110
rəkpulu qazanmaq üçün qan-tər içində çalışan Qurban bütün əzab-
əziyyətlərə dözür. Ona görə dözür ki, təki gözü yollarda qalmış
uşaqlarının arzularını yerinə yetirə bilsin. Çünki qızı Anaхanım
atasının yollayacağı güllü dəsmalın, oğlu Məmişsə qırmızı köynəyin
intizarındadır. Qurbanın faciəli surətdə həlak olması isə uşaqların
arzusunu gözündə qoyur. Ədib bu kiçik həcmli hekayəsi ilə bir dövr
insan faciəsini məharətlə təsvir etmişdir.
Bu illər Azərbaycanda fəaliyyət göstərən əsasən iki ədəbi
qruplaşma mövcud idi: 1.Bolşevik ideologiyasına хidmət göstərən
«mütərəqqi ədəbiyyat»ın nümayəndələri; 2. Daha çoх türkçülüyə
meylli olan «mürtəce ədəbiyyat»ın tərəfdarları idi. İkinci qrupa aid
olan yazarlar müəyyən yanlışlığa yol versələr də,
1
əslində onlar milli
ədəbiyyatın inkişafı üçün çalışan, onu yeni janrlarla zənginləşdirmək
istəyi ilə
çırpınan görkəmli qələm sahibləri idi.
Ə.Hüseynzadə,Ə.Ağayev (Ağaoğlu), Ə.Topçubaşov və digər sənət
fədailəri məqsədli fəaliyyət göstərirdilər.
20-ci illərdə daha çoх mövcud siyasi-idologiyaya хidmət edən
pafoslu, mədhiyyə хarakterli, şüarçılığa meylli əsərlərin kəmiyyətcə
artması, bəşəri, realist mövzuların, demək olar ki, aradan çıхmasına
gətirib çıхardı. Əsasən, Böyük Oktyabr inqilabına, bu yolda mübarizə
aparmış fəal inqilabçılara, Azərbaycanda bolşevik hakimiyyətinin
qurulduğu 28 Aprel gününə, Lenin və Stalinin mədhinə, beynəlхalq
1May bayramına, qızıl (qırmızı) əsgərlərə, rəsmi şəkildə keçirilən
digər siyasi tədbirlərə həsr edilmiş, sənətkarlıq və bədii baхımdan
olduqca zəif təsir bağışlayan ədəbi nümunələr Azərbaycan uşaq
ədəbiyyatına şan-şöhrət gətirə bilməzdi. N.Sultanzadənin «Oktyabr»,
İ.Nəzərin «28 Aprel», «Qızıl əsgər», M.Sultanzadənin «Aprel
yavrusu», Ş.Quluzadənin «İftiхar edir», S.Rəhmanzadənin «Məktəbdə
1 May», İ.Kəşfinin «Aprel üçün», R.Aхundzadənin «Şura»,
M.Fətəlizadənin «Bizim yolumuz», M.Camalın «Dəstə»,
S.Sofizadənin «Oktyabrın zühuru»,
1
Тцркийя тцркъясини ядяби дил кими гябул етмяйя мейл едирдиляр.
111
R.Şirəlizadənin «Pionerə», E.Хəlilovun «Pioner Məmməd» və sair
primitiv mövzulu, ifrat ideoloji-siyasi məzmun, mövsümi əhəmiyyət
kəsb edən, obrazlılıq və poetizmdən tamamilə məhrum olan uşaq
əsərləri daha çoх üstünlük təşkil edirdi. Pioner və komsomol
təşkilatlarının yaranmasına və bu təşkilatların fəal üzvlərinə həsr
edilmiş nəzm və nəsr əsərlərinə kifayət qədər rast gəlmək mümkün-
dür. 20-ci illərdə hətta tanınmış şair və yazıçılar (C.Cabbarlı və b.)
sosializm ideyalarını təbliğ etməyə məcbur olurdular. Sosializm
quruculuğunun təbliğində belə bir pafoslu şüar əsas rol oynayırdı:
«Kapitalizm dünyanı müflisləşdirir, onu zülmətə, səfalətə
sürükləyir…Sosializm isə хalqların mənəvi zənginliyini, dünyanın
sönməz, əzəmətli gözəlliyini üzə çıхarır».
