Creation Date
:
28/01/2009
PERSONAL ACCIDENTS INSURANCE POLICY WORDING
Print Date
:
31/03/14
AJ0041-EA01CW
Page 11 of 16
Maddə 11 – Sığorta müqaviləsinin qüvvəyə minməsi,
sığortanın müddəti
Müqavilədə başqa cür nəzərdə tutulmamışdırsa, sığorta müqaviləsi sığorta haqqının ilk hissəsinin və ya tam
ödənilməsindən sonra qüvvəyə minir. Sığorta haqqının ödənildiyi gün onun Sığortaçının bank hesabına
daxil olduğu və ya nağd ödəmə zamanı Sığortaçının kassasına daxil olduğu gün hesab olunur.
Əgər sığorta müqaviləsində (şəhadətnaməsində) başqa cür nəzərdə tutulmayıbsa, sığorta təminatı onun
başlanma tarixində saat 00:00-da başlayır və sona çatma tarixində saat 24:00-da sona çatır.
Maddə 12 -
Sığorta müqaviləsinə əlavə və dəyişikliklər edilməsi qaydaları:
Sığorta Müqaviləsinə əlavə və dəyişikliklərin edilməsi tərəflərin qarşılıqlı razılığı ilə yazılı formada edilə
bilər.
Maddə 13 - Sığorta müqaviləsinə xitam verilməsi
13.1. Sığorta müqaviləsinə vaxtından əvvəl xitam verilməsi aşağıdakı hallarda mümkündür:
13.1.1
Sığortalının (Sığorta olunanın) ölümü;
13.1.2
müqavilənin etibarsız olması haqqında məhkəmənin qərar qəbul etməsi;
13.1.3
qüvvədə olan qanunvericiliklə müəyyən olunmuş qaydada Sığortaçının ləğv edilməsi;
13.1.4
Sığortalı - hüquqi şəxs ləğv edildikdə;
13.1.5
Sığortalının sığorta haqqını ödəmədiyi halda;
13.1.6
Sığortaçının və ya Sığortalının tələbi ilə. Bu halda tərəflər müqaviləni ləğv etmək haqqında
niyyətini bir-birinə ən azı 30 gün ərzində yazılı şəkildə bildirməlidirlər;
13.1.7
Sığortaçı Sığortalı qarşısında öz öhdəliklərini tam yerinə yetirdikdə;
13.1.8
Sığorta marağı artıq mövcud olmadıqda;
13.1.9
qanunvericilikdə nəzərdə tutulan digər hallarda.
13.2. Sığorta müqaviləsinin (qrup halında sığorta zamanı, həm də müqavilənin hər hansı bir Sığorta olunana
münasibətdə) Sığortalının təşəbbüsü ilə xitam olunması halında, sığortaçı həmin müqavilə üzrə işlərin
aparılması xərcləri və Sığortalı ilə baş vermiş sığorta hadisəsi nəticəsində verilən və yaxud veriləcək
ödənişlərin məbləğini çıxılmaqla, müqavilənin qurtarmamış müddəti üçün sığorta haqlarını (qrup halında
sığorta zamanı həm də müqavilənin hər hansı bir sığorta predmeti üzrə ödənilmiş sığorta haqlarını)
qaytarır. Müqavilənin qurtarmamış müddəti üzrə sığorta haqları gündəlik prorata əsasında aşağıdakı
şəkildə müəyyən olunur: ümumi sığorta haqqının məbləği sığorta müddətinin günlərinin sayına bölünür
və sığorta müddətinin istifadə olunmamış günlərin sayına vurulur.
13.3. Sığorta müqaviləsinə (qrup halında sığorta zamanı, həm də müqaviləyə hər hansı bir Sığorta olunana
münasibətdə) Sığortaçının tələbi ilə vaxtından əvvəl xitam verildikdə o, sığorta haqlarını (qrup halında
sığorta zamanı həm də müqavilənin hər hansı bir Sığorta olunana üzrə ödənilmiş sığorta haqlarını)
bütünlüklə sığortalıya qaytarır; əgər bu tələb sığortalının sığorta müqaviləsi üzrə vəzifələrini yerinə
yetirməməsi ilə bağlıdırsa, sığortaçı həmin müqavilə üzrə işlərin aparılması xərcləri və Sığortalı ilə baş
vermiş sığorta hadisəsi nəticəsində verilən və yaxud veriləcək ödənişlərin məbləğini çıxılmaqla,
müqavilənin qurtarmamış müddəti üçün sığorta haqlarını (qrup halında sığorta zamanı həm də
müqavilənin hər hansı bir sığorta predmeti üzrə ödənilmiş sığorta haqlarını) qaytarır. Müqavilənin
qurtarmamış müddəti üzrə sığorta haqları bu qaydaların 13.2 bəndində göstərilmiş qaydada hesablanır.
Maddə 14. Tərəflərin hüquq və vəzifələri
14.1.
