Azərbaycan respublikasi döVLƏt neft şİRKƏTİ



Yüklə 3,11 Mb.
səhifə23/40
tarix26.01.2018
ölçüsü3,11 Mb.
#22458
1   ...   19   20   21   22   23   24   25   26   ...   40

24 DOLAYI İTKİ
Maddə 24-ün məqsədləri üçün, “Dolayı itki” dedikdə:


    1. Azərbaycan qanunvericiliyinə əsasən nəticəvi və dolayı itki; və




    1. Yarımbənd (i)-də göstərilənlərə aid olmayan birbaşa və ya dolayı və MÜQAVİLƏNİN QÜVVƏYƏ MİNMƏ TARİXİNDƏ əvvəlcədən görünən və ya görünməyən istehsal itkisi və/və ya ləngiməsi, məhsul itkisi, fayda itkisi, gəlir, mənfəət itkisi və ya (əgər varsa) əldən çıxmış fayda,

başa düşülür.


MÜQAVİLƏNİN hər hansı müddəaya baxmayaraq və MÜQAVİLƏ ilə müəyyən edilən (əvvəlcədən müəyyənləşdirilmiş xitam etmə ödənişləri də daxil olmaqla) razılıq əsasında aradan qaldırılan zərərlər istisna olmaqla, ŞİRKƏT PODRATÇI QRUPU ŞİRKƏTLƏR QRUPUNUN öz dolayı itkisindən qoruyur, müdafiə edir və PODRATÇI ŞİRKƏTLƏR QRUPUNU PODRATÇI QRUPUN MÜQAVİLƏNİN icrasından və ya icra olunmamasından irəli gələn və ya onunla bağlı olan öz dolayı itkisindən qoruyur, müdafiə edir və bu cür zərərlərin əvəzini ödəyir.


25. MƏXFİLİK
25.1 PODRATÇI ŞİRKƏTİN ilkin razılığı olmadan:
a) MÜQAVİLƏNİN mövzusu ilə bağlı ictimai nəşr etməyəcək və ya bəyanat verməyəcək, və ya
b) PODRATÇIYA MÜQAVİLƏNİN öhdəliklərini icra etməsi üçün zəruri olan hallar istisna olmaqla, layihələr, rəqəmlər və kompüter proqramları daxil olmaqla, lakin bunlarla məhdudlaşmayan :
i) MÜQAVİLƏ ilə əlaqədar olaraq ŞİRKƏT tərəfindən və ya ŞİRKƏTİN, onun ORTAQLARININ və ya onun FİLİALLARININ adından PODRATÇIYA verilən,və ya

ii) MÜQAVİLƏYƏ uyğun olaraq ŞİRKƏTDƏ toplanan, və ya



  1. İŞİN icrası ilə əlaqədar olaraq PODRATÇININ hazırladığı

məlumatları istifadə etməyəcək, nüsxəsini çıxarmayacaq, üçüncü tərəfə açıqlamayaq və ya üçüncü tərəfin xeyri üçün istifadə etməyəcək və ya üçüncü tərəfin bu məlumatları istifadə etməsinə, tanış olmasına və ya nüsxəsini çıxarmasına imkan verməməyi öhdəsinə götürür.


