3.4.
Ekologiya: sosial-fəlsəfi problemlər
Ekologiya (yun. «oikos» - məskən, yer) təbiət ilə cəmiyyət
arasında dinamik tarazlığı saxlamaq məqsədilə canlılar ilə onların
məskunlaşdığı xarici şərait arasındakı qarşılıqlı təsirin
qanunauyğunluqlarını öyrənən elmdir.
«Ekologiya» termini elmə 1866-cı ildə alman darvinist
bioloqu E.Hekkel
(1834-1919) tərəfindən gətirilib.
O,
ekologiyaya orqanizmin xarici aləm ilə olan bütün əlaqələrini
öyrənən elm kimi tərif vermişdir. Xarici aləm deyəndə o, sözün
geniş mənasında mövcud olmağın bütün şəraitini, həm üzvi, həm
də qeyri-üzvi aləmi buraya aid edirdi.
Elm kimi ekologiyanın vəzifəsi yalnız fəlakətli nəticələri
aradan qaldırmaq deyil, həm də Yer üzərindəki bütün insanların
və canlı varlığın bioloji və sosial inkişaf şəraitini əhəmiyyətli
dərəcədə yaxşılaşdırmaq məqsədilə ətraf mühitə təsir vasitələrini
axtarmaq və təklif etməkdir.
Ekoloji fəaliyyət elə prosesdir ki, cəmiyyət və təbiət
arasındakı müvazinəti saxlamağa, əgər bu müvazinət pozulubsa
onu bərpa etməyə yönəldilir. Ekoloji fəaliyyətin nəticələri heç də
həmişə qoyulan məqsədə uyğun gəlmir. Əgər bu və ya digər
səbəbə görə məqsədə nail olunmasa, onda müsbət nəticə əvəzinə
təbii mühiti poza bilən nəticə alınması realdır. Bu işdə həddən
artıq diqqətli olmaq lazımdır.
Hava, su və torpağın çirklənməsi iqlim, bioloji növlər, bərpa
olunan və olunmayan təbii ehtiyatlar üçün təhlükə yaradan qlobal
dəyişikliklər - iri tankerlərin qəzaya uğraması nəticəsində neftin
dənizə axması, atom elektrik stansiyalarında baş verən qəza və
yaxud kimya zavodlarındakı fəlakət kimi hadisələr ilə şərtlənmir.
Bu əsasən bizim texnologiyanın normal fəaliyyətindən istifadə
etməyimizin,
sənaye və kənd təsərrüfatının gündəlik
praktikasının, həmçinin bizim adi istehlak vərdişlərimizin
nəticəsidir.
376
Cəmiyyət ilə təbiət arasındakı qarşılıqlı təsirin xarakteri, bir
tərəfdən istehsal üsulu, digər tərəfdən isə daxilində cəmiyyətin
inkişaf etdiyi və təmasda olduğu təbii mühitin xassələri ilə
müəyyən edilir. Qarşılıqlı təsir prosesinin idarə edilməsi həm
istehsala təsir etməklə, məsələn, texnologiyanın dəyişməsi yolu
ilə, həm də təbiətə təsir etməklə, məsələn, canlı ehtiyatlan yenidən
yaratmaq prosesini qaydaya salmaq və idarə etmək metodu ilə
həyata keçirilməlidir.
İnsan müasir sivilizasiyaya təbiəti öz məqsədinə uyğun olaraq
daim dəyişməklə gəlib çıxmışdır. Məlumdur ki, insan dəfələrlə
yaxın məqsədini həyata keçirmək üçün təbiətin dağıdıcı
qüvvələrinin əl-qolunu açmışdır. Bu mənada təbiət insanın ağılsız
hərəkətlərinə görə ondan qisas alır. K.Marks yazırdı:
«...Mədəniyyət kortəbii inkişaf edirsə,
Dostları ilə paylaş: |