Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org VII * * * atasını mənim iştirakımla qəbul etdi. - Mənim oğlum nə edib ki, gətirib bura salmısız? - Fikrət kişi səsi titrəyə-titrəyə soruşdu. - Kənddə bir ər-arvadı öz evlərindəcə öldürüblər. Bəzi şeylərdə oğlundan şübhələnirik. - Mənim oğlum adam öldürməz! - Hamı elə deyir! Ancaq oğlun bir həftə əvvəl öldürülən oğlanla mübahisə edib. Səbəbini demək istəmir. Həm də hiss edirik ki, onun bu işdən xəbəri var. Cinayətkar tapılana qədər oğlunu buraxan deyilik! - Mən şikayət edəcəm! - kişi birdən-birə səsini qaldırdı. - Get haraya şikayət eləyirsən, elə! - Seyidov əli ilə ona otaqdan çıxmağı əmr etdi. - Nəcməddin özünü mərhumların dəfninin yeddi günlüyü mərasiminə güclə çatdırdı. Onun Rusiyadan gəldiyini eşidib kəndə getdim. Söhbətimizdə məlum oldu ki, o, həqiqətən sonuncu dəfə kəndə gələndə Mikayıla pul veribmiş. Ancaq on min ABŞ dolları yox, on min rus rublu. Bu məbləğ isə dollarla müqayisədə xeyli kiçik bir məbləğ idi. Bunu Mikayıldan eşidən Ağasəməd səhvən rubl əvəzinə dollar başa düşmüş və yanlış xəbər onun vasitəsilə ağızdan- ağıza kəndə yayılmışdı. Ağasəməd ilə Vaqifi polis şöbəsində saxlayırdıq. Onları dəfələrlə danışdırmışdıq. Bu müddətdə Həbibə neçə dəfə polis şöbəsinə gəlib başımızı ağrıtmış, Vaqifin qohumları ora-bura əl atıb üstümüzə minnətçi göndərmişdilər. Ancaq Seyidov inadından dönmürdü. Nəyin bahasına olursa olsun, cinayətkan müəyyən edib işi bitirmək istəyirdi. Polis şöbəsinin rəisi polkovnik Əlizadə və əməliyyat işi üzrə rəis müavini mayor Nuriyev də son günlər digər işlərini bir yana qoyub bu işlə məşğul idilər. Paşa, Həbibə, Namiq və onun ailə üzvləri, Ağasəmədin uşaqları və daha başqaları gündə şöbəyə çağırılıb danışdırılırdılar. Prokurorluğun baş müstəntiqi Nadir Təhməzov da əsasən Oqtay və Bafadan, bir dəfə isə Təranəni prokurorluğa çağırıb danışdırmışdı. downloaded from KitabYurdu.org downloaded from KitabYurdu.org VII * * * Ümumiyyətlə, Qaradumanlıda camaat bir-birinə dəymişdi. Bu işlə əlaqəsi olan da, olmayan da səksəkə ilə gözləyirdi ki, onu da nə vaxtsa polis şöbəsinə aparacaqlar. Kənd sakinləri gecələr də narahat yatırdılar. Mən isə gecə-gündüz bilmədən tez-tez kəndə gedir, kimlərisə maşına mindirib ya rəisin, ya mayor Seyidovun, ya da müstəntiq Təhməzovun yanma aparırdım. Əsl cinayətkar isə tapılmırdı ki, tapılmırdı. Bütün rayonu sarsıtmış, hamının müzakirə obyektinə çevrilmiş bu qanlı cinayət hadisəsindən artıq iyirmi gün keçmişdi. Şöbə rəisi əməliyyatda iştirak edənlərin hamısını kabinetinə yığdı. Əsəbiləşdiyi aşkar hiss olunurdu. Hamımızı bir-bir süzüb, nəhayət, baxışlarını mayor Seyidovun üzündə saxladı. - Sənə verdiyim vaxtı neçə dəfə uzatmışam. Mənə elə gəlir ki, daha bəsdir. İndi buyur, axınncı dəfə öz qəti fikrini de! Təyyar müəllim ayağa qalxıb danışmağa başladı. - Son qənaətimizə görə hadisə saat ıı ilə 11.30 