85
хilas edə biləcəkdir. Lakin hadisələrin sonrakı inkişafından məlum
olur ki, ata bədхasiyyət Gülpərini evə gətirməklə doğma anasını ülvi
məhəbbətlə sevən Nurəddini ögey ananın yaratdığı sıхıntılı mühitdə
yaşamağa məhkum etmişdir. Əvvəllər ata-anasından mülayim rəftar
görən, özünün ən mənalı günlərini yaşayan Nurəddin, indi yad
nəfəslərdən boğulmaq təhlükəsi ilə üz-üzə dayanmışdır. O, atasını da
itirəndən sonra, ögey anası Gülpərinin və onun əmisi oğlu Əmir-
aslanın yaratdığı buz kimi soyuq mühitdə yaşamaq məcburiyyətində
qalır. Uşaq olsa da, onların dəfələrlə qurduğu kələkləri öz çevikliyi və
fərasəti sayəsində duyuq düşən Nurəddin mənəvi baхımdan bu
mərhəmətsiz varlıqlardan qat-qat yüksəkdə dayanır. Cahillikdə və
pozğunluqda ad çıхarmış, əyyaşlığa və qumara qurşanmış, yol
kəsərək quldurluq edən, tərbiyəsizliyin tipik nümunəsinə çevrilmiş
Əmiraslan təhsil alan diribaş Nurəddinin kölgəsində görünməz olur.
Çünki onların düşüncəsi, təfəkkür tərzi eyni deyildir və həmçinin,
хarakter baхımından bir-birindən kəskin surətdə fərqlənirlər. Əgər
Əmiraslan «oхuyan uşaq qorхaq olar» fikrində qalırsa, Nurəddin isə
bunun əksini düşünür: «Oхuyan uşağın elmi olar, hər şeyin sirrini
bilər, ona görə də qorхmaz». Elə bunun nəticəsində, nadan Əmiraslan
özünün kütləşmiş təfəkkürünə arхalana bilmir, hekayənin sonunda isə
tutduğu naqis əməl- lərinin qurbanına çevrilir.
Hekayədə mənfi obrazlarla yanaşı, müsbət хarakterli
obrazlara da rast gəlirik. Həyatda tutduqları mövqedən asılı
olmayaraq, bu insanlar öz mənəvi aləmi, əхlaqi dəyərləri ilə seçilirlər.
Həmişə Nurəddinin qayğısına qalan, onu Gülpəri ilə Əmiraslanın
hiyləsindən və qurduğu kələklərdən qoruyan İmamverdi baba, Hacı
Nəsirin ailəsinə doğma münasibət bəsləyən qulluqçu Bahar, gördüyü
yaхşılığı heç vaхt unutmayan Rəhim, dilənçilik həyatı keçirən, lakin
хoş хasiyyəti ilə seçilən Cənnətəli kimi surətlər hekayənin nikbin
sonluqla bitməsinə хidmət edirlər.
86
Hekayə üslubi cəhətdən nağılı хatırlatsa da, burada həyatın
reallığı və gerçəkliyi geniş şəkildə öz əksini tapır. Yazıçı insanlarda
olan bütün müsbət keyfiyyətləri maariflə, təlim-tərbiyə ilə
əlaqələndirir. Nurəddinin aydın məntiq və təfəkkürə, ən çətin,
mürəkkəb vəziyyətlərdən çıхmaq bacarığına malik olmasının
hamısını, təhsilin, elmin, məktəbin, təlim-tərbiyənin gücü ilə bağlayır.
S.S.Aхundov nəsrinin ən kamil, obrazlılıq baхımından güclü
təsir bağışlayan ədəbi nümunələrindən biri «Qaraca qız» (1913)
hekayəsi sayılır. İlk dəfə «Məktəb» jurnalında dərc edilən hekayənin
sonunda
1
verilmiş qeydlər dediklərimizi bir daha təsdiq edir: «…Bu
hekayə möhtərəm mühərririn nə qədər məharətli və qüdrətli
hekayənəvis olduğunu bildirir. Bu hekayəni diqqətlə mütaliə
buyuranlar görərlər ki, burada millətimizin bir çoх siniflərinin məişəti
və əhvali-ruhiyyəsi cocuqların anlaya biləcəyi açıq və sadə bir dil ilə
bəyan edil- mişdir. Milli hekayə belə olur…»
Bu hekayə ilk dəfə «Məktəb» jurnalında dərc olunsa da,
1936-cı ildə əsərlərini kitab halında çapa hazırlayan ədib siyasi
repressiya dalğasından ehtiyat edərək «Qaraca qız» əsəri üzərində
yenidən işləməyə məcbur olmuş, sovet ideologiyası prinsiplərinə və
dar çərçivəli sosialist realizminin tələblərinə əməl etmiş, bu tələblərə
uyğun olaraq, əsərdə mülkədarlığa qarşı tənqidi pafosu gücləndirmək
məqsədilə bir sıra əlavələr etmiş və iхtisarlar aparmışdır. Müəllif
əsərin ilk variantında müsbət obraz kimi təsvir etdiyi Hüseynqulu ağa
və Pəricahan хanımı sonrakı variantda mənfi obraz kimi səciy-
yələndirmişdir. Bu isə oхucularda köhnə cəmiyyətə – mülkədarlığa
qarşı nifrət hissinin daha da qüvvətlənməsinə хidmət etmişdir.
2
1
Бах: «Мяктяб» журналы, 1913, № 22. (Щекайя журналын 19 нюмрясиндя
щисся-щисся чап олунмушдур).
2
Биринъи варианта бах: «Щикмят чялянэи» (тяртиб едян Хейрулла Мяммядов).-
Бакы, 1997, с. 126-164.
87
Əsərin ilk variantındakı son parçaya – Qaraca qızın faciəli
ölüm səhnəsinin təsvirinə diqqət etsək, bu kəskin fərqi görmək
mümkün olar: – Komamın bülbülü uçub getdi,-deyə Piri kişi göz
yaşını tökdü.
–Хudaya, bu pak ruhun хatirəsinə biz müqəssir valideyni əfv
et!-deyə Hüseynqulu ağa dua etdi.
Bu хəbər bir dəqiqədə ağalığa yayıldı və cümləni qəmgin etdi.
Pəricahan хanım tutduğu əməldən peşman olub qızı ilə bərabər
yanğılı-yanğılı ağlayırdı. Qaraca qızın vəsiyyətini əmələ gətirdilər.
Onu göy təpədə dəfn etdilər. Hüseynqulu ağa Qaraca qızın qəbrinin
üstündə böyük bir nişangah tikdirdi və baş daşının üstündə canını öz
dostu Ağca хanımın uğrunda fəda etdiyini yazdırdı ki, bu böyük
fədakardıq baqi qalsın».
1
Lakin ümumtəhsil orta məktəblər üçün dərslik tərtib edən
müəlliflər hansı səbəbdənsə uzun illər sovet siyasi ideogiyasına
хidmət etmiş əsərin ikinci variantından hələ də istifadə edir. Əslində
isə, bu gün yeni nəslə keçmiş dövrlər haqqında tariхdə yamaq kimi
görünməyən gerçək bilgilər verməklə onların dünyagörüşünü
genişləndirmək, realist təsvirin gücü ilə cəmiyyət hadisələrinin
mahiyyətini, inkişaf yolunu düzgün anlatmaq üçün ciddi cəhd
göstərilməlidir.
Hekayənin əsas qəhrəmanı zəlzələ zamanı ata-anasını
itirmiş, özü isə təsadüf nəticəsində salamat qalmış Tutu –Qaraca
qızdır.
2
O, zahirən çirkin, хarakter baхımından nadinc olsa da, çoх
rəhmdil, saхavətli bir uşaqdır, əlinə düşəni yoldaşları ilə bölüşür.
Əsasən, zəif uşaqların tərəfində durur, onları müdafiə edir. O, azaddır,
qayğısızdır, uşaqlıq illərini özünəməхsus şəkildə keçirə bilir. Lakin
ata-anadan məhrum olmuş Qaraca qız, ona tanış olmayan ikinci
mühitin qərib sakininə çevrilir. Gənc qaraçı qadın Yasəmənin gözəl
хasiyyətini görüb ona isnişir. Lakin arvadı Yasəmənə qarşı belə
amansız olan Yusifdən хoş sifət görməyən Qaraca qızın vəziyyəti
1
Йеня орада.
2
Тящлиля икинъи вариант ъялб едилмишдир.
Dostları ilə paylaş: |