ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
80
İŞEMİK İNSULT XƏSTƏLƏRİNDƏ ESSENSİAL ARTERİAL
HİPERTENZİYA YANAŞI XƏSTƏLİK KİMİ
Afaq BAĞIROVA, Nərmin MOTUXOVA
İşin rəhbəri: dos.Törə SADIQOVA dos.Natavan HÜSEYNOVA
ATU-nun II Daxili xəstəliklər kafedrası
Açar sözlər : İşemik insult ,arterial hipertenziya , beyin qan dövranı sistemi
Giriş : İşemik insult –qan təchizatının çatışmazlığı nəticəsində beynin ocaqlı ( fokal ) zədələnməsindən
əmələ gələn , 24 saatdan çox davam edən və ya bir sutka ərzində ölümə gətirib çıxaran nevroloji simptomların
kəskin inkişafı ilə xarakterizə olunan sindromdır. Bütün halların 80% -də işemik insult karotid hövzədə , 20% - də
isə vertebrobazilyar hövzədə baş verir . Çox hallarda arterial hipertenziya işemik insultun gedişinə yanaşı xəstəlik
kimi qoşulur. Arterial hipertenziya həm də işemik insultun modifikasiya edilə bilən risk amillərinə daxildir. Kiçik
kalibrli arteriyaların okkluziyası nəticəsində baş verən insult (lakunar insult) əsasən arterial hipertenziya xəstəliyi
nəticəsində baş verir
Tədqiqatın məqsədi : Essensial arterial hipertenziyanın işemik insult keçirmiş xəstələrdə yanaşı xəstəlik
kimi inkişafının müəyyən edilməsi .
Müayinə və metod : ATU-nun Tədris – Terapevtik klinikasına 2015 – 2017 ci illərdə müraciət edən ,yaş
həddi 28 -82 yaş arası , 48-i kişi 50-si qadın olmaqla işemik insultlu 98 xəstənin xəstəlik tarixlərinin
retrospektik araşdırmasını apardıq . Anamnestik, instrumental müayinələr nəticəsində işemik insultlu xəstələrin
51%-də yanaşı xəstəlik kimi essensial hipertenziya müşahidə edildi.
İL
Xəstə
sayı
Qadın
Kişi
Yaş həddi
Essensial
Hipertenziya (%)
2015
63
29
34
28-32
26 (41%)
2016
33
19
14
31-80
22 (66%)
2017
2
2
-
61-69
2 (100%)
Nəticə: 98 işemik insult xəstəsi üzərində apardığımız çalışmada essensial hipertenziyanın yanaşı xəstəlik
kimi inkişaf etdiyi və işemik insult riskini artırdığı qənaətinə gəldik. Bunu bilərək, işemik insultlu xəstələrdə
trombozun müalicəsinə , arterial təzyiqin səviyyəsinə nəzarət edilməlidir.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
81
ATUREK - 5: Qastroenterologiya / Dermatologiya bölməsi
MEDİAN ARCUAT LİGAMENT SİNDROM.
KLİNİK MÜŞAHİDƏ
Lamiyə BAXŞƏLİYEVA
İşin rəhbəri: dos. Nağdəli ZAMANOV
ATU TTK , I Daxili xəstəliklər kafedrası
Açar sözlər: Median arcuat ligament sindrom , Qarın kötüyü sıxılma sindromu, Dunbar
sindromu.
Giriş: Median Arcuat Ligament ( İçəri qövsü bağ ) diafraqmanın əsasında sağ və sol
ayaqcığın arxa – yan hissəsində , 12 ci döş fəqərəsi səviyyəsində olan bağdır. İçəri qövsü bağ
normada qarın kötüyündən yuxarıda yerləşib, aortanı əhatə edir. Lakin , normal populyasiyanın ¼
-ində içəri qövsü bağqarın kötüyünün üzərindən keçərək qarın kötüyü və günəş kələfini sıxır .Bu
şəxslərin 10 – 24% - ində klinik təzahür olmasa da , 1 % - ində sıxılma patolojidir və Median
Arcuat Ligament sindrom adlanır. Ən çox 20-40 yaş arasında , qadınlarda olur.
Tədqiqatınməqsədi: Laborator və diaqnostik üsullarla patologiya aşkar edilməyən epiqastral
ağrılar zamanı MAL sindromunun araşdırılması məqsədi ilə KT – angiqrafiyanın əhəmiyyəti.
