6
I
Həyatın
yaranması
LAYİHƏ
7
► Yer planetinin yaranması. Həyat anlayışı
► Həyatın yaranması haqqında fərziyyələr
► Həyatın yaranması haqqında təsəvvürlərin inkişafı
► Həyatın əmələ gəlməsi haqqında müasir təsəvvürlər
► Bioloji monomer və polimerlərin yaranması
► Çoxhüceyrəliliyə doğru yol
► Təbii seçmənin formaları
► Orqanizmlərdə uyğunlaşmalar
LAYİHƏ
8
Alimlər Yer üzərindəki dəyişiklikləri izləmək üçün onun tarixi inkişafını, aşa-
ğıdakı sxemdə göstərildiyi kimi, mərhələlərə bölmüşlər. Bu, həyatın yaranması və
inkişafı haqqındakı təsəvvürlərin başa düşülməsini asanlaşdırır. Onlar həyatın
necə yarandığını, ilk canlının meydana çıxmasını, növlərin yaranmasını, bir çox
növlərin nəslinin kəsilmə səbəblərini müxtəlif geoloji dövrlərdə baş verən dəyiş-
mələrin nəticəsi olduğunu isbat etməyə çalışmışlar.
►
Canlılara xas olan həyat nədir?
►
Yer planeti və onun üzərində həyat necə yaranıb?
1. Yer planetinin yaranması. Həyat anlayışı
Bizə elə gəlir ki, canlını cansızdan asanlıqla fərqləndirmək olar. Məsələn, qa-
ranquş qidalanır, tənəffüs edir, qıcığa qarşı cavab reaksiyası verir, böyüyür və çoxa-
lır, uçaraq uzaq məsafələr qət edir. Günəbaxan isə qidalanır, tənəffüs edir, çiçək
açır, meyvə və toxum əmələ gətirir, ancaq məkanda yer dəyişə bilmir. Bu əlamətlər
canlılara məxsusdur. Cansızlarda isə bu əlamətlərin əksəriyyətinin olmamasına
baxmayaraq bəzi kənaraçıxmalara rast gəlinir. Məsələn, su cansızdır, lakin onun
axması hərəkətdir. Küləyin torpağı sovurub yayması da hərəkətdir. Onda belə sual-
lar meydana çıxır:
– Canlını cansızdan fərqləndirən nədir?
– Həyatın yaranması prosesi necə gedə bilərdi?
F
M
Neo
gen
Paleozoy erası
Daş kömür
D
evon
Silur
Ordovik
Kembri
Kembridən əvvəl
Yura
Trias
Perm
Fanerozoy
Mezozoy erası
Təbaşir
Kaynozoy erası
Pa
leo
ge
n
Antropogen
Arxey erası
Proterozoy erası
LAYİHƏ
9
Yer planeti və onun üzərində həyatın əmələ gəlməsi haqqında mübahisəli təsəv-
vürlər mövcuddur. Onlardan birində deyilir ki, təxminən 4-5 milyard il əvvəl daha
sonralar Günəş adlandırılan kiçik ulduz sistemində qızmar qaz və kosmik tozdan
ibarət qatı kütlə əmələ gəldi. Sonralar bu kütlə soyuyaraq ətrafdakı hissəcikləri
özünə birləşdirdi və bərkidi. Yer planetinin bu cür yarandığı güman olunur. Sonrakı
dövrlərdə planetimiz digər planetlərdən üzərində yaranan həyatla daha da fərqlən-
məyə başladı.
Yer yarandığı dövrdə indikindən çox fərqli idi.
Onun diametri müasir ölçüsündən kiçik, tempera-
turu isə çox yüksək olub. Minlərlə dərəcə tempe-
raturda bütün süxurlar ərimiş, meteoritlər isə ara-
sıkəsilmədən planetin səthini sanki bombardman
edirdi. Sonrakı dövrlərdə bu proses dayandı. Daha
sonra planet soyumağa başladı. Onun kələ-kötür
səthi formalaşdı. Tem peratur 100
o
C-dən aşağı
düşdü. Atmosferdə buxar şəklində olan su damcı-
lara çevrilib yağış şəklində yağmağa başladı. Yer
səthində okeanlar əmələ gəldi.
Həmin dövrün atmosferi də indikindən fərqli idi. Bu dövrdə planetdə həya-
tın olması üçün heç bir şərait yox idi. Getdikcə şərait dəyişməyə və həyat ya-
ranmağa başlamışdır.
Həyatın yaranması haqqında müx-
təlif fərziyyələr və təsəvvürlər mövcud-
dur. Bu fərziyyə və təsəvvürlər bir çox
fikirlərin yaranmasına səbəb olmuşdur.
Belə fikirlərdən biri F.Engelsə məx-
susdur. Ona görə “Həyat zülallardan
ibarət cisimlərin yaşama üsuludur və
bu yaşama üsulu öz mahiyyətinə görə
bu cisimlərin kimyəvi tərkibi və his-
sələrinin daima öz-özünə yenilənmə-
sindən ibarətdir”.
Həyat haqqında təriflərdən birini də M.V.Volkenşteyn vermişdir. Onun fik-
rincə, “Yer üzərində mövcud olan canlı vücudlar biopolimerlərdən – zülal və
nuklein turşularından qurulmuş və öz-özünə tənzimlənən və öz-özünü törədən
açıq sistemlərdir”.
Hər iki tərifdən bəlli olur ki, canlı cansızdan fərqlənir. Canlılar qidalanır,
tənəffüs edir, çoxalır, böyüyür, hərəkət edir və müxtəlif qıcıqlara cavab reaksi-
yası verirlər.
Planetimiz və onun üzərində həyatın yaranması haqqında fikirlərinizi müzakirə
edin.
F
LAYİHƏ
10
1. Hazırda Yerin öz oxu ətrafında bir dəfə tam dövr etməsi 24 saata başa çatır.
Qədimdə isə bu proses 18 saatı əhatə edirdi. Planetimizdə həyatın yaranması-
nın səbəbi bu ola bilərdimi? Fikirlərinizi əsaslandırın.
2. F.Engelsin və M.V.Volkenşteynin təriflərini müqayisə edin.
3. Həyatın yaranması haqqında araşdırma aparın və daha hansı alimlərin həyata
dair tərif verdiklərini müəyyənləşdirin və təqdimat hazırlayın.
4. Canlını cansızdan fərqləndirən xüsusiyyətləri özündə əks etdirməyən canlıları
tanıyırsınızmı? Nümunələr gətirin.
5. M.V.Volkenşteynin “Yer üzərində yaşayan canlı varlıqlar...” ifadəsini müasir
dövrdə səmada göründüyü fərz edilən, “Naməlum uçan obyektlər” adlandırı-
lan cisimlərin varlığı ilə necə əlaqələndirə bilərsiniz? Fikirlərinizi müzakirə
edin.
6. Alimlərin “böyük bombardman” adlandırdıqları dövrdə meteoritlər Yer kürəsi-
ni sanki bombardman edirdi. Fərziyyələrə görə onların ölçüləri nə qədər bö-
yük olurdusa, Yerin qabığı bir o qədər çox qızırdı. Bu fikrin düzgünlüyünü
əsaslandırın.
7. Şəklə baxın və “Belə bir şəraitdə həyatın yaranması mümkün ola bilərdimi?”
mövzusunda müzakirə aparın.
T
LAYİHƏ
Dostları ilə paylaş: |