119
242. Əbu Musa rəvayət edir ki, Peyğəmbərin xəstəliyə tutuldu və xəstəliyi
şiddətləndi. Peyğəmbər: “Əbu Bəkrə əmr edin insanlara namaz qıldırsın”
deyə buyurdu. Aişə: “Əbu Bəkr qəlbi yumşaq bir kimsədir, sənin
məqamında durduğu zaman insanlara namaz qıldıra bilməyəcəkdir” dedim.
Peyğəmbər: “Əbu Bəkrə əmr edin insanlara namaz qıldırsın” deyə buyurdu.
Aişə
yenə sözlərini təkrar etdi. Peyğəmbər: “(Ey Aişə) Sən Əbu Bəkrə
əmr et insanlara namaz qıldırsın. Siz qadınlar Yusuf Peyğəmbərin sahibləri
olan qadınlarsınız” deyə buyurdu. Əbu Bəkrə xəbər verildi və o
Peyğəmbərin həyatında ikən insanlara namaz qıldırdı”. (Buxari 678, Muslim
420, 638, 975)
İmam Gecikdiyi Vaxt Başqa Birisini İmam Təyin Etməkdə
Məfsədə Qorxusu Olmasa, Camaatın Özlərinə Namaz
Qıldırmaq Üçün Bir Nəfəri İmamlığa Keçirməsi
243. Səhl İbn Səd əs-Saidi rəvayət edir ki, Peyğəmbər Amr İbn Auf
oğullarının yanına getmişdi ki, onların arasını düzəltsin. Bu əsnada namaz
vaxtı yetişdi və müəzzin Əbu Bəkrin yanına gəlib dedi: “Camaata namaz
qıldıracaqsansa, iqaməni verim?” Əbu Bəkr: “Bəli!” deyə cavab verdi. Beləliklə,
Əbu Bəkr (camaata) namaz qıldırdı. Camaat namazda ikən Peyğəmbər
qayıdıb gəldi və cərgələrin arasından keçib birinci cərgədə durdu. Bu vaxt
camaat əl çalmağa başladı, lakin Əbu Bəkr namaz qılarkən başını arxaya
çevirməzdi. Camaat bərkdən əl çalmağa başladıqda o, arxaya çevrildi və
120
Peyğəmbəri gördü. Peyğəmbər əli ilə ona işarə etdi ki, yerində qal. Belə
olduqda Əbu Bəkr əllərini göyə qaldırıb Peyğəmbərin ona verdiyi əmrə
görə Allaha həmd-səna dedi. Sonra da arxaya çəkilib (birinci) cərgədə durdu.
Peyğəmbər isə önə keçib (camaata) namaz qıldırdı. Namazı bitirdikdən
sonra dedi: “Ey Əbu Bəkr, sənə əmr etdiyim halda yerində qalmağına mane
olan nə idi?” Əbu Bəkr: “Əbu Quhafənin oğluna Peyğəmbərin qarşısında
namaz qılmaq yaraşmazdı.” Sonra Peyğəmbər (camaata) dedi: “Niyə siz bu
qədər çox əl çaldınız? Hər kim namaz əsnasında özündə şübhə doğuran bir
şey (görsə), qoy: “Subhanəllah!”– desin. Əgər: “Subhanəllah!”– desə, ona
diqqət yetirilər. Əl çalmaq isə qadınlara aiddir. (Buxari 684, Muslim 421, 639,
976)
Namazda Hər Hansı Bir (Xəta) Baş Versə, Kişilərin
Sübhənallah, Qadınların İsə Əl Çalması
244. Əbu Hureyra rəvayət edir ki, Peyğəmbər buyurdu: “Subhanəllah!”–
demək kişilərə, əl çalmaq isə qadınlara aiddir”. (Buxari 1203, Muslim 422, 641,
982)
Namazı Gözəl, Tam Və Xuşu İlə Qılmağın Əmr Olunması
245. Əbu Hureyra rəvayət edir ki, Peyğəmbər buyurdu: “Yoxsa siz elə
güman edirsiniz ki, mən ancaq bu qibləmi (görürəm)? Allaha and olsun ki,
sizin (namazdakı) hərəkətiniz və (necə) rükuya getməyiniz məndən gizli
qalmır. Çünki mən sizin arxamda nə etdiyinizi görürəm.” (Buxari 418, Muslim
424, 643, 986)
121
246. Ənəs İbn Məlik rəvayət edir ki, Peyğəmbər buyurdu: “Namazda ruku
və səcdə doğru edin. Allaha and olsun ki, mən sizi arxamdan da görürəm. Və
ya Mən sizi ruku və səcdə etdiyiniz zaman arxamdan görürəm”. (Buxari 742,
Muslim 425, 644, 987)
Rükuda, Səcdədə Və Ya Buna Oxşar Əmsallarda İmamı
Qabaqlamağın Qadağan Olunması
247. Əbu Hureyra rəvayət edir ki, Peyğəmbər buyurdu: “Məgər sizlərdən
imamdan qabaq başını səcdədən qaldıranlar qorxmur ki, Allah onların başını
eşşək başına döndərər və ya onların özlərini eşşəyə döndərər.” (Buxari 691,
Muslim 427, 648, 991, 992)
Səflərin Düz Və Doğru Tutulması
248. Ənəs rəvayət edir ki, Peyğəmbər buyurdu: “Səflərinizi düzəldin.
Çünki səfflərin düz olması namazın tamamndandır”. (Buxari 723, Muslim 433,
656, 1003)
249. Ənəs rəvayət edir ki, Peyğəmbər buyurdu: “Səflərinizi düzəldin.
Həqiqətən mən sizi arxamdan da görürəm”. (Buxari 718, Muslim 434, 657,
1004)
122
250. Nomən İbn Bəşir rəvayət edir ki, Peyğəmbər buyurdu: “(Namaza
duranda) sıralarınızı düzəldin (və arada qalan boşluqları doldurun). Yoxsa
Allah sizin üzünüzü dəyişdirər (aranıza ədavət salar)”. (Buxari 717, Muslim
436, 659, 1006)
251. Əbu Hureyra rəvayət edir ki, mən Peyğəmbərin belə dediyini
eşitdim: “Əgər insanlar azan (verməyin) və (namazda) birinci sırada
(durmağın nə qədər xeyirli və bərəkətli) olduğunu bilsəydilər və (buna nail
olmaq üçün) püşk atmaqdan başqa bir çarə tapmasaydılar, hökmən püşk
atardılar; əgər onlar namazın vaxtı yetişən kimi onu qılmağın (nə qədər xeyirli
və bərəkətli) olduğunu bilsəydilər, onu yerinə yetirmək üçün bir-birini ötüb
keçməyə çalışardılar; və əgər onlar işa və sübh namazlarını (camaatla birgə)
qılmağın (nə qədər xeyirli və bərəkətli) olduğunu bilsəydilər, bu namazları
qılmaq üçün dizləri üstündə sürünə-sürünə də olsa (məscidə) gələrdilər”.
(Buxari 615, Muslim 437, 661, 1009)
Kişilərin Arxasında Namaz Qılan Qadınlara, Kişilərdən
Qabaq Başlarını Səcdədən Qaldırmamalarının Əmrı
252. Səhl rəvayət edir ki, bəzi əshabələr fitələrinin ətəklərini oğlan
uşaqlarının etdiyi kimi boyunlarına bağlayıb Peyğəmbərlə birlikdə namaz
qılardılar. (Buna görə də) Peyğəmbər (camaat namazına gələn qadınlara)
deyərdi: “Kişilər qalxıb oturanadək siz başınızı (səcdədən) qaldırmayın”
(Buxari 362, 814, 1215, Muslim 441, 665, 1015)
Dostları ilə paylaş: |