Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII * * * - Bəli! Qadın çığırtısı səsi gəlib. Bunu eşidən olub. Çığırtı tez də kəsilib. - O vaxt biz konsertə baxırdıq. Nə qışqırtı ola bilərdi?... Hə! Arada bir dəfə Fəzayə həyətə düşmüşdü. Mikayıl da açıq qapının ağzında durub gah televizora, gah da həyətə baxırdı. Fəzayə gecələr həyətə düşəndə yaman qorxurdu. Şəhərli qızı idi axı. Birdən o, Mikayılı çağırdı, ya bəlkə də qışqırıbmış, deyə bilmərəm. Televizorun səsindən yaxşı eşitmədim. Mikayıl bərkdən soruşdu ki, nə oldu? Fəzayə tələsik evə girdi və dedi ki, başımın üstündən yarasa uçdu, ona görə qorxdum... Demək belə! Başqa cür ola da bilməz. Ancaq, bu işıqucu da əlimizdən belə çıxdı. O qoca həyətdə olanda eşitdiyi səs həmin bu qışqırtı olub. Fəzayə yarasadan qorxub qışqırıbmış. Əgər belədirsə, Təranədən və onunla əlaqədar Oqtaydan şübhələnməyə dəyməz. Ya bu cinayəti Seyidovun dediyi kimi, Ağasəməd törədib, ya da Ağasəməd həyətdən çıxandan sonra kimsə ora gəlib. Ancaq əsas məsələ də odur ki, kim?.. - Onlan Ağasəməd öldürməyib? - deyə Təranə qəfildən soruşdu. Onun gözlərinin içinə baxdım. Bu gözlərdə kədər də var idi, qorxu da. Ancaq yox! Kim nə deyir desin, o bu sualı ürəkdən, səmimiyyətlə verdi. Onu bir bacı kimi maraqlandırırdı ki, qardaşını Ağasəməd öldürüb, yoxsa başqası? - Bilmirəm! - dedim. - Siz məndən də şübhələnirdiz? - sakitcə soruşdu. - Necə deyim? İstər-istəməz sizdən şübhələnməliydim. Tibb ekspertimiz cinayətin törənmə vaxtını elə müəyyənləşdirib ki, bu müddət sizin orada olduğunuz vaxtla təxminən üst-üstə düşür. Digər tərəfdən bu qışqırıq səsi... Təranənin gözləri doldu. - Mən Mikayılın barmağına tikan batmasına da razı olmazdım. Onu qardaşlarımın ikisindən də çox istəyirdim. Onlan öldürən alçağı əlimə versələr onu dişlərimlə parça-parça eləsəm də ürəyim uf deməz. Qardaşım heç kəsə pislik eləməmişdi...- azacıq susub yenə danışmağa downloaded from KitabYurdu.org downloaded from KitabYurdu.org VII * * * başladı: - Elə hesab eləyin ki, daha həyatım puç olub. Bu yandan Oqtay da həmin gün onların evində olmağıma görə məni tənələyir. Deyir qardaşmgilə getməyə vaxt tapdın. Yad kişilərin məni istintaq eləməsindən də çox əsəbiləşir. Çalışın ki, məni daha bu işə qatmayın. Xahiş edirəm! Mənim ailəmin dağılmağına razı olmayın! Əlləri ilə üzünü örtüb hönkürtüylə ağlamağa başladı. Ağladıqca ətli çiyinləri atılıb-düşürdü. - Ağlamayın, - dedim. - Qardaşınızın qatilini mütləq tapacağıq. Ancaq gərək siz də bu işdə bizə kömək edəsiniz. Yaylığı ilə gözlərini qurulayıb üzümə baxdı: - Mən nə kömək edə bilərəm? - Sizin fikrinizcə bu cinayəti kim etmiş olar? - Nə bilim... Deyə bilmərəm... - Paşadan, ya Namiqdən şübhələnmirsiz ki? Bu dəfə çiyinlərini çəkdi. - Bəs Ağasəməd necə? - Ondan şübhələnirəm. O gecə o məni görəndə özünü itirdi. - Axı onun deməyinə görə, o hətta sizinlə zarafat da edib. Deyib ki, bu nədir, islanmış cücəyə dönmüsən. - Özünü itirib söz tapmadı deməyə. Ona görə elə dedi. Qardaşımı o öldürüb! Ondan nə desən çıxar. - Bizim Cinayət Axtarış bölməsinin rəisi Təyyar müəllim də ondan şübhələnir. Axı Ağasəmədin arvadı təsdiq edir ki, ərinin evdən çıxmağı ilə qayıtmağı bir olub. Çünki o, Mikayılgili səsləyibsə də cavab verən olmayıb. Təranə birdən qəzəblə dilləndi: - Yalan deyirlər! Həbibə kimi həyasız, araqarışdıran qadın bütün kənddə yoxdur. Onlar yəqin ki, sözü bir yerə qoyublar. Təranə ilə söhbəti bitirib rayon mərkəzinə qayıtdım. Namiqgildə və məktəbdə apardığım sorğu- sual barədə mayor Seyidova məlumat verdim. Təyyar müəllim o saat Ağasəmədi kabinetə gətirməyi tapşırdı. Onu özümlə gətirib içəri saldım və keçib oturdum. Axşam Ağasəmədin başına elə oyun açmışdılar ki, indi də ayaq üstə güclə downloaded from KitabYurdu.org downloaded from KitabYurdu.org VII * * * dururdu. - Hə, nə fikirləşdin Ağasəməd? - Seyidov istehza ilə soruşdu. - Nə fikirləşəcəm, başına dönüm? - Deyirdin Nəcməddinin nə qədər pul gətirməsindən xəbərin yoxdur, hə? - Xeyr, mən hardan bilim, axı? - Xəbərin var ki, öz işini dolaşdırırsan? Sən Paşaya deməmisən ki, Nəcməddin on min dollar pul gətirib Mikayıl üçün? Deməmisən ki, onun yerində olsaydım maşın alardım? Gətirim üzləşdirim sizi? Ağasəməd başını aşağı saldı. Seyidov qalxıb onun yanma gəldi. Əli ilə çənəsindən tutub yuxarı qaldırdı. - Səni elə hala salaram ki, sınmayan sümüyün qalmaz. Nə soruşurlar düzgün cavab ver! Ağasəməd yalvarmağa başladı: - Qələt eləyib yalan demişəm. Qorxudan elə dedim ki,məndən şübhələnməyəsiz. Ancaq o əsgərlikdə olan oğlumun ölümü üçün mənim bu işdən xəbərim yoxdur. - Hansı işdən? - Ölüm işindən. Möhkəm yağış yağırdı. Çağırdım eşitmədilər, qayıdıb getdim. - Pulun qədərini kimdən eşitmişdin? - Mikayılın özündən! Dedim Nəcməddin pul gətiribsə evini düzəltdir. Dedi cəmi on min pul gətirib. - Dollar? - Yəqin elə olar da... - Ağasəməd, bu cinayəti sənə sübut edəcəyəm. Ancaq gəl xoşluqla boynuna al. - Ay başına dönüm, mən öldürməmişəm axı onları!.. - Bəs kim öldürüb? - Haradan bilim.... - bir az fikirləşib əlavə etdi! - Bəlkə Vaqif öldürüb? - Vaqif kimdi ə? - Seyidov səsini ucaltdı. downloaded from KitabYurdu.org Yüklə 5,01 Kb. Dostları ilə paylaş:
|