Sığortalının hüquqları:
Creation Date
:
28/01/2009
PERSONAL ACCIDENTS INSURANCE POLICY WORDING
Print Date
:
31/03/14
AJ0041-EA01CW
Page 12 of 16
14.1.1
Sığortaçının Sığorta müqaviləsinin şərtlərinə əməl etməsini yoxlamaq, o cümlədən
Sığortaçıdan maliyyə sabitliyi barədə, kommersiya sirri olmayan məlumatı əldə etmək;
14.1.2
Bu Qaydalarda və ya müqavilədə nəzərdə tutulmuş şərtlərlə və qaydada Sığorta müqaviləsinə
xitam vermək və ya onu ləğv etmək;
14.1.3
Sığorta müqaviləsində qanunvericiliyə zidd olmayan digər hüquqlar nəzərdə tutula bilər.
14.2. Sığortalının vəzifələri:
14.2.1.
Sığorta haqqını Sığorta müqaviləsi ilə müəyyən edilmiş məbləğdə və müddətdə ödəmək;
14.2.2.
Sığorta müqaviləsinin bağlanması üçün zəruri olan məlumatları Sığortaçıya təqdim etmək;
14.2.3.
Sığorta müqaviləsinə aid olan sənədlərin qorunub saxlanılmasını təmin etmək;
14.2.4.
Sığorta olunanları sığorta təminatının həyata keçirilməsi daxil olmaqla sığorta müqaviləsinin
şərtləri və ona edilmiş bütün dəyişikliklər ilə tanış etmək;
14.2.5.
Sığorta müqaviləsinin qüvvədə olduğu müddətdə sığorta olunanların siyahısında və siyahıda
göstərilən məlumatlara edilən dəyişikliklər barədə Sığortaçıya dərhal məlumat vermək;
14.2.6.
Sığorta müqaviləsinin müddəti bitdikdə və ya Sığorta olunan sığorta olunanların siyahısından
çıxarıldıqda, müvafiq sığorta şəhadətnaməsini (və ya şəhadətnamələri) 7 (yeddi) təqvim günü
ərzində Sığortaçıya qaytarmaq;
14.2.7.
Sığorta müqaviləsində qanunvericiliyə zidd olmayan digər vəzifələr nəzərdə tutula bilər.
14.3. Sığorta olunanın hüquqları:
14.3.1.
Sığorta hadisəsi baş verdiyi zaman onun xeyrinə bağlanmış sığorta müqaviləsi üzrə
öhdəliklərin yerinə yetirilməsini Sığortaçıdan tələb etmək;
14.3.2.
Sığorta şəhadətnaməsi itirildikdə onun dublikatını almaq;
14.3.3.
Sığorta müqaviləsində qanunvericiliyə zidd olmayan digər hüquqlar nəzərdə tutula bilər.
14.4. Sığorta olunanın vəzifələri:
14.4.1.
Sığorta sənədlərinə qayğı ilə yanaşmaq;
14.4.2.
Sığorta müqaviləsi bağlandığı zaman Sığortaçı tələb etdiyi hallarda Sığortaçının təyin etdiyi
tibb müəssisində ilkin tibbi müayinədən keçmək;
14.4.3.
Sığorta müqaviləsinə tibbi xərclər təminatı daxil edildiyi hallarda bədbəxt hadisənin baş
verməsi zamanı müalicəni almaq üçün tibb müəssisəsinin seçimində Sığortaçının təklifini
nəzərə almaq;
14.4.4.
Sığorta müqaviləsində qanunvericiliyə zidd olmayan digər vəzifələr nəzərdə tutula bilər.
14.5.
Sığortaçının vəzifələri:
14.5.1.
Müəyyən edilmiş müddətdə sığorta şəhadətnamələrini Sığortalıya vermək;
14.5.2.
Sığorta müqaviləsi ilə müəyyən olunduqda, sığorta şəhadətnamələri sığorta olunanlara vermək;
14.5.3.
Qanunvericiliyə zidd olmayan hallarda Sığortalı ilə münasibətlərdə məxfiliyi təmin etmək;
14.5.4.
Sığorta müqaviləsinin vaxtından əvvəl xitam edilməsi halında, bu Qaydalarla və müqavilədə
müəyyən edilmiş qaydada hesablanmış məbləği 30 (otuz) bank günü ərzində Sığortalıya
qaytarmaq;
14.5.5.
Sığorta müqaviləsində qanunvericiliyə zidd olmayan digər vəzifələr nəzərdə tutula bilər.
14.6.
Sığortaçının hüquqları:
14.6.1.
Sığortalı tərəfindən verilən məlumatları və həmçinin Sığortalı və Sığorta olunan tərəfindən
Sığorta müqaviləsinin qaydalarına riayət edilməsini özünün zəruri hesab etdiyi vasitələrlə
yoxlamaq;