Azərbaycan respublikasinda ekoloji Üsullarla təmiz məhsul istehsali, emali, etiketləNMƏsi və marketiNQİ ÜÇÜN
Yüklə 437,88 Kb. Pdf görüntüsü
|
- Bu səhifədəki naviqasiya:
- Heyvanlarin bəslənməsi, daşinma və kəsim
- Tövlə və azad hərəkət şəraiti
etdiyi hallarda heyvanların vaksinasiyasına, parazitəleyhinə vasitələrdən və ya terapevtik baytarlıq vasitələrindən istifadəyə icazə verilir; b) fitoterapevtik (antibiotiklər daxil deyil), homeopatik və ya ayurvedik məhsullara və ya mikroelementlərinə kimyəvi allopatik baytarlıq vasitələrinə və antibiotiklərə nisbətən daha çox üstünlük verilməlidir, bir şərtlə ki, əgər onların müalicəvi effekti bir çox heyvan cinsləri və onların müalicə şəraitləri üçün effektivdir; c) əgər yuxarıda qeyd olunan məhsullar xəstəlik və zədələrə qarşı effektiv olmazsa, kimyəvi allopatik dərmanlar və ya antibiotiklər baytarın nəzarəti və cavabdehliyi şərtilə işlədilə bilər; dərmanların sorulma (karantin) dövrü qanunvericilikdə tələb olunduğu müddətə nəzərən iki dəfə uzadılmalıdır və minimum 48 saat olmalıdır; d) profilaktika məqsədilə kimyəvi allopatik dərmanların və antibiotiklərin işlədilməsi qadağandır. 22. Hormonal müalicə ancaq terapevtik müalicə məqsədilə işlədilməlidir və baytarın nəzarətilə aparılmalıdır. 23. Boy stimulyatorları və ya istehsalı və böyüməni tənzimləmək üçün maddələrin istifadəsi qadağandır.
24. Heyvanların bəslənilməsi və saxlanılması canlı varlıqlara olan qayğı, məsuliyyət və hörmət hissi ilə müşayiət olunmalıdır. 25. Çoxaltma metodları aşağıdakı ekoloji təsərrüfatçılıq prinsiplərini nəzərə alaraq tətbiq edilməlidir: a) cinslər və növlər yerli şəraitdə ekoloji sistem altında saxlanılmağa uyğun olmalıdır; b) təbii metodlarla çoxaltmaya üstünlük verilməlidir, həmçinin süni yolla mayalandır- madan da istifadə edilə bilər; c) rüşeym yayan texnikadan və hormonal müalicə vasitələrindən istifadə edilə bilməz; d) genetik mühəndislik vasitələrindən istifadə edən seleksiya üsullarına icazə verilmir. 26. Heyvanların quyruğuna elastik rezin bağlamaq, quyruqları bir-birinə bağlamaq, dişlərin, dimdiklərin, dırnaqların və buynuzların kəsilməsinə, ümumiyyətlə, ekoloji idarəetmə sistemində icazə verilmir. Ancaq bu sadalananlardan GABA-da bəzi müstəsna hallarda heyvanların sağlamlığını qorumaq və rifahlarını yaxşılaşdırmaq naminə icazə verilir. Bu cür əməliyyatlar müvafiq yaşlarda həyata keçirilməlidir və heyvanların hər cür əzab-əziyyəti minimuma endirilməlidir. Ağrıkəsici və keyləşdiricilərdən lazımı hallarda istifadə edilməlidir. Məhsulun keyfiyyətini və ənənəvi istehsal praktikasını saxlamaq məqsədilə (ətlik donuzları, buğalar, ətlik axta xoruzlar və s.) fiziki axtalamaya ancaq bu şərtlər daxilində icazə verilir. 27. Yaşayış şəraiti və ətraf mühitlə davranma heyvanların təbii ehtiyaclarını nəzərə almaq baxımnından aşağıdakılara əməl edilməlidir: − kifayət qədər hərəkət azadlığı və təbii ehtiyacları ödəmək üçün imkan; − digər heyvanlarla, xüsusilə də öz növündən olan heyvanlarla ünsiyyət; − qeyri-normal hərəkətlərin, zədələnmələrin və xəstəliklərin qarşısının alınması; − fövqəladə hadisələrdən məsələn yanğından, vacib xidmət mexaniki vasitələrinin sıradan çıxmasından və təminatın pozulmasından sığortalama. 28. Diri heyvanların daşınması sakit və mədəni şəkildə aparılmalıdır ki, heyvanları stresə, zədəyə və əzaba məruz qoymasın: səlahiyyətli şəxslər və ya qurumlar bu vəzifələrin
düzgün həyata keçirilməsi üçün xüsusi tələblər və maksimum nəqliyyatda daşınma müddəti müəyyən etməlidir. Heyvanların daşınması zamanı elektrik stimulyatordan və ya allopatik sakitləşdiricilərdən istifadəyə icazə verilmir. 29. Heyvanların kəsilməsi elə tərzdə həyata keçirilməlidir ki, bunlar milli qaydalara müvafiq həyata keçirilsin, stress və əzab minimum olsun.
30. İqlim şəraiti heyvanların açıq havada saxlanmasına imkan verən yerlərdə onların tövlədə saxlanması məcburi deyil. 31. Tövlə şəraiti bioloji və heyvanların davranış ehtiyaclarını ödəməklə aşağıdakı şərtlərə də cavab verməlidir: − yem və suya asan yol; − izolyasiyası, isitmə, soyutma sistemi və heyvanların sağlamlığı üçün təhlükə olmamasına təminat vermək üçün otaqlarda hava mübadiləsi, tozun dərəcəsi, hərarət, havanın nisbi rütubəti və qaz konsentrasiyasını nizamlayan ventilyasiya; − kifayət qədər təbii ventilyasiya və işıq; 32. Bəzi hallarda heyvanların sərbəst həyat tərzinə məhdudiyyətlər qoyula bilər. Bu isə onların sağlamlığı, təhlükəsizliyi və rahatlıqları təhlükə altında olduğu hallarda və yaxud bitki, torpaq və suyun keyfiyyətini qorumaq naminə edilir. 33. Binalarda heyvanların yaşam sıxlığı aşağıdakı tələblərə müvafiq olmalıdır: − növlər, cinslər və heyvanların yaşları nəzərə alınmaqla onlar üçün rahatlıq və rifah təmin edilməlidir; − heyvan qruplarının ölçüsü və cinsləri nəzərə alınmaqla onların təbii davranış ehtiyaclarının təmin edilməsi; − təbii halda dayanmaları, asanlıqla uzanmaları, ətrafa dönmələri, özlərinə qulluq etmək və bütün təbii hərəkətləri yerinə yetirmək üçün, məs., dartınmanı, qanadların hərəkətini sərbəst həyata keçirmələri üçün onlara kifayət qədər ərazi ayrılmalıdır. 34. Qarşılıqlı yoluxucu infeksiyaların və xəstəlikdaşıyıcı orqanizmlərin qarşısını almaq üçün yaşayış yeri, daldanacaq yerləri, avadanlıq və alətlər təmiz olmalı və dezinfeksiya edilməlidir. 35. Sərbəst davranış, açıq havada gəzmək üçün ərazilər və ya açıq havada qaçışlar, və əgər vacibdirsə, yağışdan, küləkdən, günəşdən və ekstremal temperaturlardan kifayət qədər müdafiə zolağı yaratmalı. 36. Otlaqda, çöllərdə və ya digər təbii və ya yarımtəbii yaşayış yerlərində heyvanların sıxlığı lazımi qədər seyrək olmalıdır ki, həm torpağı deqradasiyadan, həm də çox otarılmadan qorusun.
37. Bütün məməlilərin otlağa və ya açıq hava məşğələlərinə - gəzintilərinə, qaçış üçün əraziyə çıxışı olmalıdır, bu sahələrin bir hissəsi bağlı da ola bilər. Onlar bu ərazidən heyvanların psixoloji vəziyyətlərini, hava şəraitini və torpağın vəziyyətini nəzərə alaraq istifadə etməlidir. 38. GABA aşağıdakı müstəsnalıqlara icazə verə bilər: − öküzlərin otlaqlara çıxışı, qış dövründə inəklərin açıq hava gəzintilərinə, qaçış üçün əraziyə çıxışı; − son kökəltmə fazası. Yüklə 437,88 Kb. Dostları ilə paylaş:
|