yığıncaqlar və nümayişlər yalnız qanuna
tabe olunmadığı təqdirdə qadağan edilə bilərdi.
Bryuninq hökumətinin xarici siyasəti başlıca olaraq Lokarno
sazişlərini yerinə yetirməyə yönəlmişdi.
Bryuninq prezident Hindenburqu reyxstaqı vaxtından əvvəl
buraxmağa inandıra bildi. 1930-cu ilin sentyabr ayında reyxstaqa yeni
seçkilər keçirildi. Seçkilərdə sosial-demokratlar 143 mandat aldılar.
Nasional-sosialistlər 6,4 mln. səs və ya 107 mandat qazanaraq ikinci
böyük fraksiya yaratdılar. Ölkədə nasional- sosialistlərin mövqeyi
gücləndi. Onlar Almaniya siyasi həyatında ciddi qüvvə kimi özlərini
təsdiq etdilər. Kommunistlər 1928-ci il seçkiləri ilə müqayisədə 1,3
mln. çox səs, daha doğrusu 4,6 mln. səs və ya 77 mandat aldılar.
1930-cu ildə 5, 1931-ci ildə isə 44 fövqəladə dekret verildi. 1931-ci
ilin oktyabr ayında Bryuninq hökumətində dəyişiklik oldu. Bəzi
nazirlər istefaya getdi.
1932-
ci ilin mart-aprel aylarında keçirilən prezident
seçkilərində prezident Hindenburqun rəqibləri Düsterberq, E.Telman
və Hit- ler oldular. Hitleri katoliklər, iri sənayeçilər və protestantlar
müdafiə edirdilər. O, seçki kampaniyasını Versal sülhünün şərtlərinə
qarşı çıxaraq "Qocalar yoldan çıxın" şüarı üzərində qurdu. Seçkilərin
birinci turu namizədlərin heç birinə uğur gətinnədi. Hinden- burq 19
mln. və ya 49,6%, Hitler 13,4 mln. və ya 30,1%, Telman 13,2%,
Düsterberq isə 7,1% səs aldı. Aprelin 10-da seçkilərin ikinci turu
keçirildi. Hindenburq 53% səs alaraq prezident seçildi. Hitler 36,8%,
Telman isə 10,2% səs aldı.
Əlverişli vəziyyətdən istifadə edən Bryuninqin
müxalifət par-
86