93
II FƏSİL: QARIŞIQ KİTAB-2
I BÖLMƏ. SOSİAL ŞƏBƏKƏDƏ YAZILMIŞ QISA
MƏTNLƏR ANTALOGİYASI
Cəmiyyətimiz və yaşlı insanlara hörmət
Doğrudanmı biz yaşlı insanlara: babalara, nənələrə, ata və
analara tam mənası ilə sosial hörmət bəsləyirik və onların
qayğısına qalırıq?! Əsla belə deyil.
Düzdür, ailədə, məişətdə, nəqliyyat vasitələrində qadınlara,
yaşlı atalara, babalara, fiziki cəhətdən qüsurlu insanlara hörmət
edirik. Bir adət olaraq nəqliyyat vasitələrində onlara oturmaq
üçün yerləri təklif edirik. Onların yanında ədəbli və nəzakətli
olmağa çalışırıq. Yaşlı insanlara, qadınlara bu şəkildə hörmət
bəsləməsək qınaq obyekti olmağımızdan ehtiyatlanırıq. Bu,
özlüyündə bir tərbiyədir, yaxşı xasiyyyətdir.
Bəs hörmətsizliyimiz haradadır?
Hamımıza
şahiddir
ki,
küçə
və
prospektlərin
təmizlənməsində, süpürülməsində xüsusilə, yaşlı insanların
əməyindən istifadə olunur. Bu nə dərəcədə düzgündür?! Hər
səhər o başdan (səhər tezdən) əllərində süpürgə və bel olan
yaşlı analar və atalar səsli-küylü, toz-torpaqlı küçələrin
təmizlənməsi ilə məşğuldurlar. Onlar bu yaşda istirahət etmək
əvəzinə, şirin yuxu yatmaq əvəzinə, hətta qışın o sərt
günlərində də küçələrə tökülürlər. Bəs toz udan, gigiyenik
zərbələrə məruz qalan yaşlı insanlarımızın taleyini bu şəkildə
həll etmək hansı ədəb-ərkana sığır? Əlləri belində olan bəylərin
bu yaşlı insanları işlətməsi, onlara qışqıraraq komanda, əmr,
göstəriş vermələri isə daha sarsıdıcı bir mənzərədir.
Bizim o çayxanalarda namusdan, qeyrətdən, tərbiyədən
dəm vuran gənclərimiz haradadır? Nə üçün onlar abadlıq
işlərinə qoşulub yaşlı insanları əvəz etmirlər. Ona görə ki, belə
işlərə aşağı səviyyəli bir iş kimi baxırlar. Lakin aşağı səviyyəli
94
işdən qazanılan ata, ana və baba, nənə çörəyini yeyirlər. Budur,
bizim yaşlı insanlara sosial hörmətimiz. Qadınları, anaları,
babaları aşağı səviyyə hesab edilən işlərdə işlədirik. Hansı
mental dəyərdən söhbət gedə bilər?! Nəticələr çıxarılmalıdır.
Yazılma tarixi-01 may 2015-ci il
Dünyanın “Siyasi bel qurşağı”nın bəzi problemləri
Siyasi bel qurşağında güc çoxdur, lakin rasionallıq və
sistemlilik zəifdir. Qəribəsi də odur ki, burada din və fəlsəfə,
həm də elm var. Beşik mövcuddur. Bəs qüsuru yaradan
narahatlıq nədəndir?-Görünür, təbiət də burada önəmlidir.
Günəş burada yaşayan insanları coşqu vəziyyətində saxlayır.
“Bel təzyiqi” güclüdür. Enerji bolluğu var, hər kəs özünü ağıllı
hesab edir. Ətraf mühit çox zəngindir. Başlar bir araya sığmır,
yola getmək çətindir. Bu vəziyyət dünyanın başını (ABŞ və
İngilis dünyası) və ürəyini (Rusiya və slavyam dünyası) də
narahat edir. Bel qurşağında Yaponiya, Çin, Koreya, Vyetnam,
Pakistan, Hindistan, Əfqanıstan, İran, bütün Ərəb dünyası,
Türk dünyası, Aralıq dənizi, Xəzər və Qara dəniz regionları,
Cənubi Avropa, Şərqi Avropa, Qafqaz, Mərkəzi Asiya,
Mərkəzi Amerika və digərləri aiddir.
Yazılma tarixi-26 iyul 2015-ci il
Azadlıq haqqında
Hər bir şəxs müəyyən bir məkan üzərində mövcudluğunu
əks etdirir, yaşayır fəaliyyət göstərir. Hərəkət sferasının sahəsi
şəxsin potensialından, güc və imkanlarından asılıdır. Həm də
məkanda mövcud olan elementlər arasındakı məsafədən
asılıdır. Bu məsafəni güc özünə darta bilir. Burada gücün daha
çox azadlıq məkanı formalaşır. Azadlıq sərbəst məkanda, güc
95
və imkanlar daxilində süni maneələr olmadan hərəkət etmək
sahəsidir. Hərəkət sahəsi şəraitə, zamana bağlı olur. Tələb də
burada rol oynayır. Azadlıq həm də sərbəst ruha bağlıdır ki, bu
da özlüyündə hərəkətlərə rəvac verir. Ümumiyyətlə, azadlıq
sərbəst hərəkət sferasına bağlı olan bir məkan və ruh
anlayışıdır. Azadlıq dəyərdir, çünki insanın enerjisinə bağlıdır.
Azad insan pozitiv və enerjili olur. Azad cəmiyyət sistemli və
hüquq sərhədləri ilə əhatələnən olur. Mədəniyyət, onun tərkibi
olan yaradıcılıq və quruculuq azad cəmiyyətin əsasını təşkil
edir.
Yazılma tarixi-27 iyul 2015-ci il
Kim olursan ol, özün ol!
Deməzdim bu fikir tək mənə məxsusdur. Belə hesab
edirəm ki, bəşəriyyət yaranandan bu fikir var. Fikir
özünüdərkin, özünükimliyin əsasını təşkil edir. Hər bir insan
daxilində kimliyini müəyyən etməlidir. Bu həm də sərhəddir,
əndazədir. Daxilini müəyyən edən şəxs, ölçüsünü bilən şəxs
həyatda daha da uğurludur. Çünki məkanını özü yaxşı bilir.
Bu gün kimliyindən qırağa çıxan, əndazəsini bilməyən, öz
potensialından kənarda olan, "özü" olmaq istəməyən çoxlu
sayda "mütəxəssislər" var. Onlar elə bilirlər ki, qıraqdan onlara
fikir verən yoxdur.
Yazılma tarixi-27 avqust 2015-ci il
Avropanın miqrant problemi
Bu gün Avropanı miqrant problemi kəskin şəkildə əhatə
edir. Almaniya, Serbiya, Yunanıstan və digər ölkələr həyəcan
təbili çalırlar. Avropaya üzümü tutub deyirəm: "O insanlar elə
öz ölkələrində rahat yaşayırdılar. Nə üçün o insanların
yaşadıqları ölkələri, cəmiyyətləri alt-üst etdiniz? Qədim Şərqə
Dostları ilə paylaş: |