Onların hamısı eksperimental elmi yüksəyə qaldırır və fəlsəfə ilə
dəqiq elmlər arasında hər çür sədd çəkməyə şübhə ilə
yanaşırdılar. Onlar təbiət elmlərinin tənqidi və eksperimental
ruhunu fəlsəfəyə keçirməyə çalışırdılar».'^*
Praqmatizmin yaradıcılarından biri U.Ceyms bu təlimi daha
ətraflı şərh etdiyi «Praqmatizm» əsərinin (1907) «Təfəkkürün
bəzi köhnə üsulları üçün yeni ad» sərlövhəsində göstərirdi ki, bu
əsəri «ağılın praqmatik açıqlığını ilk dəfə öyrəndiyim C.Stüart
Millə» həsr edirəm. Burada U.Ceyms praqmatizmin Britaniya
empirizmi ənənəsi ilə əlaqəsini göstərir. Praqmati- stin etdiyi ilk
iş odur ki, ənənəvi empirizmdə olduğu kimi, faydalı anlayışlar
təcrübəyə əsaslanmalıdır, necə ki, xeyir gətirən hərəkət onun
nəticəsi ilə yoxlanılır. U.Ceyms utilitarist kimi çıxış edirdi.
«Rasionallıq hissi» əsərində (1879) U.Ceyms özünün əsas
tezisində göstərirdi ki, insan hiss üzvlərinin verdiyi faktiki mə-
lurnatlardan kənara çıxa bilməz. O, ölümündən sonra çap olunan
«Radikal empirizm oçerkləri» kitabında (1912) yazırdı: «Mənim
tezisim belədir ki, əgər biz dünyada guya yalnız bir ilkin maddə
və yaxud material olması ehtimalından başlasaq, hər şeyin ondan
ibarət olduğunu desək, əgər onu «təmiz təcrübə» adlandırsaq,
onda idrakı təmiz təcrübəni təşkil edən bütün hissələrin daxil ola
biləcəyi xüsusi bir münasibət kimi sadə izah etmək mümkün
olardı».'”
Praqmatizm ilə absolyutizm arasında yalnız xarici oxşarlıq
olmadığını daha yaxşı C.Dyüinin fəlsəfəsi göstərdi. O, özünün
keçdiyi yolu iki sözlə ifadə etmişdi: «absolyutizmdən eksperi-
mentalizmə». Fəlsəfəyə maraq onda Hekslinin fiziologiyaya aid
əsərləri ilə tanışlıqdan sonra yaranmışdı. Sonra Hegelin fəlsəfəsi
ona daha çox təsir göstərmişdi. Onun fikrincə Hegel «Mən» ilə
dünya, ruh ilə bədən, Allah ilə təbiət münasibətlərindəki
arakəsmələri sındırdı. Bu arakəsmələr insan ruhunu yerdə qalan
təbiətdən təcrid edirdi. C.Dyüinin fəlsəfəsində Hegelin göstərdiyi
bu vəhdət naturalist terminlər ilə ifadə edilirdi.
Dostları ilə paylaş: