Al-lulu vəl-mərcan
Yüklə 5,61 Mb. Pdf görüntüsü
|
810 1787. İbn Abbas rəvayət edir ki, Peyğəmbərin zamanında ay iki yerə bölündü”. (Buxari 3638, 3870, Muslim 7257, 2803/48)
1788. Əbu Musa rəvayət edir ki, Peyğəmbər buyurdu: “(Özü haqda) eşitdiyi nalayiq sözlərə Allahdan daha çox səbir edən bir kimsə, yaxud bir məxluq yoxdur. Belə ki, (qulları) Ona övlad isnad edirlər, O isə onlara can sağlığı və (çoxlu) ruzi bəxş edir.” (Buxari 6099, Muslim 7258, 2804/49)
1789. Ənəs Peyğəmbərdən belə rəvayət etmişdir: “(Qiyamət günü) Allah Cəhənnəmdə ən yüngül əzaba məruz qalan bir kimsəyə deyəcək: “Əgər dünyada olan hər şey sənin olsaydı, onu (əzabdan xilas olmağın üçün) fidyə verərdinmi?” O: “Bəli!” deyə cavab verəcək. Onda Allah buyuracaq: “Sən hələ Adəmin belində ikən Mən səndən bundan daha yüngül olanı – Mənə şərik qoşmamağı – tələb etmişdim. Sən isə məhz şərik qoşmağı tərcih etdin.” (Buxari 3334, 6557, Muslim 7261, 2805/51)
811
1790. Ənəs İbn Malik rəvayət etmişdir ki, (bir dəfə) bir nəfər soruşdu: “Ey Allahın peyğəmbəri! Qiyamət günü kafirlər üzüstə sürüklənib məhşərə necə toplanacaqlar?”. Peyğəmbər: “Onu bu dünyada iki ayağı üstə yeritməyə qadir olan Allah, Qiyamət günü üzüstə yeridə bilməzmi?!” (Buxari 4760, 6523, Muslim 7265, 206/54)
149 , Kafirin Misalı İsə Sidr Ağacına Bənzəyir
1791. Əbu Hureyra rəvayət edir ki, Peyğəmbər buyurdu: “Mömin pöhrəyə bənzəyir. Külək hansı tərəfdən əssə, pöhrəni əyər, külək sakitləşdiyi zaman pöhrə dikələr. (Mömin də həmçinin,) müsibətlərə məruz qalsa da (əqidəsindən dönmür). Günahkar adam isə sərt və dümdüz qalan sidr ağacına bənzəyir. Yalnız Allah istəsə, onu sındıra bilər.” (Buxari 5644, 7466, Muslim 7270, 2809/58)
1792. Kəb İbn Məlik rəvayət edir ki. Peyğəmbər buyurdu: “Mömin pöhrəyə bənzəyir. Külək əsdiyi zaman onu meyl etdirər, gah da durdurar. Münafiqin misalı sərt və dümdüz qalan sidr ağacına bənzəyir, kökündən sınmasa və ya qırılmasa düz durar”. (Buxari 5643, Muslim 7272, 7273, 2810/60)
149 Ağacda və başqa bitkilərdə yenicə cücərən göy qabıqlı incə budaqların hər biri; zoğ.
812
1793. İbn Ömər rəvayət edir ki, bir gün Peyğəmbər buyurdu: “Ağaclar içərisində elə bir ağac vardır ki, onun yarpağı tökülmür və o, müsəlmana bənzəyir. Deyin görüm, o nədir?” Camaat vadilərdə bitən ağacları sadalamağa başladı. İbn Ömər: “Mən onun xurma ağacı olduğunu düşündüm, lakin (bunu deməyə) utandım. Sonra camaat: “Söylə görək, o nədir, ya Rəsulullah?” deyə soruşdular. Peyğəmbər: “Bu, xurma ağacıdır” dedi.” (Buxari 61, Muslim 7276, 2811/63)
1794. Əbu Hureyra rəvayət edir ki, Peyğəmbər buyurdu: “Sizlərdən heç kəsin əməli onu (əzabdan) xilas etməyəcək.” (Əshabələr) soruşdular: “Səni də, ya Rəsulullah?” Dedi: “Hətta məni də. Yalnız Allahın mənə mərhəmət göstərməsi istisnadır. Elə isə doğru yol tutun, (ən kamil olanı yerinə yetirə bilməsəniz, heç olmasa, ona) yaxınlaşın, səhər və axşam, habelə gecənin bir vaxtı (yaxşı işlər görməyə) çalışın. Beləcə, yavaş-yavaş (muradınıza) çatacaqsınız.” (Buxari 6463, Muslim 7289, 2816/71)
1795. Aişə rəvayət edir ki, Peyğəmbər buyurdu: “Doğru yolu tutun, əməllərinizdə ifrata varmayın, müjdələyib sevindirin. Heç şübhəsiz ki, heç kəs əməlinə görə Cənnətə girməz”. Səhabələr: “Səndəmi Ya Rəsulullah! Dedilər. Peyğəmbər: “Bəli, əgər Allah məni mərhəməti və rəhmətilə bürüyüb qorumasa” deyə buyurdu. (Buxari 6467, Muslim 7300, 2818/78)
813
1796. Muğira İbn Şobə rəvayət edir ki, Peyğəmbər gecə namazlarını qılarkən o qədər ayaq üstə durardı ki, hətta, ayaqları və ya baldırları şişərdi. Ona (nə üçün özünə bu qədər əziyyət verirsən) deyildikdə, o deyərdi: “Şükür edən bir qul olmayımmı?!” (Buxari 1130, 4836, 6471, Muslim 7302, 7303, 2820/81)
1797. Abdullah İbn Məsud hər həftənin cümə axşamı insanlara dərs keçərdi. Bir nəfər ona: “Ey AbdurRahman! Vallahi sənin bizlərə hər gün dərs keçməyini çox arzu edərdik” dedi. İbn Məsud: “Məni sizlərə hər gün dərs verməkdən çəkindirən sizləri bezdirmək istəməməyimdir. Mən sizə dərs vermək istədikdə sizin halınıza uyğun vaxt seçirəm. Peyğəmbər də bizlərə bezmiyək deyə halımıza uyğun müəyyən vaxtlar seçərdi“ dedi. (Buxari 70, Muslim 7306, 2821/82)
Yüklə 5,61 Mb. Dostları ilə paylaş:
|