DAŞ YUXULAR
94
Saday dostunun başını bahalı papağıyla bir yerdә sinәsinә
sıxdı. Onlar bir neçә dәqiqә dinib-danışmadan biri-birinә
baxdılar. O qısa zaman kәsiyi Camalın özünü әlә almasına,
nә söylәmәk istәdiyini kәsdirmәyinә kifayәt elәdi. Lap
әvvәl bir qәdәr hәyәcanlandı, sonda isә doluxsunub
hıçqırdı.
- Zibilә düşmüşәm, qardaş, - sözә başladı. - Kömәyin
lazımdı. Oğlumu tutub salıblar türmәyә. Rayonda
döymәdiyim qapı qalmayıb. Sözümә baxan yoxdu. Durub
gәldim, bәlkә burda kimsә kömәk elәyә.
- Nә üstündә tutublar oğlunu? - Artist әsәbi halda
soruşdu. - Camalın belә ağlamsınmağını heç istәmirdi.
Camal cavab vermәdi. Cibindәn dәsmal çıxarıb
aramla gözündәn, burnundan axıb ağzına dolan seli-suyu
sildi. Yalnız bundan sonra özünü әlә alıb artıq sakit,
arxayın sәslә dәrdini açdı.
- Eşit, Sarı, başımın boşluğuna görә Allah cәzalandırıb
mәni. Adam nә qәdәr sәfeh olar ki, gedib qәssab
Mәmmәdağanın nәvәsin gәlin deyib gәtirәr ocağının
başına, qanını it qanına calayar. Bu da axırı. Mәni adam
saymır, qayınanasını it kimi tutur. Qandığı döymәkdi,
söymәkdi, lәnәt yağdırmaqdı. Bizi bütün kәnddә biabır
eliyib. Tutması tutanda bir әli olr, bir başı - özünü döyüb
qana qәltan elәyir. Sonra da atası Cingöz Şabanın
öyrәtmәsi ilә qaçır şәhәrә, xәstәxanaya, ay camaat, baxın
deyir, әrim mәni öldürmәk istәyir. Bax belә, uşağı şәrlәyib
basdılar içәri. İyirmi gündü onun-bunun qapısında
yatıram. Rayonda kimin yanına gedirәm heç üzümә dә
baxmır. Gümanım kәsilib. Ümidim bircә sәnә qalıb, Saday.
Sәn kömәk elәyә bilәrsәn mәnә. Hörmәtli adamsan, hamı
DAŞ YUXULAR
95
sәni tanıyır. - Camal diqqәtlә Sadayın üzünә baxaraq
susdu. Sadayın Camala yazığı gәldi. O, eyni zamanda
özünün, Әylisin, Cingöz Şabanın kәmağıl qızının halına
yandı. Saralıb solan Әylisin, bozarıb dәrd çәkәn dağların,
üşüyәn, soyuqdan nәfәsi buz bağlayan, baharın gәlişinә
hәsrәt qalan daşların, küçәlәrin, evlәrin halına yandı. Daş
kilsә. Onun altından çağlayıb axan çeşmә, indi buz
bağlayan, o çeşmәnin axıb töküldüyü çayın rәngi bir az
qaramtıldı, elә bil nәdәnsә qorxub vә qәfil, haradansa
peyda olan, bәlkә dә әcәlin dartıb buralara gәtirdiyi
möcüzәli dәrәcәdә qara tülkü - Allahın yaratdığı xırda
canlı...vә bir dә o bulağın yanında qәdimlәrdә tikilәn,
üstündәki qıpqırmızı qan lәkәsi pozulmayan daş hasar...
Cingöz Şaban bu hasarın dibindә güllәlәmişdi o yazıq
mәxluqu. Artist Әylisin belәcә, boz vә yazıq sifәtini gözü
önünә gәtirir vә Camaldan hәmәn o sarımtıl - narıncı işıq
barәdә soruşmaq xәyalına görә utanıb xәcalәt çәkirdi.
- Baxaq görәk. Nәsә fikirlәşәrik, - Saday Sadıqlı
inmasız, heç bir ümid yeri qoymadan cavab verdi vә bir
qәdәr ucadan әlavә etdi: - Hә, danış görüm Әylisdә nә
var, nә yox?
- Nә olasıdı Әylisdә? Necә görmüsәn, elә - köhnә
hamam, köhnә tas, - Camal tam könülsüz dilini sürüdü.
- Bilirsәn axırıncı dәfә Әylisdәn çıxdığım neçә ildir?
- Lap olsun yüz il. Lap yüz il dә olmasan, Әylisdә heç
zad dәyişәn deyil, - Camal cavab verdi vә nәdәnsә
tәәssüflә Mopassanın üzünә gülümsündü. - Amma sonra
nә düşündüsә Sadaya Әylis barәdә azdan-çoxdan
danışmaq qәrarına gәlib, könülsüz-könülsüz dillәndi. - Bu
il yaz girәndә Mirәli kişi öldü, mәn bilәn xәbәrin var
DAŞ YUXULAR
96
bundan. Tәzәlikcә Anıx da canını Әzrailә tapşırdı. Qoca
qarı nә tәhәr hikkәliymiş, son nәfәsi üzülәnәcәn
ermәniliyini danmadı. Bizim arvadlar vidalaşmağa
gedәndә, hamıya üz tutub nә desә yaxşıdı? Deyib, eşidin,
mәn dinimi dәyişә, inandığım Allaha dönük çıxa bilmәrәm.
