Elxan Elatlı o gecə yağIŞ yağirdi
Yüklə 5,01 Kb. Pdf görüntüsü
|
downloaded from KitabYurdu.org Şəkildə gördüyüm Tahirədən əsər-əlamət qalmamışdı. Arıqlamış, gözlərinin altı qaralmış bədbəxt qız başını aşağı dikib dizinin üstünə qoyduğu əllərinə baxırdı. Bizi çox gözlətməyib ağır-ağır sözə başladı: - Həmin gün məktəbdən yenə Zibeydə adlı sinif yoldaşımla birlikdə çıxdıq. Ondan ayrılandan sonra yolun kənannda, səkiyə yaxın dayanmış bir maşından məni çağırdılar. Gördüm ki, Tahirdir. Dalda oturmuşdu. Maşını da üzü çapıqlı bir kişi sürürdü. Sonra onu tez-tez həmin həyətdə görürdüm. Adı Fəzail idi. Tahir dedi ki, atamın dostu hamımızı öz bağına, ad gününə dəvət edib. Atamla anam oraya getdilər. Mənə də tapşırdılar ki, sən dərsdən çıxan kimi səni də götürüb gəlim. Bayaqdan səni gözləyirəm. Mən dedim ki, qoy gedim paltarımı dəyişim. Dedi, lazım deyil, gecikirik. Mən çarəsiz qalıb maşına mindim. Maşın bizi həmin hasarlı həyətə apardı. Evin sahibi həyətə düşdü. O həyətə düşən kimi Tahirlə Fəzail yenə maşına minib getdilər. Həyətdə bağban işləyən kişi qapını bağladı. Mən əvvəl heç nə başa düşmədim. Ancaq sonra ev sahibi məni başa saldı. Ağlayıb darvazaya qaçdım. Bağban ağzımı tutub qollarımı burdu və məni məcbur evə apardı... Evdə mənim yaşda bir qız da var idi. Əyninə bahalı ev xalatı geymişdi. Onun kim olduğunu bilmədim. Axşam qonşumuz Ağaəhməd əmi öz maşını ilə bağa gəldi. Fəzail də onda bağda idi. Onlar həmin qızı Ağaəhməd əminin maşınına mindirib harasa apardılar. Sonra daha onu görmədim... Neçə dəfə qaçmaq istədim. Qoymadılar. Ağaəhməd əmi həmişə ora gələndə imkan tapıb ona yalvanrdım. O da deyirdi ki, səni imkan olan kimi evinizə aparacağam, ancaq ağıllı ol, gözlə... Tahirə sözünü kəsib ağlamağa başladı. Ev sahibi qalxıb əlini onun çiyninə qoydu: - Yaxşı, ağlama, get, qapını ört, yat! Heç kimdən qorxma, səni səhər evinizə özüm aparacam! - Anam, atam bilirlər ki, məni Tahir apanb ora? - qız əlinin dalı ilə gözlərini silib soruşdu. - Yox, bilmirlər. Vaxtı gələndə bilərlər. Get yat! downloaded from KitabYurdu.org downloaded from KitabYurdu.org - Onlan nə vaxt görəcəm? - Sabah görərsən! Tahirə yataq otağına keçib qapını örtdü. Başqalarından hər cür təhqir, ən yaxın adamından xəyanət görmüş bu qızın xilaskarı olan keçmiş polis xəfiyyəsinə az vaxtda isinişməsi və ona dərin məhəbbətlə baxması məni qəhərləndirmişdi. Qasımlı mənalı nəzərlə mənə baxıb başını yellədi. - Tahiri nə üçün öldürdülər? - astadan soruşdum. Biz Tahirənin eşitməməsi üçün yavaş səslə danışırdıq. Qasımlı sanki sualımı eşitməyibmiş kimi söhbətinə davam etdi: - Biz xəstəxanada Tahirin yanında olanda mən onun yarasına baxdım. Yara heç də qorxulu deyildi. Əslində məni yaranın əlamətləri maraqlandırırdı. Onun üzünə tərəf əyiləndə nazik bığının tükləri arasında sağ tərəfdə kiçik qara xal gördüm. Düzünü deyim ki, onda özümü ələ almaq mənim üçün bir qədər çətin oldu. Tahirənin albomundakı kollektiv şəkillərdə Tahir bığsız idi. Necə olmuşdu ki, mən o şəkillərə diqqətlə baxmamışdım. Bu heç də mənim üçün bağışlanan xəta deyildi. Mən tez Bəxtiyarın mənzilində olmaq və şəkillərə