152
ehtiyat fondundan Gənclər Fonduna ilkin olaraq 5 milyon manat
vəsait köçürülmüşdür. Yəqin ki, gələn il əlavə vəsait
köçürüləcəkdir. Bu fond vasitəsilə də müxtəlif layihələr icra edilə
bilər. Peşəkar, bilikli, savadlı, Vətənə bağlı olan müasir
gənclərimizi biz qabağa çəkməliyik. Amma yenə də burada ən
vacib rolu gənclərin hazırlığı oynamalıdır. Yəqin bilirsiniz ki, bir
neçə müddət əvvəl pensiyaya gedəcək şəxslərin də yaş həddi
müəyyən edildi. Bu da çox vacibdir. Müəyyən yaş həddindən
sonra dövlət qurumlarında işləyən insanlar pensiyaya getməlidirlər.
İstisna hal kimi, onların fəaliyyəti bir neçə il uzadıla bilər.
Mən yeni müəssisələrin açılışlarında tez-tez oluram. Yeni
biznes sahələrinin yaradılması ilə bağlı konkret tapşırıqlar
verilir və çox şadam ki, bu sahədə əsas fəaliyyət göstərən
gənclərdir. Bilikli, savadlı olmaq, xarici dil bilmək də çox
vacibdir, xüsusilə internet dövründə bunsuz mümkün deyildir.
Bizim gənclərimiz həm ingilis dili, həm rus dili – azı 2 dil
bilməlidirlər və onların hazırlıq səviyyəsi, peşəkarlığı elə
olmalıdır ki, onlar bütün vacib vəzifələrdə öz məharətlərini
inamla göstərə bilsinlər.
G ü l ş ə n O r u c o v a (Bərdə şəhər 3 saylı tam orta
məktəbin tarix müəlliməsi): Cənab Prezident, Sizi öz adımdan,
Bərdə gəncləri adından salamlayır və gənclərə göstərdiyiniz
yüksək qayğıya görə minnətdarlığımızı bildiririk.
Cənab Prezident, bildiyiniz kimi, bu gün Azərbaycanda
sosial şəbəkələrdən istifadə daha geniş yayılmışdır. İnternetin
daha çox yayıldığı bir dövrdə sosial şəbəkə artıq yeni bir media
növünə çevrilmişdir. İnsanlar sosial şəbəkədən əsasən
informasiya əldə etmək, həmçinin informasiyanın paylanması
üçün istifadə edirlər. Bu isə Azərbaycanın hər bir sahədə olduğu
kimi, həmçinin sosial şəbəkə sistemində olan fikir azadlığının
ən gözəl, ən bariz nümunəsidir. Bugünkü gəncliyimizə nəzər
salsaq, gənclərin bir qismi sosial şəbəkədən əsasən əyləncə
vasitəsi kimi istifadə edir. Amma sosial şəbəkədən informasiya
əldə etmək, həmçinin Azərbaycanda və dünyada gedən
prosesləri izləmək, paylaşmaq daha əhəmiyyətli və daha
153
vacibdir. Bu barədə Sizin fikirlərinizi dinləmək, tövsiyələrinizi
eşitmək bizlər üçün maraqlı olardı.
İ l h a m Ə l i y e v: Sosial şəbəkələr nisbətən yeni bir
anlayışdır, dünyada geniş şəkildə yayılır. Azərbaycan açıq
dövlətdir, cəmiyyətimiz açıq cəmiyyətdir, bütün azadlıqlar var,
heç bir məhdudiyyət yoxdur. Hər şey ancaq qanun çərçivəsində
olmalıdır. Əgər hər şey qanun çərçivəsindədirsə, heç bir
məhdudiyyət ola bilməz. Bizdə mətbuat azadlığı, vicdan
azadlığı, bütün siyasi azadlıqlar vardır. Azərbaycanda internet
azaddır. Əgər ölkələrin statistikasına baxsaq – yəni harada
internet azaddır, harada yox – görərik ki, heç də hər bir dövlətdə
azad internet yoxdur. Məhdudiyyətlər, qadağalar vardır. Bizim
dövlət siyasətimizin bu istiqamətdə fəaliyyəti tamamilə şəffaf
və açıqdır. Mən çox istərdim ki, ilk növbədə bu şəbəkələrdən
informasiya, bilik əldə edilməsi üçün istifadə olunsun.
Çox istərdim və xüsusilə mənim gənclərə müraciətim ondan
ibarətdir ki, ölkəmiz haqqında dolğun məlumatı, bax, bu sosial
şəbəkələr vasitəsilə dünyaya çatdırsınlar. Bəzi hallarda
Azərbaycan haqqında qəsdən formalaşdırılan rəy reallıqla
tamamilə ziddiyyət təşkil edir. Nə üçün bu rəy formalaşdırılır,
biz bunu da bilirik, bunu kim formalaşdırır, biz onu da bilirik.
Bir tərəfdən, dünya erməniliyi, erməni lobbisi Azərbaycanı
ləkələmək üçün, digər tərəfdən, Azərbaycan reallıqlarını həzm
edə bilməyən bəzi siyasi və ictimai qurumlar. Üçüncü təbəqə,
onu da biz açıq deməliyik, islamofobiya xəstəliyinə düçar
olmuş bəzi dairələr, qeyri-hökumət təşkilatlarıdır ki, onların
gündəlik fəaliyyəti Azərbaycanı qaralamaqdan ibarətdir. Mən
onların adlarını heç çəkmək də istəmirəm. Ancaq deyə bilərəm
ki, onların heç bir şantaj cəhdləri uğur gətirməyəcək, bütün
səylər əbəsdir. Ancaq bu var və biz öz ölkəmizi, öz
mədəniyyətimizi təbliğ etmək üçün sosial şəbəkələrdən geniş
şəkildə istifadə etməliyik. Dövlət bu istiqamətdə öz fəaliyyətini
aparır – xaricdə müxtəlif tədbirlər keçirilir, diaspor təşkilatları
güclənir, səfirliklər öz fəaliyyətlərini göstərir. Mən bilirəm,
xaricdə oxuyan gənclərimiz də çox fəaldırlar, sərgilər, tədbirlər,
154
konsertlər keçirirlər. Xarici qonaqları dəvət edirik. Bu günlərdə
II Beynəlxalq Humanitar Forum keçirilmişdir. Cəmi 2 il
ərzində biz öz təşəbbüsümüzü real, konkret formata çevirdik.
Forumda 10 keçmiş prezident, 11 Nobel mükafatı laureatı,
yüzlərlə siyasətçi, ictimai xadim iştirak etmişdir. Bu gün və
dünən onlar bölgələrə səfərlər ediblər, bölgələrlə tanış olublar.
Bu bizim əlimizdə olan çox güclü bir tanıtma imkanımızdır.
Misal üçün, bu foruma 600 nəfər gəlib, hansısa başqa tədbirə
ola bilər 200 nəfər gəlir. Sosial şəbəkələr vasitəsilə minlərlə,
milyonlarla insan Azərbaycanla tanış ola bilər. Ona görə
gənclərdən xahişim ondan ibarətdir ki, sosial şəbəkələrdən bu
məqsədlə istifadə etsinlər, öz ölkəsi ilə fəxr etsinlər, öz ölkəsi
haqqında dolğun, dəqiq, qərəzsiz məlumat ötürsünlər. Bütün
dünya da bilsin ki, insanların sərbəst, bütün xalqların
nümayəndələrinin bir ailə kimi yaşadığı belə bir ölkə var –
Azərbaycan! Bu da, əfsuslar olsun ki, heç də hər bir ölkəyə xas
olan məsələ deyildir. Azərbaycanda inkişaf, tərəqqi var və
gələcəyə baxışlar da çox nikbindir.
Mən sizi bir daha ürəkdən salamlayır, sizə uğurlar arzu-
layıram. Sağ olun.
Dövlət Bayrağı Meydanı ilə tanışlıq
Azərbaycan prezidenti İlham Əliyev oktyabrın 7-də
Tərtərdə Dövlət Bayrağı Meydanında yaradılmış şəraitlə tanış
olmuşdur.
Prezident İlham Əliyevə məlumat verildi ki, şəhərin Bərdə
istiqamətindəki girişində 1 hektara yaxın ərazidə yaradılmış
Dövlət Bayrağı Meydanı yüksək səviyyədə inşa edilib. Burada
quraşdırılan bayraq dirəyinin hündürlüyü 65, bayrağın
uzunluğu 14, eni isə 7 metrdir. Dövlət bayrağı Tərtərin bir çox
yerindən aydın görünür. Düşmən tapdağında olan torpaq-
larımızla az bir məsafədə yerləşən möhtəşəm meydanda
Azərbaycanın Dövlət bayrağının dalğalanması qürurverici
haldır.
Dostları ilə paylaş: |