İndiyә qәdәr mәn sizin, mәdәni dildә desәm, başınızı
tәllәyirdim... Hә, ermәnilәr belә alçaqdılar! - Camal mәzәli
bir tәrzdә üz-gözünü әyişdirib, bu dәfә dә ani vә ehtiyatla
Mopassan Mirәlәmova baxdı. Sonra isә çaşqın halda
Sadaya nәzәr yetirib hansı sәbәbdәnsә başını aşağı saldı.
- Hәdi, hәlә dә Әylisdә ermәnilәr barәdә hәdyan
söylәmәk dәbdәrir? – Saday güclә eşidilәn sәslә soruşdu
vә özünü әylisli müsәlman arvadlar dövrәlәyәn, ölüm
yatağında can verәn sonuncu Әylis ermәnisi Anikonun
yerindә tәsәvvür elәmәyә çalışdı. Onun ölüm sәhnәsini
tәsәvvürünә gәtirә bilmirdi. Әvәzinә gözlәri önünә
Әylisdәki әn gözәl, böyük, ikimәrtәbәli ev gәlirdi. Hündür
artırmasınada әlә gәtirmәk mümkün olan hәr növ güllәr
düzülmüşdü. Tәmizlik vә sәliqә-sahman evә tәrәf uzanan
daş döşәnmiş cığırla gedәn adamın gözlәrini dincәldirdi.
Anikonun Vәng kilsәsindә әkdiyi vә hәvәslә qulluq etdiyi
güllәr Sadayın ruhunu çox oxşamış, ona zövq vermişdi.
Artist Camalın başındakı bahalı papağa baxır vә xatırlayırdı
ki, neçә müddәtdәn bәri çıxarmadığı kirli, qartmax
bağlamış kepkanı onun başından Haykanuş ölüm-zülüm
dartıb qopara bilmişdi.
- Әgәr Allahın olsaydı, sәn dә ona qarşı satqınçılıq
elәmәzdin. - Artist heç nәdәn ehtiyatlanmadan uca sәslә
dedi. Vә dәrhal (dediyi sözlәrә görә tәәssüf hissi
keçirdiyinә görәmi, yaxud hansısa başqa bir sәbәbdәn)
DAŞ YUXULAR
97
içindә uçurum kimi boşluq duydu, elә qaranlıq, nәhayәtsiz
boşluq ki, nә başlanğıcı vardı, nә dә sonu, hәyatsız vә
havasız bir boşluq idi. Onun sözlәrindәn sonra ortaya
çökmüş ani sükut arasında o, Mopassan Mirәlәmovun
gözlәrindәki şübhәli-hiylәgәr vә soyuq tәbәssümü tuta
bildi. Amma direktorun tәrtәmiz tәraş edilәn kök sifәti bir
anda ciddilәşdi. İşә bax ki, Sadayın tikanlı sözlәri Camalın
halına tәvavüd elәmirdi.
- Düz deyirsәn, - cavab verdi, ermәnilәr öz
Allahlarından heç vaxt üz döndәrmirlәr.
Saday bu sözü elә bil әvvәllәr dә eşitmişdi. Artistә
görә, eşitdiyi sadәcә söz deyildi, bu sözlәr hәm dә nә
zamansa bu dünyada var olan, sonra izsiz-tozsuz yoxa
çıxan, unudulan sәs, yumşaq, xeyirxah işıq idi. Saday
Sadıqlı bu sözlәri eşidәndә sakitlik tapmış, özünü әlә
almışdı. O, bu saat bütün yaddaşını geri çevirib әlәk-vәlәk
elәmәyә hazır idi ki, o sözü ilk dәfә kimdәn, nә zaman,
harada eşitdiyini xatırlasın. O, bütün Әylisi hamıya mәxsus
olan tәk bircә ev kimi qucaqlayıb bağrına basmaq, cavan
ağac kimi silkәlәmәk, bir ovuc su kimi başına çәkib içmәk
istәyirdi, tәki bilsin, xatırlasın ki, Camalın indicә dediyi
sadә, amma inanılmaz dәrәcәdә dәrin mәnaya malik
cümlәnin ilk әylisli müәllifi kim olub. Ey ucalardan uca
Allah! Mәgәr bu sözlәr deyilәndә Әylis o ulu, әlçatmaz
yaradanın yanında deyildimi? Әylis dә mәgәr böyük
yaradan qәdәr әlçatmaz olanda deyilmәyibmi bu sözlәr:
"Allahın nәzәri hәmişә ermәnilәrin üstündәdir."
Ürәkdәn sevinәn Saday Camalın boynunu qucaqladı.
- Ay Cambul, elә Cambulsan ki, durmusan. Nә qәdәr
tәmiz ürәklisәn, xәtrinә dәysәm dә incimәdin.
Dostları ilə paylaş: |