Sədrəddin Hüseyn
136
Zaman Əsgərli məsələyə başqa prizmadan yanaşır : “…Azər-
baycan şeirində mərsiyənin intişarı dini motivlərin geniş yayılma-
sı,…ədəbi gedişatın, mədəni-tarixi prosesin səciyyəsi…ilə bağlı idi.
Bu şeir sırf dini ədəbiyyat deyildi.
Onun məzmununda, daxili ma-
yasında həyatilik, tarixilik var idi.”
313
Göründüyü kimi, istər təziyədarlığa, istər, mərsiyə ədəbiy-
yatına, istərsə də onların yaranmasına münasibət tarixən birmə-
nalı olmayıb. Mərsiyəçilik müxtəlif təzyiqlərlə, müqavimətlərlə
üzləşsə də, ictimai həyatımıza daxil oldu və bir ədəbi hadisə ki-
mi özünü təsdiq etdi. Xüsusilə də XIX əsrdə inkişaf edib formalaş-
dı, bir ədəbi məktəbə çevrildi, adı ədəbiyyat tarixində qalacaq
mərsiyə şairləri yetişdirdi. M. İbrahimovun dediyi kimi, “…onların
açıq görüşləri və əsil istedad sahibi olanları insanlara nəcib hiss-
lər, işıqlı fikirlər aşılayan gözəl şeirlər yazmışlar və məhz belələri
ədəbiyyat tarixində hörmətlə yad edilir”
314
Firidun bəy Köçərli onların ilkin nümayəndəsi olaraq “…bu
dəstgaha cümlədən artıq rövnəq verən şüəra üç nəfərdir: Mirzə
Kərim Şüai, Mirzə Cəbrail Süpehri və Mirzə Məhəmmədtağı Qum-
ri”ni göstərir.
315
Müəllif həm də şəbihin binasının 100 ildən artıq
əvvəl Dərbənddə qoyuldyğu və hər əsrdə “bu şəbih üməratına
mübaşir olan şairlər” olduğunu qeyd edir.
Qüzey Azərbaycanındakı şairlərdən mərsiyə yazanlar və
mərsiyə şairləri A.Bakıxanov (“Riyazül-Qüds”) Abdulla bəy Asi və
Mirzə Ələsgər Növrəs olsa da, Dərbənddən sonra bu məktəb
Güney Azərbaycanında intişar tapmış, inkişaf etmişdir. Ahi, Mirzə
Həbib Qüdsi, Pürqəm, Dəxil, Dilsuz, Sərraf kimi mərsiyə şairləri
hər nə qədər bir-birindən fərqlənsələr də, (Məsələn, Qumrinin
“Kənzül-məsaib ”ində hadisələr ardıcıllıqla verılır, digərlərində
ayrı-ayrı növhələrdə hadisələrin müxtəlif cəhətləri qabarıq təsvir
313
Azərbaycan ədəbiyyatı tarixi. 6 cilddə. IV c., Bakı: “Elm”, 2011, 856 səh. 297,298
314
Cənubi Azərbaycan Ədəbiyyatı tarixi I c., Bakı: Nurlar nəşriyyatı, 2009, 480 səh. 25
315
Köçərli F. Azərbaycan ədəbiyyatı. II c., Bakı: Elm, 1981, səh. 308
Azərbaycan mərsiyə ədəbiyyatı və Əbülhəsən Racinin poetik dünyası
137
olunur.) hadisələrə və obrazlara münasibətdə hamısı həmfikirdir.
Yəni düşmən tərəf lənətlənir, qarşı tərəfin faciəsi yanıqlı bir dillə
təsvir olunur. Bu məsələdə hətta əski Osmanlı, indiki Türkiyə əra-
zisindəki şairlər bir-birinə və bizimkilərə (bəzi janr istisnası ilə)
çox yaxındır. Hətta dillərində də ciddi fərq hiss olunmur. Orada
da mərsiyəçilik daha çox XIX əsrdə geniş yayılıb. Nümunə üçün
Sidqi Babanın bir mərsiyəsinə qısaca diqqət edək:
Geldi çün mah-i Muharrem aşikar
ağlar bu gün,
Karalar bağlar melayik asiman ağlar bu gün.
…Səd həzəran, lənət olsun ol Yəzidin canına,
Kıldı zalım-i sariha həp cihan ağlar bu gün.
Dəmbədəm ah eylə Sıdkı naləvü fəryad ilə,
Mərkadində dərd ilə peğəmbəran ağlar bu gün.