Material və metodlar: 67 yaşlı , kişi xəstə yeməkdən sonra epiqastral nahiyyədə olan kəskin
ağrılardan, ağrılara görə qida qəbulundan imtina , çəki itkisi şikayətləri ilə Qastroenteroloji
şöbəyə yatırılmışdır. Fiziki müayinə zamanı : qarın yumşaq, epiqastral nahiyədə həssaslıq qeyd
olunur. Laborator göstəricələr normaldır. Ağrının etiologiyasını araşdırmaq uçun Endoskopiya ,
Kolonoskopiya , USM , KT icra olunmuş, heç bir patologiya aşkar edilməmişdir. Xəstədə
mezenterik işemiya düşünülərək KT - angioqrafiya icra olundu. Nəticə: Aortadan başlanğıc alan
qarın kötüyünün proksimal 6mm seqmentində diafraqma ayaqcığının təzyiqinə bağlı ( Median
Arcuat Ligament sindrom) nəzərə çarpan daralma görülməktədir. Bunun distalında qalan qarın
kötüyü isə normal diametrdədir. Pankreas başında pankreas şaxələri nəzərə çarpan qıvrılmalar
əmələ gətirmişdir ( intravaskülar təzyiq artmasına bağlı).
Beləliklə, xəstəyə MALS diaqnozu qoyuldu və cərrahi əməliyyat icra edildi: MAL –ın qarın
kötüyünə təzyiq edən hissəsinin rezeksiyası.
Nəticə: Epiqastral ağrı , qida qəbulundan imtina , cəki itkisi - qastrit, xora, kanser və s. ilə
yanaşı MALS ehtimalını da ağla gətirməlidir.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
82
ANABOLIK STEROIDLƏRIN QƏBULU ZAMANI YARANAN TOKSIKI HEPATIT
Səadət İSRAFİLLİ
İşin rəhbəri: Dr. Cəfər ƏHMƏDOV
ATU TTK, I Daxili xəstəliklər və reanimatologiya kafedrası
Açar sözlər: Toksiki hepatit, anabolik steroidlər
Giriş: Anabolik steroidlər ( anabolik – androgen steroidlər ) bədəndə testesteron və ya daha təsirli forması
olan dihidrotestosteron təsirlərini təqlid edən dərmanlardır. Bu dərmanlar hüceyrələrdə protein sintezini artıraraq
toxumaların inkişafını stimullaşdırır. Bu dərmanlar həmçinin bədən inkişafı və atletik performansın artırılması
kimi tibbi olmayan vəziyyətlər üçün də istifadə olunur. Virilizasiya, xolestatik sarılıq, qaraciyər xərçəngi
insidansını artırmaq, böyümənin erkən dayanması, spontan ereksiya, su və duz tutulmasına bağlı ödem,
azospermiya kimi əlavə təsirləri vardır.
Toksiki hepatit dərman və kimyəvi maddələrə bağlı qaraciyər iltihablanması və qaraciyər funksiyalarının
pozulmasıdır. Ən sıx görülən şikayətləri sarılıq, sidikdə tündləşmə, nəcisin rəngində açılma, ürəkbulanma, qusma,
iştahasızlıq, qarın ağrısıdır.
Tədqiqatın məqsədi: Anabolik steroidlərin istifadəsi zamanı yaranan toksiki hepatitlər haqqında öz kliniki
və müşahidə və yanaşmalarımızı həmkarlarımızın nəzərinə çatdırmaqdır.
Material və metodlar: 33 yaşlı kişi xəstə 20 gün ərzində əzələ inkişaf etdirmək üçün anaboik steroid (
Dianabol ) istifadə etmişdir. Xəsənin gözlərində və dərisində sarılıq, epiqastrik nahiyədə lokalizasiya olunan və
son iki gündən bəri davam edən ağrı, gündə 3 – 4 dəfə az – az qansız, selikli nəcis ifrazı, son 2 həftədə 6 kq
arıqlama, gecə qaşıntıları, sidikdə tündləşmə, tenezmlər, açıq rəngli nəcis təyin olunmuşdur. ALT - 859 U/L, AST
- 175 U/L, ALP - 103 İU/L, GGT - 153 İU/LT, T.Bil - 12.7 mg/dl, D.Bil - 10.72 mg/dl; Anti HCV,HBs Ag , Anti
– HBs, Anti – HBc İgM, Anti HCV, Anti HİV – neqatif. Xəstədə həmçinin autoimmun hepatit markerləri, dəmir –
mis paneli, leptospira testi, CMV İgM, EBV İgM yoxlanıldı, göz müayinəsi aparıldı. Xəstəyə üst abdominal USM,
portal venaların doppler USM müayinəsi, ezofaqoqastroduodenoskopiya, üst – alt abdominal dinamik KT
müayinəsi, sigmoidoskopiya, qaraciyərin parenxim biopsiyası müayinələri aparıldı.
Nəticə: Xəstəyə toksiki hepatit diaqnozu qoyuldu. Müalicəyə ( ursodezoksixol turşusu 250 mq 2x2, Nac
600 mq 3x1, xolestramin 3x1) başlanıldı. Müalicə fonunda xəstədə klinik, instrumental, laborator olaraq müsbət
dinamika müşahidə edildi və 10 - 14 gündən sonra tam sağalma qeyd edildi.
Dostları ilə paylaş: |