135
əksəriyyəti bütün Hind-Avropa ərazilərində bir-birinə çox bənzər
şəkillərdə çıxır qarşımıza. Bir neçə misal gətirim.
Qədim hindlilər səma tanrısı Dausa ibadət edirdilər, bu, sanskrit
dilində səma, gün, cənnət mənası verir. Yunan dilində bu tanrı Zevs,
latın dilində luppiter (əslində lov-patter - yəni “ata səma”) və qədim
Norveç dilində Tir adlanır. Yəni Daus, Zevs, Lov və Tir adları eyni bir
sözün dialektik variantlarıdır.
Yəqin qədim vikinqlərin “aese” adlı tanrılara inandıqlarını
xatırlayırsan. Bu söz bir çox Hind-Avropa ərazilərində “tanrılar”
mənasında rastımıza çıxır. Hindistanın qədim ənənəvi dili olan sanskrit
dilində tanrılara asura və fars dilində ahura deyilir. “Tanrı” mənası
verən digər bir söz sanskritcə deva, farsca daeva, latınca deus və qədim
skandinav dilində tivurrdur.
Vikinqlərin vaxtında da insanlar bir qrup bərəkət tanrısına
inanırdılar (Niord, Freyr, Freyja). Bu tanrıların ortaq adı - vaner idi. Bu
isə bərəkət ilahəsinin latınca adı olan Venera ilə qohumdur. Sanskrit
dilində “istək, arzu” mənası verən “vani” sözü də eyniköklüdür.
Bəzi Hind-Avropa miflərində də aydın bənzərlik müşahidə olunur.
Snorrenin qədim skandinav tanrıları haqda danışdığı miflərin bir neçəsi
iki-üç min il əvvələ aid edilən Hindistan
miflərinə oxşayır. Təbii ki, Snorrenin danışdığı bu miflərdə skandinav
mifləri skandinav təbiətindən, hind mifləri isə hind mühitindən
təsirlənib, amma onların çoxu ümumi köklərinin izlərini saxlayır. Biz
bu izləri daha aydın şəkildə ölməzlik iksiri və tanrıların şər qüvvələrlə
savaşlarından bəhs edən miflərdə görə bilərik.
Biz həmçinin Hind-Avropa mədəniyyətlərində təfəkkür tərzinin də
bənzərliyini görə bilərik. Bu bənzərliklərə ən bariz nümunə dünyanın
xeyir və şər qüvvələrin bir-birilə usanmaz savaşı kimi təsəvvür
olunmasıdır. Hind-Avropalılar bundan çıxış edərək, Xeyir və Şər
arasında gedən döyüşlərin nəylə bitəcəyini əvvəlcədən “görməyə”
çalışıblar.
Kimsə haqlı olaraq deyə bilər ki, yunan fəlsəfəsinin Hind- Avropa
mədəniyyətindən qaynaqlanması təsadüfi deyil. Qədim hind, yunan və
downloaded from KitabYurdu.org
136
skandinav mifologiyasının hamısında fəlsəfi, spekulyativ dünyabaxışı
var.
Hind-Avropalılar dünyanın gedişatının mahiyyətinə nüfuz etməyə
çalışırdılar. Biz hətta bütün Hind-Avropa dünyasında sezmək və ya
bilmək mənası verən eyni sözə rast gəlirik.
Sanskrit dilində bu söz “vidya”dır. Bu söz yunan dilində mövcud olan,
Platonun fəlsəfəsində vacib yer tutan “ideya” sözüylə oxşardır. Latınca
bu söz video idi, Roma torpağında bu sözün mənası sadəcə görmək idi.
Fikrimizcə, “mən görürəm” “mən anlayıram” mənasını verə bilər.
(“Görmək” sözünün televiziya ekranına göz zilləməklə sinonim
edilməsi yalnız bizim günümüzə xas bir hadisədir.) İngilis dilində wise
- müdriklik, almanca wssen - bilik, Norveçcə viten sözləri eyni mənanı
verir.
Ümumiyyətlə, görmək duyğusunun Hind-Avropalılar üçün ən vacib
hiss olduğunu demək mümkündür. Hind, yunan, İran, alman ədəbiyyatı
da böyük kosmik görüşlərlə doludur. Hind- Avropa mədəniyyətinə
daxil olan xalqlarda qarşımıza çıxan bir başqa ortaq xüsusiyyət
tanrıların, mifik hadisələrin rəsm və heykəllərini yaratmaqdır.
