İnstitusional pilot qiYMƏTLƏNDİRMƏ ÜZRƏ QİYMƏTLƏNDİRMƏ hesabati



Yüklə 259,73 Kb.
səhifə1/6
tarix07.04.2018
ölçüsü259,73 Kb.
  1   2   3   4   5   6

Evaluation report for institutional pilot evaluation UNEC

İNSTİTUSİONAL PİLOT QİYMƏTLƏNDİRMƏ ÜZRƏ QİYMƏTLƏNDİRMƏ HESABATI


Universitet: Azərbaycan Dövlət İqtisad Universiteti (UNEC)

Beynəlxalq qiymətləndirmə qrupu: Kristiina Tõnnisson (sədr), Anar Nağıyev, Aytən Mirzəyeva, Mikko Vieltojärvi, Şükür Sadıqov

Layihə meneceri: Hilla Aurén


Qiymətləndirmə qrupunun hesabat layihəsini universitetə göndərmə tarixi: dd/mm/yyyy

Qiymətləndirmə qrupunun univesitetin qeydlərini aldığı tarix: dd/mm/yyyy

Hesabat Tvinninq layihəsinin rəhbərləri tərəfindən təsdiqlənib

Tarix: 12/05/2017

I Qiymətləndirmə prosesinin təsviri

Keyfiyyət təminatı sahəsində beynəlxalq əməkdaşlıq Avropa Ali Təhsil Məkanı (AATM) yaratmağı hədəfləyən Bolonya prosesinin mühüm elementlərindəndir. Bu işin həyata keçirilməsində əsas alət Avropa Ali Təhsil Məkanında Keyfiyyət Təminatı üzrə Avropa Standartları və Təlimatlarıdır (ESG). 2015-ci ildə başlanılan Ali təhsil sisteminin Avropa Ali Təhsil Məkanının tələblərinə daha da uyğunlaşdırılması məqsədi ilə Azərbaycan Respublikasının Təhsil Nazirliyinə dəstək göstərilməsi üzrə Tvinninq layihəsi ESG-nin Azərbaycan ali təhsilində tətbiq edilməsi imkanı verdi. Layihənin icbari nəticələrindən biri Azərbaycan ali təhsilində ESG-yə uyğun keyfiyyət təminatı üzrə standartların və təlimatların (AzST) hazırlanması və sənədin üç ali təhsil müəssisəsində sınaqdan keçirilməsidir. Azərbaycan Dövlət Iqtisad Universiteti (UNEC) seçilmiş üç ali təhsil müəssisəsindən biridir.

2016-cı ilin aprel ayında Azərbaycan Respublikasının Təhsil Nazirliyi AzST-nin hazırlanması üzrə Layihə Qrupu yaratdı. Pilot qiyməltəndirmələr üçün hazırlanan sənəd layihəsi 2016-cı ilin iyun ayında Məşvərətçi Qrup tərəfindən müzakirə olundu. Qiymətləndirmə sahələri və meyarları üzrə rəy almaq üçün sənəd layihəsi Tvinninq layihəsinin veb səhifəsində yerləşdirildi. Pilot universitetlərə özünütəhlilil aparması üçün 2016-cı ilin payızında bir neçə təlim keçirildi. UNEC-in özünütəhlil hesabatı (ÖH) 23 yanvar 2017-ci il tarixində Tvinninq layihəsinə təqdim edildi və tərcümə olunmuş versiyası 16 fevral 2017-ci il tarixində beynəlxalq qiymətləndirmə qrupuna təqdim edildi. 2017-ci ilin fevral ayında hər üç pilot universitetə məlumatlandırma səfərləri təşkil olundu. Bu səfərlər çərçivəsində sahə səfərinin praktiki detalları müzakirə edildi.

Pilot qiymətləndirmənin hədəfləri aşağıdakı kimi müəyyənləşdirildi: müəssisələrin strateji idarəetməsinin dəstəklənməsi, universitetin daxili keyfiyyət təminatı prosedurları üzrə kənardan rəyin verilməsi eləcə də müəssisənin keyfiyyət təminatının ESG-yə uyğunluğu barədə daxili və xarici maraqlı tərəflərin məlumatlandırılması. Pilot qiymətləndirmə əsas diqqətin tədris və təlimə yönəldildiyi institusional yanaşmaya əsasən həyata keçirildi.

