Darsliklar va/yoki o’quv-metodik qo’llanmalarni bepul foydalanishga berish to’g’risidagi shartnoma

IV. TOMONLARNING JAVOBGARLIGI
4.1. Mazkur shartnoma bo’yicha olingan majburiyatlarni bajarmaganligi uchun tomonlar shartnoma shartlari va qonunchilik xujjatlariga asosan javobgarlikka tortiladi.
4.2. Tomonlar bartaraf etib bo’lmaydigan vaziyatlar (fors-major) oqibatida ushbu shartnoma bo’yicha majburiyatlarni qisman yoki to’liq bajarmaganlik uchun javobgarlikdan ozod etiladi.
V. NIZOLARNI BARTARAF ETISH
5.1. Mazkur shartnomaning amal qilishi davomida vujudga kelgan nizolar tomonlar orasida muzokaralar olib boorish yo’li bilan hal qilinadi.
5.2. Nizolarni hal qilishda kelishuvga erishilmagan taqdirda, ular qonunchilik xujjatlarida belgilangan tartibda sud tomonidan hal etiladi.
VI. KORRUPSIYAGA QARSHI QOIDALARNING ASOSIY SHARTLARI
6.1. Tomonlar shartnoma bo‘yicha o‘z majburiyatlarini bajarayotganda O‘zbekiston Respublikasi korrupsiyaga qarshi kurash to‘g‘risidagi qonun xujjatlari talablariga zid keladigan har qanday harakatlarni amalga oshirmaydilar, shu jumladan pora, ya'ni xodim o‘z xizmat majburiyatlaridan foydalangan holda pora bergan shaxsning manfaatini ko‘zlab muayyan harakatlarni sodir etishi yoki etmasligi shartligi yoxud mumkinligi uchun moddiy qimmatliklarni yoki mulkiy naf olish uchun quyidagi harakatlarni qilmaydi:
pora berishni taklif qilish yoki va'da berish;
tovlamachilik qilish;
pora sifatida pul to‘lash;
bevosita yoki bilvosita pora olishga rozilik berish.
Tomonlar ushbu xarakatlarga yo‘l qo‘ymaslik bo‘yicha choralar ko‘rilishiga kafolat beradi.
6.2. Agar shartnoma bo‘yicha bir tomon maktab xodimining axloqqa to‘g‘ri kelmaydigan va ushbu shartnoma yoki O‘zbekiston Respublikasi qonunchik xujjatlariga zid keladigan hatti-harakatlariga, shu jumladan korrupsiyaga oid huquqbuzarlik sodir etishga majburlashdan iborat bo‘lgan faktlarga duch kelsa, bu haqda quyidagi aloqa kanallardan biri orqali xabardor qilishi kerak:
Korrupsiya haqida xabar berishga mo’ljallangan ishonch telefoni: 1253 (qisqa raqami)
telegram-kanali: @antikoruz_bot
O‘zbekiston Respublikasi Korrupsiyaga qarshi kurashish agentligining elektron pochtasi: [e-mail]