48
Ötən müddət ərzində gömrük siyasətinin əsas istiqamətindən biri kimi fiskal sahədə dönüş yarandı.
Gömrük nəzarətinin və qaçaqmalçılığa qarşı mübarizənin
gücləndirilməsi, gömrük orqanlarının maddi-texniki
bazasının, habelə maliyyə intizamının möhkəmləndirilməsi sahəsində görülən işlər büdcə gəlirlərinin
formalaşmasında Dövlət Gömrük Komitəsinin rolunu xeyli artırdı.
Bazar iqtisadiyyatına keçid şəraitində büdcə kəsiri olan bir ölkənin büdcə gəlirlərində gömrük vergi və
rüsumlarının xüsusi çəkisi 1994-cü ildəki 3,2 faizdən 2001-ci ildə 24,0 faiz, 2005-ci ildə 18,3 faiz və 2006-cı
ildə 13,3 faiz təşkil etmişdir. Mütləq rəqəmlə 3,5 milyon manatdan 2006-cı ildə 515,8 milyon manata çatmışdır.
Azərbaycan Neft Konsorsiumuna idxal olunan avadanlıq və əmlakın gömrük rəsmiləşdirilməsini
operativ təşkil etmək üçün "Sahil", neft ixracı və tranzitin həyata keçirilməsi üçün "Dübəndi", "Liman" gömrük
postları, beynəlxalq statusa malik "Şirvanovka" keçid məntəqəsi tikilib istifadəyə verilmişdi. Aksizli malların
idxalına nəzarəti gücləndirmək üçün Aksiz gömrük postu yaradıldı və sonradan idarə statusu verilmişdi.
Avtonəqliyyat vasitələrinin gömrük rəsmiləşdirilməsini həyata keçirmək üçün Avtonəqliyyat gömrük
idarəsi və digər ixtisaslaşdırılmış gömrük postu və idarələri yaradılmışdı.
Azərbaycan Respublikasının Gömrük Məcəlləsi və "Gömrük tarifi haqqında" Qanununun qüvvəyə
minməsi ilə gömrük qanunvericiliyinə dair normativ-hüquqi sənədlər yenidən işlənildi, maliyyə intizamını
möhkəmləndirmək, gömrük nəzarətini və qaçaqmalçılığa qarşı mübarizəni gücləndirmək üçün əsas hüquqi-
normativ aktlar qəbul olundu.
On beş illik xidməti fəaliyyətində Azərbaycan Respublikası Dövlət Gömrük Komitəsi və onun
strukturları Azərbaycan Respublikasının Gömrük Məcəlləsi ilə müəyyən edilmiş funksiyalarını uğurla həyata
keçirmişdi.
Azərbaycan Respublikası Dövlət Gömrük Komitəsinin Maliyyə-Tarif və Valyuta Nəzarəti Baş İdarəsi
ötən dövr ərzində funksiya və vəzifələrinə dair nəzərdə tutulmuş işlərin öhtəsindən layiqincə gəlmişdi. Ötən
müddət ərzində Baş İdarənin tərkibində iki idarə (Yol vergiləri və Gömrük ödənişləri idarələri), habelə yeddi
şöbə və bir bölmə (Maliyyə, Audit, Gömrük tariflərinin tənzimlənməsi, Gömrük dəyəri, Aksiz, Risk analizləri,
Valyuta Nəzarəti şöbələri və Pensiya ödənişi bölməsi) fəaliyyət göstərir.
Baş idarə ilk növbədə "Dövlət büdcəsi haqqında" Azərbaycan Respublikasının Qanununa uyğun
olaraq Dövlət Gömrük Komitəsi üçün müəyyən edilmiş büdcə proqnozunun gömrük orqanları arasında
bölüşdürülməsi və aylar üzrə yerinə yetirilməsinə nəzarəti həyata keçirir.