316
Ə. Racinin əldə olan “Divan” larında mərsiyələr, qəzəllər və
digər şeirlərlə birgə verilir. Ə.Əhmədlunun növhələr “ Divan” ın-
da isə sadəcə mərsiyələrdir və səh. 1-dən 310-a qədər hər mər-
siyəyə farsca ad verilir. “Şəhadəti-Əli Əkbər və zəbanhale həzrət
əba Abdulla”, “Zəbanhale həzrəti-Səkinə və həzrəti-Zeynəb”
317
və s. Nüsxə fərqi olaraq Bakı nəşrindəki 83 mərsiyənin 79-u Cə-
nub nəşrindədir. Deməli, necə olmuşsa, 4 mərsiyə buradan, 4-ü
də xalqdan.
318
əlimizə gələn 8 mərsiyə Cənub nəşrlərinə düşmə-
mişdir.
Əvvəlki fəsillərdə gördüyümüz Raci, mərsiyələrində yoxdur.
Burada tamam başqa bir şair görürük : ziddiyyətlərdən uzaq, san-
ki ruhuna Allah, Peyğəmbər, Əhli-beyt sevgisi üfürülmüş Racinin
316
Mehmet Arslan (Prof.dr.), Mehmet Erdoğan. Kerbela mersiyeleri. Tunceli
Universitesi. Qrafikler yayinevi. Ankara, 2009, 809 səh. 659
317
Raci Təbrizinin novhələri və mərsiyələri. (tərtibçi Əbulfəzl Əhmədlu)
”Fəxri-Azəri”. Təbriz,1389, səh. 42, 50
318
Hüseyn Sədrəddin. Hacı Əbülhəsən Racinin yeni üzə çıxan mərsiyələri //
Filologiya məsələləri.N 4.AMEA M.Füzuli adına Əlyazmalar İnstitutu, Bakı:
Elm və təhsil. 2014.(313-320), səh. 313-320
Sədrəddin Hüseyn
138
sevgisi safdır, təmizdir, səmimi və siyasətdən uzaqdir, birməna-
lıdır. Burada şair axtardığını tapıb.
Nə istədiyini, kimi və nə üçün
sevdiyini çox gözəl bilir.
F. Köçərli Racinin mərsiyə yaradıcılığından danışarkən onu
“Dəxildən sonra Kərbəla gülşəninin ən fəsih bülbüli-xoşəlhanı”
hesab edir. Onu “təziyələrin rövnəqi və matəmlərin şəfəqi” adlan-
dıran ədib
“Racinin növhələrində olan təsir çox rövzəxanların
mərsiyələrindən artıqdır. Əzbəs ki, rövzəxanların əksəri oxuduqları
əhvalatda bəzi kərə o qədər mübaliğə edirlər ki, o qədər fəhmi id-
raka sığışmayan və ağıl qəbul etməyən sözlər və hekayə söyləyir-
lər ki, əhli-məclis onlara inanmayıb, bir növ qövllərindən ikrah
edirlər. Oxuduqları mərsiyələrə meyli-rəğbət göstərmirlər”,
-deyir.
319
“Divan”ın tərtibçisi Hafiz Abıyev də qeyd edir ki, “Raci Dəxil və
Qumri kimi Kərbəla faciəsini ardıcıllıqla təsvir etməmişdir. O, əh-
valatın ən qabarıq hissəsini seçmiş və onları yanıqlı bir dillə nəz-
mə çəkmişdir”
320
(96, 12).
Buna görə də şairin az qala hər bir novhəsində Kərbəla ha-
disəsinin ümumi məzmununu görmək olar. Bunlardan bəlli olur
ki. “Şahi-cəhan Kərbəladan Mədinəyə əzm edir.”
321
və gedərkən
“Canan ilə əhd edən və bu əhdi, peymanı ilə var olan” İmam Hü-
seyn bacısına məsələni açıq şəkildə izah edir:
Belə əhd eyləmişəm , ey bacı, cananım ilən,
Ərseyi-Kərbübəlada boyanım qanım ilən.
Kərbəlaya “72 qurban ilə” gələn dəstəni orada Ömər ibn Sə-
din 140 minlik ordusu qarşılayır. Bu dəstədə Yəzıd kimi, Şümr
kimi sitəmkarlar var və onlar öldürdüklərini Kərbəlanın isti səhra-
sında susuz qoyurlar. Fərata su gətirməyə gedən Hz. Abbasın
qollarını kəsirlər.
322
Ağzında tutduğu su məşkini oxla vururlar ki,
319
Köçərli F. Azərbaycan ədəbiyyatı. II c., Bakı: Elm, 1981, səh. 355
320
Raci. Seçilmiş əsərləri. (tərtibçi Abıyev Hafiz). Bakı: Sabah,1992, səh. 12
321
Yenə orada, səh. 126, 161
322
Raci.Seçilmiş əsərləri. (tərtibçi Abıyev Hafiz).Bakı: Sabah,1992. 104,145