təmizlənmək üçün hər gün dəstəmaz alır, yediklərini su ilə mütləq
təmizləyirlər. Ət və şərab içmək qadağan idi. Hər bir üzv onun üçün
ayrılmış tarlada işləməli idi. Umumilikdə, təriqətin bu adətləri yəhudi
təriqəti olan Esseneləri xatırladır. Belə ki, onlar da essenelər kimi dini
inanclarını Yasa (Nomos) adlandırırdılar və yəhudi adəti olan Sabbat
gününə riayət edirdilər. Bu təriqətin qaydalarına əsasən əgər Pətikin
oğlu olarsa, onu anasından ayırıb onlara verməli və uşaq burada
yetişməli idi. Dünyaya gələn Maninin bir ayağı axsaq olsa da, o, bu
təriqətdə özünü zəkalı bir gənc kimi göstərməyə başlayır. Mani bir dəfə
Malkos adlı birininin (Yolçuluq əsnasında atası öldüyündən 15
yaşınadək təriqətdə qalmalı idi.) cəzasını yüngülləşdirdiyindən Malkos
daima onun yanında olmağa başlayır. Mani əvvəlcə Malkosla danışmaq
istəməsə də, sonra onunla yaxınlaşmağa başlayır və onlar birlikdə
ticarətlə məşğul olurlar. Bu ticarət ərəfəsində Malkos bir qızla tanış olur
və Mani ilə birlikdə onun atası ilə əlaqə yaradırlar. Mani bu qızın
evində rəssamlıq qabiliyyətini kəşf edir və burada olan kitabların
səhifələrini bəzəməyə başlayır. Malkos 15 yaşı tamam olduğunda
təriqətdən ayrılır və həmin qızla evlənərək uzaq ərazilərə gedir. Bu vaxt
Maninin 12 yaşı var idi. Bu vaxtlar Mani bir su kənarına gedərək
tənhalığını paylaşırdı. Belə günlərin birində Maninin suda olan əksi
onunla danışmağa başlayır və Maniyə təriqətin doğru yolda
olmadığını, onun insanlara kömək etməsini bildirir. Bu hadisədən
sonra Mani böyük rahibin fikirlərinə qulaq asmır və oranı tezliklə tərk
etmək istəyirdi, fəqət onun əksi bir az da gözləməsini bildirir. Bu
müddət ərzində Mani buradakı kitabxanalardakı kitabların hamısını
oxuyur və bir həkim səviyyəsinə çatır. 21 yaşına çatdığında kölgəsi ona
artıq elmini dünyaya yaymasını bildirir. Mani çox çətinliklə təriqətdən
ayrılır və yola düşür. Yaxın dostu Malkosu taparaq özünə qoşur və
getdiyi yerlərdə düşüncələrini yaymağa başlayır.
Mani uzun illər müxtəlif ölkələri gəzərək Türküstan və Şimali
Hindistanda (Deb şəhərində) maniçi yığıncaqlar qurur. Yurdumuza
qayıdanda Şapurun qardaşı Pərvizi öz inancına cəzb etməyi bacara
bilir. O, ən önəmli əsərlərindən biri olan “Şapurikanı” Pərvizə ithaf
edir. Pərvizin köməyilə Mani Şapurla görüşə bilir və öz ideyalarını ona
anladır. 20 mart 242-ci ildə Sasani hökmdarı I Şapurun taxta çıxdığı gün
(İran hökmdarlarının taxtaçıxma günü Novruzda baş verirdi.) mövcud
qələbəliyə üzünü tutaraq bunları söylədi: “Necə ki, Budda Hindistana,
Zərdüşt Midiyaya, İsa qərb torpaqlarına gəldi, indi də mən-Mani
Həqiqi Tanrının elçisi kimi öz peyğəmbərliyimi elan edirəm”. Maninin
xalqa ilk çıxışında onun yanında atası Pətik və həvarilərindən Simon və
Zakko da var idi.
Həkimlik qabiliyyəti sayəsində Şapur ona imperiya hüdudları
daxilində görüşlərini yaymasına imkan verir. Şapurun Bizansa
yürüşündə Mani onunla birlikdə olmur və bu səbəbdən aralarında
soyuqluq yaranır. Belə ki, Mani Şapuru Romanı qılıncla işğal etmək
fikrindən çəkindirməyə çalışır və ona bildirir ki, mən Romanı düşüncə
gücü ilə zəbt edə bilərəm. Şapur onu bu fikrindən vaz keçirmək üçün
böyük vədlər verir, lakin Mani qəbul etmir, Şapura bu cavabı verir:
“Sözlərim qan tökməyəcək, əlim heç vaxt silah tutmayacaqdır”.Ona
görə də sarayda yaşayan Mani oranı tərk edərək imperiyanın başqa bir
əyalətinə yerləşir. Şapurun xəstələndiyi zaman Mani onu müalicə
etmək istəsə də, buna imkan yaradılmır. Şapur da onunla görüşməyi
arzu edir, fəqət saray münəccimləri Maninin onların dininə həqarətlə
baxdığını Şapura inandırır və bu fitnə nəticəsində sonuncu dəfə əlaqə
yarada bilmirlər.
Az sonra Mani yenidən gəzərgi həyat sürərək bu dəfə öz təlimini
məktublar vasitəsilə yaymağa başlayır. Bu hərəkətinə görə, Mani
tutularaq həbsə atılır, 274-cü ildə I Şapurun ölümündən sonra azadlığa
qovuşur. I Şapurdan sonra hakimiyyətə gələn oğlu I Hörmüz Maniyə
dəstək çıxsa da, onun hakimiyyəti cəmi bir il sürür. O, saray
münəccimləri və Bəhram tərəfindən öldürülür. Növbəti dəfə
hakimiyyətə gələn I Bəhram Zərdüşt etiqadında idi, ona görə də digər
inancların qatı düşməni idi. Bəhram “Bu adam xalqı dünyanı məhv
etməyə səsləyir, ona görə də planlarını həyata keçirmədən onu məhv
etmək lazımdır”-deyə fikrini bildirir. Sonuncu dəfə o, baş zərdüşti
kahin Kartirin yanında Maniyə açıq-aşkar bildirir ki, onun ideyalarının
İranda yayılmasına heç bir vəchlə yol verməyəcəkdir. Mənbələrdən
məlum olur ki, Bəhram hakimiyyətə gəldiyi zaman, Mani ona sığınacaq
verən Quşan krallığına getmək istəyir, fəqət Bet Lapatdakı sarayda
şahın hüzuruna gəlməli olması əmrini alır. Maninin saraya gəlməsi
böyük əks-səda doğurur. Sarayda Bəhram və Kartir Mani ilə mübahisə
etməyə başlayır. Mani fars dilini yaxşı bilmədiyindən ana dili olan parf
dili ilə (tərcüman vasitəsilə) müdafiə olunmağa başlayır. Həbsə atılan
Mani yanvarın 19-dan fevralın 14-dək orada qalır və 276-cı ildə çarmıxa
çəkilir, dərisi üzülərək parça-parça doğradılır və içinə saman
doldurularaq şəhər qapısından (hələ də Mani qapısı adlanan
Qundişapur qapısından) asılır. Maninin cəsədinin 3 gün orada
saxlayırlar ki, onu dəfn edib məzarını ziyarətgaha çevirməsinlər. Fəqət
Maninin tərəfdarları şəhər qapısından asılmış cəsədə baxaraq Mani-
Hayy (Canlı Mani) deyərək ölümə meydan oxuyurlar. Bu söz o qədər
məşhur olur ki, sonralar yunanlar buna uyğun olaraq Manihey sözünü
və Maniheyizm terminini yaradırlar.Maninin tərəfdarları təqiblərə
məruz qaldıqlarından xarici ölkələrə qaçırlar və orada Maniçiliyi təbliğ
etməyə başlayırlar.
Nəqqaş Mani- Bir peyğəmbər, filosof, mühəndis olmaqla yanaşı Mani
həmçinin dövrünün məşhur rəssamlarından olub. O, müəllifi olduğu
əsərləri müxtəlif rəsm əsərləri ilə bəzəmişdir. Orta əsrlərdə Şərq
dünyasında ən yaxşı rəssamlara Mani adı verilirdi. Görkəmli türk
şairlərindən Nazim Həzrəti Muhammədi (s.a.s) vəsf edərkən bu sözləri
işlədib: “Sənsən ol kim, ya Həbibullah, rəsmi-nətini, Maniyi-dil rəşki,
nəqşi-Çinü Fərxar eylədi”. Digər türk şairi Dərviş Paşa bu beyti yazıb:
“Səqfü divari nəqşini Mani Görsə, olurdu dəngü heyran”.
Dostları ilə paylaş: |