təşkilatlanma baxımından son dərəcə xüsusi diqqət tələb edən bir məsələ olduğunu
nəzərə alaraq Dağıstanın iradəsinə hörmət etməyi özünə borc bilir.
Beləliklə, gündəliyə çıxarıla bilən bütün ərazi və sərhəd məsələləri, habelə
Dağıstanın siyasi taleyi ilə bağlı problemlər Şimali Qafqaz Respublikası ilə ümumi
razılıq nəticəsində həll edilə bilər.
Cümhuriyyətin Batum və Qars əyalətləri
Adlan çəkilən qəza və əyalətlərdən başqa, Azərbaycan Cümhuriyyəti Tiflis
quberniyasındakı Axalsıx qəzasını, Batum, xüsusən də Qars əyalətlərini öz ərazisinə
daxil etməyə haqqı olduğuna inanır. Bu ərazilərin, xüsusən də Qars ətrafındakı
bölgələrin sakinləri azərbaycanlılarla eyni etnik qrupa daxildirlər, onların dini, adət -
ənənələri, vərdişləri, yaşayış tərzləri və məişətləri Azərbaycanın qalan hissələri ilə
tam eyniyyət təşkil edir. Bütün bunlardan sonra həmin ərazidə yaşayan
müsəlmanların dəfələrlə Azərbaycan hökumətinə Qars ətrafının Cümhuriyyətin
tərkibinə qatılması təklifi ilə təkidli müraciətlərini başa düşmək asandır. Türk hərbi
qüvvələri ölkəni tərk etdikdən, həmin bölgələrin yerli hökumət və parlamentləri
müttəfiq qoşunlar komandanının nümayəndələri tərəfindən buraxıldıqdan, ərazi qonşu
respublikalar - Ermənistan (Qars) və Gürcüstan (Ərdəhan) arasında bölüşdürüldükdən
sonra yerli müsəlman əhali tərəfindən edilən bu tipli müraciətlər xüsusilə
güclənmişdir.
Bu bölgünü özbaşınalıq sayan Azərbaycan hökuməti yerli əhalinin milli və
dini hisslərini tapdalayan həmin ədalətsizliyə qarşı qətiyyətlə etiraz edir və bildirir ki,
adları çəkilən ərazilərin əhalisi qonşu respublikaların hakimiyyətini tanımaqdan
birmənalı şəkildə imtina etmişdir. Yuxarıda da qeyd olunduğu kimi, həmin
əyalətlərinin əhalisi ərazinin Azərbaycan Cümhuriyyətinin tərkibinə qatılmasını
israrla xahiş etmişlər.
Bu faktlar bizim Respublikanı belə bir bəyanatla çıxış etməyə vadar edir ki,
Batum və Qars əyalətlərinin, habelə Axalsıx qəzasının əhalisi öz gələcək
müqəddəratlarını istədikləri şəkildə müəyyənləşdirməlidirlər. Bizim nöqteyi -
nəzərimizə gəldikdə isə həmin ərazidə yeni bir müstəqil Cümhuriyyətin yaradılması
məsələnin ən yaxşı həlli olar, regionun maraq və mənafeləri ilə bağlı problemləri
yoluna qoyardı.
İstərdik ki, məsələnin müsbət həllini tapmayacağı təqdirdə Azərbaycanın öz
tələblərini dənizə çıxışı olan dövlətlərə daha təkidlə çatdırmağa xüsusi hüququ olduğu
təsbit edilsin. Biz bu barədə “Azərbaycanın iqtisadi və maliyyə vəziyyəti” adlı
əlavədə bəhs edəcəyik.
Yerli əhalisinin istəklərinin müdafiəçisi olan Azərbaycan Cümhuriyyəti öz
qonşusuna - Gürcüstan Respublikasına dostluq duyğularını bildirməklə iki dövlət
arasındakı sərhəd və ərazi məsələsinin referendum yolu ilə müzakirəsi və həlli
təklifini irəli sürmək istərdi.
AZƏRBAYCAN CÜMHURİYYƏTİNİN ƏRAZİSİ VƏ ƏHALİSİNİN SAYI
Ərazinin sahəsi
Təqdim olunmuş memoranduma əlavədə ərazinin sahəsi, Cümhuriyyətin
sərhədləri və əhalisi haqqında dəqiq statistik məlumatlar verilmişdir.
Mcmoranduma əlavə olunmuş xəritədən də göründüyü kimi, indi Respublika
hökumətinin tabeliyində olan ərazi şərqdə Xəzər dənizi, şimalda Dağıstan, Şimali
Qafqaz və Gürcüstan, qərbdə Gürcüstan və Ermənistan, cənubda İranla həmsərhəddir.
Azərbaycan Cümhuriyyəti hökumətinin həqiqi hakimiyyəti altında olan ərazi
83.278.66 kv. verst*, yaxud 94.137.38 kv. km-dir. Bu bütün Transqafqazın 217.408
kv. verst, yaxud 247.376,15 kv.km. olan ümumi ərazisinin 39 faizini təşkil edir.
