Book · January 013 citation reads 419 1

Takrorlash uchun savollar va topshiriqlar

1. 
   Ekologik fanlarga qanday falsafiy talablar qo‘yiladi?
   
2. 
   Ekologik tadqiqotlar tizimini biologik va geografik tadqiqotlardan farqini sanab o‘ting.
   
3. 
   Ekologik ta’limdan barqaror rivojlanish ta’limining nima farqi bor?
   

4. 
   Nima uchun biz «Ekologik ta’limdan barqaror rivojlanish ta’limi sari» deb aytamiz?
   
5. 
   Chet ellarda ekologik ta’lim qanday olib boriladi?
   
6. 
   Rossiya Federatsiyasi oliy ekologik ta’limidagi o‘quv rejasini ta’riflang.
   
7. 
   Siz milliy uzuluksiz ta’limda ekologiyani o‘qitish muammolarini sanab o‘ting!
   
8. 
   Ekologik ong va madaniyatning farqini ochib bering.
   
9. 
   BTT maqsadlari uchun ta’lim konsepsiyasining ekologik jihatlari nimalardan iborat.
   

EKOLOGIK ATAMALAR LUG‘ATI

Adaptatsiya (moslashish) – tirik organizmlarning muhitning konkret sharoitlarida barqaror yashab
ketishini ta’minlaydigan morfofiziologik, populatsiyaviy va boshqa xususiyatlarining yig‘indisi.
Amaliy ekologiya – ekotizimlarning real holatidan kelib chiqqan tarzda tabiiy ekotizimlarni muhofaza qilish va buzilganlarini qayta tiklash, ularning tabiiy resurslardan oqilona foydalanishga oid kishilik jamiyatining amaliy faoliyati.
Atrof-muhit haqida teran fikrlash – atrof-muhitga inson omili ta’sirining ijobiy va salbiy tomonlarini
ajrata olish.
Atrof-muhitga oid bilimdonlik – insonlarning atrof-muhit, jonli va jonsiz tabiat, inson va tabiat
rivojlanishi haqidagi bilim, savodxonlik, intellektual salohiyat va ularni amalda qo‘llay olish faoliyati.
Atrof-muhitni xalqaro muhofaza qilish – insonlarning ekologik xavfsiz muhitini va davlatlarning barqaror me’yorda rivojlanishini ta’minlovchi xalqaro huquq prinsiplari, normalari va munosabatlari yig‘indisi.