.
İNTELLEKTUAL SİSTEMLƏR VƏ TEXNOLOGİYALAR
---------------------------------230------------------------------------
“Siemens”, 4-ü “Samsung” və 1-i digər markalı telefon
almaq arzusunda olduğunu bildirmişdir. Buradan belə
nəticə alınır ki, istifadəçilərin və telefon almaq istəyən
istehlakçıların əksəriyyəti “Nokia” markalı telefona
üstünlük verirlər.
Sonuncu suala – “Təxminən qiyməti nə qədər olan
telefon almağa imkanınız çatar?” sualına cavab olaraq
soruşulanlardan 4 nəfəri (8%-i) “100$-dan aşağı”, 9
nəfəri (18%-i) “100-150$ arası”, 12 nəfəri (24%-i) “150-
200$ arası”, 8 nəfəri (16%-i) “200-250$ arası” və 17
nəfəri (34%-i) “250$-dan yuxarı” cavabını vermişlər.
.
İNTELLEKTUAL SİSTEMLƏR VƏ TEXNOLOGİYALAR
---------------------------------231------------------------------------
EKSPERT SİSTEMLƏRİNİN
QURULMASI TEXNOLOGİYASI
Artıq qeyd edildiyi kimi, ekspert sistemlər - konkret
sahənin mütəxəssislərinin biliklərinin məcmusu əsasında
yaradılan və nisbətən az təcrübəli istifadəçilər üçün
nəzərdə tutulan mürəkkəb proqramlar toplusudur.
Ekspert sistemlərinin əsas üstünlüyü bilik və
məlumatların yığılması və uzun müddət saxlanmasıdır.
İnsandan fərqli olaraq ekspert sistemləri istənilən
informasiyaya obyektiv yanaşırlar ki, bu da aparılan
təcrübənin keyfiyyətini artırır. Böyük həcmli biliklərin
emalını tələb edən məsələlərin həllində səhvlərin
başvermə ehtimalı çox aşağıdır.
Ekspert sistemləri biliklər bazasından, çıxarış
altsistemindən (məsələlərin həll olunması üçün istifadə
olunan qaydalar məcmusudur), izahat altsistemindən,
biliklərin mənimsənilməsi altsistemindən və dialoq
prosessorundan ibarətdir. Çıxarış altsistemini yaradarkən
süni intellekt məsələlərinin həlli metodlarından da istifadə
olunur.
Ümumilikdə ekspert sistemlərinin işləmə prosesini
belə təsvir etmək olar: lazımi informasiyanı almağı
arzulayan istifadəçi ekspert sisteminə istifadəçi intefeysi
vasitəsilə sorğu göndərir; həlledici, biliklər bazasından
istifadə edərək müvafiq tövsiyəni hazırlayır və izahat
.
İNTELLEKTUAL SİSTEMLƏR VƏ TEXNOLOGİYALAR
---------------------------------232------------------------------------
altsisteminin köməyi ilə öz fikirlərinin gedişini istifadəçiyə
çatdırır.
Ekspert sistemlərinin yaradılmasında bir çox əngəllər
meydana çıxır. Bu, ilk öncə onunla bağlıdır ki, sifarişçi
hazırlanan sistemə öz tələblərini həmişə dəqiq olaraq
ifadə edə bilmir. Bundan əlavə, psixoloji bir çətinlik də var
ki, bu da mütəxəssislərin sistemin məlumat bazalarını
yaradarkən maşının onları “əvəz” etməsindən qorxaraq öz
biliklərini maşına bilərəkdən az ötürürlər. Lakin bu
qorxunun heç bir əsası yoxdur, çünki ekspert sistemləri
öyrənmək qabiliyyətinə malik deyillər, onların ağlı və
intuisiyası yoxdur. Hal-hazırda isə yuxarıda bəhs
etdiyimizə, yəni ekspert sistemlərinin özü-özünə öyrənmə
qabiliyyətini kəşf etmək üçün təcrübələr və işlər aparılır.
Bununla belə, ekspert sistemləri hələ də bir-çox
sahələrdə və ekspert işləməyən sahələrdə tətbiq olunmur.
Ümumiyyətlə ekspert sistemlərinin hazırlanması
sahəsində terminologiya öz şəklini tez-tez dəyişir, lakin
buna baxmayaraq biz əsas terminləri nəzərdən keçirək.
İstifadəçi – predmet sahəsinin mütəxəssisidir.
Yaradılan ekspert sistemi onun üçün nəzərdə tutulub.
Adətən onun ixtisas səviyyəsi o qədər də yüksək olmur və
o ekspert sistemlərinin köməyinə ehtiyac duyur.
Biliklər üzrə mühəndis – ekspert və biliklər bazası
arasında aralıq bufer kimi çıxış edən süni intellekt sahəsi
üzrə mütəxəssis. Sinonimlər:
koqnitoloq, mühəndis-
interpretator, analitik.
İstifadəçi interfeysi – informasiyanın daxil
edilməsi və nəticənin alınması mərhələsində ekspert
.
İNTELLEKTUAL SİSTEMLƏR VƏ TEXNOLOGİYALAR
---------------------------------233------------------------------------
sistemləri ilə istifadəçilər arasında dialoqu yaradan
proqram kompleksi.
Biliklər bazası – ekspert sistemlərin əsas
komponenti olub, onun “intellektual bacarığını” təşkil edir.
Ekspert sistemlərin digər komponentlərindən fərqli olaraq
biliklər bazası sistemin “dəyişilən” hissəsidir. Bu,
məsləhətlərarası (bəzi sistemlərdə elə məsləhət zamanı)
təcrübə mübadiləsi və biliklər mühəndisinin istifadəsi
zamanı dola və modifikasiya oluna bilər. Ekspert
sistemlərinə biliklərin təqdim olunmasının bir neçə üsulu
var, lakin onların hamısının ortaq cəhəti biliklərin
simvol
formasında (biliklərin təqdim olunmasının elementar
komponentləri mətn, siyahı və digər simvol strukturlarıdır
)
təqdim olunmasıdır. Bununla da ekspert sistemlərində
mühakimələr prosesi ardıcıl simvol dəyişmələri kimi
təqdim olunan mühakimələrin
simvol təbiəti prinsipi ilə
həyata keçir.
Həlledici – biliklər bazasında olan biliklər əsasında
ekspertin fikirlərinin gedişini modelləşdirən proqramlar.
Sinonimlər:
deduktiv maşın, çıxarış maşını, məntiqi
nəticəçıxarma bloku.
İzahat altsistemi – istifadəçiyə: “Bu və ya digər
məsləhətlər necə alınmışdır?” və “Nəyə görə sistem məhz
belə nəticə qəbul etmişdir?”-suallarına cavab verən
proqram. “Necə” sualına cavab – məlumat bazasında
istifadə olunan fraqmentlərin nəticənin alınması üçün
bütün prosesin, yəni bütün addımların zəncirvari nəticəsi
kimi istiqamətlənməsindən ibarətdir. “Nəyə görə” sualına
cavab verərkən sistem bir addım əvvəldə alınmış
nəticəyə qayıdır, yəni geri bir addım atır.
Dostları ilə paylaş: |