ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
88
KÜRƏK-BAZU PERİARTRİTİNİN MÜALİCƏSİNDƏ MAQNİTOTERAPİYA VƏ
KİNEZOTERAPİYANIN MÜŞTƏRƏK TƏTBİQİ
Çinarə HACIYEVA
İşin rəhbəri: dos. Paşa MEHDİYEV
ATU TTK, Fizioterapiya və İdman təbabəti kafedrası
Açar sözlər:kürək-bazu periartriti,adheziv kapsulit,maqnitoterapiya,
Kinezoterapiya.
Giriş: Kürək-bazu periartriti ağrı ilə başlayan, kürək-bazu oynağında
hərəkət məhdudluğuna gətirən sindromdur. Xəstəlik adheziv kapsulit, skapulohumeral
periartrit, Duplay periartriti kimi də adlandırılır. Yumşaq toxuma kontrakturasına bağlı olaraq hərəkət
məhdudluğu ilə özünü göstərir. İkincili isə bir çox xəstəliklər-travmalar, Şəkərli Diabet, hipertiroid
fonunda meydana çıxır. İnsulinə bağlı diabetik xəstələrdə daha çox(36%)rast gəlinir. Bu xəstələrdə
adheziv kapsulitin əmələ gəlməsində mikroangiopatiya və qlikoliz olunmuş proteinlər əsas rol oynayır.
Qadınlarda kişilərlə müqayisədə daha çox rast gəlinir.Xəstəlik 3 dövrdən ibarətdir:
Kəskin dövr(ağrılı faza)-ağrının şiddətli olduğu, çiyin hərəkətlərində məhdudluğun başladığı
dövrdür. Təxminən 3-8ay davam edir.
Yarım kəskin dövr(adheziv faza)-ağrı bu dövrdə azalır, lakin hərəkət məhdudluğu artır, 4-6ay
davam edir.
Xronik dövr(revolvusiya fazası)-ağrı azalır, hərəkət məhdudluğu bərpa olunmağa başlayır.
Məqsəd: Kürək-bazu periartriti olan xəstələrdə maqnitotrerapiya və kinezoterapiyadan istifadə
etməklə ağrınıın azaldılması, hərəkət məhdudluğunun bərpa olunmasıdır
Material və metodlar: Kürək-bazu periartriti olan 10 xəstəyə maqnitoterapiya 30
deq.müddətində hər gün olmaqla 10 sens aparılmışdır. Müalicə BTL aparatı vasitəsi ilə, kürək bazu
nahiyəsinki əhatə etməklə silindrik induktorla, kontakt üsulla aparıldı. Bununla yanaşı kinezoterapiya
da tətbiq olundu. Kinezoterapiyada isə kontrakturanı aradan qaldırmaq üçün passiv,aktiv gərmə və
Codman idman hərəkətləri verildi.
Nəticə: Kürək bazu periartriti olan 10 xəstə üzərində 10 günlük müalicə kursu aparılmışdır.
Müalicə kursunun sonunda 10 xəstədən 7-də hərəkətin həcmi 120 dərəcəyə qədər artmış, qalan 3
xəstədə isə ağrı azalmış, hərəkət isə 90 dərəcəyə qədər bərpa olunmuşdur.
Yekun: Kürək-bazu periartriti olan xəstələrə maqnitoterapiya ayrılıqda və kinezoterapiya ilə
müştərək tətbiq olunduqda xəstələrin kliniki gedişində yaxşılaşma müşahidə olunmuşdur.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
89
CƏRRAHİ ƏMƏLİYYATDAN SONRAKI ÇAPIQLARIN MÜALİCƏSİNDƏ LİDAZA
ELEKTROFOREZİN TƏTBİQİ
Mətanət MUSTAFAYEVA
İşin rəhbəri: ə.e.x., prof. Əlişir MUSAYEV
ATU TTK, Fizioterapiya və İdman Təbabəti kafedrası
Açar sözlər: cərrahi çapıqlar,fiziki üsulların tətbiqi,lidaza elektroforez.
Giriş:Çapıqlar reparativ regenerasiyanın nəticəsində əmələ gələn, fibroz birləşdirici toxumanın
inkişafıdır.Çox vaxt sadəcə kosmetik deffekt olub , bəzi hallarda funksional pozğunluğa səbəb
olur.Zədələnmiş sahədə relyef dəyişikliyi (böyük ölçüdə, qalın, rəng dəyişikliyi) nəzərə çarpır və ciddi
kosmetik deffekt yaradır. Əgər çapıqlar oynaq nahiyyəsində olarsa kontrakturalara səbəb ola bilər.
Çapıqların əmələ gəlməsində aşağıdakı mərhələlər var:
1)epitelləşmə 2)şişkinləşmə 3)qalınlaşma 4)yumşalma
Klinik olaraq atrofik, hipertrofik və kelloid çapıqlar ayırd edilir.
Cərrahi əməliyyatdan sonra ən çox hipertrofik çapıqlar yaranır və dəri səthindən həlqəşəkilli
qalxır, böyük sahəni əhatə edir və büküşlərlə örtülür. Onlar ən çox üzdə, boyun nahiyyəsində , burun
dodaq büküşündə, ağız ətrafında olur.Kelloid çapıqlar kiçik olub tədricən daha böyük ölçülərə çata
bilir. Kelloid və hipertrofik çapıqların korreksiyası yumuşalma mərhələsində aparılır.
Məqsəd: Cərrahi əməliyyatdan sonrakı çapıqların müalicəsində lidaza- elektroforezin istifadə
olunması.
