CÜMHURİYYƏTİN TƏHLÜKƏSİZLİK ORQANLARI (1918-1920)
60
Azərbaycanın düşməni sayıram”.
59
Hərbi Nazirliyin, eləcə də onun Kəşfiyyat və əks-kəşfiyyat
bölməsinin həyata keçirdiyi tədbirlərə baxmayaraq, Azərbaycanda
ictimai-siyasi vəziyyət yenə də gərgin olaraq qalmaqda idi. Bu vəziyyət
Azərbaycan hökumətindən ciddi tədbirlərin həyata keçirilməsini
tələb edirdi. Azərbaycan hökuməti, eləcə də Hərbi Nazirliyin
rəhbərləri mövcud vəziyyətdən çıxış yolunu daha çox Hərbi Nazirliyin
struktur bölmələrində dəyişikliklər aparmaqda, ordu quruculuğunu
gücləndirməkdə görürdülər. Belə struktur dəyişiklikləri Baş
Qərargah İdarəsində də aparılırdı. Belə ki, S.Mehmandarovun 1920-
ci il 17 fevral tarixli 105 saylı əmri ilə M.Sulkeviç tutduğu vəzifədən
(bütövlükdə isə ordu sıralarından) uzaqlaşdırıldı və onun vəzifəsi
general-mayor Həbib bəy Səlimova həvalə edildi. H.Səlimov milli
ordunun struktur bölmələrinə yenidən baxdı və ciddi dəyişikliklərlə
yeni bir layihə hazırlayıb Nazirlər Şurasına təqdim etdi. 1920-ci il mart
ayının 1-dən etibarən həmin layihənin həyata keçirilməsinə Nazirlər
Şurası razılıq verdi. Hərbi nazirin martın 2-də imzaladığı əmrlə
təsdiq edilmiş strukturun icrasına başlanıldı. Həmin əmrə əsasən,
Ümumi Qərargahla Ərkani-hərb bir qərargah adı altında birləşərək
“Azərbaycan ordusunun qərargahı ümumisi” adlandırıldı və bu
quruma rəhbərlik general-mayor Həbib bəy Səlimova həvalə olundu.
“Azərbaycan ordusunun qərargahı ümumisi”nə bir neçə idarə daxil idi.
Bunlardan biri də General-kvartirmeyster idarəsi adlanırdı. Bu idarəyə
polkovnik Karqaleteli rəhbərlik edirdi. Karqaletelinin rəhbərlik etdiyi
idarədə aşağıdakı bölmələr fəaliyyət göstərirdi:
1. Əməliyyat-kəşfiyyat bölməsi (rəisi polkovnik Hacıbəylinski).
2. Səfərbərlik bölməsi və məhəlli qoşunlar şöbəsi
(rəisi polkovnik Seyfulin).
3. Nizami və ümumi bölmə (rəisi polkovnik-leytenant Maqrubov).
4. Hərbi əlaqələr (daşınmalar) bölməsi (rəisi rotmistr Xudaverdov).
5. Rabitə komandası.
60
Hərbi Nazirlikdə struktur dəyişikliklərinin və işdə müəyyən
önəmli nəticələrin əldə edilməsinə baxmayaraq, bolşevik çevrilişi
bu nazirliyin, o cümlədən Kəşfiyyat və əks-kəşfiyyat bölməsinin də
fəaliyyətinə son qoydu.
59 Süleymanov M. Azərbaycan ordusu (1918-1920). Bakı, 1998, s. 264.
60 Azərbaycan Respublikası MAİ, f. 2894, siy. 1, iş 39, v. 109-112.
CÜMHURİYYƏTİN TƏHLÜKƏSİZLİK ORQANLARI (1918-1920)
61
II FƏSİL.
Əksinqilabla Mübarizə Təşkilatı
Azərbaycan Xalq Cümhuriyyətinin
müstəqil təhlükəsizlik
orqanı kimi
CÜMHURİYYƏTİN TƏHLÜKƏSİZLİK ORQANLARI (1918-1920)
62
CÜMHURİYYƏTİN TƏHLÜKƏSİZLİK ORQANLARI (1918-1920)
63
II.1. Əksinqilabla Mübarizə Təşkilatının yaradılması
və onun kadr siyasəti
Ölkədəki ictimai-siyasi vəziyyətin gərginliyini nəzərə alaraq
tərkibinə Nazirlər Şurasının sədri, hərbi, xarici işlər, yollar və ədliyyə
nazirləri daxil olmaqla 1919-cu il iyunun 9-da Dövlət Müdafiə
Komitəsinin (DMK) yaradılması barədə qərar qəbul edildi. Xüsusi
səlahiyyətlərə malik olan DMK ölkədə ümumi hərbi səfərbərlik
keçirmək, hərbi və müharibə vəziyyəti elan etmək, xüsusi könüllü
dəstələr yaratmaq, ölkənin
təhlükəsizliyi ilə bağlı məsələlərin
müzakirəsini aparmaq, müvafiq
qərarlar qəbul etmək, qarşıya
qoyulmuş vəzifələrin layiqincə
yerinə yetirilməsi məqsədi ilə yeni
strukturlar yaratmaq və s. hüquqlara
malik olan bir qurum idi.
