Muhazirə 11
Yıgma- tikmə- kəsmə avtomatları
Əməliyyat ardıcıllığı ilə işləyən avadanlıqdan adətən böyük olmayan və bəzən orta tirajlı nəşrlərin istehsalı üçün istifadə olunur. Böyük və kütləvi tirajlı nəşrlərin istehsalı avtomatlaşdırılmış əməliyyatların və proseslərin maksimum imkanı olan axın xətlərində yerinə yetirilir.
Avtomatlaşdırılmış xətlər əməliyyatlar üzrə avtonom işləyən maşınlarla müqayisədə üstünlüyə malikdir. Avtomatik xətlərdə istehsal tsikli azalır, əmək məhsuldarlığı artır, istehsal sahəsindən istifadə azalır, fəhlələrin əmək strukturu dəyişir.
İç-içə yığma və cildləmə ilə komplektləşdirilmiş broşür, jurnal və kitabların istehsalı üçün nəşrlərin hazırlanması üzrə broşürləmə əməliyyatlarını tam kompleks halda yerinə yetirən avtomatlaşdırılmış xətlərdən geniş istifadə olunur. Bu xətlərə iç-içə yığma ilə nəşrləri hazırlamaq üçün nəzərdə tutulan yığma - tikmə - kəsmə aqreqatlarını və kompleks avtomatik xətləri aid etmək olar.
Yığma - tikmə - kəsmə aqreqatları avtomatik rejimdə aşağıdakı əməliyyatları yerinə yetirir: iç-içə yığmaqla nəşrin komplektləşdirilməsi, məftillə üstdən tikmə və üçtərəfli kəsmə. Bu aqreqatlar öz aralarında texnoloji imkanlarına, avtomatlaşdırma dərəcəsinə və məhsuldarlığına görə fərqlənir. Lakin onların iş prinsipi eynidir.
Aqreqat (şəkil 13) üç bölmədən – komplektləşdirici KB, tikmə TB, kəsmə KB və qəbuledici qurğudan QQ ibarətdir.
KB
Şəkil 13. Yığma - tikmə - kəsmə avtomatının blok-sxemi
Komplektləşdirici bölmədə sepli transportyorlu 2 yəhərvari stol 1 və dəftərlər və cildlər üçün maqazinli samonaklad-açıcılar 3 yerləşir. Maqazinli samonakladların (onlara stansiyalar da deyilir) sayı adətən 2-10 olur. Tikmə bölməsi 2-6 məftillə tikmə bölmələrinə malik olur. Kəsmə bölməsi kimi üçbıçaqlı kəsmə avtomatları fəaliyyət göstərir.
Bu aqreqatlarda nəşrlərin hazırlanması ardıcıllığı aşağıdakı kimidir. Samonakladların maqazinlərinə uyğun nömrəli şleyfli dəftərlərin topası yüklənir. Birinci maqazinə daxili dəftərlər, sondan əvvəlki maqazinə xarici dəftər, sonuncu maqazinə isə cildlər yüklənir. Şleyfli dəftərlər kağız itkisinə səbəb olduğu üçün şleyfsiz dəftərlərdən istifadə etməyə imkan verən samonaklad-açıcılardan istifadə edilir.
Aqreqat işləyərkən hər bir samonaklad açıcı dəftəri (həmçinin cildi və əlavəni) topadan ayırır, onu açır və yəhərvari stol üzərinə sərir. Burada transportyor fasiləsiz olaraq hərəkət edir. O hərəkət etdikcə nəşrin komplektləşdirilməsi baş verir. Cild dəftərlərin üzərinə atıldıqdan sonra nəşr düzləndirilir və tikmə bölməsinə doğruhərəkət etdirilir. Burada o məftil bəndlərlə tikilir. Tikilmiş nəşrlər kəsmə bölməsinə ötürülür və burada tək-tək iki mövqe üzrə – əvvəlcə yan tərəflər, sonra isə qabaq tərəf üzrə kəsilir.
Dostları ilə paylaş: |