arasında olub. Bu eyni zamanda Dadaşovun verdiyi rəyə müəyyən dərəcədə uyğun gəlir. Saat 11-ə kimi Mikayılın bacısı Mikayılgildə olub. Hadisəni o törədə bilməzdi. Çünki Mikayılın Təranədən sonra daha bir qonağı olub və həmin qonaq Mikayılla araq içib. - Bunu nəyə görə qəti deyirsən? - Çünki süfrədə yanmçıq araq şüşəsi və araq stəkanı var idi. - Nə olsun? Araq stəkanı ki bir dənə idi. Bəlkə Mikayıl arağı tək içib? - Axı rəis, araq şüşəsindən üç yüz qram içilib. Ekspert isə göstərir ki, həmin gecə Mikayıl yüz qram araq içib. - Bəlkə araq şüşəsi əvvəlcədən yanmçıq olub? - Əlizadə istehza ilə soruşdu və bizə baxdı. Seyidov əvvəl dinmədi. Sonra bir az fikirləşib dilləndi: - Lap süfrədə oturan qonaq araq içməsə də, o Təranə ola bilməzdi. Mikayıl nə üçün kiçik bacısını stolda otuzdurub arvadını qonşu otaqda yemək yeməyə məcbur edir? - Yaxşı, davam elə! - rəis diqqətini toplayıb qulaq asmağa başladı. downloaded from KitabYurdu.org downloaded from KitabYurdu.org VII * * * - Vurulan zərbələr qüvvətli olub. Bu onu göstərir ki, həmin zərbələri vuran güclü kişi olub. Təranə evdən çıxandan sonra oraya Ağasəməd gəlib. Onun hərəkətləri Təranəyə də şübhəli görünüb. Eyni zamanda onun öz danışdıqları da inandırıcı deyil. O, guya evin qabağında dayanıb Mikayılı səsləyib, ancaq ona heç kəs cavab verməyib. Sual olunur: bəs Ağasəməd nə üçün qapını döyməyib? - Ağasəməd Mikayılı yağışın altında dayanıb səsləyib? - rəis soruşdu. - Xeyr. Mikayılgilin evinin qapısından həyət darvazasına qədər yolun üstü şiferlə örtülüdür. Ancaq Ağasəməd evə məhrəm adamdır. Qapını döyə bilərdi. - Sonra? - Mənim fikrimcə qətli törədən Ağasəməddir. Mikayılgildə olan puldan birinci onun xəbəri olub. Deyib ki, o pullar mənim olsaydı, maşın alardım. Hansı ki, istintaq zamanı o bunu bizdən gizlətdi. Düzdür, Ağasəməd cinayəti boynuna götürmür. Arvadı da onun həmin vaxt evə çox tez qayıtdığını deyir. Ancaq bu bizim üçün əsas ola bilməz. Qaldı Vaqif, doğrusu, o da özünü çox şübhəli apanr. Neçə gündən bəri burada saxlanmağına baxmayaraq Mikayılla nəyin üstündə mübahisə etdiyini demir. İndi şəxsən mənə belə gəlir ki, həqiqətən Vaqiflə Mikayılın arasında heç bir mübahisə olmayıb. Bu Ağasəmədin bizi azdırmaq üçün əl atdığı hiylədən başqa bir şey deyil. Axı Vaqifin guya Mikayılla mübahisə etdiyini bizə o demişdi?! - Əyləş! - rəis üzünü Təhməzova çevirdi: - Siz necə, Nadir müəllim, yenə öz fikrinizin üstündə durursunuz? Baş müstəntiq rəisin yanında oturmuşdu. Nədənsə kədərli görünürdü. Ağır-ağır danışmağa başlayanda da heç kəsin üzünə baxmırdı. - Mən, əlbəttə, Təranədən çox şübhələnirdim. Nəyə görə? Ona görə ki, birinci növbədə Aqşinin verdiyi rəydə göstərilən müddətlə Təranənin Mikayılgildə olduğu müddət üst-üstə düşürdü. Daha sonra ona görə ki, Təranəni ötürən, darvazanı bağlayan olmamışdı. Təranə downloaded from KitabYurdu.org Yüklə 5,01 Kb. Dostları ilə paylaş:
|