25.2 Maddə 25.1-in şərtləri:
a) ictimai bəlli olan məlumatın bir hissəsi olan, və ya
b) MÜQAVİLƏNİN tapşırılmasından əvvəl PODRATÇIYA məxsus olan və ŞİRKƏT qarşısında məxfilik öhdəliyinin obyekti olmayan, və ya
c) üçüncü tərəfdən alınan, hansıki, qanuni olaraq ona məxsusdur və bunu açıqlamamaq öhdəliyi yoxdur, və ya
d) hər hansı bir qanun, qayda və ya İŞ və ya müvafiq fond birjasının tələblərinə əməl etmək üçün acıqlanması tələb olunan, və ya
e) İŞ TAMAMLANDIQDAN ən az beş il sonra PODRATÇI tərəfindən istifadə edilən və ya açıqlanan
məlumatlara tətbiq edilmir.
25.3 PODRATÇI zəmanət verir ki, Maddə 25-ın şərtləri bütün SUBPODRAT MÜQAVİLƏLƏRİNƏ daxil edilməlidir və PODRATÇININ və ya SUBPODRATÇININ məmurları, işçiləri və agentləri buna riayət edəcəkdir.
25.4 PODRATÇI tərəfindən verilən və PODRATÇININ gizli saxlanılmasını istədiyi bütün məlumatların məxfi olduğu aydın şəkildə işarələnir bu şərtlə ki, PODRATÇININ qiymətləndirmə və ticarət sirri ilə bağlı olan məlumatları PODRATÇI tərəfindən bu şəkildə işarələnməsə belə ŞİRKƏT tərəfindən gizli saxlanılır. Bu cür gizli məlumatlarla bağlı ŞİRKƏTİN səlahiyyəti vardır ki:
a) bunu ŞİRKƏT QRUPUNA açıqlasın və onların bu məlumatdan istifadə etmələrinə icazə versin
b) əsasnamə və ya digər qanuni tələblərə əsasən açıqlasın
c) PODRATÇININ ilkin razılığını almaqla, hansıki ağlabatan səbəb olmadan verilməyə və ya gecikdirilə bilməz, İŞİN icrası ilə bağlı olan layihənin həyata keçirilməsi üçün zəruri olan dərəcədə üçüncü tərəflərə açıqlasın və ya onlara bu məlumatdan istifadə etməyə icazə versin.
Yuxarıda qeyd edilənlərlə yanaşı, ŞİRKƏT zəmanət verir ki, onun məmurları, işçiləri və agentləri PODRATÇININ MÜQAVİLƏ ilə bağlı və ya onun icrası nəticəsində meydana çıxan məxfi məlumatlarını MÜQAVİLƏNİN İCRA MÜDDƏTİNİN BAŞLANMASI TARİXİNDƏN sonrakı beş il ərzində qorumaq üçün bütün ağlabatan tədbirləri görəcəkdir. Şübhə qalmamsı üçün qeyd edilir ki, Maddə 25.4-ün şərtləri MÜQAVİLƏYƏ uyğun olaraq ŞİRKƏTƏ verilən məlumatlara tətbiq edilmir.

26. GÖMRÜK PROSEDURLARI
26.1 Tətbiq edilməsi mümkün olduğu zaman, ŞİRKƏT və PODRATÇININ hər biri MÜQAVİLƏNİN tələb etdiyi material, mallar, alətlər, avadanlıq və təchizatların idxalı, ixracı və təkrar idxalı üçün Azərbaycan Respublikası gömrük qanunvericiliyinə uyğun olaraq müvafiq gömrük orqanlarına müraciət edirlər.
26.2 PODRATÇI İŞİN icrası üçün lazım olan, gömrük nəzarətindən keçən malları Azərbaycan Respublikası gömrük qanunvericiliyinə uyğun olaraq maksimum yararlanmağa imkan verəcək şəkildə idxal, ixrac və təkrar idxal etməyi və əsasən təmin edilməli olan material, mallar, alətlər, avadanlıq və təchizatların İŞ YERİNƏ gətirilməsini üzərinə götürür.
26.3 ŞİRKƏT və PODRATÇI, kimin gömrük nəzarətindən keçən malların ticarətçisi və kimin bu malların sahibi (mülkiyyətçisi deyil) olmasından asılı olaraq ayrı-ayrılıqda gömrük qaydalarına riayət edilməsinə görə cavabdehdirlər və məsuliyyət daşıyırlar.
26.4 Maddə 26-in məqsədləri baxımından, İŞ YERİ dedikdə neft və/və ya qaz axtarışının və ya hasilatının həyata keçirildiyi torpaq, ofşor ərazi və ya gəmi və ya müqavilənin predmetindən asılı olan və tərəflərin müəyyən etdiyi digər ərazi nəzərdə tutulur.
26.5 PODRATÇI MÜQAVİLƏYƏ əsasən tələb edilən və PODRATÇI tərəfindən idxal və ya ixrac edilən material, mallar, alətlər, avadanlıq və təchizatlar üçün bütün idxal/ixrac vergiləri və gömrük rüsumlarını ödənməli olan və ya ödənilə bilən vaxtda ödəyir. PODRATÇI İŞİN icrasına başlamazdan əvvəl bunun üçün vacib olan müvafiq orqanın verdiyi idxal/ixrac lisenziyalarına malik olmalıdır.
26.6 MÜQAVİLƏYƏ əsasən materiallar və avadanlıq ŞİRKƏTƏ satıldıqda PODRATÇI gömrük nəzarətindən keçən mallar ilə bağlı bu malların gömrük rüsumlarını minimuma endirmək və ya təmamilə aradan qaldırmaq məqsədilə ŞİRKƏT üçün vacib ola biləcək, bu malların mənşəyi, gömrük statusu və gömrük nömrəsi də daxil olmaqla, bütün məlumatı göstərən və təsdiqləyən bütün sənədləri hazırlayır və ŞİRKƏTƏ təqdim edir.