bir də baxmaq istədim. Həm də ürəyimə dammışdı ki, Bəxtiyarın başında nəsə bir iş var. Beləliklə biz ora getdik. Nemət müəllim, siz fikir verdinizmi, Mehdiyev açarı qıfıla salıb buranda qıfılın əsas uzun dili şaqqıltı ilə hərəkət etdi. - Başa düşmədim, nə olsun ki? - deyə soruşdum. - Mehdiyev də başa düşmədi. Necə yəni nə olsun? Qapı bayırdan açarla bağlanmışdı. - Demək istəyirsiniz ki, - mən ayağa qalxdım. - Əyləşin! Bəli qapı içəridən cəftə ilə bağlanmışdı, çöldən isə açarla. Qapının qıfılı içəridən bağlansaydı, o, çöldən açılmazdı. Bu qıfılların xüsusiyyəti belədir. Mən otağa girən kimi birinci Tahirənin albomundakı fotoşəkillərə baxdım. Əmin oldum ki, Tahir həqiqətən bığ saxlamağa təzə başlayıb və onun üst dodağından yuxarı sağ tərəfdə kiçik qara xal var. Deməli, Aygünü institut tələbəsi adı ilə yoldan çıxarıb Babaşovun adamlarma təhvil verən də o imiş. Şəxsən downloaded from KitabYurdu.org downloaded from KitabYurdu.org mən buna əmin idim. Daha sonra mən telefon aparatına diqqət yetirdim. Telefonun dəstəyində qurumuş qan izləri nəzərə çarpırdı. Belə ləkələrə telefon dəstəyinin yatağındakı düymələrin birində də rast gəlmək olurdu. Ona görə də ağlıma gəldi ki, Bəxtiyar harasa zəng etmək istəyib, ancaq etməyib. Çünki telefon işləmirmiş. Buna mən mənzildən çıxandan sonra divara göz gəzdirəndə bir daha əmin oldum. Mənzilə gələn telefon xətti kəsilib sonra birləşdirilmişdi. Deməli Bəxtiyar yaralı vəziyyətdə, tələsik telefonun dəstəyini götürübmüş, dəstəkdə siqnal səsi eşitmədiyi üçün düymələri bir neçə dəfə döyəcləmiş, sonra dəstəyi yerinə qoymuşdu. O harasa zəng etmiş olsaydı, nömrə yığan hərləcdə də qan izlərinə rast gələrdim. Bəxtiyar qanlı bıçağın atılıb qaldığı otaqda vurulmuşdu. Qanı axa-axa qapıya qədər gəlib onun cəftəsini keçirmişdi. Cəftədə də qan ləkələri bilinirdi. Deməli, Bəxtiyar qapını vurulandan sonra bağlamışdı. Nə üçün? Məni əsas düşündürən bu oldu. O otaqlarda qanı axa- axa gəzmiş, telefona əl atmış, nəhayət, balkonun pəncərəsini açmağa çalışmışdı. Hətta pəncərənin iki cəftəsindən birini açmışdı. Bunu da pəncərədəki qanlı əl izi sübut edirdi. İkinci cəftəni açmağa taqəti qalmamış, yıxılıb ölmüşdü. O pəncərəni niyə açırdı? Əlbəttə, köməyə adam çağırmaq üçün. Telefonun dəstəyinə də ona görə əl atmışdı. Burada belə bir sual ortaya çıxır: Bəxtiyar intihar etmişsə və ya kimsə onu vurmuşsa, əgər o köməyə kimisə çağırmağı qərara alırsa, niyə qonşunu çağırmır? Əksinə, qapını içəridən bağlayır? Deməli, onun qorxduğu məhz elə qonşusu imiş. Bayırda, telefon məftilinin kəsilib sonradan birləşdirilməsi də bu fikri doğruldur. Məftilə heç kəsin əli çata bilməzdi. Mütləq ayaq altına nəsə qoymaq lazım idi. Bunu isə kənar adamın etdiyinə inanmaq çətindir. Nəhayət, məsələ belə olub: Ağaəhməd Tahiri xəstəxanaya qoyandan sonra evə qayıdıb. O düşünüb ki, Bəxtiyar bu işi belə qoymayacaq və axır ki, Tahirin telefonda Ağaəhmədlə danışdığını öyrənəcək. Qapının zəngini çalıb və Bəxtiyar qapını açıb. Otaqda Ağaəhməd onunla nə söhbət edib bilmirəm, ancaq qəfil zərbə ilə downloaded from KitabYurdu.org Yüklə 5,01 Kb. Dostları ilə paylaş:
|