Beləliklə, ekspert qrupu Azərbaycan ali təhsilində keyfiyyət təminatı üzrə standartların və təlimatların 7 qiymətləndirmə sahəsi (Starteji planlaşdırma, İdarəetmə, İnsan Resursları, Təhsil proqramları və onların hazırlanması, Tələbələr, Tədqiqat fəaliyyəti, Tədris və təlim resursları, Dəstək xidmətləri) əsasında Azərbaycan Dövlət Pedaqoji Universitetini qiymətləndirdilər.

Qiymətləndirmə qrupu beynəlxalq və yerli ekspertlərdən ibarət 5 üzvdən ibarət idi. Bundan əlavə, qrupa layihə meneceri daxil idi. Qrupun sədri Kristiina Tõnnisson Estoniyanın Tartu Universitetində Johan Skytte Siyasətşünaslıq İnstitunun rəhbəridir. Anar Nağıyev Azərbaycan Dillər Universitetinin dosentidir. Aytən Mirzəyeva Azərbaycan Dillər Universitetinin Təhsilin Keyfiyyəti üzrə ekspertidir. Mikko Vieltojarvi Finlandiyada Peşəkar Biznes Məzunları İttifaqının məsləhətçisidir. Şükür Sadıqov Azərbaycan Dövlət Neft və Sənaye Universitetinin son kurs bakalavr tələbəsidir. Hilla Auren Finlandiya Təhsilin Qiymətləndirilməsi Mərkəzinin qiymətləndirmə üzrə eksperti və qiymətləndirmə qrupunun layihə meneceridir.

Hazırlıq mərhələsindən sonra qrup 3 aprel 2017-ci il tarxində Bakıda yerləşən Azərbaycan Respublikasının Təhsil Nazirliyində Azərbayacan ali təhsil sistemi ilə tanış olmaqla və sahə səfəri ilə bağlı razılaşdırılmış təlimatların nəzərdən keçirilməsi ilə işə başladı. 14 aprel 2017-ci il tarxidində qrup universitetə səfər etməyə hazırlaşdı və səfər 5-7 aprel tarixində (sahə səfərinin proqramı Əlavə 1-də təqdim olunub) baş tutdu. Üç günlük səfər çərçivəsində rəhbərlik, Elmi Şuranın üzvləri, akademik və tədqiqat heyəti, tədris köməkçi heyətin nümayəndələri, tələbələr və tələbə təşkilatlarının nümayəndələri ilə görüşlər keçirildi. Səfərin son günü qrupun gəldiyi ilkin rəy UNEC-in rəhbərliyinə təqdim edildi. Bundan əlavə, səfərin son günü qrup görüşü keçirildi və hər qiymətləndirmə sahəsinin inkişaf səviyyəsi üzrə razılığa gəldi. Qiymətləndirmə hesabatı əməkdaşlıq şəraitində və ekspertlərin səriştə sahəsi üzrə iş bölgüsü əsasında hazırlandı. Bu proses əməkdaşlıq şəraitində hər qiymətləndirmə sahəsi üzrə üzvlərin fərdi rəyinin müzakirə edilməsi ilə həyata keçirildi. UNEC-ə qiymətləndirmə hesabatı dərc olunmadan öncə onu yoxlamaq imkanı verildi.

Qiymətləndirmə Azərbaycan Dövlət İqtisad Universitetinin hazırladığı özünütəhlill hesabatı və əlavələrə əsasən aparılıb. Qrupun xahişi əsasında sahə səfərindən əvvəl və səfər zamanı əlavə məlumat təqdim olunub. Qrup üzvləri universitetin binalarından birində gəzinti keçirib və mühazirə otaqları, kitabxana, idman zalları, auditoriyalar və digər məkanlarla tanış olublar. Cari hesabat universitetə və xarici maraqlı tərəflərə universitetin güclü tərəfləri və öncül praktikaları barədə məlumat, eləcə də universitetin daha da inkişaf etdirilməsi üçün tövsiyələr təqdim edəcək.