Bununla yanaşı ötən 15 illik xidməti fəaliyyətində Baş İdarənin struktur bölmələri təsdiq olunmuş
əsasnaməyə uyğun olaraq funksiya və vəzifələrini layiqincə yerinə yetirməklə yanaşı xarici-iqtisadi fəaliyyətdə
gömrük tarif tənzimlənməsinin, valyuta nəzarətinin və gömrük orqanlarında maliyyə-vergi mexanizminin
təkmilləşdirilməsi, hazırda Azərbaycan Respublikasının "Gömrük Məcəlləsinin yeni layihəsi, gömrük-vergi
qanunvericiliyinə dair normativ-hüquqi bazanın möhkəmləndirilməsi istiqamətində xeyli iş görülmüşdür.
Bu istiqamətdə son dövrlərdə işin daha da operativ təşkil olunması təmin edilmişdir. Belə ki,
"Azərbaycan Respublikasında antiinflyasiya tədbirlərinin gücləndirilməsi haqqında" Azərbaycan Respublikası
Prezidentinin 31 may 2005-ci il tarixli 242 nömrəli Fərmanın 4.5. bəndinin icrasını təmin etmək məqsədilə idxal
mallarına münasibətdə gömrük tarif mexanizminin təkmilləşdirilməsi, lüzumsuz tarif güzəştlərinin ləğvi,
güzəştlərin konkret sahəni və dövrü əhatə etməsi, daxili bazarın qorunması, yerli istehsalın genişləndirilməsi və
ixraca əlverişli şəraitin yaradılması məqsədilə, həmçinin Beynəlxalq Təşkilatların Azərbaycan Respublikasında
hazırda tətbiq olunan gömrük idxal rüsumlarının çoxpilləli sistemindən (0%, 0,5%, 1%, 3%, 5%, 10%,
15%)azpilləli sisteminə (0%,5% və 15%) keçirilməsi ilə bağlı tövsiyələrini nəzərə alaraq, Azərbaycan
Respublikası Nazirlər Kabinetinin "Azərbaycan Respublikasında ixrac-idxal əməliyyatları üzrə gömrük
rüsumlarının dərəcələri, gömrük rəsmiləşdirilməsinə görə alınan yığımların miqdarı haqqında" 2001-ci il 12
aprel tarixli 80 nömrəli qərarına dəyişiklik edilməsi barədə 22 dekabr 2003-cü il tarixli 161 nömrəli qərarı ilə
təsdiq edilmiş "Azərbaycan Respublikası ərazisinə gətirilən mallar üzrə gömrük idxal rüsumlarının
dərəcələri"ndə bəzi mallar üzrə əlavə və dəyişikliklərin Siyahısı hazırlanmış və Azərbaycan Respublikası
Nazirlər Kabinetinə təqdim edilmiş son variantı razılaşdırmaq üçün aidiyyəti mərkəzi icra hakimiyyəti
orqanlarının ekspertlərinin iştirakı ilə müzakirə olunmuş və təsdiqə təqdim olunmuşdur.
Azərbaycan Respublikasının Nazirlər Kabinetinin 2003-cü il 22 dekabr tarixli 161 nömrəli Qərarının
2-ci bəndinin və Azərbaycan Respublikası Dövlət Gömrük Komitəsi Sədrinin 28 fevral 2006-cı il tarixli 023
saylı əmrinin 2-ci və 3-cü bəndlərinin icrasının təmin etmək məqsədilə, kimyəvi silahların yaradılmasında və
ozon təbəqəsinin dağıdılmasında istifadə edilə bilən maddələrin yeni kodlarına uyğunlaşdırılmış, gömrük idxal
rüsumlarının dərəcələrinin Azərbaycan Respublikası Nazirlər Kabinetinin 22 dekabr 2003-cü il tarixli 161
nömrəli Qərarı ilə təsdiq edilmiş "Azərbaycan Respublikasının ərazisinə gətirilən mallar üzrə gömrük idxal
rüsumlarının dərəcələri"nə əlavə edilməsi barədə "Kimyəvi Silahların hazırlanması, istehsalı, ehtiyyatları və
istifadəsinin qadağan edilməsi və onların məhv edilməsi haqqında Konvensiya çərçivəsində nəzarətə alınmış
maddələr üzrə gömrük idxal rüsumlarının dərəcələri" və "Ozon Təbəqəsini dağıdan maddələr haqqında Monreal
Protokoluna əlavə və düzəlişlər çərçivəsində nəzarətə alınmış maddələr üzrə gömrük idxal rüsumlarının