Günel Nazim qızı Hacıyeva
38
Biblioqrafik göstəriciyə köməkçi aparat da tərtib
olunmuşdur. “Əsərlərinin əlifba göstəricisi”, “Ortaq
müəlliflərin əlifba göstəricisi”, “Haqqında yazan
müəlliflərin əlifba göstəricisi” adlanan köməkçi aparatlar
vəsaitin axtarış imkanlarını artırır və ondan istifadəni
asanlaşdırır.
AMEA-
nın müxbir üzvü, memarlıq doktoru,
professor Cəfər Qiyasiyə həsr olunmuş biblioqrafik
göstərici memarlıq sahəsində mühüm mənbədir və sahə
mütəxəssislərinin biblioqrafik informasiya təminatında
m
üstəsna rol oynayır.
Azərbaycanın görkəmli memarlarına həsr
o
lunmuş şəxsi biblioqrafik göstəricilərdən biri də AMEA
Mərkəzi Elmi Kitabxanasında hazırlanmış və “Elm”
nəşriyyatında çapdan çıxmış akademik Mikayıl
Hü
seynova həsr olunmuşdur (12, s.1 ). AMEA Mərkəzi
Elmi Kitabxanasında və Memarlıq və İncəsənət
İnstitutunda hazırlanmış, N.A.Bağırbəyova tərəfindən
tərtib olunmuş, Dövlət mükafatı laureatı, xalq memarı,
AMEA-
nın həqiqi üzvü, memarlıq doktoru, 30 ildən
artıq AMEA Memarlıq və İncəsənət İnstitutuna rəhbərlik
etmiş, professor Mikayıl Ələsgər oğlu Hüseynovun
əsərlərinin biblioqrafik göstəricisi 1926-1978-ci illəri
əhatə edir və 1979-cu ildə “Azərbaycanın elm və
mədəniyyət xadimləri” seriyasında çap olunmuşdur.
AZƏRBAYCANDA MEMARLIĞIN KİTABXANA-İNFORMASİYA
TƏMİNATI SİSTEMİ
39
Biblioqrafik göstərici görkəmli memarın 50 ildən artıq
bir dövr ərzindəki yaradıcılığını əhatə edir.
Bibl
ioqrafik vəsaitdə Azərbaycan və rus
dillərində olan materiallar 7 bölmədə - 1. Həyatının, elmi
və ictimai fəaliyyətinin əsas tarixləri; 2. Mikayıl Ələsgər
oğlu Hüseynovun yaradıcılıq, elmi-pedaqoji və ictimai
fəaliyyəti haqqında qısa oçerk; 3.Rus, Azərbaycan və
xarici dillərdə nəşr olunmuş əsərləri; 4. Layihələrinin
annotasiyalı siyahısı; 5. Redaktə etdiyi əsərlər; 6.
Diss
ertantlara elmi rəhbərlik; 7. Mikayıl Ələsgər
Hüseynovun həyatı və fəaliyyəti haqqında ədəbiyyat
bölmələrində qruplaşdırılmışdır.
Göstəricidə materiallar xronoloji qaydada
yerləşdirilmişdir. İllər daxilində əvvəl monoqrafiya və
kitabları, sonra isə jurnal və qəzet məqalələri əlifba sırası
ilə verilmişdir.
“Həyatının, elmi və ictimai fəaliyyətinin əsas
tarixləri” adlanan birinci bölmə görkəmli memarın həyat
güzgüsüdür. Bölmə vasitəsi ilə biz görkəmli memarın
maraqlı həyatı haqqında zəngin informasiya ala bilərik.
Biblioqrafik vəsaitdə “SSRİ xalq memarı,
akademik Mikayıl Ələsgər oğlu Hüseynovun
yaradıcılığı, elmi-pedaqoji və ictimai fəaliyyəti haqqında
qısa oçerk” adlanan ikinci bölməni sənətşünaslıq
doktoru, AMEA-
nın müxbir üzvü, professor
Ə.V.Salamzadə yazmışdır. Oçerk görkəmli memarın
Günel Nazim qızı Hacıyeva
40
yaradıcılıq yolunu, onun çoxşaxəli yaradıcılığını,
memarlıq sənətində dəst-xəttini izləməyə imkan verir.
