117
yanəti ilə inqilabın məğlub olması arasında paralellər apar-
mışdı. İndi bu ideya hardan ağlına gəlib, bilmirəm. Təzəcə
başladığı roman daha maraqlı idi.
– Hmm. Demək Könüllə ayrılıqlarının səbəbi xəyanət olub?
Bu versiyanı düşünməmişdim. Könülün xəyanəti Nicatın in-
tiharına səbəb ola bilər. Məncə Könüllə yenidən gö-
rüşməliyəm. Dərindən araşdırsaq bundan bir şey çıxar.
– Mənim sizinlə görüşməkdə məqsədim də budur. Könül
bir-iki aya Moskvaya, dayısının yanına köçəcək. Daha doğ-
rusu bu barədə planı var. Moskvaya getmək istəyi ilə bağlı
heç kəsə deməməyimi xahiş edib. Sadəcə sizə deməyi özümə
borc bildim. Bəlkə də yalan danışır. Amma doğru da ola bi-
lər. Mən Nicatın ölüm səbəbini öyrənmək üçün bütün gü-
cümlə dəstək verməyə hazıram. Əsas odur ki, faydam toxun-
sun. Əgər lazım olsa xəbər edin, pul və ya başqa köməklik
edə bilərəm. Könül qəfildən yoxa çıxmamış bu məsələni çöz-
səniz əla olar. Onun çox şey bildiyinə əminəm. Sonrası özün-
dən asılıdır, yaza bilsə yazacaq...
– Təşəkkür edirəm, bəy! Siz həqiqətən də yaxşı və etibarlı
dostsunuz. Daha doğrusu mən belə düşünürəm. Nicat isə
özü bilər, necə düşünür. Əminəm ki, köməyinizi əsirgəmə-
yəcəksiniz. Bir daha minnətdaram.
– Dəyməz, bu mənim borcumdur. Yaxınlarda Nicatın həyat
yoldaşı və qızı ilə görüşməyi düşünürəm. İstəyiniz və boş
vaxtınız olsa bərabər gedək. Bəlkə bu səfərin ümumi işə fay-
dası toxuna bilər.
– Çalışacağam sizə yoldaşlıq edim. Mənim üçün də maraqlı
olar. Amma əsəblərim bu görüşə hazır deyil. Siz isə, doğ-
rudan çox yaxşı dostsunuz. Qayğıkeş, etibarlı...
– Mən Nicatın xanımı ilə görüşüb onun problemləri ilə ma-
raqlanacağam. Siz də söhbət edə bilərsiniz.
118
– Çalışacağam. Bu həftə Könüllə danışa bilsəm, gedəcəyəm.
Onunla görüşmək vacibdir. Məncə çox şey bilir. Sadəcə dü-
şünürəm ki, Nicatın xanımını narahat etmək düzgün olmaz.
Necə də olsa, artıq ana-bala Nicatın yoxluğuna çoxdan alı-
şıblar. Boşandıqdan sonra münasibətləri yaxşı olmayıb.
– Elə isə mən gedim. Sizinlə yenidən əlaqə saxlayacağam.
Şahin çoxdan soyumuş çayı başına çəkib ayağa qalx-
dı. Orxan onu qapıya qədər ötürüb, otağa qayıtdı. Könüllə
mütləq görüşməli idi. Bütün bu əzablı prosesi bitirmək üçün
Könülə ehtiyacı vardı.
119
18
“Namuslu bir adam,
Tanrının ən gözəl əsəridir.”
Sean O'Casey
Könül əvvəlcə bəhanələr uydursa da, Orxanın
israrından sonra yola gəldi. Birinci dəfə görüşdükləri gürcü
kafesində oturmağa razılaşıb sağollaşdılar. Nahara yaxın
Orxan artıq onlar üçün ayrılmış otaqda oturub Könülü
gözləyirdi. Ağ şərab və pendir sifariş vermiş, sakit və səbirli
simasındakı yorğunluğu gizlətməyi ustalıqla bacarmışdı.
Kafenin aurasına qəribə mistika qatan mahnını zümzümə
edirdi.
“Deyəsən “My Sleeping Karma” qrupudur. Nicat da
bu qrupu çox sevir. Həə... O hər dəfə kafeyə gələndə bu mu-
siqini səsləndirirdilər.... Adı da... adı da deyəsən “Efed-
ra”dır..” – Orxan xatırlamağa çalışdı.
Son vaxtlar pasiyentləri artıdığı üçün daha gərgin re-
jimdə işləyirdi. Amma başladığı işi davam etdirməliydi. Ro-
man personajı, roman həmmüəllifi olmaq maraqlı idi. Bu
məsələni çözməyi bacarardı. Könül vədələşdikləri vaxtdan
yarım saat sonra otağa daxil oldu. Əvvəlkindən gümrah və
şən görsənirdi. Üstünə səpdiyi bahalı ətrin bihuşedici qoxu-
su Orxanın burnuna dolanda, uzun müddətdir ki, qadınlara
qarşı biganəliyini yadına saldı. Bu deyəsən ən yaxşı qadın
ətirlərindən sayılan “Today”in qoxusu idi. Doktor tanış qo-
xunu ciyərlərinə çəkdi və başa düşdü ki, əhvalı düzələcək.
120
İş, gərginlik, dostunun müəmmalı ölümü ilə bağlı əyləncələr
ona seks və əyləncəni unutdurmuşdu.
Dost da, necə dost! Roman yazmaq üçün bu yol heç
Orxan Pamukun da ağlına gəlməz!
Orxan işvəylə əl uzadan Könülün əlini nəzakətlə sı-
xıb, əyləşmək üçün yer göstərdi. Qadında baş verən də-
yişikliyin səbəbi Orxan üçün müəmmalı qalsa da, onun
gümrah və şən olmasına sevindi. Nəzakətlə Könüldən nə si-
fariş edəcəyini soruşdu.
– Artıq içəri girəndə sifariş verdim. Ofisiant sənin ağ şərab
içdiyini dedi. Bir balaca tünd içki içmək istəyirəm. Özümə
viski sifariş verdim.
– Çox gözəl. Heyf ki, sənə yoldaşlıq edə bilməyəcəm. Mən
şərabdan başqa içki içmirəm.
– Eybi yoxdur, doktor. Mən də çox içməyəcəm. Danışmaq is-
təmədiyim, amma mütləq danışmalı olduğum şeylər var.
Mənə elə gəlir ki, bütün bunları danışsam daxili rahatlıq ta-
param.
– Səni dinləmək üçün burdayam. Mümkünsə hər şeyi xa-
tırlamağa çalış. Yəqin ki, danışacaqlarının çoxsusu Nicatla
bağlı deyil. Amma artıq sən də mənim pasiyentim hesab olu-
nursan və səni dinləməliyəm. Eyni zamanda oxucu bir per-
sonaj kimi səninlə daha çox maraqlanacaq. Edəcəyin söhbət
sənin daxili rahatlığın üçün vacibdir.
– Mən hələ də toparlanmamışam. Nə istədiyimi özüm üçün
tam olaraq aydınlaşdıra bilməmişəm. Bəlkə danışdıqdan
sonra, bu yükü üzərimdən atandan sonra daxili rahatlıq tap-
dım.
Ofisiant viski, “Red Bull” və buz gətirdi. Orxan Kö-
nülün standart sifarişlərini görüb gülümsədi. Könül isə öz
Dostları ilə paylaş: |