76
Sədr - Maddə xüsusunda kim danışmaq istərdi? Danışmaq istəyən yoxsa,
səsə qoyuram. Maddəni kim qəbul edirsə, rica edirəm əlini qaldırsın. (Əllər qalxır).
Kim bunun əleyhinədir? (Əllər qalxır). Kim səs verməyib? (Əllər qalxır). Layiheyi-
qanuniyyənin lehinə 37, əleyhinə 4, səs verməyən 3. Əksəriyyət rəylə layihəyi-
qanuniyyənin ikinci qiraətində qəbul edilir. Layihəyi-qanuniyyənin üçüncü qiraəti
qalır gələn iclasa .(Malxazyana, Rusca). Sizin arzunuz qalır 3-cü qiraətə. Keçirəm
növbədəki məsələyə. Növbədə, şəhadətnaməsiz olan içki ticarətindən alınan
cərimələrin artırılması haqqında qanun layihəsidir. Məruzəçi Mehdi bəy Hacınski.
Məruzəçi burada yoxdur, 2-ci məsələyə keçirəm. İçki, spirt məhsulatından alınan
aksiz vergisi miqdarlarının təzyidi haqqında qanun layihəsi. Məruzəçi Ağabəyov.
Ağabəyov - 21 oktyabr 1919 sənəsindəki qanun mövcübincə spirto
məhsulatının vergiləri artırılmışdır. Fəqət şimdiki zamana görə alnan vergi çox
azdır. Vodkanın butulkası yetmiş manata verilir. Ondan iki manat vergi alınır.
Konyakdan isə bu saat butulkasından üç manat alınır. Halbuki, yüz manat qiymətə
satılır. Bu səhətləri nəzərə alan maliyyə nəzarəti, tazədən bir qanun yapıb, spirt
məhsulatından alınan vergi miqdarının təzyidini tələb edir. Bu tazə qayda ilə
xəzinəyi-dövlətə 24 milyon qədər pul girir. Fəqət, köhnədə beş milyon pul girirdi.
19 milyon fərq vardır ki, bu da xəzinəyi-dövlət üçün eyi bir mənbədir. Qanunun bu
surətlə məclis tərəfindən qəbulunu maliyyə nəzarəti rica edir.
Sədr - Layiheyi-qanuniyyənin əsasları xüsusunda kim danışmaq istər.
Hacı Kərim Saniyev.
Hacı Kərim Saniyev -Möhtərəm məbuslar! Məlumunuzdur ki, bu içki
üzündən insaniyyətə pək böyük fənalıqlar törəyir, hərbin ibtidasında Rusiya
hökuməti içkini bilmərrə yacaq etmişdi. Rusiyadan tazə gələnlərin rəvayətinə görə
oralarda içki təkrar mən edilmişdir. Mən təklif edirəm ki, biz də şəriətin hökmünə
görə içkini kamilon qaldırmalıyıq. Hətta içki məhsulatından xəzineyi-dövlətə
gələcək xərc də haramdır. Bunun üçün bunun alınıb-satılması da qətiyyən mən
edilməlidir.
Sədr - Buyurunuz Arşaq Malxazov.
Arşaq Malxazov - Rusca danışır.
Hacı Kərim Saniyev (yerindən) - Malxazova xitabən əla dediniz.
Sədr - Rica edirəm, Saniyev, yerinizdən danışmayasınız.
Malxazov - (Rusca).
Sədr - (Rusca) Yerdən təvəqqe edirəm danışmayasınız. Söz -
Qarayevindir.
