66
NAXÇIVAN DÖVLƏT UNİVERSİTETİ. ELMİ ƏSƏRLƏR, 2017, № 3 (84)
NAKHCHIVAN STATE UNIVERSITY. SCIENTIFIC WORKS, 2017, № 3 (84)
НАХЧЫВАНСКИЙ ГОСУДАРСТВЕННЫЙ УНИВЕРСИТЕТ. НАУЧНЫЕ ТРУДЫ, 2017, № 3 (84)
FƏRİDƏ SƏFƏROVA
seferova05@gmail.com
Naxçıvan Dövlət Universiteti
UOT:
615.919
NAXÇIVAN MUXTAR RESPUBLİKASI FLORASINDA YAYILAN
BADIMCANKİMİLƏR - SOLANACEAE ADANS. FƏSİLƏSİNİN
ZƏHƏRLİ NÖVLƏRİNİN TİBBDƏ ROLU
Açar sözlər: Zəhərli bitkilər, Naxçıvan Muxtar Respublikası, Hyoscyamus niger, Solanaceae
Adans.
Key words: Poisonous plants, Nakhchivan Autonomous Republic, Hyoscyamus niger,
Solanaceae Adans.
Ключевые слова: Ядовитые растения, Нахчыванская Автономная Республика,
Hyoscyamus niger, Solanaceae Adans.
Badımcankimilər - Solanaceae Adans. fəsiləsi dünyada geniş yayılmışdır. Növlərinin çoxuna
Mərkəzi və Cənubi Amerikada, həmçinin Avstraliyada təsadüf edilir. Yer üzərində bu fəsiləyə
2900-ə qədər növ daxildir. Azərbaycanda 10 cinslə təmsil olunmuş 25-ə qədər növünə, Naxçıvan
Muxtar Respublikasında isə 8 cinsə aid olan 19 növünə rast gəlinir. Bu növlərdən 3 cinsə mənsub
olan 3 növünün tərkibi bioloji aktiv maddələrlə zəngindir və tibbdə istifadə olunur. Bu bitkilər
Dəlibəng - Datura L. cinsinə aid Adi dəlibəng-Datura stramonium l., Batbat - Hyoscyamus L.
cinsinə aid Qara batbat - Hyoscyamus niger l. və Qaragilə - Solanum L. cinsinə aid Aci - şirin
qaragilə - Solanum dulcamara l. növləridir ki, məqalədə bunların kimyəvi tərkibi, təbii ehtiyatı və
tibbi əhəmiyəti araşdırılmışdır.
Adi dəlibəng-Datura stramonium l. Adi dəlibəng Badımcankimilər- Solanaceae Adans.
fəsiləsinin Dəlibəng-Datura L. cinsinə daxildir. Cinsin Yer kürəsinin bütün tropik və isti zonalarında
yayılmış 15-20 növündən Qafqazda 4, Azərbaycanda və o cümlədən Naxçıvan MR-də bir növü vardır.
Yabanı halda Azərbaycanın bir çox, xüsusən aran rayonlarından başlayaraq (Kür-Araz ovalığı) aşağı
dağ qurşağı rayonlarına kimi ərazilərdə, həmçinin Naxçıvan MR-in bütün rayonları ərazisində
yayılmaqla, alaq bitkisi kimi əkin yerlərində, çəpər dibində, yol kənarında tez-tez rast gəlinir.
Adi dəlibəng birillik ot bitkisi olub, 1-1,5 m-ə qədər hündürlükdə dikduran, yuxarıdan budaq-
lanan yerüstü gövdəyə malikdir. Gövdənin üzərində iri, növbəli düzülmüş itiuclu, yumurtaşəkilli,
uzunsaplaqlı, kənarı qeyri-bərabər parçalanmış, üst tərəfdən tünd-yaşıl, alt tərəfdən yaşıl yarpaqları
vardır. Cavan yarpaqları tükcüklü, zəif iyə və xoşa gəlməyən acı-duzlutəhər dada malikdir. Çiçək-
ləri çox iri olub, qıfa bənzəməklə, yarpaqların qoltuğunda tək-tək yerləşmişdir. Kasacığı 5 kasa
yarpağından ibarətdir, bu yarpaqlar 3-5 sm uzunluğunda olub, boru əmələ gətirir. Tacı iridir, 5 ədəd
olub, ağ rəngli ləçəkdən təşkil olunmuşdur. Ləçək yarpaqları 10 sm-ə qədər uzunluqda olub,
bitişərək boru əmələ gətirir. Erkəkcikləri 5 ədəddir. Dişiciyi 2 meyvə yarpağından təşkil olunmaqla,
üst yumurtalıqlıdır. Meyvə yumurtaşəkilli, çoxtoxumlu, iri, 4 yerə ayrılan qutucuq olub, üzərində
çoxsaylı itiuclu tikanları vardır. Yetişdikdə boz-qonur rəng alır. Bitki iyun-sentyabr aylarında çiçək
açır, meyvələri isə oktyabr ayında yetişir. Zəhərli bitkidir. Adi dəlibəngin təbii ehtiyatı boldur.
Bitkinin yarpaqlarında 0,30-0,75% zəhərli alkaloidlər: hiosiamin, az miqdarda skopolamin
vardır. Eyni zamanda gövdəsində 0,15%, kökündə 0,12-0,27%, toxumlarında isə 16-25% yağ,
0,22% alkaloid vardır. Bu alkaloidlərdən ən mühümü hiosiamindir. Hiosiamin alkaloidi dəlibəngin
yarpağını toplayıb qurutduqda öz izomeri olan atropin alkaloidinə çevrilir. Beləliklə, adi dəlibəngin
tərkibində əsas təsiredici maddə atropin qruplu alkaloidlərdir. Bu bitkinin aktiv maddələri tropan
sırası alkoloidlərinə aid olan hiostimin, skopolamin və atropindir. Tərkibində atropin olduğundan
astmada, spazmlarda, danışığın və udqunmanın spastik pozulmasında, miqrendə uzunmüddətli
spazmlarda istifadə olunur. Bronxial astma xəstəliyində istifadə olunan “Astmatol” siqaretinin
tərkibində 50% dəlibəng bitkisinin yarpağından istifadə olunur.
67
Bronxial astma xəstəliyində dəlibəng bitkisinin qurudulmuş yarpaqlarından (Fol. Stramonii)
50 q, sürvənin yarpağından (Fol. Salvia) 5 q, kalium-nitratdan 10 q, kamfora yağından 2,5 q
götürülərək qarışdırılır. Bu qarışıqdan bir çay qaşığı götürərək yandırıb, sonra onu iyləmək müsbət
təsir edir. Dəlibəng bitkisi zəhərli olduğundan ondan hazırlanmış preparatlar yalnız həkim təyinatı
və nəzarəti ilə qəbul olunmalıdır. Elmi təbabətdə dəlibəngin yarpağından atropin-sulfat adlanan
preparat şəklində eləcə də tinktura formasında mədə-bağırsaq və göz xəstəliklərinin müalicəsində
istifadə olunur. Dəlibəng yarpağından hazırlanmış tinktura isə homeopatiya, ruhi və əsəb xəstəlik-
lərində, eləcə də iflicdə sakitləşdirici dərman kimi işlədilir. Dəlibəng çox zəhərli olduğu üçün ondan
xalq təbabətində istifadə edilmir. Dərman məqsədilə bitkinin yarpaqlarından (Fol. Stramonii) və
meyvəsindən (Fruct. Stramonii) istifadə olunur. Yarpaqları açıq günəşli havada bitki çiçək açan
dövrdə toplanılır, gün düşməyən yerlərdə və havası tez-tez dəyişdirilən binalarda qurudulur.
Qara batbat-Hyoscyamus niger l. Qara batbat Badımcankimilər-Solanaceae Adans. fəsiləsinin
Batbat - Hyoscyamus L. cinsinə daxildir. Cinsin Kanar adalarında, Avropada, Şimali Afrikada və
Asiyada yayılmış 20 növündən Qafqazda 5, Azərbaycanda və o cümlədən Naxçıvan MR-də 3
növünə rast gəlinir. Düzənlik ərazilərindən başlayaraq, orta dağ qurşağına qədər yayılmışdır.
Əsasən alaqlı yerlərdə, yol və arx kənarlarında bitir.
Qara batbat mil kök sisteminə malik ikiillik ot bitkisidir. Gövdə və yarpaqları yapışqanlı olub,
xoşagəlməyən iyi vardır. İnkişafının birinçi ili üst səthi tünd-yaşıl, alt səthi isə bozumtul-yaşıl rəngli, iri
və uzun saplaqlı kökətrafı yarpaqları rozet əmələ gətirir. Kökətrafı yarpaqlarının ayası uzunsov
yumurtavaridir, kənarları lələkvari bölümlüdür. İnkişafının 2-ci ilində hündürlüyü 20-100 sm-ə çatan
və çox, budaqlanan yerüstü gövdə əmələ gətirir. Gövdə yarpaqları oturaqdır, növbəli yerləşir və qaidə
hissəsi ilə gövdəni əhatə edirlər. Yarpaq ayası üçbuçaq formalı iri paycıqlara ayrılmışdır. Yarpaqların
üzəri 2 tip tükçüklərlə: sadə və vəzili başçığa malik (hər iki tip tükçüklər çoxhüçeyrəlidirlər) örtulur.
Yarpaq ayasının bu hüceyrələrində prizmatik və ya kubşəkilli formaları olan kalsium oksalat
kristallarının olması xarakterikdir. Gövdənin yuxarı yarpaqlarının qoltuğunda qırmızımtıl damarlıdır.
Bozumtul-sarı ləçəkli və iri borucuqlu çiçəkləri vardır. Çiçəkləri ikicinsli və aktinomorfdur. Beş kasa
yarpağının birləşməsindən əmələ gəlmiş kasaçığa, 5 bitişik ləçəkli-borucuqlu çiçək taçına malikdir. Beş
erkəkciyi və bir dişiciyi vardır. Dişicik sütunçuğu iki payçıqlı ağızcıqla qurtarır. Yumurtalığı
ikiyuvalıdır. Meyvəsi küpəşəkilli qutucuqdan ibarətdir. Qutucuğun üst tərəfində qapaq yerləşir.
Çoxtoxumludur, xırda, girdə və bozumtul toxumlarının səthi kələ-kötürdur.
MDB ölkələri, Almaniya, Bolqariya, Polşa və bir çox digər ölkələrdə dərman məqsədi ilə
Hyoscyamus çinsinin yalnız Hyoscyamus niger L. növündən istifadə edildiyi halda, Çin təbabətində
bununla yanaşı H. pusillus L. növündən də istifadə edilir. Hyoscyamus bohemicus F.W. Schmidt
növünün də istifadəsi qara batbatla eynidir. Qara batbatın ehtiyatı çoxdur.
Qara batbat yolların və arxların kənarlarında daha intensiv inkişaf etmişdir. Ona bəzən seyrək
meşəliklərdə, çəmən-kolluqlarda, çay vadilərində də rast gəlinir. Naxçıvan MR-in Nehrəm,
Qaraçuğ, Əliabad, Cəhri, Gülşənabad, Qarabağlar, Xok, Buzqov, Böyükdüz, Havuş, Başkənd,
Teyvaz, Milax, Biləv, Behrud, Parağa, Nüsnüs, Nəsirvaz, Boyəhməd və digər ərazilərdə ehtiyatı
kifayət qədərdir. Yayıldığı sahələrdə tək-tək və qruplar halında bitir. Bəzən sıx cəngəlliklər də
əmələ gətirir. Belə sıx cəngəllik Ordubad rayonunun Nüsnüs kəndi ilə “Fəhlə dərəsi” arasında, mal-
qara saxlanılan ferma sahəsində yerləşir. Buradakı hündür və sıx cəngəllik olduqca xarekterikdir.
Digər maraqlı sahə Culfa rayonunun Ərəfsə və Ləkətağ kəndləri arasında qeyd olunmuşdur.
Bitkinin bütün hissələrində, o cümlədən də yarpaq və köklərində alkaloidlər - hiossiamin,
atropin, skopolamin (hiossin), apoatropin, apokiossin və belladonin, flavonoidlər (xüsusən rutin)
aşkar edilmişdir. Alkaloidlərin ümumi miqdarı bitkinin köklərində 0,15-0,18%, gövdəsində 0,02%,
yarpaqlarında 0,045-0,1%, toxumlarında isə 0,06-0,1% təşkil edir. Toxumlarının tərkibində 34%
piyli yağ (olein, linolen və s.) vardır.
İstifadə olunan hissəsi həm rozet, həm də gövdə yarpaqlarıdır. Toplanmış xammal (külləmə
xəstəliyinə tutulmuş yarpaqları, o cümlədən digər xəstə yarpaqları toplanmır) havası yaxşı dəyişilə
bilən kölgəli yerlərdə, yaxud quruducularda 40
o
C-də qurudulur. Qatlayan zaman mərkəzi damarı
sınarsa, xammal qurumuş hesab edilir. Bitki çox zəhərli olduğu üçün onu toplayan və ya qurudan
zaman ələ, gözə, ağıza və buruna toxundurmamalı, işi qurtardıqdan sonra isə yaxşı yuyunmaq
Dostları ilə paylaş: |