48
Pərçimləmənin aparılma ardıcıllığını necə şərh edə bilirsiniz?
Pərçimləmə üçün istifadə edilən alət və avadanlıqlar haqqında nə bilirsiniz?
Maşınla pərçimləmənin əllə pərçimləmədən əsas fərqini necə izah edə bilərsiniz?
İş şəraitinə uyğun olaraq pərçim tikişlərini neçə qrupa bölmək olar və bu qruplar
hansılardır?
3.5.1. Təhlükəsizlik qaydalarına əsaslanaraq lehimləmə işlərini nümayiş etdirir
Hissələrin lehimləməklə bərkidilməsi
Əridilmiş metaldan və ya lehim adlanan ərintidən istifadə etməklə ayrılmayan
birləşmə alınmasına lehimləmə deyilir. Lehim kimi ancaq əsas metalla əriyib qarışa
bilən material götürülməlidir (məsələn qurğuşun mislə əriyib qarışmadığından mis
üçün lehim ola bilməz). Lehimləmə yerində lehim birləşdiriləcək detalların
metalının boşluqlarına (məsamələrə) keçir (diffuziya edir). Karbonlu və legirlənmiş
poladdan, rəngli metallardan və onların xəlitələrindən və digər növ
metallardan olan hissələri
lehimləmək olar. İşlədilən lehimin çətin ərimə qabiliyyətindən və möhkəmliyindən asılı
olaraq
lehimləmə iki növ olur:
1) yumşaq lehimləmə;
2) bərk lehimləmə.
Şəkil 3.15 Elektrik lehimləmə havyası
Bərk lehimlərin ərimə temperaturu 700ºC-dən artıq olur, yumşaq lehimlərin ərimə temperaturu
isə 400ºC-dən az olur. Lehimləmənin üstün cəhəti ondan ibarətdir ki, birləşdiriləcək materialları yüksək
temperatura qədər qızdırmaq lazım gəlmədiyindən bu materiallar öz fiziki
və mexaniki xassələrini
saxlayır.
Yumşaq lehim
qalay ilə qurğuşunun qarışığıdır. Onların möhkəmliyi az olur. Polad məmulatları
və hissələri lehimləmək və qalaylamaq üçün istifadə edilir. Qurğuşun ilə kadmium əsaslı lehimdən də
istifadə olunur. Yumşaq lehimlə lehimlədikdə çox vaxt flüs olaraq xlorid turşusu ilə sinkin qarşılıqlı
təsirindən əmələ gələn xlorlu sink götürülür.
Lehimləmənin əsas vasitəsi havyadır (lehim aləti) ki, bu da polad çubuq ucunda bərkidilmiş mis
parçasından (işlək hissədən), çubuğun o biri ucunda qoyulan dəstəkdən ibarətdir.
Lehimləmədən qabaq məmulatın səthindəki yağı, oksidi və pası yeyə və ya sumbata kağızı ilə
təmizləyirlər. Sonra isə kimyəvi üsulla (flüslə) təmizləyirlər. Lehimləmə prosesindən əvvəl havyanı qaz
lampasında və ya lehimləmə lampasının alovunda qızdırırlar. Lakin bu üsulla havyanı qızdırmaq əlverişli
deyil, çünki havya tez soyuyur. Ona görə hazırda elektrik havyası
geniş tətbiq edilir
49
3.5.2. Tələbələr üçün fəaliyyətlər
Başqa mənbələrdən istifadə etməklə lehimlərin hazırlanmasına dair axtarışlar aparın və
təqdimat üçün hazırlayın
Yumşaq lehimlərdən hansı hallarda istifadə edildiyini araşdırın
və müvafiq qeydlər
apararaq təqdimat üçün hazırlayın
Bərk lehimlərdən hansı hallarda istifadə edildiyini araşdırın və müvafiq qeydlər apararaq
təqdimat üçün hazırlayın
Lehim alətlərinin müqayisəsini aparın və nəticələrinizin təqdimatını hazırlayın
3.5.3. Qiymətləndirmə
Aşağıdakı qiymətləndirmə meyarına əsasən qiymətləndirəcəksiniz:
Dostları ilə paylaş: