minlik qoşun ilə mübarizə aparmağa çalışsa da, məğlub edilir və
Mərvan 20 min ailəni əsir alaraq Dərbəndə tərəf sürgün edir. Məcbur
qalan xaqan sülh sazişi bağlayır. Sülhün şərtlərinə uyğun olaraq
Mərvan xaqanın İtilə qayıtmasına icazə verir, eyni zamanda xaqanlıqda
islam dinini yaymaq üçün iki hüquqşünası (Sabit əl-Əsədi və
Abdurrahman Hulanü) orada saxlayır. 765-ci ildə xəzərlər 30 il əvvəlki
məğlubiyyətin qisasını alaraq 100 minlik ordu ilə Azərbaycan və
Ərməniyyəyə girərək 100 minlik müsəlmanı əsir alırlar.
Bir sıra tarixçilərə görə, xəzərlərin ərəblərə qarşı mübarizəsi və İslamı
kütləvi şəkildə qəbul etməmələri Şərqi Avropa tarixinin dəyişilməsində
müəyyən rol oynadı. Belə ki, əgər onlar İslamı qəbul etsə idi, bu gün
Rusiyanın və Şərqi Avropanın əksər xalqları müsəlman olacaqdı.
Xəzərlərlə ərəblər arasında da nigah diplomatiyası mövcud olub. Belə
ki, Harun Rəşidin vəziri Yəhya Bərməki Xəzər şahzadəsi ilə evlənib.
Fəqət qohumluq amili də iki dövlət arasındakı düşmən münasibəti
aradan qaldıra bilmədi. Eyni zamanda xəzərlərlə Sasanilər də vaxtilə
qohumluq əlaqələri qurublar. IV Hörmüzdün anası (578-596) xaqan qızı
idi və buna görə də şahın ləqəbi tarixdə “Türkzadə” kimi qalıb. Alpan
hökmdarı Cavanşir də bu cür “siyasi izdivacda” olub.
665-ci illərdə Qara dənizin şimalında yerləşən Bulqar xaqanlığının
parçalanması nəticəsində Dneprə qədər uzanan düzənliklər xəzərlərin
əlinə keçir. VII-VIII əsrlərdə xəzərlər Krım və Azak ərazilərində daha
da güclənirlər. Krımda yaşayan qotlar bu dövrdə xəzərlərə tabe idilər.
Qotlara xəzər xaqanı tərəfindən təyin olunan vali başçılıq edirdi. Bu cür
valilər tuyun adlanırdı. 787-də xəzərlər qotların müstəqilliklərinə
birdəfəlik son qoyurlar. Bu dövrdə xəzərlər Don çayı sahilində yaşayan
bozqır qövmlərinin yürüşlərinin qarşısını almaq üçün Sarhil qalasının
tikirlər. İndiki Kiyev şəhəri xəzər xaqanlığına tabe olan 3 qardaş
tərəfindən salınır.
İdarəçilik-Dövlətin başında türk törəsinə uyğun olaraq Xaqan
dayanırdı. Lakin o, bütövlükdə dövlətin bütün işlərinə qarışmırdı.
Simvolik xarakter daşıyan xaqan bütün idarəçiliyi naibi olan
Xaqanbəyin səlahiyətinə daxil etmişdi. Lakin xaqan köməkçisini
dəyişdirmək
funksiyasını
özündə
saxlayırdı.
Xaqanbəyin
səlahiyyətlərinə bunlar daxil idi: ordunu idarə etməklə müharibə və ya
sülh məsələləri, əyalətlərlə bağlı məsələlər, məhkəmə, daxili işlər və s.
Simvolik xaqanın hakimiyyət müddəti 40 ili keçə bilməzdi. Əgər xaqan
40 il hakimiyyətdən sonra vəfat etməzdisə, onun artıq dövləti idarə edə
bilmədiyini düşünüb özləri öldürürdü. Xaqan ordudan qaçanları
cəzalandırırdı. Əgər xaqanbəy məğlub olardısa, onun gözü qarşısında
ailəsi və mülkü paylaşılırdı. Xaqanbəy eyni zamanda tarxan və yabqu
da adlanırdı. Eyni zamanda idarəçilikdə şad, bəy, eltəbər, tudun kimi
vəzifələr mövcud olub. Xəzər idarəçiliyi barədə ibn Fədlan yazır:
“Xəzərlərin hökmdarına Xaqan deyilir. Gəzinti üçün ancaq dörd ayda
bir dışarı çıxır. Buna Böyük Xaqan, vəkilinə isə Xaqanbəy deyirdilər”.
Təqribən 460-960-cı illərdə mövcud olmuş Xəzər xaqanlığının mərkəzi
468-723-cü illərdə Bələncər, 723-965-cil illərdə İtil (Astarxan) şəhəri
olub. Dövlətin sərhədləri şərqdə Göktürk xaqanlığı, qərbdə Dunay çayı,
cənubda Araz çayı, şimalda Kiyev və Moskvaya qədər uzanırdı.
Tarixdə isimləri qalan xəzər xaqanları bunlardır: Bulan (620-630),
Ubaca, Hizkiya,I Menaşe, Hanuka, İshaq, Sabulon, II Menaşe, Nişi, I
Harun, Menahem, Benyamin, II Harun, Yusif (931-965,onun xaqanbəy
olması ehtimalı da vardır).
İç vəziyyət- İbn Fədlan (922) xəzərlərin bal, un, mum, kürk ticarəti ilə,
Gerdizi (1048) arıçılıq və bal mumu ilə, Məsudi (944) gəmiçiliklə
məşğul olduqlarını, İstəxri (930-933) tacirlərdən gömrük haqqı olaraq
onda bir vergisi aldıqlarını qeyd edirlər. Xəzərlərin mühüm şəhərləri
bunlardır: dörd min bağçası olan Səməndər, Tmutorokan, Sarıqşın.
Paytaxtın xaqan oturan qərb hissəsi Xanbalıq adlanırdı. VII-IX əsrlər
şərqi Avropa tarixində “Xəzər barışı” ("Pax Khazarica") adını alıb.
Çünki məhz xəzərlərin güclü müdafiəsi nəticəsində ərəblər və ya
digərləri bu ərazilərə daxil ola bilməyiblər. Müdafiəni gücləndirmək
məqsədi ilə xəzərlər bizanslı ustaların köməyi nəticəsində 835-ci ildə
Şarkel (Ağ qala-ağ daşlardan tikildiyi üçün) qalasını tikirlər. Məsudinin
verdiyi məlumata görə, Xəzər xaqanlığının paytaxtı İtildə 7 hakim var
idi. Bunlardan ikisi müsəlmanların, ikisi xristianların, ikisi yəhudilərin,
biri isə şamançıların haqlarını qoruyurdu. Ona görə də, ölkə ərazisində
heç bir dini ayrıseçkilik salınmırdı. Şəhərlərdə məscidlər, kilsələr,
sinaqoqlar yanaşı şəkildə yerləşirdi. İtil şəhəri cənubi-şərqi Avropa ilə
Asiya arasındakı ticarət mərkəzlərindən idi.
Dini
inanc-Bütün
türk
boyları
kimi
xəzərlərin
də
dini
dünyagörüşlərinin əsasını qam-şaman inancı, əcdadlara və təbiət
qüvvələrinə inam təşkil edir. Bir Tenqriyə inanılan xaqanlıqda 732-800-
cü illərdə İslam, 800-965-ci illərdə isə Yəhudilik dövlət dininə çevrilir.
Dövlətdə xaqandan başqa digər elita nümayəndələri dinlərini dəyişə
bilərdilər. X əsrdə İtildə 10 məscid fəaliyyət göstərirdi. Müsəlmanların
sayı 10 minə çatırdı ki, bunların da çoxu ticarətlə məşğul olanlar idi.
Onlar əsasən Dağıstanda və Aşağı İtildə, xristianlar isə Bizans sınırında
və Krımda yaşayırdılar. Siciliyada yaşamış coğrafiyaşünas İdrisi (XII
əsr) xaqanlıqda bütün dinlərin fəaliyyət göstərdiyini, dini azadlığın
qorunduğunu qeyd edir. Bizans imperatoru I Roman Lekapenin (919-
944) yəhudilərə etdiyi zülmdən sonra onlar demokratik ənənələrin
qorunduğu Xəzər xaqanlığına köç edirlər və bu köç ərazidəki
musəvilərin nüfuzunun artmasına səbəb olur. İbn Rüşdə görə, xəzər
xaqanı musəvi olsa da, xalq əski inancını qoruyub saxlayırdı. Xəzər
türklərinin musəviliyi qəbul etmələri tarixdə “Xəzər polemikası” adı
altında xatırlanır. Bu polemikada Xəzər xaqanının dəvəti ilə ibrahimi
dinlərin
nümayəndələri
iştirak
edərək,
hansı
dinin
daha
məqsədəuyğun və doğru olduğu müzakirə edilir. Beləliklə, xaqan
müzakirədə iştirak etmək üçün xristian dininin dayağı olan Bizansa
nüfuzlu bir din xadimini göndərmək üçün müraciət edir. İmperator III
Dostları ilə paylaş: |