61
DMK
ortaya çıxan fövqəladə məsələləri həll
etməli və qəbul edilmiş qərarların
icrasını təmin etməli idi. DMK-
nın iclasları onun üzvlərindən üç
nəfərin iştirak etdiyi şəraitdə hüquqi
səlahiyyətli hesab olunurdu. İclasa
rəhbərliyi Nazirlər Şurasının sədri
edirdi. O, iclasda iştirak etmədiyi
təqdirdə DMK-nın istənilən üzvünə
sədrlik səlahiyyəti tapşırıla bilərdi.
62
1919-cu il iyunun 11-də DMK Azərbaycanın bütün ərazisində hərbi
vəziyyət elan etdi və aşağıdakı məzmunda qərar verdi:
“…Azərbaycan
dövlətinə qarşı qiyam, dövləti xəyanət, parlament və hökumət
üzvlərinin hə yatına qəsd, hərbi hissələrə basqın, hakimiyyət
orqanlarına silahlı müqavimət, vəzifəli şəxslər öz xidməti
vəzifələrini yerinə yetirərkən onlara sui-qəsd, dəmir yollarının,
61 Azərbaycan Respublikası MAİ, f. 970, siy. 1, iş 166, v. 24.
62 Yenə orada, f. 2894, siy. 1, iş 35, v. 32.
Əksinqilabla Mübarizə
Təşkilatının rəisi
Nağı bəy Şeyxzamanlı
CÜMHURİYYƏTİN TƏHLÜKƏSİZLİK ORQANLARI (1918-1920)
64
körpülərin və bu kimi mühüm dövlət əhəmiyyəti olan tikili və
qurğuların xarab edilməsi, hərbi xidmətdə olan rütbəli şəxslər
haqqında açıq şəkildə təbliğat və ədəbiyyatların yayılmasında
günahkar bilinənlər müharibə dövrünün qanunlarına uyğun
olaraq cəzalandırılmalıdır. Xüsusi icazə olmadan siyasi xarakterli
kütləvi mitinq və küçə yürüşləri təşkil etmək, odlu silah, hərbi
sursat saxlamaq, satmaq və gəzdirmək qadağandır. Şaiyələr yayan,
millətlərarası ədavəti qızışdıran, ərzaq və ilkin tələbat mallarını
artıq qiymətə satan və digər bu kimi təxribat xarakterli hərəkətlər
edən şəxslər inzibati qaydada məsuliyyətə cəlb olunmalıdır”.
63
Ölkədə hərbi, ictimai-siyasi vəziyyətin gərgin və kənar müdaxilənin
real olduğu, Denikin ordularının, erməni separatçılarının, riyakar
ingilislərin, eyni zamanda bolşeviklərin Azərbaycanın əleyhinə
işlədiyi bir vaxtda müstəqil təhlükəsizlik orqanına xüsusi eh ti yac
duyulurdu. Bunu nəzərə alan Azərbaycan par la menti 1919-cu il
iyunun 11-də DMK yanında Əks in-
qilabla Mübarizə Təşkilatının
(ƏMT)
ya ra dıl ması barədə qərar qəbul etdi.
DMK-nın sədri Nəsib bəy Yusifbəyli
tərəfindən 1919-cu il iyunun 13-də
imzalanmış bir sə nəd də gös tə ri lirdi:
“Mirfəttah Musəvi cə nab larına!
Döv lət Mü da fiə Komitəsinin sənə
cariyə haziranın (iyun ayı nəzərdə
tutulur – C.Q.) 11-ci günü vaqe
olan iclasında zati aliniz müqabil
kəşfiyyat müdirliyinə təyin edilmiş
Məhəmmədbağır Şeyxzamanlı
cənablarına müavin təyin
olunursunuz. Məzkur komitənin qərardadı bərai-məlumat şərh
edilir, əfəndim. Dövlət Müdafiə Komitəsinin sədri Yusifbəyli”
64
.
Vaxtilə ƏMT-nin rəisi olmuş Nağı bəy Şeyxzamanlı
(1883-
1967) 1964-cü ildə İstanbulda çap etdirdiyi “Azərbaycanın istiqlal
63 Yenə orada, f. 1051, siy. 1, iş 2, v. 39-40.
64 Yenə orada, f. 2894, siy. 1, iş 26, v. 3-5.
Əksinqilabla Mübarizə
Təşkilatının möhürü
Dostları ilə paylaş: |