__________Milli Kitabxana__________
278
əlaqədar Lefkosa şəhərində təşkil olunmuş dövlət şənliklərində
iştirak etmişdir (12, Payız, 2002, s. 60). 10 sentyabrda “Yeni
Türkiyə Araşdırma və Yayın Mərkəzi”nin rəhbəri Həsən Calal
Güzəlin Mərkəzin kollektivi ilə görüşü keçirilmiş, əməkdaşlıq
məsələləri müzakirə edilmişdir (12, Payız, 2002, s.61).
Azərbaycanda Atatürk Mərkəzinin 2002-ci il üçün hesaba-
tından (12, Qış, 2002, s. 15-24) bunları da öyrənirik ki, Azər-
baycanda Atatürk Mərkəzi özünün ilk böyük kütləvi tədbirini
2002-ci il yanvar ayının 14-də Azərbaycan Milli Elmlər Aka-
demiyasının binasında Türkiyənin Azərbaycandakı səfirliyi ilə
birlikdə keçirmişdir. Bu tədbir Azərbaycan Respublikası ilə
Türkiyə Respublikası arasında diplomatik əlaqələrin qurulma-
sının 10 illiyinə həsr edilmiş elmi-praktik konfrans olmuşdur.
Konfransda, giriş sözü ilə Mərkəzin müdiri Professor Nizami
Cəfərov, Türkiyə Respublikasının Azərbaycandakı fövqəladə
və səlahiyyətli səfiri Əhməd Ünal Ceviköz, Azərbaycan Res-
publikasının xarici işlər naziri Vilayət Quliyev və Azərbaycan
Respublikası prezidentinin icra aparatının xarici əlaqələr
şöbəsinin müdiri Novruz Məmmədov çıxış etmişlər (12, Qış,
2002, s. 18-19). Konfransın işində bir sıra alimlər müxtəlif
mövzularda məruzələr etmişlər. Tədqiqat mövzumuzla bağlı
maraqlı çıxışı ilə seçilən Yaşar Kalafatın araşdırması “Son on
ildə Türkiyə – Azərbaycan münasibətlərinin sosial-mədəni xü-
susiyyətləri” mövzusunda olmuşdur. Bu konfransın materialları
ayrıca kitab şəklində nəfis nəşr olunaraq müxtəlif təşkilatlara
paylanmışdır. Mərkəz cari ildə bir sıra müəssisələrlə əmək-
daşlıq haqqında razılaşmalar əldə etmiş, AMEA, Qafqaz Uni-
versiteti, Çağ Ğyrətim A.Ş. ilə bir sıra elmi-praktik tədbirlər
həyata keçirmişdir (12, Qış, 2002, s. 20).
Azərbaycanda Atatürk Mərkəzi 2002-ci ildə həmçinin
Atatürk irsinin Azərbaycanda təbliğinə dair seminar (12, Qış,
2002, s. 32-34) və 28 noyabr tarixində R.Behbudov adına Mah-
nı Teatrında Qafqaz Universitetinin 10 illik yubileyinə həsr
olunmuş seminar keçirib. Seminarı universitetin rektoru Erol
__________Milli Kitabxana__________
279
Oral açaraq, rəhbərlik etdiyi təhsil ocağı üçün tarixi əhəmiyyət
kəsb edən yubileyi yüksək səviyyədə, silsilə elmi, mədəni və
sosial tədbirlərlə qeyd etmək niyyətində olduqlarını söylədi:
“Biz yubiley münasibətilə ötən ayda müxtəlif seminarlar,
beynəlxalq konfrans və simpoziumlar, fakültə seminarları,
sosial-mədəni tədbirlər, milli və rəsmi bayramlar, ədəbi-bədii,
xatirə gecələri keçirməyə başlamışıq” (12, Qış, 2002, s. 32).
Seminarda görkəmli alim, Azərbaycanda Atatürk Mərkə-
zinin müdiri Nizami Cəfərov təhsil ocağının rəhbərliyi, müəl-
lim və tələbə kollektivi qarşısında “Atatürk ideologiyasının
Azərbaycanda təbliği: problemlər, mülahizələr” mövzusunda
məruzə etmişdir.
