15
Ağdam polislərinin komandirinin qollarından tutub yalvardım ki, təslim oluruqsa, məni
güllə ilə vur, əsirlikdə qalmaq istəmirəm. O tərəddüd elədi. Dedim ki, əgər ananın
düşmən əlinə düşməsini istəmirsənsə, qeyrətli bir oğul kimi çəkinmə, vur məni. Qolundan
tutub silkələdim, avtomatını yuxarı qaldırıb lüləsini sinəmə dayadım. Onun barmaqları
tətikdə idi. Tətiyi çəkmək istəyirdi ki, həyat yoldaşım İmran yaxınlaşıb dedi: “Oğlum,
mənim gözüm önundə Həqiqətə güllə vurma”. Hamısını söyub təhqir etdim. Yerdən
beşatılan tufəngimi götürub ayağa qalxdım. Döyüşə hazır vəziyyətdə dayanıb dedim:
“Onda ölənə qədər döyüşəcəyik”.
Nəhayət, bir-bir çölə çıxmalı olduq. Çölə çıxanda erməni komandirləri əmr etdilər
ki, silahları tökun. Onda tam yəqinlik hiss etdim ki, bizi ermənilər Ağdama yola
salmayacaqlar. Mən çiynimdə beşatılan, belimdə patron qatarı çıxmışdım. Ermənilərin
qəzəbli baxışlarını veçimə də almadım. Döyüşçülərdən Ərəstun silahı təhvil vermədi.
Avtomatını divara vurub sındırdı və kənara atdı. Dedi ki, mən erməniyə silah vermərəm.
Başqa cavanlardan da belə edənlər oldu. Beləliklə 118 nəfər Qaradağlı mudafiəçiləri əsir
edildi. Ermənilər qocaları və qadınları bir, cavanları isə başqa bir maşına mindirdilər.
Maşınlar hərəkətə gəldi. Yol uzunu bizi aparan hərbiçilər maşını saxlayır, yol kənarına
yığışmış erməni əhalisinin gözü qarşısında cavanlarımızı güllələyirdilər. Oğullarımızdan
Ərəstun, Nəbi, Nahid və İbiş ölumu mərdliklə qəbul etdilər. Onlar sinələrini açıb
“əçlaflar, vurun, qoy qanım torpağıma tökülsün”, “İt kimi burdan qovulacaqsız” deyərək
qışqırır, güllə qabağına gedirdilər.”
Digər canlı şahid Qaradağlı sakini, hadisələrin şahidi İlqar Əliyevin açıqlaması:
“İlqar Qardaşxan oğlu Hüseynov, 1958-ci ildə Xocavənd rayonunun Qaradağlı kəndində
anadan olub. Qaradağlı kənd özünümüdafiə taburunun tərkibində öz kəndlərinin
müdafiəsi zamanı ermənilər tərəfindən əsir götürülüb. O, həmin hadisələri belə xatırlayır:
“Xocavənddə cəmi 5 azərbaycanlı kəndi var idi. Onlardan da biri 41 erməni kəndinin
əhatəsində olan Qaradağlı kəndi idi və ən yaxın azərbaycanlı kəndindən 13 km aralı idi.
Bu kəndlər isə 1991-ci ilin noyabr ayında ermənilər tərəfindən işğal olunmuşdu və
Qaradağlı blokadada qalmışdı. Ermənilər Qaradağlını tutandan sonra əsir və girov
götürdükləri kənd sakinlərindən 33 nəfərini öldürdülər. Sonra öldürdükləri qadın və
uşaqların cəsədlərini kənd yaxınlığındakı Bəylik bağı adlanan yerdə “silos” quyusuna
töküb, üzərini torpaqladılar. Ermənilər kənd sakinlərini güllələyir, hələ ölməmiş adamları
isə quyuya doldururdular. Mənimlə birlikdə yüzdən artıq Qaradağlı kənd sakini girov
götürülmüşdü. Yolda dəhşətli işgəncələrlə qarşılaşdıq. Ermənilər iki kənd sakininin
başını toxmaqla yararaq, onları əzabla öldürdülər. Bizi əvvəlcə Lingin kəndində
gətirdilər. Orada üç nəfəri, Malıbəylidə isə 12 nəfəri güllələdilər. Malıbəylidə hamını
maşınlardan töküb, piyada Xankəndinə qədər apardılar. Yol boyu ermənilərin təhqirləri
ilə qarşılaşırdıq. Xankəndidə yerləşən həbsxanada 8 Qaradağlı sakininin acından öldü.