27 TƏHVİL VERMƏ VƏ TAMAMLAMA
27.1 PODRATÇI hesab edirsə ki, DAİMİ İŞİN hamısı və ya müvafiq bir hissəsi ŞİRKƏTİN sərəncamına, nəzarətinə və idarəsinə verilməsi üçün hazır vəziyyətdədir, PODRATÇI bu barədə ŞİRKƏTƏ məlumat verir və TƏHVİL VERMƏ SERTİFİKATININ tərtib olunmasını tələb edir.


    1. Əgər ŞİRKƏT hesab edirsə ki, DAİMİ İŞİN hamısı və ya müvafiq bir hissəsi ŞİRKƏTİN sərəncamına, nəzarətinə və idarəsinə verilməsi üçün hazır vəziyyətdədir, o zaman, ŞİRKƏT DAİMİ İŞİN hamısı və ya müvafiq bir hissəsi ilə bağlı TƏHVİL-TƏSLİM AKTI tərtib edir və DAİMİ İŞİN hamısı və ya müvafiq bir hissəsi TƏHVİL-TƏSLİM AKTINDA göstərilən tarixdə ŞİRKƏTƏ təhvil verilir.




    1. PODRATÇI hesab edirsə ki:

  1. İŞİN hamısı (Maddə 29.1(a)-ya əsasən ŞİRKƏTİN İŞİN hamısına və ya MÜQAVİLƏYƏ xitam verməsi daxil olmaqla)

  2. ƏSAS TARİXLƏRİN CƏDVƏLİNDƏ ayrıca tamamlama vaxtı nəzərdə tutulan İŞİN hər hansı bir hissəsi tamamlanmışdır və MÜQAVİLƏDƏ nəzərdə tutula biləcək yekun testləri uğurla keçmışdır, PODRATÇI ŞİRKƏTƏ bu barədə məlumat verir və TAMAMLAMA SERTİFİKATI tərtib edilməsini tələb edir.

27.4 ŞİRKƏT mümkün olduğu təqdirdə bildirişi aldıqdan sonrakı 30 gün ərzində:


a) ya İŞİN hamısı və ya bir hissəsi üçün TAMAMLAMA SERTİFİKATI tərtib edir,
b) ya da ki, PODRATÇININ nöqsanı nəticəsində İŞİN hamısı və ya bir hissəsində əmələ gələn qüsur barədə PODRATÇIYA məlumat verir.
27.5 Maddə 27.4(b)-yə əsasən verilmiş bildirişdə hər bir qüsurun xarakteri ayrılıqda göstərilir və PODRATÇININ MÜQAVİLƏNİN hansı hissəsi və ya hissələrində nəzərdə tutulan öhdəliklərə əməl etmədiyi qeyd edilir.
PODRATÇI belə bildiriş aldıqdan sonra dərhal qüsurları aradan qaldırmalıdır. PODRATÇI , qüsurları aradan qaldırdıqdan sonra Maddə 27.3-ə əsasən ŞİRKƏTƏ məlumat verir.
27.6 PODRATÇI Maddə 27.5-ə uyğun olaraq hər hansı bir qüsuru aradan qaldıra bilməzsə, ŞİRKƏT PODRATÇININ bu cür qüsurlarla bağlı öhdəliklərini öz üzərinə götürə bilər. Bu halda ŞİRKƏTİN bu cür öhdəliklərin icra edilməsi ilə bağlı məruz qaldığı xərcləri PODRATÇIDAN geri almaq səlahiyyəti vardır.
28. QÜSURLARIN ARADAN QALDIRILMASI
28.1 PODRATÇI zəmanət verir ki, o, İŞİ MÜQAVİLƏNİN şərtlərinə uyğun olaraq icra etmişdir və icra edəcək və DAİMİ İŞDƏ heç bir qüsur olmayacaqdır.
28.2 Əgər ŞİRKƏT Maddə 27-ə əsasən TAMAMLAMA TARİXİNDƏN əvvəl və ya sonra və Müqavilədə nəzərdə tutulan Qüsurların Aradan Qaldırılması Dövründə PODRATÇIYA qüsur olduğu barədə məlumat verərsə, PODRATÇI ŞİRKƏTİN tələblərinə və Maddə 28.3-ə uyğun olaraq, PODRATÇI QRUPUNUN nöqsanı nəticəsində meydana çıxan İŞ qüsurlarını aradan qaldırmaq üçün bütün tədbirləri görür .
Maddə 28-in şərtlərinə əsasən PODRATÇI İŞİN hər hansı bir hissəsini təkrar icra edərsə, düzəldərsə və ya əvəz edərsə, Maddə 29 işin təkrar icra edilən, düzəldilən və ya əvəz edilən hissəsinə tətbiq olunur. Bu iş ilə bağlı Müqavilədə nəzərdə tutulan Qüsurların Aradan Qaldırılması Dövrü MÜQAVİLƏYƏ əsasən bu təkrar icra edilmə, düzəldilmə və ya əvəz edilmə başa çatdırıldıqda başlayır, bu şərtlə ki, Qüsurların Aradan Qaldırılması Dövrü Müqavilədə nəzərdə tutulan müddətdən uzun olmayacaqdır.
28.3 PODRATÇI qüsurları vaxtında aradan qaldırmaq üçün zəruri tədbirləri həyata keçirmək istəmədiyi halda və ya bunu edə bilmirsə, ŞİRKƏT PODRATÇININ qüsurları aradan qaldırması üçün zəruri tədbirləri həyata keçirməsinin onun maraqlarına ziyan vura biləcəyini müəyyən edə bilər. Bu halda ŞİRKƏT PODRATÇININ Maddə 28.2-də nəzərdə tutulan öhdəliklərini öz üzərinə götürə bilər. Bu halda ŞİRKƏT PODRATÇIYA bununla bağlı məlumat verir və ŞİRKƏTİN səlahiyyəti vardır ki, bu cür öhdəliklərin icra edilməsinin birbaşa nəticəsi olaraq ŞİRKƏTİN məruz qaldığı əlavə xərcləri PODRATÇIDAN geri alsın.
Maddə 28.2 və 28.3-ün məqsədləri baxımından, PODRATÇI sahildə yerləşən helikopter bazası və ofşor sahəsi arasında insanların helikopter ilə daşınmasına görə və ya ofşor sahədə qalmaq və yemək xərclərinə görə ŞİRKƏT qarşısında məsuliyyət daşımır.
28.4 Maddə 28.2 və 28.3-da nəzərdə tutulanlarla baxmayaraq, PODRATÇI aşağıda nəzərdə tutulanlara görə məsuliyyət daşıyır :

