Müasir sənayeləşmə İngiltərədə XVIII əsrdə baş verən
«sənaye inqilabı» nəticəsində meydana gəldi. Bu termin ilə
yaşamaq üçün lazım olan vəsaitin əldə edilməsi üsullarında baş
verən bir sıra mürəkkəb texnoloji dəyişikliklər ifadə edilirdi. Bu
dəyişikliklər - yeni maşınların ixtira edilməsi (məsələn, toxuma
dəzgahı), istehsalatda yeni enerji mənbələrindən istifadə
edilməsi (xüsusən su və buxardan), həmçinin istehsalı
təkmilləşdirmək üçün elmi metodların tətbiq edilməsi ilə
əlaqədardır. İndustrial cəmiyyətlərdə texnoloji yeniləşmə tempi
ənənəvi cəmiyyətə nisbətən daha yüksəkdir. Belə ki, bu sahədə
ixtira və kəşflər başqa sahələrdə daha çox kəşflərə gətirib
çıxarır.
İndustrial cəmiyyətin daha bir xüsusiyyəti - ənənəvi idarə
formasına nisbətən daha inkişaf etmiş və təsirli siyasi sistem ilə
bağlı olmasıdır. Ənənəvi sivilizasiyalarda siyasi hakimiyyətin
kral və yaxud imperatorun simasında müstəqil məntəqələrdə
yaşayan əhalinin əksəriyyətinin davranış və adətlərinə praktiki
olaraq birbaşa təsir etmək imkanı olmur. Sənayeləşmə prosesi
ilə əlaqədar nəqliyyat və rabitə daha sürətli olur ki, bu da «milli»
birliklərin böyük inteqrasiyasına təkan verir. İndustrial
cəmiyyətlər ilk
Dostları ilə paylaş: 