Oçe
rkdən məlum olur ki, M.Hüseynovun yaradıcılığı
özünün bütün mərhələlərində elmi fəaliyyətlə sıx
əlaqədardır. Onun Azərbaycan memarlıq tarixi sahəsində
apardığı tədqiqat işləri Azərbaycan memarlıq
təcrübəsinin ümumiləşdirilməsi, respublikada elmi
memarlıq fikrinin inkişafı prosesində böyük əhəmiyyətə
malikdir.
Görkəmli memarın rus və Azərbaycan
dillərində çap olunmuş əsərləri geniş xalq kütlələrini
Azərbaycan memarlığının şah əsərləri ilə tanış etmək
imkanı verir.
“Rus, Azərbaycan və xarici dillərdə nəşr olunmuş
əsərləri” adlanan üçüncü bölmədən görkəmli memarın
1935-
ci ildən başlayaraq 1978-ci ilə qədər müxtəlif
dillərdə nəşr olunmuş əsərləri haqqında biblioqrafik
informasiya alırıq. Bölmədən aydın olur ki,
M.Hüseynovun ilk elmi əsəri 1935-ci ildə 26 yanvar
tarixli “Zarə Vostoka” qəzetində rus dilində dərc
olunmuşdur. Ümumilikdə bu bölmədə görkəmli
memarın müxtəlif illərdə nəşr olunmuş 94 elmi əsəri
haqqında biblioqrafik informasiya toplanmışdır.
“Layihələrinin annotasiyalı siyahısı” adlanan
dördüncü bölmədə akademikin işlədiyi 141 layihə
haqqında məlumat verilir və hər layihə barədə geniş
annotasiya ilə onların məzmunu açılır. Akademikin ilk
AZƏRBAYCANDA MEMARLIĞIN KİTABXANA-İNFORMASİYA
TƏMİNATI SİSTEMİ
41
layihəsi institutda oxuduğu illərdə 1926-cı ildə yaratdığı
“Klub” adlı layihədir. Bölmədə layihələrin xronoloji
illər üzrə verilməsi görkəmli alimin müxtəlif illərdə
yaratdığı layihələr haqqında biblioqrafik informasiya
almağa imkan verir.
“Redaktə etdiyi əsərlər” adlanan beşinci bölmədə
görkəmli memarın redaktə etdiyi 17 əsər haqqında
biblioqrafik informasiya verilir.
“Dissertantlara elmi rəhbərlik” adlanan altıncı
bölmədə M.Hüseynovun rəhbərlik etdiyi namizədlik və
doktorluq işləri haqqında biblioqrafik informasiya ala
bilərik. M.Hüseynov 1978-ci ilə qədər 16 namizədlik və
3 doktorluk işinə rəhbərlik etmişdir.
“Mikayıl Ələsgər oğlu Hüseynovun həyatı və
fəaliyyəti haqqında ədəbiyyat” adlanan yeddinci
bölmədə görkəmli memar haqqında Azərbaycan və rus
dillərində yazılmış 211 mənbə haqqında biblioqrafik
informasiya almaq olar. Biblioqrafik təsvirlərin hər
birinə annotasiyanın verilməsi mənbələr haqqında daha
mükəmməl informasiya almağa imkan verir.
Biblioqrafik göstəricidən istifadəni asanlaşdırmaq
məqsədilə vəsaitdə 3 köməkçi aparat tərtib olunmuşdur.
Onlardan birincisi “Azərbaycan, rus və xarici dillərdəki
əsərlərin əlifba göstəricisi” adlı köməkçi aparat müvafiq
dillərdə çap olunmuş mənbələr haqqında daha operativ
informasiya almağa imkan yaradır.
Dostları ilə paylaş: |