i) DAİMİ İŞİN daimi təmir xərcləri, və ya

ii) aşağıda qeyd edilənlərin nəticəsində meydana çıxan qüsurların aradan qaldırılması görə xərclər:


  1. ŞİRKƏT həyata keçirdiyi səhv əməliyyat;

  2. PODRATÇININ TEXNİKİ MƏLUMATA əsaslanaraq gördüyü iş;

  3. MÜQAVİLƏDƏ və ya DƏYİŞİKLİKLƏRDƏ nəzərdə tutulanlardan fərqli iş şəraiti;

  4. ŞİRKƏTİN təmin etdiyi materiallarda və avadanlıqdakı qüsurlar.


29. XİTAM
29.1 ŞİRKƏTİN aşağıda qeyd edilən səbəblərə görə zəruri hesab etdiyi istənilən vaxtda və ya vaxtlarda İŞİN hamısına və ya bir hissəsinə və ya MÜQAVİLƏYƏ xitam vermək hüququ vardır:


  1. ŞİRKƏT tərəfindən istənilən vaxt; və ya




  1. Maddə 29.2-yə əsasən PODRATÇI tərəfindən qüsurlara yol verildikdə; və ya




  1. PODRATÇI iflasa uğradıqda və ya öz kreditorları ilə hazırlıq və ya tədbirlər gördükdə və ya bağlanmaqla bağlı qərar qəbul edilərkən (birləşmə və ya yenidən qurulma məqsədləri ilə olanlar istisna olmaqla) və ya könüllü bağlanması ilə bağlı qətnamə qəbul edilərkən və ya biznesinin və ya layihənin müvəqqəti Ləğvedici, Qəbuledici, İnzibatçı və ya İdarəedicisinin təyin olunarkən və ya girov qoyulmuş əmlaka sahiblik girovla təmin edilən cari borc əsasında borc iltizamı ilə digər şəxslərə keçərkən.

29.2 PODRATÇI tərəfindən qüsura yol verildiyi halda və ŞİRKƏT tərəfindən İŞİN bir hissəsinə və ya hamısına və ya MÜQAVİLƏYƏ xitam verilməsi qərarı verildikdən əvvəl, ŞİRKƏT PODRATÇIYA bu nöqsanı təfsilatlı şəkildə izah edən bildiriş göndərir. Əgər PODRATÇI bildirişi aldıqdan sonra bu nöqsanın aradan qaldırılması üçün ŞİRKƏTİ təmin edən hərəkətlərə başlamırsa və sonradan bunu davam etdirmirsə ŞİRKƏT Maddə 29.1-in şərtlərinə əsasən xitam verilməsi ilə bağlı bildiriş göndərə bilər.