Qarayev - Malxazov tam iki saat bizə rəcəz oxudu ki, guya biz bilmirdik
ki, vinodeliya böyük promışlennostdır. Cənab Malxazov! Biz onu çox yaxşı bilirik
və bilirik ki, bu işdə bir çox kəndlilər iştirak edirlər, biz kəndçilərə zidd gedirik ki,
içki bəlasından xilas olsunlar. Biz çox təəccüb edirik ki, nəzarət hər bir iş barəsində
77
proekt verir, amma topraq barəsində bir şey demir və biz gözlədiyimiz layihədən
bir əsər yoxdur. Əfəndilər! Əlhəmdullah, biz deyirik ki, bura islam məmləkətidir,
amma bayıra çıxanda görürük ki, addım başına bir dükandır, çaxırçı dükanıdır, hər
yerdə çaxır içirlər. Biz deyirik ki, müsəlmanın bu vaxta qədər əxlaqı
pozulmamışdır, amma indi pozulur. Əvvəllərdə, ildə bir dəfə orucluqda kişi
arvadını döyərdisə, amma indi hər gün piyan olub döyəcəkdir. Biz istəyirik ki,
müsəlman burjuaziyasının əxlaqi pozulmasın, böylə şeylərin qabağı alınsın və
aksiz barəsində danışmaq istəyirdik ki, hökumət öz əlinə alsın. İndi, burada
quranpərəst ittihadçılar, müsavatçılar hər yerdə olursa müsəlman, bağıranlar, necə
olur ki, əllərini qaldıracaqlar ki, layihə qəbul olunsun. Biz bilirik ki, bu layihə
qəbul ediləcəkdir və bu layihəni biz arzu edirik ki, nəzarət digər bir layihə verə idi,
aksiz işlərini ələ ala ki, duxanları bağlaya idi.
Saniyev - Cənab Malxazov burada söylədi ki, bağçılıq və üzüm böyük
mədaxil gətirir və cəmaət nəfbərdar olur. Bəli, otuz il bundan əvvəl Azərbaycan
çaxır qayırmazdı və çaxır nə olduğunu bilməzdi. Məsələn, Gəncə bağlarından
üzümü Petroqrada və oradan da Avropaya göndərirdilər. Artıq qalan şeyləri isə
doşab-bəkməz (bəhməz) və sirkə qayırırdılar ki, bularada əksərən evlərdə lazım
olurdu. Qaldı, içkinin təbabət yerinə sərf edilən məsələsi, bu doğrudur, çünkü hər
kimə dərman lazım olursa istədikləri yerdən və istədikləri miqdarda ala bilərlər,
bəli bundan də mənfəət olar. Biz arzu edirik ki, Azərbaycanda çaxır qayırmaq
qətiyyən qadağan edilsin. Necə ki, bayaq ərz etdim əxlaqımız içkidən axır vaxtlar
pozulmaqdadır. Axır vaxtlarda içki kəndlilərə də sirayət enir. Hər gah indidən
bunun qabağı alınmasa, bu əxlaq pozğunluğu daha da artacaq və tezliklə əxlaqımız
bilkülən xarablaşacaqdır. Mən təklif edirəm ki, Azərbaycanda çıxır qayırmaq,
satmaq qadağan edilsin. Vəilla bizi böyük fəlakətlər gözləyir.
Rəis - Parlaman üzvü Vanseviç.
Banseviç - (Rusca).
Sədr - Arşaq Malxazov.
Malxazov - (Rusca).
Sədr - Sırada natiq olmadığından son söz məruzəçinindir.
Ağabəyov - Bütün natiqlərin danışdıqlarından iki rəy anlaşıldı. Biri budur
ki, bunların heç birisi əsasən bu qanunun əleyhinə deyildirlər. Ancaq deyirlər ki,
şərab çox işlənir, bunun müqabilinə tədbirlər görüb önünü almaq lazımdır. Bu bir
rəydir. Digər rəy budur ki, ümumiyyətlə bu cür qanun layihələri var, həpsi artıqdır,
bunlara lüzum yoxdur. Bunların həpsini rədd etmək lazımdır. Malxazovun
nitqindən sonra, ümumiyyətlə, mən danışmağı artıq görürəm. Fəqət, yenə, bir peçə
söz ərz edəcəyəm. Əvvəla birinci təklifin əleyhinə danışmaq fəzlədir. Amma ikinci
rəy xüsusunda bir qədər başqa mülahizələr dəxi vardır. Birincisi budur ki, burasını
nəzərə almaq lazımdır ki, vətənimizdə hamı yalnız müsəlman deyildir. Aramızda