CÜMHURİYYƏTİN TƏHLÜKƏSİZLİK ORQANLARI (1918-1920)
68
Saleh oğlu Şeyxzamanlı
(1880-1920), onun müavini isə “Hümmət”
Partiyasının üzvü Mirfəttah Musəvi təyin edilmişdi. Lakin
M.Şeyxzamanlı
Milli Məclisin üzvü olduğuna
(o, parlamentdə aqrar
komissiyada fəaliyyət göstərirdi – C.Q.) görə avqustun 20-də öz
ərizəsinə əsasən tutduğu vəzifədən azad olunmuş və onun yerinə
qardaşı Nağı bəy Şeyxzamanlı təyin edilmişdi. N.Şeyxzamanlı
yazır ki, Nəsib bəy Yusifbəyli mənə müraciətlə bildirdi:
“Nağı bəy,
Əksinqilabla Mübarizə Təşkilatını
qurduq. Səni bu idarəyə rəis təyin
etmək istəyirəm. Razısanmı?”
Mən işlərimə heç kimin müdaxilə
etməməsi şərti ilə razılıq verdim”.
71
Həmin söhbət zamanı Nəsib bəy
Yusifbəyli bu təşkilatın Daxili İşlər
Nazirliyinə deyil, Baş nazirə tabe
olacağını bildirmişdi.
Bu təşkilatın
rəis müavini
hümmətçi Mirfəttah Musəvi 1919-
cu il sentyabrın 5-də qətlə yetirildi
və onun yerinə noyabrın 15-də
Mahmud Səfikürdiski təyin olundu.
Denikinçilərin 1919-cu ilin
payızında həm şimaldan, həm
də dənizdən ehtimal olunan
hücumunun qarşısını almaq, Bakının müdafiəsini təşkil etmək
üçün S.Mehmandarovun təklifi ilə DMK 13 sentyabr 1919-cu ildə
keçirdiyi iclasında böyük əhəmiyyətə malik olan hərbi struktur - Bakı
İstehkamat hissəsini
(Bakı Möhkəmləndirilmiş Müdafiə Rayonunu)
yaratdı. DMK-nın qəbul etdiyi qərara əsasən, Bakı
Möhkəmləndirilmiş
Müdafiə Rayonunun rəisi vəzifəsi təsis olundu, şəhərin hərbi general-
qubernatoru vəzifəsi ona birləşdi və Bakı rəisliyi ərazisi ona tabe edildi
72
.
1919-cu il oktyabrın 26-da ƏMT də Bakı Möhkəmləndirilmiş Müdafiə
Rayonuna tabe edildi.
71 Nağı Şeyxzamanlının xatirələri. Bakı, 1997, s. 171-172.
72 Azərbaycan Respublikası MAİ, f. 2894, siy. 1, iş 21, v. 53.
Əksinqilabla Mübarizə
Təşkilatının rəisi
Məmmədbağır Şeyxzamanlı
CÜMHURİYYƏTİN TƏHLÜKƏSİZLİK ORQANLARI (1918-1920)
69
DMK-nın işlər müdiri Q.Qasımbəyov ƏMT-yə göndərdiyi
məktubunda bildirirdi ki,
bütün yerli orqanlar, keşikçi və axtarış polisi,
eyni zamanda ƏMT Bakı Möhkəmləndirilmiş Müdafiə Rayonuna
tabe olmalıdır.
73
Bakı Möhkəmləndirilmiş Müdafiə Rayonunun
rəisi isə Murad Girey Tlexas təyin edildi. Beləliklə də, ƏMT Bakı
Möhkəmləndirilmiş Müdafiə Rayonunun tabeçiliyi altında fəaliyyətini
davam etdirdi. Bakı Möhkəmləndirilmiş Müdafiə Rayonu və onun
struktur bölmələri yalnız denikinçilərə deyil, eyni zamanda erməni-
bolşevik təcavüzünə qarşı da mübarizə aparırdı.