Material və metodlar: ATU-nun Tədris Terapevtik Klinikasının fizioterapiya və tibbi bərpa
şöbəsinə cərrahi əməliyyatdan sonrakı çapıqların müalicəsi üçün 9 xəstə müraciət etmişdir.Çapıqlar 1
xəstədə üz nahiyəsində, 2 xəstədə boyun nahiyyəsində, 6 xəstədə isə qarın nahiyəsində olmuşdur.
Xəstələrin hər birinə , kursu 15 gün olmaqla, bir ay fasilə ilə 3 kurs elektroforez müalicəsi (28-64 TV
lidaza anoddan, verilən cərəyanın şiddəti üz nahiyyəsində 1-2 m A/sm2, boyun və qarın nahiyyəsində
10mA/sm2 ) aparılmışdır. Müalicə köndələn üsulla aparılmışdır. Elektroforezlə yanaşı xəstələrə çapıq
nahiyyəsinə parafin applikasiyası olunmuşdur. Aparılan müalicələrin sonunda çapığın ölçüləri
xəstələrdən 3-də 40%, 2-də 50%,4-də isə 65% kiçilmiş və konsistensiyası yumşalmışdır, rəngi
solğunlaşmışdır.
Nəticə: Aparılan tədqiqat nəticəsində cərrahi əməliyyatdan sonrakı çapıqların müalicəsində
lidaza ilə elektroforez müalicəsinin effektivliyi müəyyən olunmuşdur.
ATUREK / MAY 2017
ATU rezidentlərinin 5-ci elmi-təcrübi konfransı (11 MAY, 2017, ATU)
90
NEYROLEYKEMİYA
Sevinc Nəbiyeva
İşin rəhbəri: Valeh Hüseynov
ATU TTK, HEMATOLOGYA ŞÖBƏSİ
Açar sözlər : Neyroleykoz , BOM infiltrasiyası.
Giriş: Neyroleykemiyaleykemiyaların ağırlaşmalarından biridir. Neyroleykemiya- blast
hüceyrələrin HEB-i keçərək MSS-nə infiltrasiyasıdır . Subklinik dövrdə MSS profilaktikası icra
olunmayan ALL xəstələrində 50 % , AML xəstələrində 5-15 % , Burkit limfomada 19 % hallarda rast
gəlinir . Klinik əlamətlər -intrakranial təzyiqin artması əlamətləri (baş ağrısı, qusma, göz dibi ödemi,
baş gicəllənməsi) , parenximal zədələnmə əlamətləri (hemiparez, kranial sinir iflicləri , qıcolmalar ,
yerimə pozğunluğu,müvazinət pozğunluğu ) , hipotalamik sindrom ( polifagiya , çəkinin artması,
hirsutizm ) , hipofiz vəzin arxa payının zədələnməsi nəticəsində - diabetes insipidus , BOM infitrasiyası
nəticəsində - kürək və ayaq ağrıları , zəiflik , uyuşmalar , MSS-də qanaxmalar . Ən çox VII sinir
zədələnməsi, nadir hallarda III və VI sinirlərin zədələnməsi müşahidə edilir. 1 tərəfli kranial sinir
zədələnməsi 2 tərəfli zədələnmələrdən daha çox rast gəlinir.
Diaqnozu : BOM-da hər mikrolitrdə leykosit sayı 5-dən çox olur, BOM sentrifuqa nümunəsində
blast hüceyrələr görülür, kontrastlı MRT müayinəsi aparıla bilər ( Leykoz infiltrasiyasına bağlı
kranial sinir zədələnməsi nadir hallarda görülə bilər). Müalicəsi və Profilaktikası -2-li terapiya
(Metotrexate, Hidrokartizon ), 3-lü terapiya ( Metotrexate, Hidrokartizon, Sitozin arabinozid),
radioterapiya ( MSS zədələnməsi əlamətləri ilə başlayan leykozlarda, kimyəviterapiyaya erkən cavab
verməyən xəstələrdə)
Klinik müşahidə: 16 yaşlı xəstə (qız) 23.01.2017 tarixində sağ tərəfli üz siniri iflici əlamətləri ilə
(sağ qaşın hərəkətsizliyi , üzün sol tərəfə dartılması, sağ tərəfli mimiki əzələlərin parezi ) müraciət
etmişdir . Xəstə bu müddətə qədər Hematologiya şöbəsində B-ALL diaqnozu ilə 4 kurs kimyəvi
terapiya və 4 dəfə MSS profilaktikası müalicələri almışdır. Xəstəyə lumbal punksiya icra olundu ,
müayinə üçün BOM götürüldü , intratekal olaraq Metorexate 12 mg , Sitarabin 70 mg , Dexametazon 4
mg yeridildi. BOM-un nəticəsi: Leykosit-794/mkl, LDH-176 U/L, qlükoza-46 mg/dl, total protein-32.8
mg/dl. Xəstəyə eyni zamanda kimyəviterapiya başlandı. 5 gün sonra xəstədə klinik əlamətlərdə
müsbət dinamika izləndi. 1 həftə sonra lumbal punksiya təkrarlandı, BOM müayinəsində leykosit sayı
2-yə enmişdir. Xəstə 03.02.2017 tarixində yaxşılaşma ilə evə yazıldı .
Nəticə: Proqnozu pisdir. MSS-nin profilaktikasına baxmayaraq zədələnmə müşahidə edilə
bilər. Nevroloji dəyişikliklərin erkən diaqnozu və müalicəsi həyat keyfiyyəti və ölüm baxımından
önəmlidir.
Dostları ilə paylaş: |