II Universitetin təsviri

1930-cu ildə əsası qoyulmuş Azərbaycan Dövlət İqtisad Universiteti (UNEC) Cənubi Qafqazın iqtisadyönümlü ən böyük ali təhsil ocaqlarından biridir. Hal-hazırda, UNEC-in 4 binasında 6 fakültə (Maliyyə və mühasibatlıq, İqtisadiyyat, Bisnes və İdarəetmə, Texnologiya və Dizayn, Əmtəəşünaslıq və Türk Dünyası İşlətmə) və 36 kafedrası fəaliyyət göstərir. 4 mərkəz və 1 məktəbdə 21 ixtisas üzrə 18 mindən çox tələbə və magistr təhsil alır. Bundan əlavə, UNEC-də SABAH mərkəzi, Rus İqtisad Məktəbi, Beynəlxalq İqtisad Məktəbi, UNEC Biznes Məktəbi təhsil təmin edir. Unversitetə altı prorektorun köməkliyi ilə rektor rəhbərlik edir. UNEC-in ali qərarverici orqanı 44 üzvdən ibarət Elmi Şuradır.

2016-2017 tədris ilində UNEC-də ümumilikdə (bakalavr, magistr və doktorantura tələbələri) 17857 tələbə təhsil alır. UNEC azərbaycan, türk, ingilis və rus dillərində təhsil verir. Bundan əlavə, UNEC-in Beynəlxalq İqtisadiyyat Məktəbində 5 ixtisas üzrə təhsil tamamilə ingilis dilində aparılır. Hal-hazırda, xarici tələbələrin sayı 470-dən çoxdur. 14 ölkədən bakalavr və magistr tələbələri vardır. UNEC-in 537 tam ştat və 362 yarım ştat akademik işçi heyəti vardır. Tədris-köməkçi heyətin sayı 180-dir.

Milli təhsil kontekstində UNEC-in rolu, missiyası və vəzifələri Prezident İlham Əliyev tərəfindən müəyyənləşdirilib. Prezidentin UNEC üçün müəyyən etdiyi missiya ölkənin iqtisadiyyatının inkişafına töhfə vermək və iqtisadçıların hazırlanması sahəsində “dünya səviyyəli universitet” olmaqdır.

UNEC 2015 və 2016-da bir neçə reytinq cədvəllərində Azərbaycanın aparıcı universiteti olub. UNEC ISO 9001:2008 “Keyfiyyəti İdarəetmə Sistemi” üzrə beynəlxalq sertifikat əldə etmiş ilk dövlət universitetidir. Eləcə də biznes məktəblərinin akkreditasiyasını aparan Menecmentin İnkişafı üzrə Avropa Fondunun tamhüquqlu üzvü olan ilk Azərbaycan universitetidir.

UNEC xarici təhsil müəssisələri, Erasmus+ proqramları, 41 türk universiteti ilə mübadilə proqramları, rus və alman təhsil müəssisələri ilə yay və qış məktəbləri və London İqtisadiyyat Məktəbi və Montpellier Universiteti ilə ikili dərəcə proqramları sahəsində fəal əməkdaşlıq edir.



III Qiymətləndirmənin icmalı (‘X’ ilə işarələnib):




Tələblərə tam cavab verir

Tələblərə əsasən cavab verir

Tələblərə qismən cavab verir

Tələblərə cavab vermir

1. Strateji planlaşdırma







X




2. İdarəetmə




X







3. İnsan resursları




X







4. Təhsil proqramları və onların hazırlanması







X




5. Tələbələr




X







6. Tədqiqat fəaliyyəti







X




7. Tədris və təlim resursları və dəstək xidmətləri




X









Dostları ilə paylaş:
  1   2   3   4   5   6


Verilənlər bazası müəlliflik hüququ ilə müdafiə olunur ©genderi.org 2019
rəhbərliyinə müraciət

    Ana səhifə