General-mayor Tlexas
28 fevral 1920-ci ildə göstərirdi ki, siyasi mənsubiyyətindən asılı
olmayaraq dövlət və ictimaiyyət üçün təhlükə yaradan bolşeviklərin
şəhərdən çıxarılması məqsədi ilə qətiyyətli tədbirlər görülür
74
.
Əksinqilabla Mübarizə Təşkilatının 1919-cu ilin oktyabr
ayından sonrakı aparat strukturu
73 “Azərbaycan” qəzeti, 30 oktyabr 1919-cu il.
74 Azərbaycan Respublikası MAİ, f. 894, siy. 7, iş 18, v. 11.
CÜMHURİYYƏTİN TƏHLÜKƏSİZLİK ORQANLARI (1918-1920)
70
Dövlətin təhlükəsizliyi ilə məşğul olan belə bir qurumda (ƏMT-
də) müxtəlif partiyaların, xüsusilə də hakimiyyətdə iddialı olan
hümmətçilərin və müxtəlif əqidə sahiblərinin təmsil olunması doğru
hal hesab edilə bilməzdi. Elə bu səbəbdən də bolşevik istilasının
gücləndiyi dövrdə bu təşkilat onun ağrısını yaşamalı oldu. Bütün
bunlara baxmayaraq, ƏMT-nin əməkdaşlarının
böyük əksəriyyəti
Azərbaycanın müstəqilliyinin və dövlətçiliyinin möhkəmləndirilməsi,
düşmən qüvvələrin aşkarlanması, xarici təhdidlərin qarşısının alınması
istiqamətində xeyli işlər gördü.
II.2. Əksinqilabla Mübarizə Təşkilatının fəaliyyət istiqamətləri
ƏMT-nin fəaliyyət istiqamətləri müxtəlif sahələrdə olmuş və bu
özünün hüquqi əsasını “Azərbaycan Respublikasının əks-kəşfiyyat
xidmətinin məmurlarının hüquq və vəzifələri barədə Əsasnamə”də
tapmışdı. Bu əsasnamə ƏMT Bakı Möhkəmləndirilmiş Müdafiə
Rayonuna tabe etdirildikdən sonra qəbul edilmişdi. Təşkilatın
əməkdaşları casusların və onların təşkilatlarının, həmçinin öz fəaliyyəti
ilə Azərbaycana
düşmənçilik mövqeyində duran, dövlət hakimiyyətinə
qarşı qiyamda, xəyanətdə iştirak edən, vəzifəli şəxslərin həyat və
azadlıqlarına qəsd edən, hakimiyyətə, eləcə də hərbi vəzifəlilərə,
hərbi
qurumlara, hərbi hissələrə hücum edən və ya silahlı müqavimət
göstərən şəxslərin aşkarlanması,
sərnişin gəmilərinin qəbulu, sənədlərin
yoxlanılması, şübhəli şəxslərin saxlanılması, ictimai-siyasi vəziyyətə
nəzarət və s. bu kimi digər funksiyaları yerinə yetirirdi.
Sonralar Azərbaycan Dövlət Siyasi İdarəsi (DSİ) tərəfindən ƏMT-
nin əməkdaşı olmaqda təqsirli hesab edilərək həbs olunan Sadıqov
Mirzəbaba Kəlbəli oğlu 1932-ci il iyulun 5-də verdiyi ifadəsində ƏMT-
dəki işini belə xarakterizə edirdi:
“Müsavat” əks-kəşfiyyatına 1919-cu
ildə daxil olmuşam. Məni kiçik agent vəzifəsinə təyin etmişdilər.
Mənim vəzifəmə sərnişin gəmilərinin qəbulu, sənədlərin
yoxlanılması, qaçaqmalın müsadirə edilməsi, məktubların
alınması, şübhəli şəxslərin saxlanılması və s. daxil idi”.
75
Yeri gəlmişkən qeyd edək ki, Bakıda 1919-cu il sentyabrın 1-də hərbi
liman yaradılmışdı. Gediş-gəlişə nəzarət – sənədlərin yoxlanılması,
qaçaqmalçılıqla mübarizə, şübhəli şəxslərin saxlanılması, məktubların
75 DTX-nin arxivi. M.Sadıqovun istintaq qovluğu, PR-39509.