29.3 ŞİRKƏT PODRATÇIYA İŞİN bir hissəsinə və ya hamısına və ya MÜQAVİLƏYƏ xitam verilməsi ilə bağlı bildiriş göndərdikdə, bu bildiriş orada qeyd edilən tarixdə qüvvəyə minir (əgər belə bir tarix qeyd edilməmişdirsə bu bildirişin alındığı tarix) və bu tarixdə PODRATÇI dərhal:


  1. bildirişdə qeyd edilən şəkildə İŞİN hamısının və ya bir hissəsinin icrasını dayandırır;




  1. ŞİRKƏTƏ və ya onun təyin etdiyi şəxsə İŞİ və ya İŞİN müvafiq hissəsini qəbul etməsi üçün İŞ SAHƏSİNƏ girişinə tam şərait yaradır;




  1. ŞİRKƏTİN arzuladığı dərəcədə ŞİRKƏTƏ və ya onun təyin etdiyi şəxsə İŞ ilə əlaqədar olaraq PODRATÇININ əldə etdiyi və ya daxil olduğu hüquqlar, səlahiyyətlər, öhdəliklər və SUBPODRAT MÜQAVİLƏLƏRİNİ verir.

  2. Maddə 29.3(b)-nin tələblərinə əsasən, ŞİRKƏT əksini tələb etmədiyi halda, PODRATÇININ avadanlıq və materiallarını İŞİN və ya bunun müvafiq hissəsinin icra edildiyi sahədən dərhal kənarlaşdırmalıdır.

MÜQAVİLƏYƏ xitam verildiyi tarixdən sonrakı 30 gün ərzində PODRATÇI TEXNİKİ MƏLUMATIN bütün müvafiq hissələrini və layihə, spesifikasiya, rekvizasiya, hesablama, proqram siyahısı, montaj planları, cədvəllər, kompüter yazıları, disklər və PODRATÇI və ya SUBPODRATÇI tərəfindən hazırlanmış bütün mühüm yazılar və digər məlumat və sənədləri ŞİRKƏTƏ təqdim etməlidir.


Maddə 29.1(b) və ya 29.1(c)-yə əsasən xitam verildiyi halda, ŞİRKƏTİN hüququ vardır ki, İŞİN və ya onun müvafiq hissəsini digər podratçılar vasitəsi ilə başa çatdırsın.
29.4 Maddə 29.1(a)-ya əsasən xitam verildikdə, MÜQAVİLƏYƏ uyğun olaraq PODRATÇININ İŞİN bir hissəsinin icrası üçün ödənişi həmin Müqavilədə nəzərdə tutulan digər ödəniş ilə birlikdə almaq hüququ vardır və ya belə bir şərt nəzərdə tutulmadıqda xitam verilmə tarixində tərəflər arasına razılaşdırılan ağlabatan xərcləri almaq hüququ vardır.
29.5 İŞİN bir hissəsinə Maddə 29.1(b)-yə əsasən xitam verildikdə, PODRATÇININ MÜQAVİLƏYƏ uyğun olaraq yalnız Müqavilədə nəzərdə tutulan İŞİN bir hissəsinin icrası üçün ödənişi almaq səlahiyyəti vardır. Xitam verilməsi nəticəsində ŞİRKƏTİN məruz qaldığı bütün ağlabatan əlavə xərclər PODRATÇININ hesabına ödənilir.
29.6 İŞİN hamısına və ya MÜQAVİLƏYƏ Maddə 29.1(b) və ya Maddə 29.1(c)-yə əsasən xitam verildikdə aşağıdakı şərtlər tətbiq olunur:
a) Maddə 28-də qeyd edilən Qüsurların Aradan Qaldırılması Dövrü başa çatana qədər ( hesab edilir ki, İŞİN BAŞA ÇATDIRILMASI TARİXİ ƏSAS TARİXLƏRİN CƏDVƏLİNDƏ qeyd edilən tarix olmalıdır) və bundan sonra BAŞA ÇATDIRILMA xərcləri və PODRATÇININ nöqsanı və ya xitam verilməsinə səbəb olan halların nəticəsində meydana çıxan bütün digər xərclər hesablanana qədər PODRATÇININ ŞİRKƏTDƏN hər hansı bir məbləğdə pul almaq hüququ yoxdur.


  1. MÜQAVİLƏNİN şərtlərinə əsasən məbləğ çıxılandan sonra və çıxılan məbləğdən asılı olaraq PODRATÇININ yalnız MÜQAVİLƏYƏ uyğun olaraq xitam vermə tarixinə qədər icra edilmiş İŞİN bir hissəsinin icrası üçün Müqavilədə nəzərdə tutulan ödənişi almaq hüququ vardır; və




  1. PODRATÇININ yol verdiyi qüsurun və ya xitam verilməsinə səbəb olan digər halların birbaşa nəticəsi olaraq ŞİRKƏT tərəfindən çəkilən hər hansı digər ağlabatan xərclər PODRATÇI tərəfindən ödənilir.

29.7 a) MÜQAVİLƏYƏ xitam verildiyi zaman, tərəflərin aşağıdakı Maddələrdə nəzərdə tutulan hüquq və öhdəlikləri tam olaraq qüvvədə qalır:





    1. MÜQAVİLƏDƏ

ii) MÜQAVİLƏNİN ŞƏRTLƏRİ, Maddələr 4,5,8,17,18,19,20,21,22,23,24,25,26,27,30,31,32,34,35,36, və 37




    1. Müqavilə Formasında nəzərdə tutulan əlavə Maddələr və Müqavilənin Xüsusi Şərtləri.

b) İŞİN hamısı və ya bir hissəsi xitam olunduğu zaman, MÜQAVİLƏ tam olaraq qüvvədə qalır.



30. AUDİT VƏ SƏNƏDLƏRİN SAXLANILMASI
30.1 İŞİN icra edildiyi dövrdə və sonrakı üç il müddətində ŞİRKƏTİN və onun səlahiyyətli nümayəndəsinin istənilən ağlabatan vaxtda audit aparmaq və sorğu göndərməklə PODRATÇIDAN aşağıda qeyd olunanlarla bağlı bütün qeydlərin (kompüterdə saxlanılan məlumatlar da daxil olmaqla), kitabların, şəxsi qeydlərin, hesabların, yazışmaların, memorandumların, qəbzlərin, vauçerlərin və digər sənədlərin nüsxələrini almaq hüquqları vardır:


  1. PODRATÇI tərəfindən ŞİRKƏTƏ göndərilən ödəniş hesab fakturaları; və




  1. Bu MÜQAVİLƏNİN, icrası PODRATÇI tərəfindən audit vasitəsi ilə yoxlanıla bilən öhdəliklərin müəyyən olunduğu hər hansı müddəası.

30.2 PODRATÇI ŞİRKƏT və/və ya onun nümayəndələri ilə ŞİRKƏT tərəfindən tələb edilən audit yoxlamasının həyata keçirilməsi üçün tam şəkildə əməkdaşlıq etməlidir. ŞİRKƏT audit yoxlamasını PODRATÇIYA minimal narahatçılıq yaratmaqla həyata keçirməlidir.


30.3 PODRATÇI bütün SUBPODRATÇILARA münasibətdə eyni növ audit yoxlamasını həyata keçirmək hüququna malikdir və ŞİRKƏTİN də bu hüquqlara malik olmasına şərait yaradır.
30.4 ŞİRKƏT və PODRATÇI kompüterdə saxlanılan məlumatlar da daxil olmaqla MÜQAVİLƏ ilə bağlı bütün sənədləri və məlumatları ƏSAS TARİXLƏRİN CƏDVƏLİNDƏ nəzərdə tutulan İŞLƏRİN tamamlanması tarixindən sonrakı altı (6) il müddətində saxlamalıdırlar.

31. YÜKLÜLÜKLƏR
31.1 PODRATÇI İŞƏ və ya PODRATÇININ sahibliyində və ya İŞ SAHƏSİNDƏ olan ŞİRKƏTİN hər hansı əmlakına qarşı hər hansı yüklülük və ya girov qoymaq hüququ yoxdur.
31.2 Maddə 31-nın hər hansı digər müddəalarına xələl yetirmədən, PODRATÇI ŞİRKƏTİ SUBPODRATÇILARIN MÜQAVİLƏ ilə bağlı olan və ya onun icrasının nəticəsində meydana çıxan yüklülük və ya girov tədbirlərindən qoruyur, müdafiə edir və bu baş verdiyi halda zərərin əvəzini ödəyir.
31.3 PODRATÇI İŞƏ və ya onun hər hansı bir hissəsinə təsir edə biləcəyi ehtimal olunan yüklülük və ya həbs barədə ŞİRKƏTƏ dərhal məlumat verir.
31.4 Əgər ŞİRKƏTİN və ya onun əmlakının məruz qala biləcəyi hər hansı yüklülük və ya girov barədə sübut mövcuddursa, bunun hər hansı bir şəxs tərəfindən PODRATÇIYA qarşı və ya SUBPODRATÇI tərəfindən ŞİRKƏTƏ qarşı edilməsindən asılı olmayaraq, ŞİRKƏTİN hüququ vardır ki, bu yüklülük və ya girovun vurduğu zərəri tam şəkildə ödəyən məbləği PODRATÇIYA ödənişlərdən çıxsın.
31.6 Maddə 31-ın məqsədləri üçün, ŞİRKƏTƏ edilən istinadlara ORTAQLAR və ŞİRKƏTİN və ORTAQLARIN FİLİALLARI, PODRATÇIYA edilən istinadlara isə onun FİLİALLARI daxildir.
32. İŞ ETİKASI

