28
2013/
I
bulaq başındakı pəri qızlardan birini zorladı. Qız çobana dedi: “Çoban, yil
təmam olacaq məndə əmanətin var, gəl, al! – dedi – Əmma Oğuzun başı-
na zıval gətirdin” – dedi. İl tamam oldu. Sarı çobanın Pəri qızı zorlama -
sından Təpəgöz doğuldu. Təpəgöz Oğuz elinin bütün qəhrəmanlarını
məhv etdi, təsadüfən aslanın tərbiyə etdiyi Basat gəlib çıxmasa, Təpəgöz
Oğuz nəslini məhv edib qurtaracaqdı. Beləliklə, zinadan Təpəgöz doğula-
cağına inanan oğuz elində monoqon nikah elə tənzimləndi ki, kişilər
arvadlarını “halalım” deyə adlandırırdılar. Beləliklə, top lumun təfəkkür
səviyyəsinə uyğun Oğuz elinin epik üsulla yaratdığı Tə pəgöz obrazı cə -
miyyətin ailə-nikah münasibətlərini tənzimlədi. Basatın Tə pəgözün gö -
zünü çıxardıqdan sonra ardıcıl onu üstələməsi zamanı öz əcdadı haqqın-
da ona dediyi sözlər oğuz cəmiyyətində etnik şüurun səviyyəsi,
təfəkkürün inkişaf pillələrini müəyyən etmək üçün xüsusi əhəmiyyət kəsb
edir.
Basat öz əcdadı, eli haqqında Təpəgözə deyir:
– Qalarda - qoparda yerim Günortac!
Qazanu dün içrə yol azsam, umum allah! (görünür redaktor Tanrı
sözünü allahla əvəz etmişdi – X. X.).
Qaba aləm götürən xanımız Bayındır xan!
Qırış güni ögdin dəpən alpımız Salur oğlı Qazan!
Anam adın sorar olsan – Qaba ağac!
Atam adın deirsən Qağan Aslan!
Mənim adım sorarsan – Aruz oğlı Basatdır! – dedi (36, 102).
İfadələrdən göründüyü kimi, Ata xaqanlığın elə bir çağıdır ki, etnik
mənsubiyyət şüuru hələ tam formalaşmayıb. Ən qədim çağda özünü tə -
biətlə eyniləşdirdiyi, əşya, heyvan əcdadı müasir əcdadla eyni zamanda
ifadə olunur.
“Dədə Qorqud kitabı”nda oğuzların təfəkkür səviyyəsini müəyyən
etmək üçün “Salur Qazanın evi yağmalandığı boy”, “Salur Qazan dustaq
olub oğlu Uruz çağırdığı boy”, Qazan xanın soy ağacı haqqında dedikləri
və başqa məlumatlar xüsusilə qiymətlidir.
Qazan xan Trabzon təkuruna əsir düşür. Onu bir quyuya salıb, quyunun
ağzına ağır bir daş qoyurlar. Bir gün təkurun arvadı deyir: “Varayın, Qa -
zanı görəyin, nə hallu kişidir, bunca adamlara zərb urarmış?!” – dedi. Xa -
tun gəlib zindançıya qapuyı açdırdı. Çağırdı aydır: “Qazan bəg, nədir ha -
lın? Dirligin yer altındamı xoşdur, yoxsa yer üstündəmi xoşdur? Həm
şimdi nə yeyərsən, nə içərsən və nəyə binərsən?” – dedi. Qazan aydır: “Ölü -
lərinə aş verdiyin vəqt əllərindən aluram. Həm ölülərinizin yorğasın bini -
rəm, kahillərin yedərəm” – dedi. Təkur övrəti aydır: “Dinin içün, Qa zan
bəg, yedi yaşında bir qızcığazım ölmişdir, kərəm eylə, ana binmə!” – dedi.
Qazan aydır: “Ölülərinizdə ondan yorğa yoqdur, həp ana binirəm!” –
29
2013/
I
dedi. Övrət aydır: “Vay, sənin əlindən nə yer yüzində dirimiz və nə yer
altında ölümiz qurtulırmış!” – dedi. Gəldi, təkura aydır: “Kərəm eylə, ol
tatarı quyudan çıqar. Qızcığazın belini üzər, yer altında qızcuğazıma
binərmiş. Qazan ölülərimizi cəm edərmiş. Həm ölülərimiz içün verdi gi -
miz aşı əllərindən çəkib alıb yegər imiş. Anun əlindən nə ölümüz, nə diri -
miz qurtularmış! Dinin eşqinə, ol əri quyudan çıqar”, - dedi (36, 116-117).
İbtidai animizmi bütün incəliyi, aydınlığı ilə əks etdirdiyi üçün bu par -
çanı olduğu kimi məqaləmizə daxil etdik. Oğuzlarla düşmənçilik ya rat -
ma maq üçün təkur təklif edir ki, bizi öy, oğuzları alçaqla, səni bura xaq.
Qopuzu əlinə alan Qazan xan soy-kökü haqqında bunları söyləyir:
Ağ qayanın qaplanının erkəgində bir köküm var,
Ağ sazın aslanında bir köküm var,
Qaz alaca yundını turğrmıya
Əzvay qurd ənügü erkəgində bir köküm var,
Ağca bəkil tümən qoyunın gəzdirməyə.
Ağ sunqur quşı erkəgində bir köküm var,
Ala ördək, qara qazun uçırmaya.
