6
ictimaiyyəti, o cümlədən nüfuzlu beynəlxalq təşkilatlar, habelə
dünya miqyasında tanınmış dini liderlər ölkəmizin sülhpərvərli-
yini, tolerantlığını, başqa dinlərlə dialoqa hazırlıq ruhunu etiraf
edir, bunu yüksək dəyər kimi qiymətləndirirlər.
Allahşükür Paşazadə,
bütün Qafqazın şeyxi
Təsadüfi deyil ki, bu gün Azərbaycanda məscidlərlə yanaşı
sinaqoqlar, kilsələr də fəaliyyət göstərir. Müxtəlif dini icmaların
fəaliyyəti azaddır. Dövlətin ayırdığı vəsait hesabına çoxsaylı
kilsələr bərpa olunub.
Hacı Mirəziz Seyidzadə,
Qafqaz Müsəlmanları İdarəsinin keçmiş şöbə müdiri
Tolerantlıq Azərbaycan xalqının xarakterik cəhətidir:
“Azərbaycan müstəqiliyini əldə edəndən sonra dövlətin ideologi-
yasında da əsrlərdən gələn ənənə möhkəmləndirilib. Bir yerdə
yaşamaq, fərqli mədəniyyət və din sahiblərinin birgə yaşayışının
dövlət səviyyəsində rəsmi təsdiqi var və bu Konstitusiyamızda da
təsbit olunub. Yaradılan mühit onu göstərir ki, Azərbaycan bütün
Cənubi Qafqazda tolerantlıq nümunəsidir. Burada fərqli mədəniy-
yətlərin, dinlərin birgə yaşayışının xüsusi modeli bərqərar olub.”
Füzuli Qurbanov,
fəlsəfə doktoru
7
Azərbaycanda dini tolerantlığın formalaşması
T
olerantlıq latınca “tolerare” kökündən törəyib : “dözmək,
səbir etmək, tab gətirmək, göz yummaq, icazə vermək, fikir ver-
məmək, yaxşı qarşılamaq” mənalarını verir. Tolerantlıq türk
dilində “xoşgörü”, ərəb dilində “musamihə” terminləri ilə paralel-
lik təşkil edir. Tolerantlığın xor baxmaq və qadağan etməkdən
başqalarının inanc və düşüncələrinə hörmət etməyə qədər
müxtəlif mənaları mövcuddur.
Tolerantlıq sivil dünyanın demokratik dəyərlər uğrunda
mübarizə salnaməsində xüsusi yer tutur. Hələ qədim zamanlardan
insanlarda bir-birinin fərqli baxışlarına, fikir və düşüncələrinə
dözümlü yanaşma mədəniyyəti formalaşmağa başlamış, zaman
keçdikcə tolerantlıq hər bir cəmiyyətdə sivil harmoniyanın, sülh
və barışın təmin olunmasında həlledici amilə çevrilmişdir.
1995-ci il noyabrın 16-da keçirilmiş YUNESKO Baş Kon-
fransının 28-ci sessiyasında Tolerantlıq prinsiplərinə dair bəyan-
namə qəbul olundu. Bu bəyannamədə vurğulanır ki, “dözümlü-
lük, ilk növbədə insan azadlıqları və universal hüquqların etirafı
əsasında formalaşan fəal münasibətdir”, bununla yanaşı “dözüm-
lülük, insan hüquqlarına dair beynəlxalq hüquq aktlarında
müəyyən olunmuş normaları iddia edən, həqiqətin mütləqləşdiril-
məsindən və ehkamçılıqdan imtina edən bir anlayışdır”.
Azərbaycan tarixən dinlərarası münasibətlərin inkişafında
mühüm rol oynamışdır. Ölkəmizdə həmişə milli dözümlülük, dini
tolerantlıq çox yüksək səviyyədə olmuşdur. Tarixən formalaşmış
bu siyasət müstəqillik dövründə də uğurla davam etdirilir.
Azərbaycan müxtəlif etnik və dini qrupların mehriban
şəraitdə yaşadığı çoxmillətli ölkədir. 1995-ci ildə qəbul olunmuş
Azərbaycan Konstitusiyası mənşəyindən ,vədilindən asılı olmaya-
raq hər kəsin hüquq və azadlıqlarına hörməti təmin edir. Milli
azlıqların cəmiyyətin həyatında, eləcə də ölkə səviyyəsində
keçirilən birgə tədbirlərdə fəal iştirakları Azərbaycanda mövcud
8
olan qarşılıqlı hörmətin əyani göstəricisidir. Ölkəmiz müstəqillik
əldə etdikdən sonra 1993-cü ildən başlayaraq ümummilli lider
Heydər Əliyevin təşəbbüsü ilə milli azlıqların ədəbiyyat, mədə-
niyyət, dil, tarix, adət-ənənələrinin qorunub saxlanmasına, inkişaf
etdirilməsinə qanuni zəmin yaradıb. Heydər Əliyev milli azlıqla-
rın nümayəndələri ilə keçirdiyi ənənəvi görüşlərinin birində
deyib: “Biz Azərbaycan deyəndə onun sərvətini, onun gözəl
təbiətini nəzərdə tuturuq. Lakin bütün bunlarla yanaşı,
respublikanın ən başlıca sərvəti əsrlərdən bu torpaqda yaşayan,
öz taleyini, öz həyatını bu torpağa bağlayan, müxtəlif
millətlərdən olan, müxtəlif dinlərə etiqad edən adamlardır. Ölkə
nə qədər çox xalqı birləşdirirsə , bir o qədər də zəngin olar..”
Azərbaycan Respublikasının otuz ildən artıq bir mərhələsi
ulu öndər Heydər Əliyevin adı ilə bağlıdır. O, cəmiyyətin bütün
sahələrində olduğu kimi, dövlət-din münasibətlərinin tənzimlən-
məsində, dini-mənəvi dəyərlərinin qorunmasında, dini tolerantlı-
ğın möhkəmləndirilməsində müstəsna xidmətlər göstərmiş və bu
sahədə özündən sonra böyük siyasi və dövlətçilik təcrübəsini
miras qoymuşdur.
Azərbaycan xalqının dini cəhətdən tolerant olduğunu respub-
likamıza səfərə gələn tanınmış dünya dini liderləri də qəbul
edirlər. Belə ki, 2010-cu il 26-27 aprel tarixində Bakıda keçirilən
Dünya dini liderlərinin sammitinin iştirakçıları bir daha bunun
şahidi olmuşlar. Moskvanın və bütün Rusiyanın patriarxı Kirill
Azərbaycan Respublikasının Prezidenti İlham Əliyevlə görüşər-
kən ona müraciət edərək ölkəmizdə dinlərarası münasibətlərin
yaxşı olduğunu və bu işdə İlham Əliyevin rolunu xüsusi vurğula-
yaraq demişdir: “Mən dinlərarası münasibətlərdə sizin rolunuzu
xüsusi vurğulamaq istərdim, Azərbaycan dövlətində insanların
əksəriyyəti İslam dininə etiqad edir.Lakin burada pravoslav və
yəhudi icmaları da ənənəvi olaraq mövcuddur və Azərbaycanda
heç vaxt dinlərarası münaqişələr olmamışdır. Müasir
terminologiyadan istifadə etsək, bu gün tolerantlığın yüksək
səviyyədə olduğunu deyərdik.”