Безымянный indd
Yüklə 9,98 Kb. Pdf görüntüsü
|
118 DÖRDÜNCÜ HISSƏ dərəcə aşağı, və +15, +30, +45 dərəcə yuxarı qaldırılırdı. Hər bir vəziy- yətdə ölçü götürülürdü və məlumat qeyd edilirdi. Tədqiqat böyük cid- diliklə aparılırdı. Günlərin birində seans zamanı yuxuya getmişdim, həkimlər bunun müsbət təzahür olduğunu bildirmişdilər. Startdan əvvəlki son üç gün xüsusi ilə isti idi. Gün ərzində tempera- tur 40 dərəcəyə çatırdı. Bəzi məkanlarda soyutma sistemi yoxdur, buna görə tibbi laboratoriyalarda böyük həvəslə vaxtımı keçirirəm. Məndən və Pyotrdan qan götürülməsini kamilliklə yerinə yetirirəm . Həkimlər yeni fikir əlavə etdilər. Gün ərzində üç dəfə çex “istilik mübadiləsi” eksperimentini məşq edirik. Ölçü iynələrini tez-tez dəri altına yeridirik və analiz üçün qan götürürük. Fırlanan kresloda aparılan uzun müd- dətli məşqlər rahat keçir. Bir il bundan öncə başqa cür idi. Yorğunluq üzündən – bəlkə də mədənin hansısa nasazlığından – fırlanan kresloda müvazinət aparatının məşqlərini yarımçıq qoymalı oldum. Qusmağa başladım, həkim İlya Tarasov problemi həll etdi, lakin xəbər yayıldı. Dəstəyə ehtiyacım var idi, amma onun yerinə istehza və göstərişlərlə üzləşdim. “Yaxşısı budur, bu gün məşqə getmə, heç yaxşı görünmür- sən” – tanışım gülərək məsləhət verirdi. “Mən on beş dəqiqə dözdüm, sənsə ancaq iki, bunun axırı pis olacaq” – guya dərdimi bölüşərək de- yirdi. Mən həkimə problemim barədə ətraflı məlumat verdim. “Mən də pilot olmuşam, qırıcılarda deyil, döyüş təyyarələrində, problemlə tanışam. Səni bundan qurtaracağam”, əminliklə dedi. Bir həftə sonra yenidən məşqlərə başladıq. Lap başdan. Rəsmi olaraq İlya məşqlərin yaxşı keçməsi haqqında məlumat vermişdi. İki gündən bir İlya evdən laboratoriyaya gəlirdi, mənimlə uzun-uzadı söhbətlər aparırdı, sonra isə məşqlərə keçirdik. Üç aydan sonra İlya məni stresdən qurtardı. Mü- vəffəqiyyət əldə etdiyinə görə, mənim qədər sevinirdi. Təhlükəsizlik baxımından tennis oynamaq və suyun 27 dərəcə isti olmasına baxmayaraq, yaxınlıqdakı hovuzda çimmək qadağan edil- mişdi. Dublyorlar bizə əlçatmaz olan komfortdan istədikləri qədər isti- fadə edirdilər. Qaranlıqdan sonra təbii planetariyaya, yəni otelin damı- na gedirdik. Çöllükdə səma olduqca aydındır. Son vaxtlar televiziya qrupları daha tez-tez məşqlər zamanı utan- caqlıqla müsahibə tələb edirlər, “çünki onda sifət yaxşı düşür” deyir- dilər. Axşamkı gəzintilərin ancaq özümüz üçün olmasına nail olduq. Hər gün gecə yarısından sonra əlimə kitab götürürəm. Oxumaq aclığını hiss edirəm. Sakitliyə ehtiyacımız var. Özümüzü startda duran idman- çılar kimi hiss edirik. Emosiyalar artır. Starta dörd gün qalıb. Qabaqda ancaq dörd gün və son tibbi komissiya - yəni gün ərzində yoxlamalar və dövlət komissiyası qalıb. Bu gün – 24 iyun tarixində gəmimizi yox- lamağa son dəfə gedirik. Böyük anqarda şaquli vəziyyətdə