Qalın Oğuz elində bir oğlum var, - Uruz adlu
Bir qataşım var, - Qaragünə adlu.
Yenidən toğanını dərgürmiyələr.
Əlinə girmişikən, mərə kafər, öldür məni, yetür məni.
Qılıncından saparım yoq!
Kəndü əslim sımağım yoq! – dedi (36, 118-119).
Beyrək isə Qazan xanın soy – kökü haqqında deyir:
Qalmış yigit arxası! Bizə miskin umıdı!
Bayındır xanın, göygüsi!
Tülü quşun yavrısı!
Türküstanın dirəgi!
Amit soyunun Aslanı, Qaracuğın qaplanı!
Qonur atın ayası!
Xan Uruzın babası,
Xanım Qazan ünüm anla, sözüm dinlə (36, 63).
Göründüyü kimi, istər Qazan xanın öz soy – kökü haqqında dedikləri
və istərsə Beyrəyin onun söy – kökü haqqında söylədikləri etnik mənşəy,
əcdad haqqında ilkin totemlərin yarandığı çağda, insanın özünü əşyalarla
eyniləşdirdiyi, özünün təmasda olduğu bitki və heyvanın, ilk totemin
yarandığı çağın anlayışlarıdır. Oğuz tayfa ittifaqının liderləri, birinci nəsli
Bayındır xan, bəylərbəyi Qazan xanın nəinki atasının adı çəkilir, tək bir
boyda Qazan xanın atasının adı totemləri ilə birlikdə “Ulaş oğlu tülü
quşun yavrısı, bizə miskin umıdı, Amit soyunun aslanı, qaracuğun qap la -
30
2013/
I
nı, qonur atın yiyəsi” - deyə, bir boyda iki dəfə atasının adı çəkilir, digər
bütün hallarda, soy ağacı totemləri bildirilir (36, 42, 44). Göründüyü
kimi, onların soy ağacında vahid totem belə yoxdur. Ataya mənsubluq, et -
nik mənsubiyyət anlayışı, şüuru yenicə yaranır. Qazan xan oğlu Uruz,
Baybörə oğlu Bamsı Beyrək, Qanlı qoca oğlu Qanturalı, Uşun qoca oğlu
Səyrək, Bəkil oğlu İmran və s.
Nəticə. İnsanın təbiət qüvvələri ilə, heyvan, bitki və başqa əşyalarla
danışması, özünü danışdığı əşyalarla eyniləşdirməsi, onun özünü təbiət-
dən ayıra bilməməsinin, ilkin əcdad bitki, heyvan və təbiət totemlərinin
təfəkkürdə hakim olmasının nəticəsi və göstəricisidir. Salur Qazanın
yurdu, su, qurd və itlə danışması, oğlu Uruzun ağacla sözləşməsi Qazan
xan və digər oğuz qəhrəmanları nəinki şadlıq məclislərində, düşmənlə
mübahisədə, hətta onların əsirləri olduqda belə heyvan, bitki, quş və b.
totemlərini fəxrlə saymaları, bu əcdadların ruhunun onların məğlubiyyət-
inə yolve ril məzliyinə inamları “Dədə Qorqud” oğuzlarının təfəkküründə
ilkin heyvan, bitki və b. əşya totem əcdadların hakim mövqedə olmasının
özünü eyniləşdirmənin göstəricisidir. “Dədə Qorqud” oğuznamələrində
təfək kü rün qapalı-dairəvi xətt üzrə mövcudlugunu göstərən ilkin layı çox
aydınlıqla izlənilir. Maddiləşmiş, hələ unudulmuş sosial-mənəvi normalar
tə bə qəsi bütün aydınlığı ilə görünür.
ƏDƏBİYYAT
1. A.A.Bakıxanov. Seçilmiş əsərləri. B., 1984.
2. Мирзо Казым бек. Мифология персов по Фирдовси. Избранные про-
изведение. Б., 1985.
3. Ə.Sultanlı. “Kitabi-Dədə Qorqud” və qədim yunan dastanları. B., 1999.
4. T.Hacıyev. Dədə-Qorqud: dilimiz, düşüncəmiz. B., 1999.
5. В.В. Бартольд. Турецкий этпос и Кавказ. – В. В. Бартольд. Книга
моего деда Коркута. Б., 1999.
6. X. Koroğlu. Oğuz qəhrəmanlıq eposu. B., 1999.
7. В.В.Бартольд. Сочинене. Т. V. М., 1968.
8. X.Xəlilli. Dədə Qorqud oğuznamələrinin yaranma tarixi və digər oğuz-
namələrlə paralellərin dövü və səbəbləri. B., 2007.
9. X. Xəlilli. “Dədə Qorqud kitabı”nda oğuzların etnososial təbəqələrinin
təsviri. – “Dədə Qorqud” jurnalı, 2007, N3.
10. X. Xəlilli. “Dədə Qorqud kitabı”nda “ordı” termininin məzmunu və
yozumları. – “Dədə Qorqud” jurnalı, 2008, N2.
11. Q. Skirbek, N. Gülye. Fəlsəfə tarixi. B., 2008.
12. A. Şükürov. Fəlsəfə. B., 1997.
13. Ф.Х.Кесседи. От мифа к логосу. М., 1972.
14. Г. Д. Гачев. Содержательность художественных форм. Эпос, лирика,
театр. М., 1968.
15. Г.Гачев. Жизнь художественного сознания. М., 1972.
Dostları ilə paylaş: |