Əgər biz hələlik Azərbaycanın hakimiyyətinin yayılmadığı əraziləri də
buraya əlavə etsək, onda cümhuriyyətin ümumi ərazisi 132.003.25 kv. verst, yaxud
150.184.88 kv.km. olar ki, bu da bütün Transqafqazın 60 faizini təşkil edir.
Əhali
Azərbaycan Cümhuriyyəti əhalisinin sayı yuxarıda göstərilən ərazilərə
müvafiqdir. Əhalinin sayı haqqındakı məlumatlar Rusiyanın rəsmi statistikasından
götürülmüşdür. Bu məlumatlar bir qayda olaraq qeyri -dəqiqliyi ilə seçilir və
bütünlükdə çox əvvəllər çap olunmuşdur.
Rusiyada əhalinin axırıncı siyahıya alınması 1897-ci ildə keçirilmişdir.
Təəssüf ki, biz həmin siyahıyaalmanın nəticələrindən istifadə etməli oluruq, lakin
daha dəqiq nəticələr əldə etmək üçim aradan keçən iyirmi il müddətində Azərbaycan
əhalisinin sayını 25% artırırıq. Əgər bütün Transqafqaz ərazisində hər iki cinsdən
ibarət olan əhalinin sayını götürsək, burada 8.081.668 nəfərin yaşadığını görərik.
Onların yarıdan çoxu Azərbaycanın payına düşür ki, bu da əhalimizin ümumi sayının
4.617.671 nəfərə çatdığını göstərir.
Həmin əhalinin 3.481.889 nəfəri azərbaycanlı - müsəlman, 795,312 nəfəri
erməni, 26,585 nəfəri gürcü, 310.885 nəfəri başqa millətlərin (ruslar, almanlar,
yəhudilər və b.) nümayəndələridir. Təfərrüatlı izahlarla müşayiət olunan statistik
cədvəllər və xəritələr Transqafqazın, xüsusən də Azərbaycanın əhalisinin etnik
baxımdan yerləşməsi və sayı haqqında aydın təsəvvür yaradacaqdır. Lakin bu
cədvəllərdə Rusiyanın rəsmi statistikası üçün səciyyəvi olan bir sıra qüsurlar da yox
deyildir.
*
1 verst 1067 m etrə bərabərdir.
AZƏRBAYCANIN TƏBİİ SƏRVƏTLƏRİ
Azərbaycanın ərazisi təbii sərvətlərlə o dərəcədə zəngindir ki, əmin -amanlıq
şəraitində gənc Respublika dövləti yaşatmağa və əhalisini öz məhsulları ilə tam
şəkildə təmin etməyə qadirdir.
Neft
Dövlətin illik gəlirini təşkil edən sahələr içərisində Bakının neft istehsalı ilk
yeri tutur. Azərbaycan paytaxtı öz nefti ilə bütün dünyada şöhrət qazanmışdır.
Bizim neftli torpaqlarımızın ümumi sahəsi 1500 desyatindən çoxdur. İndiki
neft sənayesi mövcud mədənlərin istismarı nəticəsində hər il 550 milyon puddan 600
milyon puda qədər neft verir. Bu da Pensilvaniya və Limada çıxarılan neftin ümumi
miqdarından 50 faizi çoxdur.
Bu neftin mühüm bir hissəsi Azərbaycan dövlətinə mənsub olan ərazilərdən
hasil edilir. Bakı regionundan başqa neftli torpaqlar Şamaxı, Cavad bölgələrində də
mövcuddur. Burada neft istismarı müəyyən çətinliklərlə bağlı olduğundan həmin
ərazilər hələlik dövlət ehtiyatı kimi saxlanılmaqdadır. İstehsal olunan neftin 76 faizi
dövlət torpaqlarından çıxarılır. Bakının yüzdən çox zavodunda 230 milyon puddan
çox neft emal olunurdu. Həmin məhsulun 70 milyon pudu Mərkəzi Rusiyaya, qalanı -
160 milyon pudu isə Avropaya ixrac edilirdi. Avropaya ixrac olunan bütün neft
məhsullarının üçdə bir hissəsi Bakının payına düşür.
Əgər biz bura neftdən alınan və əsas ixrac məhsullarını təşkil edən yüz
milyon pudlarla məhsulları, habelə on milyonlarla pud alışqan mayeləri (benzin,
benzolin, ağır neft, sürtkü yağları) əlavə etsək, bu sahənin dövlət büdcəsi üçün nə
qədər vacib və əhəmiyyətli olduğu aydınlaşar. Azərbaycan hökuməti tərəfindən
neftdən alınan qeyri-müstəqim vergi 1919-cu ilin büdcəsində 125 milyon manat təşkil
etmişdir.
Pambıq
Ölkə büdcəsindəki ikinci gəlir sahəsi Muğanda və başqa bölgələrdə yayılan
və ümumi sahəsi 130.000 desyatinə çatan pambıq plantasiyalarıdır. Bu sahələrdən hər
il 5 milyon puddan çox xam pambıq məhsulu toplanır.
Ipəkçilik
Dostları ilə paylaş: |