Nəhayət, Hind-Avropalılar dövri tarixi baxışa malik idilər.
Bu baxışa görə, tarix ilin fəsilləri kimi, “halqalarla, “dairələrlə
irəliləyir. Tarixin əvvəli və sonu yoxdur, müxtəlif sivilizasiyalar sonsuz
olaraq, doğulur və ölür.
İki böyük Şərq dini - Hinduizm və Buddizm Hind-Avropa
mənşəyinə malikdir. Yunan fəlsəfəsi də bu mənşəyə, bu kökə malik
olduğuna görə, Hinduizm və Buddizmlə ortaq cəhətləri var. Bu gün də
Hinduizm və Buddizm ciddi fəlsəfi düşüncələrə malikdir.
Hinduizm və Buddizmdə Tanrının hər şeydə var olması (panteizm)
və insanın dini duyumla Tanrıyla birləşə bilməsi düşüncəsinə çox rast
gəlinir. (Plotini xatırlayırsanmı, Sofi?) Buna nail olmaq dərin daxili
özünənəzarət və ya meditasiya tələb edir. Ona görə də Şərqdə özünə
qapanmaq, inzivaya çəkilmək dini qabiliyyətlər sayılıb. Qədim
Yunanıstanda da ruhun qurtuluşu naminə asketik, yaxud dini inzivaya
çəkilən həyat tərzi gərək olduğuna inananlar olub. Orta əsrlər rahiblik
downloaded from KitabYurdu.org
137
həyatının əsasında da Yunan-Roma sivilizasiyasından gələn bu
inanclar dayanır.
Ruhun bədəndən-bədənə köçməsinə inam bir çox Hind- Avropa
mədəniyyətlərində əsas yer tutur. 2500 ildən çoxdur ki, hər bir hindlinin
ali məqsədi ruhunu bu köçdən, bu həyat
dövriyyəsindən qurtarmaqdır. Ruhun bədəndən-bədənə köçməsinə
inananlardan biri də Platon idi.
Semitlər
İndi gəl Semitlərə qayıdaq, Sofi. Onlar tamamilə başqa bir
mədəniyyətə və dilə malikdirlər. Əslən Ərəbistan yarımadasından
olsalar da, onlar da dünyanın müxtəlif tərəflərinə yayılıblar. Yəhudilər
2000 ildən artıq öz vətənlərindən uzaqlarda yaşayıblar. Semit
mədəniyyəti və dini xristian dünyası vasitəsilə çox uzaqlara yayılıb,
semit mədəniyyətinin geniş yayılmasında İslamın da rolu böyük olub.
Hər üç Qərb dini - İudaizm, Xristianlıq və İslam semit zəmindən
qaynaqlanır. Müsəlmanların müqəddəs kitabı olan Quran da, Əhdi Ətiq
də Semit dil ailəsinə məxsus dillərdə yazılıblar. Əhdi Ətiqdə tanrı
mənasında işlənən bir söz müsəlmanların “allah” sözüylə eyni semantik
kökdən gəlir.
Xristianlığa gəlincə isə, mənzərə bir qədər də mürəkkəbləşir.
Xristianlıq da semit mənşəlidir, ancaq Əhdi Cədid yunanca yazılıb.
Xristian ilahiyyatı və ya kredosu formalaşarkən yunan və latın
dillərinin, dolayısıyla, Ellinist fəlsəfənin təsirlərinə məruz qalıb.
Hind-Avropalıların müxtəlif tanrılara inandıqlarından artıq
danışmışıq. Semitlər isə ta qədim zamanlardan tək Tanrıya inanırdılar.
Bu, monoteizm adlanır. İudaizm, Xristianlıq və İslamın hər üçü
Tanrının yeganə olması fikrində şərikdirlər və bu onların ən
fundamental ideyasıdır.
Semitlərin tarixə xətti baxış bucaqları var. Yəni tarixi inkişaf edən
düz xətt kimi görürlər. Tanrı dünyanı yaradıb və o andan etibarən tarix
başlanıb. Lakin günlərin birində tarix sona çatacaq, Qiyamət qopacaq,
ədalət məhkəməsi qurulacaq və Tanrı bütün diriləri və ölüləri
mühakimə edəcək.
downloaded from KitabYurdu.org
Dostları ilə paylaş: |