durub və 119 xidməti platformalarla əhatə edilib. Hər tərəf steril təmizdir, xidmət- çilər isə əməliyyat otağındakı tibbi heyətə oxşayır. Simvolik əşyalarla olan baqajla tanış oluruq. “Polyak Kosmosda” medalını seyr edirik – onun üzərində mənim və Pyotrun profilləri var. Gəmidə bizim inisial- larımız olan şəxsi avadanlığımız qablaşdırılıb, onların arasında orbitdə işləmək üçün ağ-qırmızı bayraqlı və sinəsində qartallı yun kostyumlar, istilik yaradan hidrokombinezonlar, fərdi sensorlu tibbi kəmərlər var idi. Əvvəlcədən razılaşdırılmış çəkiyə yaxın öz xırda-xuruş əşyalarımı- zı veririk. Daşıyıcı, boz, nəhəng və gözəl raket xüsusi dəmir yolu platforma- sında qalıb. Volovda saatlarla tamaşa etdiyim lokomotivə oxşayır. Mü- hərriklər tərəfindən baxanda xüsusi ilə fotogenikdir. 20-yə yaxındır. Qırmızı rəngli forsunkalar parıldayırlar, onların hamısı 20 ton dartma qüvvəsinə malikdir. Birlikdə 400 ton – təsəvvür edilməz qüvvə. Hələ bu gecə raket və gəmi işə salma sisteminə gətiriləcək. 25 iyun – starta iki gün qalıb. Qəribədir, sürət aşağı salınıb. Günü gəzinti üçün istifadə edirik. Boynumuzda fotoaparatlar asılıb. Bir neçə rulon plyonka çəkməliyik. Mövzu çox idi. Otelin ətrafındakı təbiəti, hər kosmonavtın qayıdandan sonra bir ağac əkdiyi Şöhrət Xiyabanını böyük həvəslə çəkirdim. Bu xoş tapşırıqların məqsədi bizim rahatlaşmağımız və axşamkı tədbirdən fikirlərimizi yayındırmaq idi. Düz saat 20:00-da, xidmət işçiləri və jurnalistlərlə dolu konfrans zalında dövlət komissiyasının iclası başladı. Bütün üzvləri tanımıram. Baş konstruktor V.Qluşkonu, general G.Bereqovoyu, general V.Şatalovu, Rusiya Elmlər Akademiyasının üzvü V.Petrovu, Tibbi-Bioloji Problemlər İnstitutunun direktoru, professor O.Qazenkonı, Aviasiya Ordusunun baş həkimi və general Leonovu tanıyıram. Tanımadığım insanlar yəqin ki, digər əhəmiyyətli üzvlərdir – onları tanımaq üçün nə vaxtım, nə də imkanım olmamışdı. Raketin texniki vəziyyəti, onların starta hazırlanma hormonoqramı, poliqon infrastrukturunun hazırlığı haqqında uzun-uzadı məlumat verildi. General Şatalov bizim, şüşənin arxasında oturanların xüsusiyyətlərini təqdim etdi, xüsusi elmə yiyələnməkdə inkişafımız və sağlamlığımız haqqında məlumat verdi. Komissiyanın rəhbəri təşəbbüsü öz üzərinə götürdü. Əsaslar gətirərək dedi, “tipləşdirmədə heç nə dəyişilməyib, komissiya tapşırığın yerinə yetirilməsini Klimuk-Hermaşevski heyətinə etibar edir”. Zalda olanlar yerlərindən qalxdı və bizi alqışladılar. Komissiyanın qərarı mənim üçün gözlənilməz deyildi, lakin bədənimin hər nöqtəsində emosiyalar hiss edirdim. Missiyanın uğurlu və təhlükəsiz olmasında əlimizdən gələni edəcəyimiz haqqında əminliklə danışdı. Mən həkimlərə, mütəxəssislərə, mühəndislərə və müəllimlərə heyətimizin hazırlanmasına sərf etdikləri BAŞQA DÜNYAYA APARAN DƏHLİZ Yüklə 9,98 Kb. Dostları ilə paylaş:
|