Ermənilər fevralın 26-da Xocalını işğal edəndə Xankəndidə həbsxanada idim. Həmin gün
ermənilər yüzdən artıq adamı bu həbsxanaya gətirdilər. Sonra bildim ki, onlar Xocalı
sakinləridir və bu şəhər də işğal olunub. Səhəri gün gözümün qabağında 60-a yaxın
Xocalı sakininin başını kəsdilər. Onların arasında uşaq və qadınlar da var idi”.(11)
Qaradağlı sakini Oruc Əliyev də kənd işğal olunduqdan sonra şahidi olduğu
hadisələri belə xatırlayır: “Məni fevralın 17-də əsir götürdülər. Yolda qohumlarımın
yarısını öldürdülər. Xankəndidəki həbsxanada isə dişlərimi zorla çəkdilər. Hər gün
ermənilər tərəfindən döyülür, işgəncəyə məruz qalırdım. Həmin il martın 17-də
Allahverdi Bağırovun köməkliyi ilə dəyişdirildim. Beynəlxalq Qırmızı Xaç Komitəsinin
16
nümayəndələri həmin günə qədər bir dəfə də olsun xəstəxanaya gəlmədilər. Ermənilər
sağlam azərbaycanlı əsir və girovların daxili orqanlarını satırdılar. Bunu əvvəlcədən
tanıdığım ermənilər mənə demişdi”.
O. Əliyevin sözlərinə görə, Qaradağlının alınması əməliyyatına və orada baş
verən qətliamlara Ermənistan prezidenti Robert Köçəryan rəhbərlik edib. O, bunu
Əsgəranda xəstəxanada yatarkən eşitdiyini söyləyib.[1]
Qaradağlı faciəsində ölən, yaralanan, əsir düşənlər haqqında müxtəlif məlumatlar
var. Məlumatların birində 54 nəfər dinc sakinin vəhşicəsinə qətlə yetirilməsi, 50 nəfərin
əsir götürülməsi, 42 ailə başçısının itirməsi, 140 uşağın yetim qalması, ümumiyyətlə,
kənd sakinlərinin hər 10 nəfərindən birinin şəhid olması göstərilir (12). Digər
məlumatda 90 nəfərin şəhid olması, 6 nəfərin itkin düşməsi və 9 nəfərin əsir götürülməsi
bildirilir (13)
Fikrimizcə faciənin miqyası çox geniş olduğundan, faktların əsasən şifahi
mənbələrə əsaslandığından və rəsmi araşdımalar aparılmadığından belə fərqli məlumatlar
mövcuddur. Buna görə də bu sahədə rəsmi araşdırmaların aparılmasına ciddi ehtiyac var.
Aşağıda Qaradağlı faciəsində şəhid olan, gorov götürülərək əzab və işgəncə ilə
qətlə yetirilənlər və taleyi indiyədək naməlum şəxslərin bir qisminin ad və soyadları qeyd
olunub:.
Qaradağlı şəhidləri - Tağıyev Bakir, Məmmədov Tohid, Şirinov İltifat, Şirinova
Qaragöz, Hüseynova Səbiqa, Hüseynova Məxmər, Quliyev Əloğlan, Quliyev Gündüz,
Quliyeva Nazənim, Hüseynova Rahilə, Hüseynova Rəxşəndə, Hüseynova Qənirə,
Hüseynova Gülzəndə, Babayeva Validə, Zeynalov Nobil, Hüseynov Xanalı, Həsənov
Altay, Dadaşov Manaf, Hüseynov Əsgər, Bayramov Rəşid, Rüstəmova Zivər, Bayramov
Arif, Dadaşov Eldar, Hüseynov Şahmurad, Hüseynov Dəmir, Hüseynov Fədail, Kərimov
Əliqismət, Doluxanov Rəhim, Tağıyev Telman, Abbasov Səlvər, Bayramov Elmidar,
Kazımov Səlim, Tağıyev Elsevər, Süleymanov Elçin, Əzizov İltifat
Girovluqda olarkən ermənilər tərəfindən əzab və işgəncə verilərək
amansızlıqla qətlə yetirilənlər - Hüseynov İmran, Şirinov Böyükkişi, Tağıyev Kamil,
Vəldiyev Fazil, Quliyev Əlaslan, Hüseynov Şura, Nəzərov Şura, Quliyev Kamal
Əsirlikdən azad olunduqdan sonra işgəncələrə məruz qaldıqlarına görə
müxtəlif vaxtlarda vəfat edənlər: Şirinov Familət, Hüseynov Zülümxan, Quliyev Yusif,
Əmirxanova Minayə, Hüseynova Sitarə, Həsənov Məhəmməd, Xəlilov Vaqif,
Məmmədov Şəmil, Tağıyev Sərdar, Tağıyev Əvəz, Hüseynova Mirvari, Tağıyeva Güllər,
Babayev Cavanşir, Babayev İsa, Sadıqova Mina
Taleyi indiyədək naməlum olanlar - Əliyev Vətən, Axundov Hafiz, Dadaşov
Mikayıl, Hüseynov Əbülfət, Vəliyev Füzuli(14)
Azərbaycanın müxtəlif bölgələrində məcburi köçkün kimi yaşayan Qaradağlılar
ata-babalarının ruhu dolaşan müqəddəs torpaqlara qayıdacaqları günü səbirsizliklə
gözləyirlər. Azərbaycan Respublikasının iqtisadi yüksəlişi, güclü Milli Ordu onların
qələbəyə inamını daha da artırır.
Qaradağlıların qələbəyə inamını iki şəhid anası Sevil Əzizovanın aşağıdakı sözləri
bir daha təsdiq edir: “Tezliklə Qaradağlı, eləcə də işğal altında olan digər torpaqlarımız
düşməndən təmizlənəcək. Çünki bunu etməyə qadir Azərbaycan ordusu var. Bilirəm ki,
bu ordu getdikcə düşmənin canına daha böyük qorxu salmaqdadır” (15)
XX əsrin sonunda Azərbaycanın ayrılmaz tərkib hissəsi olan Dağlıq Qarabağda
yerli azərbaycanlılara qarşı törədilən cinayətlərdən biri olan Qaradağlı faciəsi haqqından
17
bundan sonra da tədqiqatların daha da genişləndirilməsinə, yeni – yeni kitabların
yazılmasına ehtiyac var. Fikrimizcə bu, ictimaiyyətə hələ də məlum olmayan çoxlu
faktların, həqiqətlərin ortaya çıxmasına imkan verər. Bu tədqiqatlar həmçinin düşmənə
qarşı mərdliklə vuruşmuş, lakin hələ də əksəriyyətə naməlum qalan Telman Tağıyev kimi
qəhrəmanların üzə çıxarılmasına kömək edə blər. Fikrimizcə Telman Tağıyev və bir çox
digər Qaradağlı şəhidlərinin göstərdiyi qəhrəmanlıqlar gec də olsa dövlət tərəfindən
qiymətləndirilməlidir. Bu gənc nəslin vətənvərvərlik tərbiyəsində və Azərbaycan
Respublikasının ərazi bütövlüyünün bərpasında mühüm rol oynaya bilər.
İstifadə olunmuş ədəbiyyat
---------------------------------
1.
Yaddan çıxmaz Qarabağ. Bakı, 2007, s. 9
2.
Mahmudov Y., Şükürov K. “ Qarabağ” Bakı 2005; Abbasoğlu B. Qəhrəmanlıq
zirvəsi(Azərbaycanın Milli Qəhrəmanı, polkovnik-leytenant Şirin Mirzəyev
haqqında).- B.: Şuşa, 2006,159 s.; Abbasoğlu B. Ölərkən dünyaya gələn oğullar.
Qarabağ müharibəsində “Azərbaycanın Milli Qəhrəmanı adına layiq görülmüş 15
nəfər döyüşçü haqqında. B.: Şuşa, 2004, 246 s;
Abdullayev Ə. Azərbaycana qarşı
erməni təcavüzü və xarici havadarləq. B.: İqtisad Universiteti 2004, 214 s.; Acı
həqiqətlər: (Qarabağ hadisələrinə dair məqalələr).- B., 1991;
Dağlıq Qarabağ:
hadisələrin xronikası (1988-1994-cü il).B. Vətən, 2005,106 s.;
Məhərrəmov B.
Ölməzlik zirvəsi: (Qarabağ şəhidləri haqqında.).- B.: Təhsil, 2004.- 159 s.;
Axundov Ə. İkinci Xocalı.- B.: Şuşa, 2004.- 118 s.; Aşırlı A. Türkün Xocalı
soyqırımı.- B.: Nurlan, 2005.- 152 s.; Hacıyev H. Dağlıq Qarabağın tarixindən
sənədlər /Red.: S.Xəlilova.- B.: Gənclik, 2005.-190 s.; Əliyev C., Budaqov B.
Türklər, azərbaycanlılar, ermənilər: Tarixi həqiqətin soyqırımı.- B.: Azərbaycan,
2003.- 72 s.; Gəncə-Qarabağ əyalətinin müfəssəl dəftəri.- B.: Şuşa, 2000.- 575 s.;
Xəlilli X. Qarabağ: Etnomənəvi inkişaf tarixi: Ən qədim dövrdən 1920-ci ilə qədər.-
B.: Günəş, 2006.- 79 s.; Xəlilzadə F. İgidliyin son zirvəsi.- B., Nurlan, 2001.- 74 s.;
İbayev V. Ermənistan-Azərbaycan, Dağlıq Qarabağ münaqişəsi insan hüquqları
kontekstində: (Tətbiq oluhüquq və məsuliyyət məsələləri).- B.: Elm, 2001.- 241 s;
Köçərli T. Qarabağ /Red.: O.S.Məmmədov; AMEA-nın İnsan Hüquqları İnstitutu.-
B.: Elm, 2002.- 465 s.; İsgəndərzadə E. Müharibə adamı: (Mayor Azay Kərimov
haqqında).- B, Şuşa, 1999.- 110 s.; Ermənilərin Dağlıq Qarabağla bağlı iddialarının
heç bir hüquqi əsası yoxdur.- B.: Çaşıoglu, 2005.- 22 s;
Seyidbəyli E. Qarabağtorpaq
mülkiyyətinə aid arxeoqrafık materiallar. Gövhər ağa Cavanşirin sənədləri /Elmi red.:
Tahirə Həsənzadə.- B.: Nurlan, 2002.; Zeynalov Niyaz. İki ay erməni əsirliyində.- B.:
Azərnəşr, 2000.- 59 s.;Məmmədova H.Azərbaycan Xalq Cümhuriyyəti dövründə
Yuxarı Qarabağda siyasi vəziyyət.Erməni terrorizminin güclənməsi ( 1918 – 1920)Bakı
2006, 150 s.; Nəvvab M. M. 1905 – 1906 –cı illərdə erməni – müsəlman davası. Bakı,
Azərbaycan, 1983,-128 s.
Şuşa qədim Azərbaycan diyarı; Shusa – old Azerbaijan
land. Baki 2009
3.
Məmmədova Həvva. Xocalı: Şəhidlər, Şahidlər.- B.: Yeni nəşrlər evi, 2003.-
197s; Xəlilqızı Əsli. Güllələnmiş uşaqlıq [Mətn]
/Ə. Xəlilqızı; Red.: M.
Nazimoğlu; Tərcüməçilər: A. Qorina, N. Məmmədov, Dizayner: T. Gəncəliyev.-
B.: Çaşıoğlu, 2007.- 295s;
18
4.
Krua l'Eveneman jurnalı (Paris), 25 fevral 1992;Sandi Tayms qəzeti (London), 1
mart 1992; Faynenşl Tayms qəzeti (London), 9, 14 mart 1992; Tayms qəzeti
(London), 4 mart 1992; Le Mond qəzeti (Paris), 14 mart 1992; Valer aktuel jurnalı
(Paris), 14 mart 1992 və s.
5.
Azərbaycanda Vətəndaş Cəmiyyətinin İnkişafına Yardım Assosiasiyası (AVCİYA)
“Xocalı soyqırımı (sənədlər, faktlarda və xarici mətbuatda)” (azərbaycan, rus,
ingilis dillərində) Bakı,2006; ASSOCIATION FOR
CIVIL
SOCIETY
DEVELOPMENT IN AZERBAIYAN- TWO PHOTO- TALKS ON A
TRAGEDY.BAKU 2010;
6.
Srebrenitsa soyqırımının ildönümünə həsr olunmuş dəyirmi masada Xocalı ilə
paralellər aparılıb. Media form. 09 iyul 2010
7.
Millətin Sərdarı - Səttarxan Qaradağlı. “Bakı - Təbriz” jurnalı, 2005 № 3, s. 60-
67
;“
Ucar”da Cənubi Azərbaycan izi. “525-ci qəzet
“
12 mart 2010.
8.
Jan Junior "Unudulmuş qəhrəmanlar. Çar Rusiyası ilə müharibədə unudulmuş
qəhrəmanlarımız." (azərbaycan dilinə tərcümə edənlər Əlibala Hacızadə, Şahin
Fazil). Bakı 2004,
9.
Yeni Musavat qəzeti, 23 fevral 2007
10.
Quliyev N, Quliyeva B. “Xocavənd həqiqətləri” Bakı 2007; Məhəmmədqızı L.
“Qaradağlı - qəlbi dağlı” Bakı : Azərbaycan Tərcümə Mərkəzi , 1994.52 s.; Q.
Mehparə “Qaradağlı faciəsi... unudulan həqiqətlər” “Təzadlar” qəz., 17 fevral
2009; Ənvər Çingizoğlu. Qaradağlılar. Bakı, “Şuşa” nəşriyatı, 2008
.
11.
“Şərq” qəzeti, 16 fevral 2007-ci il
12.
“Azerbaycan” qəzeti, 07 mart 2010
13.
“Şərq” qəzeti, 16 fevral 2007-ci il
14.
“Xalq” qəzeti ,21 fevral 2009
15.
Anaların qürur yeri “Azərbaycan” qəzeti, 07 mart 2010
Dostları ilə paylaş: |