Ənvər Çingizoğlu ŞUŞA ŞƏHƏRİ
|
Kərbəlayı Mustafanın üçüncü oğlu İbrahim 1820-ci ildə Şuşa şəhərində anadan olmuşdu. Mədrəsə təhsili almışdı. Ticarətlə məşğul idi. Kərbəlayı Qədiməli uşağı (Qədimovlar) Təbrizli məhəlləsində sakin olanlardan biri də Qədiməlidir. Qədiməli “Rastabazar”da baqqal dükanı işlədirdi. Müqəddəs Kərbəla torpağını ziyarət etmişdi. Kərbəlayı Qədiməli Tükəzlə həyat qurmuşdu. Həsən adlı oğlu vardı. Həsən Şuşa şəhərində anadan olmuşdu. Molla yanında oxumuşdu. Ticarətlə məşğul idi. Xorasanın pak torpağını və müqəddəs Məkkəyi-müşərrəfı ziyarət etmişdi. Hacı Həsən Əcəblə ailə qurmuşdu. Hüseyn, Ağakişi, Hümbətəli, Həsənəli adlı oğlanları vardı. Hüseyn 1824-cü ildə Şuşa şəhərində doğulmuşdu. Molla yanında oxumuşdu. Ticarətlə məşğul idi. Müqəddəs Kərbəla torpağını ziyarət etmişdi. Kərbəlayı Hüseynin Cəfərqulu, Abbasqulu, Əliqulu, Hüseynqulu adlı oğlanları vardı. Cəfərqulu 1863-cü ildə Şuşa şəhərində dünyaya gəlmişdi. Molla yanında oxumuşdu. Ticarətlə məşğul idi. Kərbəlayı Hüseynin ikinci oğlu Abbasqulu 1868-ci ildə Şuşa şəhərində anadan olmuşdu. Molla yanında oxumuşdu. Ticarətlə məşğul idi. Kərbəlayı Hüseynin üçüncü oğlu Əliqulu 1870-ci ildə Şuşa şəhərində anadan olmuşdu. Molla yanında oxumuşdu. Kərbəlayı Hüseynin dördüncü oğlu Hüseynqulu 1871 -ci ildə Şuşa şəhərində anadan olmuşdu. Molla yanında oxumuşdu. Ticarətlə məşğul idi. Hüseynqulu Ağca Kərbəlayı Yusif qızı ilə ailə qurmuşdu. * * * *** 186 Hacı Həsənin ikinci oğlu Ağakişi 1839-cu ildə Şuşa şəhərində anadan olmuşdu. Molla yanında oxumuşdu. Ticarətlə məşğul idi. Müqəddəs Kərbəla torpağını ziyarət etmişdi. Kərbəlayı Ağakişinin Şirin, Salman, Süleyman, Şükür, Dadaş adlı oğlanlan vardı. Şirin 1863-cü ildə Şuşa şəhərində doğulmuşdu. Molla yanında oxumuşdu. Ticarətlə məşğul idi. Şirinin Manaf, Lətif, Qulam, İslam adlı oğlanlan vardı. Manaf 1881-ci ildə Şuşa şəhərində anadan olmuşdu. Molla yanında oxumuşdu. Sonra ali məktəbdə təhsil almışdı. Kənd Təsərrüfatı naziri olub. Manaf Xavər Axundova ilə ailə qurmuşdu. Bilqeyis adlı qızı vardı. Bilqeyis Bakı şəhərində doğulmuşdu. Bilqeyis Yusif Məmmədəliyevlə ailə qurmuşdu. Şirinin ikinci oğlu Lətif 1895-ci ildə Şuşa şəhərində dünyaya gəlmişdi. Almaniyada ali texniki məktəb bitirmişdi. SSRİ-yə qayıdandan sonra Nərimanov adına texnikumunda və başqa yerlərdə işləmişdi. Repressiya olunub. 1941-ci ildə həbsxanada vəfat edib. Şirinin üçüncü oğlu Qulam 1903-cü ildə Şuşa şəhərində anadan olmuşdu. Molla yanında oxumuşdu. Ticarətlə məşğul idi. Qulam Kleopatra ilə ailə qurmuşdu. Ramiz adlı oğlu vardı. Şirinin dördüncü oğlu İslam 1907-ci ildə Şuşa şəhərində anadan olmuşdu. Orta məktəbi bitirəndən sonra Leninqrad Politexnik İnstitutuna qəbul olunmuşdu. 1930-cu ildə institutu tamamlamışdı. Həmin il Azərbaycan SSR-nin Kommunal Təsərrüfat Komissarlığının əsaslı tikinti trestinə rəis təyin edilmişdi. Sonra komissarlığın plan-iqtisad idarəsinə rəis dəyişilmişdi. 1941-ci ilədək bu idarədə çalışmışdı. 1932-ci ildə eyni zamanda Bakı Sosial-İqtisad İnstitutunu bitirmişdi. İslam Qədimov 1941-ci ildə cəbhəyə yollanır. 1944-cü ilədək II Dünya müharibəsində iştirak edir. Leytenant rütbəsindən mayor rütbəsinədək yüksəlir. Bir çox döyüş nişanları ilə təltif 187 edilir. 1944-cü ildə Azərbaycan KP MK-nin çağırışı ilə ordudan tərxis olunur. Azərbaycan SSR-nin Komunnal Təsərrüfat komissarı təyin olunur. 1945-ci ildə bu komissarlıq nazirliklə əvəzlənir. İslam Qədimov 1948-ci ilədək Azərbaycan SSR-nin Komunnal Təsərrüfat naziri vəzifəsində çalışır. Bu vəzifədə bir çox dövlət nişanları ilə təltif edilir. 1948-ci ildən 1966-cı ilədək ölkənin bir çox şəhər və rayonlarının tikinti sahələrində rəhbər vəzifələrində işləyir. Bakı Zərif Mahudlar Fabrikinin, Q.Musabəyov adma Mexaniki Zavodun, Şamaxı rəsədxanasının və onlarla respublika əhəmiyyətli tikintinin inşasına başçılıq edir. 1966-cı ildən “Azkəndtikinti” trestinə rəis təyin edilir. Ömrünün sonunadək burda çalışır. İslam Qədimov 1973-cü ildə vəfat edib. İslam öncə bir rus əsilli qadınla, sonra Rövşanə Əliağa qızı Mustafayeva ilə ailə qurmuşdu. Yusif, Oqtay adlı oğlanları, Səidə, Dilarə adlı qızları var. Yusif 1928-ci ildə Bakı şəhərində anadan olub. Orta məktəbi bitirəndən sonra Azərbaycan Politexnik İnstitutuna qəbul olunub. İnstitutu tamamlayandan sonra memar işləyib. Yusif Qədimov körkəmli memardır. Əməkdar memar adma layiq görülüb. Akademikdir. 2009-cu ildə Azərbaycan Memarlar İttifaqı, Dövlət Şəhərsalma və Arxitektura Komitəsinin təsis etdiyi medalla təltif olunub. İslamın ikinci oğlu Oqtay 1932-ci ildə Bakı şəhərində anadan olub. İslamın böyük qızı Səidə 1938-ci ildə Bakı şəhərində dünyaya gəlib. 6 №-li orta məktəbi bitirəndən sonra Azərbaycan Dövlət Universitetinin filologiya fakültəsinə daxil olub. 1963-cü ildə universiteti tamamlayıb. Elə həmin ildən Azərbaycan radiosunda çalışıb. Sonra Azərbaycan Televiziya və Radio Verilişləri Komitəsində dublyaj redaksiyasına dəyişilib. 1969-cu ildə həyat yoldaşı ilə bərabər Kubaya ezam olunub. 1972-ci ildə vətənə dönüb və Azərbaycan Televiziya və Radio Verilişləri Komitəsində rəngli televiziya redaksiyasında redaktor vəzifəsində işləyib. 1977-ci ildən hərbi-vətənpərvərlik redaksiyasında redaktor 188 vəzifəsində çalışıb. 1979-1981-ci illərdə həyat yoldaşı ilə bərabər Əfqanıstan respublikasına ezam olunub. Məzari-Şərif vilayətində rus dili müəllimi işləyib. Ordan qayıdandan sonra, “Azərbaycanfılm” kinostudiyasında sənədli filmlər şöbəsində çalışıb. 1982-ci ildən Azərbaycan Televiziya və Radio Verilişləri Komitəsində - “Drujba” redaksiyasında redaktor işləyib. Burdan da təqaüdə çixib. Azərbaycan Jurnalistlər Birliyinin üzvü, əmək veteranıdır. Səidə xanım Rauf Yaqub oğlu Sücəddinovla ailə qurub. Cavid adlı oğlu, Cəmilə adlı qızı var. İslamın ikinci qızı Dilarə 1944-cü ildə Bakı şəhərində dünyaya göz açıb. 6 nömrəli orta məktəbi bitirəndən sonra Azərbaycan Dövlət Universitetinin filologiya fakültəsinə daxil olub. Müəllim işləyir. Kərbəlayı Ağakişinin ikinci oğlu Salman 1865-ci ildə Şuşa şəhərində anadan olmuşdu. Molla yanında oxumuşdu. Ticarətlə məşğul idi. Salmanın Həmid, Xasay, Cəlal, Camal adlı oğlanları vardı. Həmid Bakı şəhərində doğulmuşdu. Həmid Əminə ilə ailə qurmuşdu. Çingiz, Fuad adlı oğlanları, Fəridə və Fəxrəndə adlı qızları var. Çingiz Bakı şəhərində dünyaya gəlib. Həmidin ikinci oğlu Fuad Bakı şəhərində anadan olub. Orta məktəbi bitirəndən sonra incəsənət institutuna qəbul olunub. Bəstəkar və şairdir. Bəstələdiyi mahnılar Azərbaycanın tanınmış müğənniləri, o cümlədən, Flora Kərimova tərəfindən ifa olunur. Onlardan biri də gözəl musiqisi, mənalı sözləri ilə çoxlarının yaddaşına yazılmış «Dalğalar» mahnısıdır. Adətən, musiqini insan həyatının mənası adlandırırlar. Bu, həqiqətən də, belədir. Məgər musiqisi və sözləri istedadlı Fuad Qədimova aid «Dalğalar» mahnısı bizə ömrümüzün xoş, qayğısız günlərini xatırlatmırmı? Şəffaf bulaq suyu kimi damla-damla qəlbimizə yol tapan bu mahnını eşidəndə özümüzdən asılı olmayaraq dodaqlarımız xəfifcə gülümsəyir. 189 Yüklə Dostları ilə paylaş:
|