Bütün türklərin tərcümanı
~
75
~
Ayxan Göysan: «Təhsil deyildiyi zaman Rusiya türk və
müsəlmanlarının yaxından tanıdığı, onların yüksəlməsi üçün çalışıb,
təzyiqlərə məruz qalmış ülküçü türk mütəfəkkiri və jurnalisti
İsmayıl bəy Qaspiralını (1851-1914) xatırlamamaq olarmı?»
(«Qaspiralı İsmayıl bəy və üsuli cədidçiliyi» məqaləsindən, «Türk
kültürü», № 18, 1964-cü il).
«Qaspiralı türkçü olduğu qədər də islamçı idi. …Qaspiralı-
nın islamlığı fanatizm və kor-koranə inanış deyildir». («İsmayıl bəy
Qaspiralı» məqaləsindən. «Türk kültürü», № 23, 1964).
Nevin Okay: «Bəzi düşüncələr vardır ki, o bizə yasaqdır» -
İsmayıl bəy Qaspiralının bu cümləsini nə zaman oxusam, gözümün
önünə dümdüz, sonu görünməyən dünyalara açılan bir düzənlikdə
duymaqdan, düşünməkdən və gülməkdən məhrum edilmiş külüng
vuran insan yığını gəlir.
…Qaspiralı üçün əsarət problemi mədəniyyət problemidir…
Qaspiralı üçün Şərq məsələsi maarif məsələsidir. … «Tərcüman» bu
diyarda azadlığın da ifadəsi olduğunu göstərmişdir» («Əsir millətlər
və İsmayıl Qaspiralı» məqaləsindən. «Türk kültürü», № 21, 1964).
A.Battal-Taymas: «…Mən bu məşhur türkü həyatımda ilk
dəfə idi ki, görürdüm. Ustad bizi yaşıl rəngli bir Buxara əbası
geyinmiş olduğu halda ayaq üstə qarşıladı. Qarşısında durduğumuz
bu ulu şəxs ortadan bir az uca boylu, ağ üzlü, çəkmə burunlu,
kəskin baxışlı idi…». («Mən onu gördüm» məqaləsindən. «Türk
kültürü», № 69, 1968).
Abid Tahirli
~
76
~
Altan Dəliorman: «Türk mətbuat tarixinin ən diqqətə dəyər
simalarından biri şübhəsiz, İsmayıl bəy Qaspiralı və qəzetlərindən
də biri onun çıxardığı «Tərcüman» qəzetidir. … «Tərcüman»
qəzetinin təsiri rusların «Novoye vremya», ingilislərin «Taym»
qəzetinin təsirindən min dəfə böyük olmuşdur» («İsmayıl Qaspiralı
və «Tərcüman» qəzeti», «Türk kültürü» dərgisi, № 69, 1968).
«Türk ansiklopedisi»: «İ.Qaspiralı üçün tək şərəfli vəzifə
millətdaşlarını və dindaşlarını oyandırmaq və tərəqqi etdirmək
yolunda mübarizə etmək və çalışmaqdır» («İsmayıl bəy Qaspiralı»
məqaləsindən, VII cild, Ankara, 1969).
İsmayıl Asanoğlu Kərim: «Qasprinski müəllim olaraq
məktəb və mədrəsələr üçün bir sıra gərəkli dərsliklər hazırladı.
Bunların arasında matematikalar («Hesab muxtasar. Amel xamse və
mesail-i-xesabie», «Muxtasar ilm-i-hesab»), qrammatikalar («Sarf-
ı-türk», «İlm-i-sarf») və bir çox digərləri var. Onun özü hazırladığı
«Rəhbər-i-muallim» və bir neçə cildlik «Xoca-i-subyan» dərsliyi
30-a yaxın dəfə nəşr edilmişdir. Qasprinskinin nəşr etdiyi
dərsliklərin çoxu Avropa standartlarına uyğundur». («Qasprinskinin
kitabları» məqaləsindən).
Yazıçı-publisist
İlqar
Qasımov:
«Türk xalqlarının
maariflənməsində mədəni inqilab edən böyük mütəfəkkir İsmayıl
bəy Qaspiralı xalqa xidməti əsas tutub ömrünün otuz ilini onların
Bütün türklərin tərcümanı
~
77
~
savadlanmasına və biliklərə yiyələnməsinə bağışladı». («Uzaqgörən
maarifçi» məqaləsindən, «Azərbaycan müəllimi», 19 aprel 2001).
«İsmayıl bəyin təhsildə apardığı islahatlar xalq və cəmiyyət
tərəfindən birmənalı qarşılanmadı. Bu yeniliyin ilkin mərhələsində
əleyhdarları tərəfdaşlarından qat-qat çox oldu. Dindarlar və
fanatiklər İsmayıl bəyin ideyalarına qarşı sərt mövqe tutub onu
islamdan üz döndərən bir adam kimi günahlandırdılar. Lakin
cəhalətə qarşı mübarizəyə qalxan böyük islahatçı öz əqidəsindən
dönmədi, bu istiqamətdə işlərini səbrlə davam etdirib, təhsildəki
islahatlarını mərhələlərlə həyata keçirdi. Bütün ömrü boyu islam
dininə hörmətlə yanaşan və onu təbliğ edən İsmayıl bəy Quranın
müqəddəsliyini etiraf edib, maarifin xalqa xidmətindəki rolunu
açıqlayıb yazırdı: «Quran bizim müqəddəs kitabımızdır. O bizi
oxumağa, işləməyə və doğru yaşamağa çağırır. Maarif də insana
xidmət edir. Bəzi müsəlmanlar fikirləşir ki, Quran və maarif bir-
birinə mane olur, əksinə. Mənəvi ruhumuzun saflığı üçün Quran
lazımdır. Maarif isə bədənimizin sağlamlığına xidmət edir».
(«Uzaqgörən maarifçi» məqaləsindən. «Azərbaycan müəllimi», 19
aprel 2001).
«Dildə, fikirdə, işdə birlik» şüarı altında türk tatarların
birliyə səsləyən böyük mütəfəkkir İsmayıl bəy Qasprinski, heç bir
mübaliğəsiz deyə bilərik ki, hələ sağlığında nəhəng Avrasiya
materikində yaşayan bütün türk xalqları arasında geniş tanınıb,
onların, eləcə də Şərq müsəlmanlarının dərin hörmətini qazanıb.
Türk dünyasında böyük nüfuza malik olan İsmayıl bəy Qasprinski
sadə xalqdan tutmuş ən mötəbər dairələrə qədər daima rəğbətlə
qarşılanıb və alqışlanıb.
Krım-tatar ədəbiyyatşünası, filologiya elmləri doktoru,
professor İsmayıl Həsən oğlu Kərim türk xalqlarının