Azərbaycan – Türkiyə elmi-mədəni əlaqələrinin inkişafın-
dakı xidmətlərinə görə Azərbaycan xalqının ümummilli lideri
Heydər Əliyev bir sıra yüksək mükafatlara layiq görülmüşdür.
Məsələn, Azərbaycan Respublikasının Prezidenti Heydər Əli-
yev 2002-ci il avqustun 23-də Prezident sarayında Türkiyənin
Mərmərə Qrupu strateji və Sosial Araşdırmalar Vəqfinin sədri
Akkan Suvərin başçılıq etdiyi nümayəndə heyətini qəbul etmiş-
dir. O, çıxışı zamanı demişdir: “Mən arzu edirəm ki, vəqfiniz
bundan sonra daha da genişlənsin, yalnız Türkiyədə deyil, bü-
tün dünyada fəaliyyətini genişləndirsin. Türk Cümhuriyyətinə,
xalqına fayda versin və Türkiyə – Azərbaycan dostluq və qar-
daşlıq əlaqələrinin inkişafına yeni-yeni töhfələr versin. Mənim
sizin vəqfin fəxri sədri seçilməyim, ilk növbədə Azərbaycanla
Türkiyə arasında dostluq və qardaşlıq əlaqələrinin inkişaf
etməsi və genişlənməsi üçün yeni bir vasitədir” (12, Payız,
2002, s. 10).
Bütövlükdə türk dünyasına göstərdiyi xidmətlərinə və
xüsusilə də, Azərbaycanda Atatürk Mərkəzi yaradılmasından
sonra, dövlətimizin başçısı Heydər Əliyev 2002-ci ildə “Baş
müəllim Atatürk” mükafatına layiq görülmüşdür (12, Payız,
2002, s.5-11).
__________ Milli Kitabxana__________
280
Tarixi taleyi, milli və ədəbi irsi yaxın olan qardaş Türkiyə
xalqı ilə mədəni-mənəvi əlaqələri inkişaf etdirmək sahəsində
son illər Türkiyədə Birinci Millətlərarası Böyük Azərbaycan
Konqresi (1990), Bakıda “Azərbaycan mühacirət ədəbiyyatı”na
həsr edilmiş Beynəlxalq Elmi Simpozium (1991), İstanbulda
“Türk dövlətlərinin yaxınlaşmasında və tanınmasında mətbua-
tın rolu” adlı konfrans (1993), Azərbaycan Milli Elmlər Akade-
miyasında Türkiyə Respublikasının 70-ci ildönümünə həsr
olunmuş beynəlxalq “Türkiyə-70” elmi-praktiki konfrans
(1993) və habelə “Azərbaycan – Türkiyə” cəmiyyəti xətti ilə
ölkələrimiz arasında çoxsaylı müştərək elmi-mədəni müşa-
virələr, simpoziumlar və konfranslar keçirilmişdir. Azərbay-
canda Atatürk Mərkəzinin yaradılmasından sonra isə bu istiqa-
mətdəki elmi-mədəni fəaliyyətlər daha sistemli və mütəşəkkil
mahiyyət qazanmaqdadır.
“Türk Dünyasının birliyi strategiyası: Heydər Əliyevdən
İlham Əliyevə” başlıqlı yazısında (40) Azərbaycanda Atatürk
Mərkəzinin müdiri, Milli Məclisin mədəniyyət komissiyasının
sədri professor Nizami Cəfərov yazır ki, “Heydər Əliyev türk
dövlətlərinin, ümumən türk dünyasının birliyinə heç zaman
sadəcə etnik köklərin ümumiliyinə əsaslanan mədəni-etnoqra-
fik (yəni tarixdə qalmış) birlik kimi baxmaqla kifayətlənməmiş,
bu birliyin siyasi perspektivlərinə xüsusi diqqət yetirmişdir.
2000-ci ildə türkdilli dövlətlərin Bakıda keçirilən VI zirvə
görüşündə qəbul olunmuş, bilavasitə Heydər Əliyevin
düşüncələrini əks etdirən “Bakı bəyannaməsi” hər bir maddəsi
ilə bunu bir daha təsdiq edir”.
Dostları ilə paylaş: |