32.1 Həm ŞİRKƏT və həm də PODRATÇI MÜQAVİLƏNİN icrası zamanı iş etikasının ən yüksək standartlarına riayət edirlər. Vicdanlılıq, ədalət və düzgünlük tərəflər arasındakı davranışda əsas prinsipləri təşkil edir.


32.2 Həm ŞİRKƏT və həm də PODRATÇI razılaşır ki, onlar birbaşa və ya dolayı olaraq ŞİRKƏTLƏR QRUPU və ya PODRATÇI QRUPUNUN hər hansı bir üzvündən və ya digər podratçı və ya təchizatçılardan və ya dövlət orqanlarından və ya digər şəxslərdən tərəflərdən hansısa birini pis vəziyyətdə qoyan maddi dəyəri olan heç bir şey almayacaq, verməyəcək və ya verməyi təklif etməyəcəklər. Bu şərtə əməl olunmaması MÜQAVİLƏNİN pozulması hesab edilir.
33. ÜMUMİ HÜQUQİ MÜDDƏALAR
33.1 Hüquqların saxlanması
MÜQAVİLƏDƏ xüsusi olaraq başqa qayda müəyyən olunmadığı halda, Maddə 22 və 35-ə əsasən, həm ŞİRKƏT həm də PODRATÇI, MÜQAVİLƏ və qanunlara əsasən bir-birlərinə qarşı istifadə edə biləcəkləri hüquq və öhdəlikləri özlərində saxlayırlar.
ŞİRKƏT tərəfindən edilmiş təsdiq, bildiriş və s. PODRATÇINI MÜQAVİLƏYƏ əsasən daşıdığı məsuliyyət və öhdəliklərdən azad etmir.
33.2 PODRATÇININ FİLİALLARI
MÜQAVİLƏYƏ əsasən ŞİRKƏTİN PODRATÇIYA verdiyi hər hansı məsuliyyət məhdudlaşması PODRATÇININ FİLİALLARINA da aiddir.
33.3 PODRATÇININ müstəqilliyi

PODRATÇI İŞİN icrası ilə əlaqədar müstəqil podratçı kimi fəaliyyət göstərir və ŞİRKƏT tərəfindən tələb edilən nəticələri əldə etmək üçün nəzarət, müşahidə, idarəçilik və rəhbərliyi həyata keçirir.


33.4 Tənzimləyici hüquq və dil
MÜQAVİLƏ, başqa cür müəyyən olunan beynəlxalq xüsusi hüquq qaydaları və hüququn seçilməsi prinsipləri istisna olmaqla Azərbaycan qanunvericiliyinə uyğun təfsir və tətbiq olunur və Maddə 35-ə uyğun olaraq Azərbaycan Məhkəmələrinin müstəsna səlahiyyətinə tabedir. MÜQAVİLƏNİN əsas dili Azərbaycan dilidir.
33.5 Bildirişlər
MÜQAVİLƏ ilə əlaqədar verilən bütün bildirişlər yazılı şəkildə verilir və Müqavilə müəyyən edilşiş ünvanlara əl ilə, faks və ya birinci növ poçt vasitəsilə çatdırılır və nüsxələri tərəflərin digər ofis və ofislərinə göndərilir.
Bu bildirişlər:


  1. əl ilə çatdırıldığı zaman, təhvil verildiyi tarixdə;




  1. faks ilə göndərildiyi zaman, təhvil alanın ünvanında bildirişin göndərildiyi gündən sonrakı birinci iş günü;




  1. birinci növ poçtla göndərildiyi zaman, göndərildiyi vaxtdan 48 saat sonra

çatdırılmış hesab olunur.