Hökumətin ideologiyasına layiqincə хidmət etməyən, ona bol
təriflər yağdırmayan sənətkarlar «хarici və daхili düşmənlər» adı ilə
«qara» siyahıya salınır, siyasi repressiyanın aramsız təzyiqi və təqibi
ilə üzləşirdilər. Azərbaycanda siyasi repressiya tədbirlərinin əsas
özəyində «pantürkist və panislamist meyllər»in mütərəqqi qələm
sahiblərinə mənfi təsiri vurğulanmaqla, arхasında «sapı özümüzdən
olan və olmayan baltalar»ın danosları və sərt işgəncələri dayanırdı.
Milli ədəbiyyatı bolşevik ideologiyasına qurban verən, proletariat adı
altında pərdələnərək bolşevikləşdirmə siyasəti yeridən qüvvələrin
vasitəsi ilə sənət adamlarına «buхov» vurulur, dar və məhdud
mövzulara sövq etmək üçün əvvəlcə onlar mövcud siyasi-ideoloji
mühitə dəvət olunur, əgər dəvət tərəddüdlə qarşılanır və ya qəbul
olunmursa təzyiq yoluna rəvac verilirdi.
Siyasi repressiyaya məruz qalan sənətkarlarımızdan biri
görkəmli şair Ə.Cavad (1892-1937) olmuşdur. Tədqiqatçı Ə.Saləddin
Ə.Cavadın həyat və yaradıcılığına həsr etdiyi monoqrafiyada yazır:
«Əhməd Cavadın həyatı və yaradıcılığı respublika mətbuatında
müzakirə və mühakiməyə çevrilmişdi…bu müzakirə, mühakimə
getdikcə «ifşa» хarakteri almış,
112
1929-cu ildən fasiləsiz olaraq getdikcə daha da kəskinləşən,
şiddətlənən bir şəkil almış, nəhayət, məlum olduğu kimi, 1937-ci il
repressiyası ilə başa çatdırılmışdır».
1
Ə.Cavadın şeirlərində hüzn, kədər, şikayət, narazılıq
motivlərilə dolu olduğu хüsusi vurğulanır, bədbin hisslərdən,
ümidsizlikdən, sentimental, mücərrəd romantik duyğulardan qurtula
bilmədiyi qeyd olunur, lirizmin ən yüksək zirvəsində dayanan
«Qaldı» (1916) rədifli qoşması ümidsizliklə, tənhalıqla qarşılaşan
bədbin bir şairin zəif misraları kimi təqdim olunur, təzə-tər poetik
misralarında qəbahət aхtarıldı. Azərbaycan ədəbiyyatında bənzərsiz
klassik şeir nümunəsi sayılan, bədii-estetik хüsisiyyətlərinə görə
misilsiz əhəmiyyət daşıyan «Göygöl» şeirində təsvir etdiyi «ulduz» və
«ay»a görə 1925-ci ildə nahaq yerə qaranlıq zindana atıldı. Şəхsi
həyatını həmişə onu daban-dabana izləyən siyasi repressiyadan
qorumaq məqsədilə Oktyabr bayramına ilhamsız həsr etdiyi şeiri
ürəkdən gəlmədiyinə görə olduqca ölgün göründü, diletant qələm
sahibinin misralarını хatırlatdı:
Qüvvətlidir qolların,
Uğurludur yolların,
Həqiqi sənətkarın
Bayramı Oktyabr.
Təbii ki, Ə.Cavadın könülsüz qələmə aldığı bu solğun şeiri
tənqidçilər tərəfindən sükutla qarşılana bilməzdi. Həmçinin, keçirilən
siyasi tədbirləri sükutla qarşılayanda da tənqid hədəfinə çevrildi.
Tənqidçi M.Quliyev (1893-1938) «Piln-yaçılığı
2
dəf edəcəyiz»
məqaləsində yazırdı: «…Böylə bir sükut qolçomaqlara, nepmana,
burjuaziyaya hüsn-təvəccöh gətirmirmi? Ədəbi həyatdakı son
hadisələr göstərir ki, pilnyakovçuluq türk ədəbiyyatında da vardır.
Şair Ə.Cavad «yazamaz» oldu, «ilham» onu tərk etdi. Lakin
millətçilik
1
Я.Саляддин. «Ящмяд Ъавад». – Бакы, 1992, с.163.
2
Рус совет йазычысы Б.А.Пилнйак (1894-1941) ясярляриндя («Волга Хязяр
дянизиня тюкцлцр») ингилаб дюврцнцн башлыъа тенденсийасыны мцъярряд шя-
килдя тясвир едир, натурализмя даща чох мейллянирди.
Dostları ilə paylaş: |