126
rətində azca çat olan biri, xırnazlı ola bilməz! Bu dağlar mə-
tinliyi, kişiliyi, dözümü xırnazlılardan öyrəniblər.
Dözmədim:
– İsgəndər baba, sizin qaçaq hərəkatının xirnazlılar bil-
mədiyi sonrakı aqibətini bilmək olarmı?
– Yox... Bu igidliyimizlə indi fəxr etməyə dəyməz –
yetərincə sərt cavab oldu.
– Bəs sizi bir ovuc duza satan o çobanın aqibəti necə
oldu?
– Onu Allaha tapşırdıq. Allah da onu layiqincə cəza-
landırdı. Beş qızı oldu, beşi də qız qarıdı – heç kim bu
şərəfsizin qızını almadı. Beləcə, nəsli yer üzündən itib getdi –
bundan böyük lənət olardımı? Özü də aldığı lənətlərin yara-
sından diri-diri çürüyüb lay-lay ət tökdü, sonra da it kimi
gəbərdi. Heç kim o zibilə əl bulayıb özünün təmiz adını
korlamaq istəmədi, meyidini də it leşi kimi bir çalaya di-
yirləyib quransız-filansız torpaqladılar ki, üfunəti kəndə gəl-
məsin.
İsgəndər kişi acı keçmişi xatırladığından bir qədər yoru-
lana oxşayırdı. Turan, – “Dərmanını verimmi?”. Babası, –
“Hə, birini ver, deyəsən dərdimi təzələdim, yaramın qabığını
qopardım” – dedi. Hərəmiz onun bir qoluna girib yeriməyi-
nə yardım etdik. O, Zibeydənin məzarının başdaşından ar-
xada iri bir daşın üstünə oturub, – “Turan, bax mən dediyim
daş bu daşdır. Mən də cavan vaxtı bu daşın üstündə oturub
çox gözləmişəm...”. Turan, – “Başa düşdüm dədə...” – dedi.
Kəndə qayıdanda artıq gün xeyli əyilmişdi. Kəndin girə-
cəyində bizi Qəniş ağa qarşıladı – mərəvzə qovurması bişirt-
dirib bizi gözləyirdi. Süfrənin ətrafı, yerləşə biləcəyi qədər
xırnazlıyla doldu.
127
İsgəndər kişi:
– Sabah əsgər gedən balamız hanı bəs?
– Evlərindədir, yır-yığış edir.
– Onu çağırın gəlsin bura, yığışmağa vaxtı var hələ...
Fərzalı İsmilin dalınca qaçdı. Bir azdan İsmil gəlib İsgən-
dər kişinin yanında “fərağat” durdu, – “Buyur baba... Məni
çağırtdırmısınız...”
İsgəndər:
– İstədiyin bir qız varmı?
– Yox... hələ tezdir baba... – İsmil qəfil sualdan pört-
müşdü.
– Qəlbidən
28
de, yaxşı eşitmədim!
– Yoxumdur baba... – bu dəfə tək mənə baxdı.
– Yaxşı.., kənddə İsmili sevən bir qız varmı? – hamını
gözdən keçirdi.
Heç kimdən səs çıxmadı.
– Xırnazlı sözü bir dəfə deyir. Dedisə, demək düzünü
deyir. Mən qəbul edirəm ki, sənin sevdiyin və səni sevən
hələki yoxdur. Düzdür, razısan?
İsmil:
– Bəli, elədir baba...
– Ay camaat, bəlkə siz nəsə bilirsiniz – bu oğlanı istəyən
qız, ya da bu oğlanın istədiyi qız varmı? Bilən desin.
Kimsədən səs çıxmayanda:
– Əsgərlikdən qayıdan kimi Türkiyəyə yollanacaqsan.
Orda mənim nəticəm Gülaya ilə evlənəcəksən. (Sonradan
Qəniş ağa qulağıma pıçıldamışdı ki, Gülaya vaxtilə İsgəndər
kişinin sevdiyi qızın adıymış, həm də İsmilin nənəsi – Sa-
28
Ucadan
128
maya xalanın anasıymış) Gülaya ilə birlikdə Xırnaza gələ-
cəksən. Eşitdin!?
– Bəli, eşitdim baba... – Bu dəqiqə İsmilə “öl” deyən
olsaydı, yəqin ki “uf” demədən ölərdi.
– Əgər etirazın və sevdiyin başqası varsa, bir şans da
verirəm, elə indi etiraf elə, ya da dediyimi yerinə yetirə-
cəksən!
– Baş üstə baba. Siz deyən boynumun borcudur. Məslə-
hət sizindir.
– Bir xırnazlı evləndikdən sonra da sevməyi bacarır.
Bizdə keçmişdən bir məsəl vardı, – “Elini hürküt, ancaq
axsağını da buraxma!”. Ailə quranda, gözünüzün qabağında
böyümüş cavanlardan seçin evlənin. Sevgini yalnız Allah
yolunda xərcləyərlər. Sevgi pulla alına bilsəydi, ona bir qara
qəpik də verməzdim. Türkiyədə bir sevilən yazıçı var –
Orxan Pamuk. O deyir ki, – “Eşq evlilikdən sonra gəlir.
Evlənməmişdən qabaq alovlanan eşq yanğısı evlənəndə
sönür, geridə boş və kədərli kül yeri qalır. Əlbəttə, evlə-
nəndən sonra duyulan eşq də tükənir, amma yerini xoş-
bəxtlik tutur. Bəzi tələskən səfehlər evlənməmişdən qabaq
aşiq olub, yana-yana bütün eşqi tükədirlər. Niyə? Çünki ən
böyük məqsədi eşq sayırlar”. Xırnazlı üçün “uşaqların anası”
sözü bəs edər. Kişiyə namus lazımdır. Kişinin namusu
Xırnazdan da, elə özünün kişiliyindən də üstündür. Kişi
olan kəs uşaqlarının anasını hər şeydən üstün tutmalı, onu
ən yaxın köməkçisi və sirdaşı bilməlidir. Türkiyədə qoyub
gəldiklərim də xırnazlıdırlar – vətəndən ayrı düşmüş xırnaz-
lılar. Onların vətənə qayıtması üçün qaynayıb-qarışmalısınız.
Bu üzüyü isə öz xeyir-duam kimi sənə hədiyyə edirəm, – gö-
129
dəkcəsinin cibindəki qırmızı qabı çıxarıb bahalı üzüyü İsmilə
verdi, boynunu əyib alnından öpdü.
İsgəndər kişinin bu sərt qərarından hamının matı-qutu
qurumuşdu. Daşdan iri dağa rast gəldiklərindən ürəklərində
Qəniş ağanın ölənlərinə rəhmət oxuyurdular. Amma Qəniş
ağanın üzü gülürdü – İsgəndər kişidən ağsaqqalığı öyrənir-
di. İsgəndər kişi üzünü nəticəsinə tutdu:
– Bir ayın tamamında isə Turanımın toyudur! Gəlinin
kimliyini bir həftədən sonra özüm deyəcəyəm!
Turan:
– Əmrin başım üstə dədə! – dedi.
Qəniş ağanın gözlərində bir sevinc parladı, – “Bərəkal-
lah, tərbiyəni belə verərlər ey..!” – dedi.
– Sabahdan isə bütün xırnazlılar yığışıb Turana və mənə
bir ev qaralayacağıq. Baxıram hamınızın sifətindən tənbəllik
yağır, deyəsən bir-birinizin hayına biganə olmusunuz! Bu
gecə isə Dostəli balamın evində gecələyəcəyəm.
Heç kim etiraz etmədi. Başqa vaxt olsaydı qonağın qol-
larından o yan, bu yana dartmaqdan qollarını yarım metr
uzadardılar. Elə bil qurbağa gölünə daş atmışdın, İsgəndər
kişinin sözünü döndərən, yəqin ki, bundan sonra da tapıl-
mayacaqdı.
* * *
Sabah ertədən bazar yükümü doldurub, İsmili da götü-
rüb rayona yollandıq. Kəndin bütün arvadları arxamızca su
atdılar. Ağlayanlar yenə bir-birinə qarışmışdı. Qəddini dik
tutan bircə İsgəndər kişiydi.
Dostları ilə paylaş: |