33.6 ŞİRKƏTİN Statusu
ŞİRKƏT MÜQAVİLƏNİ öz adından bağlayır:


  1. PODRATÇI MÜQAVİLƏNİN icrasını yalnız ŞİRKƏTLƏ olmasını təsdiq edir və MÜQAVİLƏDƏ müəyyən olunmuş heç nə PODRATÇININ üzərinə ŞİRKƏTİN özündən başqa digər ORTAQLARINA qarşı məhkəmə işi qaldırmaq öhdəliyi qoya və ya ona bu cür hüquq verə bilməz; və




  1. ŞİRKƏT öz adından olduğu kimi, həm də bütün ORTAQLARIN adından MÜQAVİLƏNİN icrasına məcbur etmək hüququna malikdir. Bu məqsədlə ŞİRKƏT PODRATÇININ bütün vəzifə və öhdəliklərinin icrasını məcburi təmin etmək üçün öz adından məhkəməyə müraciət edə və hər hansı ORTAĞIN PODRATÇIYA qarşı olan iddiasını irəli sürə bilər; və




  1. MÜQAVİLƏYƏ əsasən ŞİRKƏT tərəfindən ödənilən bütün itkilər, zərərlər və xərclərə (məhkəmə xərcləri də daxil olmaqla), MÜQAVİLƏYƏ əsasən ŞİRKƏTİN ORTAQLARININ, ŞİRKƏTİN və ORTAQLARININ müvafiq FİLİALLARININ itkilər, zərərlər və xərcləri (məhkəmə xərcləri də daxil olmaqla) daxildir. Şübhənin aradan qaldırılması üçün, PODRATÇININ məsuliyyətinin MÜQAVİLƏDƏ müəyyən olunmuş hər hansı və bütün məhdudlaşdırılmaları PODRATÇININ ŞİRKƏT, ŞİRKƏTİN ORTAQLARI, ŞİRKƏTİN və ORTAQLARININ müvafiq FİLİALLARI qarşısında məcmu məsuliyyət məhdudlaşdırılmasını təşkil edir.




    1. Tam Razılaşma

MÜQAVİLƏ İŞ ilə əlaqədar tərəflər arasındakı tam razılaşmanı təşkil edir və bu MÜQAVİLƏ ilə əlaqədar yazılı və ya şifahi olmasından asılı olmayaraq özündən əvvəlki bütün sövdələşmələri, bəyanatları və ya razılaşmaları əvəz edir. MÜQAVİLƏYƏ edilmiş istənilən əlavə yazılı şəkildə edildikdə və MÜQAVİLƏNİN hər iki tərəfinin imzası ilə qüvvəyə minir.




    1. İtkinin azaldılması

Həm ŞİRKƏT, həm də PODRATÇI digər tərəfin MÜQAVİLƏNİ pozması nəticəsində meydana çıxan hər hansı itkilərin azaldılması üçün ağlabatan bütün tədbirləri görməlidir.




    1. Etibarsızlıq və müddəaların bölünənliyi

Bu MÜQAVİLƏNİN hər hansı müddəası hər hansı səlahiyyətli yurisdiksiyaya malik məhkəmə və ya inzibati orqan tərəfindən etibarsız və ya qeyri-məcburi elan edilərsə, həmin etibarsızlıq və ya qeyri-məcburilik MÜQAVİLƏNİN digər müddəalarına təsir etməyəcək və bu cür təsirə məruz qalmayan bütün digər müddəalar tam qüvvəsində qalır. ŞİRKƏT və PODRATÇI hər hansı etibarsız və ya qeyri-məcburi müddəanı bu müddəanın daşıdığı iqtisadi, hüquqi və kommersiya məqsədlərinə mümkün qədər daha çox uyğun gələn etibarlı və məcburi qüvvəyə malik müddəa ilə əvəz etməyə çalışacaqları barədə razılaşırlar.


34. DƏYMİŞ ZİYAN və DƏBBƏ PULU
34.1 Əgər PODRATÇI Müqavilədə müəyyən edilən İŞLƏRİ ƏSAS TARİXLƏRİN CƏDVƏLİNDƏ nəzərdə tutulan tarixlərdə tamamlaya bilməzsə və/və ya Maddə 34.1-də müəyyən edilmiş Dəbbə Pulu başlığı altında müəyyən edilən işlərlə bağlı MÜQAVİLƏNİN tələblərinə cavab verə bilməzsə PODRATÇI ŞİRKƏTƏ Dəbbə Pulu görə məsuliyyət daşıyır. Dəbbə Pulu həcmi Müqavilədə müəyyənləşdirilir.
34.2 PODRATÇININ bu Müqaviləyə əsasən Dəbbə Pulu məbləğini ödəmə öhdəliyi cərimə olaraq deyil, PODRATÇININ Müqavilə öhdəliklərinə əməl etməməsi nəticəsində ŞİRKƏTƏ dəymiş ziyanın və itkilərin əvvəlcədən hesablanmış ilkin məbləğini təşkil edir.

Yüklə 3,11 Mb.

Dostları ilə paylaş:
1   ...   19   20   21   22   23   24   25   26   ...   40




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə