56
layihələrin iştirakçılarından vergilərin tutulmasına marağı olan
tərəfdir.
Torpaq sahəsinin sahibi - layihə üçün ayrılmış torpaq
sahəsinin sahibidir. Sahib hüquqi və ya fiziki şəxs olaraq müqavilə
əsasında sifarişçiyə torpaq sahəsindən istifadəetmə hüququ verir.
İstehlaçı - əsas fondun hesabına layihənin son məhsuluna
cavabdeh olan şəxsdir. Məhsulun satışı nəticəsində gəlirin əldə
edilməsi onun əsas məqsədlərindən biridir. İstehsalçı layihənin bütün
fazalarında
iştirak edir, layihə iştirakçıları ilə əməkdaşlıq edir.
Alıcı –layihənin son məhsulunu alan, ondan istifadə edən,
tələbləri formalaşdıran və ona olan ehtiyacı müəyyənləşdirən hüquqi
və fiziki şəxsdir. Alıcının hesabına layihəyə çəkilən xərc ödənilir,
hətta layihə iştirakçıları əlavə olaraq öz gəlirlərini də əldə edə
bilərlər.
18. Layihələrin İdarə Edilməsi Beynəlxalq Assosiasiyası (İPMA)
Avropanın bütün inkişaf etmiş ölkələrinin demək olar ki,
hamısını, o cümlədən üç MDB (Rusiya, Ukrayna və Azərbaycan)
ölkələrini birləşdirən İPMA layihələrin idarə edilməsi sahəsində ən
böyük və birinci beynəlxalq təşkilat sayılır.
1965-ci ildə Dornier (AFR) firmasının məşhur layihə meneceri
Roland Quç Parisdə Avropa və ABŞ-ın layihələrin idarə edilməsi
üzrə ekspertlər qrupu ilə birlikdə iclas keçirtmişdir. Bu görüş İPMA-
nın yaranması ilə başa çatdı, R.Quç isə həmin təşkilatın prezidenti
seçildi və uzun illər ərzində assosiasiyanın lideri kimi tanındı. 1967-
ci ildə Vyanada Birinci Ümumdünya İPMA konqresi keçirildi, onun
işində dünyanın 400-dən çox mütəxəssisi iştirak etmişdir. 1994-cü
ilin iyul ayında isə Norveçin Oslo şəhərində İPMA-nın 12-ci
ümumdünya konqresi keçirildi, bu iqamətgah Sürixdə peşəkar
təşkilat kimi tanındı.
Layihələrin idarə edilməsi üzrə milli assosiasiyalar ailəsi
yarandı. 2002-ci ilin yanvar ayında Azərbaycan və Rumıniya, iyun
ayında isə Braziliya üzv oldu. Beləliklə, İPMA-ya aşağıdakı ölkələr
daxildirlər: Avstriya, Azərbaycan, Almaniya, Böyük Britaniya,
Braziliya, Cənubi Afrika, Çex Respublikası, Çin Republikası,
57
Danimarka, Finlandiya, Fransa, Hindistan, Hollandiya, Xorvatiya,
İrlandiya, İslandiya, İsveç, İsveçrə, İspaniya, İtaliya, Latviya,
Macarıstan, Misir, Polşa, Portuqaliya, Rusiya, Rumıniya, Slovakiya,
Sloveniya, Ukrayna,
Yuqoslaviya, Yunanıstan.
Öz növbəsində layihələrin idarə edilməsinin milli təşkilatları
çoxsaylı tədqiqat, layihə, təhsil müəssisələri və təşkilatlar,
mühəndislik, məsləhət, sənaye, investisiya, inşaat firmaları və
şirkətlərini, habelə yaradıcı fəaliyyətin bütün sahələrində layihələrin
həyata keçirilməsi və idarə edilməsi ilə məşğul olan digər təşkilatları
əhatə edir.
İPMA-nın başlıca məqsədi layihələrin idarə edilməsi sahəsində
peşəkarlığın inkişaf etdirilməsidir. İPMA öz qarşısına aşağıdakı əsas
vəzifələri qoymuşdur:
▪
layihələrin həyata keçirilməsi və idarə edilməsi üzrə
beynəlxalq
ideya və təcrübəni təmin etmək;
▪
layihələrin idarə edilməsinin müasir metodlarının inkişafı və
onlardan istifadə;
▪
layihələrin idarə edilməsi sahəsində alimlər birliyinə,
mütəxəssis və təcrübəçilərə yardım göstərmək;
▪
layihələrin idarə edilməsi üzrə təhsil, sertifikatlaşdırma və
təcrübi işlə bağlı beynəlxalq standartların təminatı;
▪
beynəlxalq
layihələrdə
meydana çıxan problemlərin
araşdırılması və həlli.
İPMA müxtəlif milli təşkilatlarla birlikdə beynəlxalq və
ümumdünya konqreslərini, beynəlxalq simpoziumları, beynəlxalq
seminar və konfranslar, tədris kursları və digər tədbirləri keçirir.
Aşağıdakı cədvəllərdə İPMA-nın 1967-ci ildən 1994-cü ilə qədər
əsas forumları göstərilmişdir.
İPMA keçirdiyi forumların elmi əsərlərini, monoqrafiya və
təlimatlarını, xüsusi jurnal və xəbərlərini nəşr edir. Belə ki, İPMA-
nın beynəlxalq nəşri olan “Project Management” jurnalı İngiltərədə
çap edilir və dünyada böyük şöhrət tapmışdır.
İPMA digər peşəkar təşkilatlarla əməkdaşlıq üzrə müqavilələr
bağlamışdır və onlarla birlikdə müştərək tədbir və təcrübə
mübadiləsini keçirir. Bu aşağıdakılara aiddir:
▪
Şimali Amerika Layihələrin İdarə Edilməsi İnstitutu (PMİ)
▪
Yaponiya Mühəndisliyin İnkişafı Assosiasiyası.
58
▪
Mühəndislik fəaliyyətində qiymət və dəyərin yaranması üzrə
Beynəlxalq Şura.
Belə ki, 1981-ci ildə Bostonda (ABŞ) “Layihələrin idarə edilməsi
dünyası” mövzusu üzrə müştərək PMİ/İPMA simpoziumu
keçirilmişdir.
İPMA bir sıra Avropa və ümumdünya təşkilat və qurumları ilə
birbaşa əlaqələr yaratmışdır və onlarla əməkdaşlıq edir.
Layihələrin idarə edilməsi üzrə beynəlxalq ekspertlərin
mütəmadi görüşü bu sahənin inkişafına böyük təsir göstərmişdir.
Keçirilən bu görüşlərin əsas məqsədi layihələrin idarə edilməsi üzrə
təcrübə mübadiləsinin aparılması və biliklər bazasının bir ölkədən
digər ölkəyə transfer edilməsi idi:
İPMA bir sıra Avropa və ümumdünya təşkilat və qurumları ilə
birbaşa əlaqələr yaratmışdır və onlarla əməkdaşlıq edir, bunlardan:
▪
Avropa Parlamenti və Avropa Komissiyası;
▪
Avropa Bərpa və İnkişaf Bankı (BERD/EBERD);
▪
Avropa İnvestisiya Bankı (AİB);
▪
Ümumdünya İqtisadi İnkişaf Bankı (WB).
Keçiril
diyi il
Keçirildiyi şəhər
Mövzu
1984
Sorento
(İtaliya)
Layihələrin həyata keçirilməsi müddətində
dəyər və risk funksiyalarının idarə edilməsi
1984
Qarmış-partenkirxen
(Almaniya)
Texnikanın imkanları
1986
Praqa
(Çexiya)
Layihələrin idarə edilməsinin proqram təminatı
1986
Sürix
(İsveçrə)
Layihələrin idarə edilməsində yeni yanaşma
üsulları
1987
Sürix
(İsveçrə)
Layihələrin idarə edilməsində yeni istiqamətlər
1988
Sürix
(İsveçrə)
Layihələrin idarə edilməsində komputer
dəstəyi
1991
Moskva
(SSRİ)
SSRİ-də layihələrin idarə edilməsi
1993
Moskva
(Rusiya)
Rusiya və Şərqi Avropada layihələr və onların
idarə edilməsi
1996
Kiyev
(Ukrayna)
Kompleks layihələrin modelləşdirilməsi və
idarə edilməsi
2002
Alma-Ata
(Qazaxstan)
I Beynəlxalq Simpozium. Layihələrin idarə
edilməsi: Qazaxstan -2002