263
Yelizaveta biləndə ki, atası “Eurovision” keçirilən
zaman Bakıda olacaq, o, da Xəzərin qoynunda yerləşən ən
böyük şəhərə getməyini təkid edir. Ata da heç bir müqavi-
mət göstərmədən öz razılığını bildirir. Yelizavetanın Bakı-
ya getməsi ən çox Nizaminin ürəyindən oldu. Necə olsa,
azərbaycanlı tələbənin, mərdliyinə və qətiyyətinə görə qıza
böyük rəğbəti vardı. Həm də qızın özünün də azərbaycanlı
tələbəyə müəyyən bağlılığı yaranmışdı. Robert ilə olan son
münaqişədən sonra Yelizaveta demək olar ki, hər gün dərs
başa çatan kimi Nizami ilə universitetin yaxınlığındakı
kafeyə gedib, orada bir saat vaxtını keçirirdi.
Sergey qızı ilə birlikdə Buranovski nənələrinə dəstək
olmaq üçün həmin möhtəşəm musiqi yarışmasının finalına
bilet əldə etmək istədiyini gizlətmədi. Nizami də söz verir
ki, qohumlarının vasitəsilə o, qiymətindən asılı olmayaraq
finala bilet təşkil edəcək.
Azərbaycanlılara qarşı rəğbəti olmayan Aleksandr qəti
olaraq Bakıya getməkdən imtina etdi. Bu məsələdə Janna
xüsusi rol oynamışdır. Bundan əlavə ermənilərin yaydığı
təbliğata əsasən, gənc müxbirdə belə bir stereotip fikir
yaranmışdı ki, Bakıya gedən adamların sağ-salamat vətən-
lərinə qayıtmağa heç kim zəmanət verə bilməz. Yəni, yayı-
lan şayiələrə əsasən həmin şəhər əcnəbilər üçün həddindən
artıq təhlükəli yer sayılırdı.
264
Sergeygil Bakı hava limanında enən təyyarədən düşən
kimi onları Nizaminin atası Əvəz qarşıladı və o, vaxt
itirmədən qonaqları, dostu Füzulidən müvəqqəti aldığı
“Mersedes” markalı maşınına mindirib, oradan evinə yola
düşdü. Nizami ilə Yelizaveta arxa oturacaqda əyləşdilər. Öz
qonaqpərvərliyini nümayiş etdirən azərbaycanlı həkim rus
alimini qızı ilə birlikdə elə qarşılamışdı ki, sanki onlar bir-
birilərini uzun müddət tanıyırdılar. Onlar tanış olanda
Sergey rəsmiyyətdən uzaq olsun deyə, Əvəzdən xahiş etdi
ki, ona “sən” deyə müraciət etsin.
Aeroportdan şəhər istiqamətində hərəkət edən maşın
kifayət qədər sürət yığdığından nə Sergey, nə də ki, onun
qızı ətrafdakı mənzərəni tikililərlə birlikdə yaxşıca seyr edə
bilmirdilər. Marağını gizlətməyən rus ziyalısı dözə bilmə-
yib səbirsizliklə dedi:
- Əvəz, hava limanından bilinir ki, şəhəriniz yaxşılığa
doğru xeyli dəyişibdir. İmkan ver qoy ətrafa tamaşa edim.
- Hamınız yol gəlmisiniz, istəyirəm sizi evə tez çatdırım
ki, bizim yeməkləri dadasınız. – rus dilində azacıq ləhcə ilə
də olsa, sərbəst danışan həkim maşının sürətini bir qədər
azaltdı. - Günorta yeməyindən sonra isə şəhərə çıxarıq və
sizi Bakının ən gəzməli yerlərinə aparacam.
- Sən fikirləşdiyin kimi biz ac deyilik. Evə bir qədər gec
də getsək olar.
265
Əvəz maşının sürətini bir qədər də azaltmalı oldu.
Bundan sonra əcnəbi qonaqlar nəzarət bucağına düşən
bütün görüntüləri diqqətlə seyr etməyə başladılar. Maşın
“Koroğlu” metrostansiyasını arxada qoyub Heydər Əliyev
prospekti ilə şəhər istiqamətində gedən zaman, təbiətən
səmimi insan olan rus ziyalısı ətrafa tamaşa edə-edə bir ay
bundan əvvəl Ermənistanda olduğunu söyləyərək, bildirdi
ki, Bakı ilə İrəvan şəhərləri arasında yerlə göy kimi fərq var
– biri həddindən artıq inkişaf edir, o biri isə tənəzzüldən
çıxa bilmir. Bir az keçəndən sonra isə o, Ermənistanı
inkişafdan geri qalan ölkə, Qarabağı isə bütün dünyadan
təcrid olunmuş hərbi düşərgə adlandırdı. Xüsusilə vurğuladı
ki, orada mülkü əhalidən çox hərbi qulluqçular var.
- Dolanışıq olmayanda millət nə etsin ki? – deyə öz
həkim təəssüf hissilə dilləndi. – Xalqın qayğısına qalmayan
erməni siyasətçiləri, xaricdə kef çəkən erməni lobbisi və
onların havadarları həm Ermənistanı, həm də Qarabağı belə
bir şəkildə görmək istəyirdilər. İndi isə həmin düyündən
çıxa bilmirlər.
Qarabağ işğal olunandan bəri Əvəz ailəsi ilə istifadədə
olan bir uşaq bağçasının təsərrüfat üçün ayrilmış binasında
qalırdı. Həmin bağçada onun ailəvi dostu olan ədəbiyyat
müəllimi İsgəndər də ailəsi ilə birlikdə məskunlaşmış və bu
266
neçə ildə bir-birilərinə kömək əllərini uzadıraq, mehribançı-
lıq şəraitində ömür sürürdülər.
Bundan əlavə Əvəz hələ Qarabağda tanış olduğu Füzuli,
Kamil və Vahidlə də dostluq edir və mütəmadi olaraq
onlarla görüşlər keçirirdi. Elə rus qonağını qarşılamaq üçün
maşını ona Füzuli vermişdi ki, tarixiçi pedaqoq heç bir
əziyyətlə üzləşməsin.
Əvəz qonaqları Keşlə qəsəbəsində yerləşən keçmiş “Ət
kombinatı”nın yaxınlığındakı, böyük olmayan həmin
bağçanın ərazisinə gətirdi.
Şəhər xəstəxanalarının birində həkim işləyən Əvəz bir
azərbaycanlı kimi qonaq qarşısına necə çıxmağı yaxşı
bilirdi. O, elə etməliydi ki, oğlunun müəllimi nəinki onun
evindən, hətta Azərbaycandan belə narazı getməsin. Məhz
buna görə də Əvəz əvvəlcədən planlaşdırmışdı ki, ziyafət-
dən sonra Sergeyi qızı ilə birlikdə dostu Füzulinin evinə
aparsın ki, onlar lazımi şəkildə istirahət edə bilsinlər.
Qapını 48-51 yaşlı, başını yaylıqla örtmüş o qədər də
kök olmayan, uzunsifət, xoş baxışlı, alçaqboy, yaraşıqlı bir
qadın açdı və sevincək halda hamını salamladı. Gələnlər
həmin an içəri dəvət edildilər.
Nizamidən başqa Əvəzin 16 və 19 yaşında iki qızı və 25
ilini başa vuran bir oğlu da vardı. Füzuli adlı oğlu mühafizə
polisinin əməkdaşı kimi özəl bankların birini qoruyurdu.
Dostları ilə paylaş: |