237
-“Mən öz hidayət yolumu sizə göstərdim. Hər kəs hidayət
yolunda tabeçilik etsə, ona qorxu yoxdur və heç vaxt qəm-
qüssə çəkməz.”
Bu kiçik cümlə ilə Allah taala onlara böyük bir məsələni
xatırlatmaq istəyirdi. O, da budur ki, təkcə yaşayış və maddi
ehtiyacları aradan qaldırma yollarını öyrənmək kifayət
etmir, bəlkə mənəvi, daxili qorxu və nigarançılığı aradan
aparmaq üçün Allahın hidayət yolunda tabeçilik etmək
lazımdır. Çünki, bütün bu ehtiyacları təlim etməklə və
maddi yaşayışın bütün yollarını öyrənməklə bərabər yenə də
yaşayış insana çətin və darıxdırıcı olacaqdır. Necə ki, Allah
taala başqa yerdə Adəm və Həvvanın yerəenmə məsələsinə
işarə edərək buyurur:
-”Bir-birinizə (siz İblisə və nəslinə, İblis də sizə və nəslini-
zə) düşmən kəsilərək hamınız oradan (Cənnətdən Yerə)
enin. Məndən sizə doğru yolu göstərən bir rəhbər (kitab, ya-
xud peyğəmbər) gəldiyi zaman hər kəs Mənim haqq yolumu
tutub getsə, nə (dünyada) yolunu azar, nə də (axirətdə) bəd-
bəxt olar! Hər kəs Mənim öyüd-nəsihətimdən (Qur'andan)
üz döndərsə, güzəranı daralar (yaxud qəbir evində şiddətli
əzaba düçar olar) və Biz qiyamət günü onu məhşərə kor ola-
raq gətirərik!”
Lakin hər bir yaratdığına rəhm edən Allah Yerdə də Adəm,
Həvva və ondan sonra gələn bütün insan nəsli üçün ən
əlverişli, optimal şərait yaratdı. Amma cənnətdən fərqli
olaraq burada onlar özlərinin həyatı naminə yalnız və yalnız
zəhmət çəkməklə, əmək sərf etməklə vəziyyətdən çıxa
bilərdilər. Onlara Yer üzərində həyati əhəmiyyətli vacib
qida maddələrini – su və havanı da peşkəş etmişdi. O ki,
qaldı yemək qida maddələrinə, bu bir az müşkül məsələ idi.
İş ondadır ki, yemək üçün yeganə qida mənbəyi – Allahın
238
yaratmış olduğu başqa növ canlılar – bitkilər, heyvanlar,
quşlar və balıqlar idi. Lakin baxın, burada fikirlər haçalanır.
Çox mənbələrdə yazılır ki, bu sadaladığımız qida
mənbələrini Allah elə insan üçün yaratmışdır. Mən, şəxsən
bu fikirlə qətiyyən razılaşa bilmirəm. Nə fərqi var ki, onlar
da canlıdır, onların da yaşamaq hüququ vardır, onlar da
şübhə yoxdur ki, öz əcəlləri ilə ölmək istəyirlər. Bizi
onlardan ayıran bir əlamət varsa, o da yüksək təşəkkül etmiş
materiyaya – beyinə malikik, yəni ağıl, şüur bizdə üstünlük
təşkil edir. Amma bəzən bu canlılardan elələri də var ki,
onların edə biləcəyini insan edə bilmir. Onlar da insan kimi
özlərinə yuva qururlar, bala əmələ gətirib bəsləyirlər,
böyüdürlər. Məgər bunu ona görə edirlər ki, biz, insanlar
onları öldürüb özümüz üçün yem edək, eləmi? Bunun özü
elə əsl vəhşilik deyilmi? Axı, Allahın verdiyi canı O da
almalıdır, biz yox! Çoxları məni tənqid hədəfinə tutub
deyəcəklər ki, biz o dediyin heyvan, quş, balıq və bitkiləri
bəsləyib, böyüdüb kəsirik, buna ixtiyarımız var. Belə olan
təqdirdə, bu heyvanlar da öz balalarını bəsləyib böyüdürlər.
Sizin mühakimənizə görə, görəsən onlar niyə balalarını
yemirlər? Xeyr! Bu ədalətsizlikdir! Siz onları açın, buraxın,
qoyun çıxıb meşələrə getsinlər, özləri sərbəst yaşasınlar,
meşədəki heyvanlar kimi. Yenə belə bir sual meydana çıxır:
bəs onlardan istifadə etməsək biz özümüz ölərik ki? Xeyr,
ölmərik. Bu qlobal problemdən çox gözəl çıxış yolu vardır
ki, elə bu yazılan kitabın məqsəd və məramı da bu
məsələyə həsr olunub.
İnsan ilk yarandığı gündən görünür ki, bəzi vəhşi
heyvanlar kimi, ağır zəhmət tələb edən işlərdən qaçaraq,
yüngül yolla mənfəət əldə etmək istəmişdir. Çünki onun
həmçinin pisi yaxşıdan, əyrini düzdən, sevinci kədərdən,
güclünü gücsüzdən ayıra bilmək qabiliyyətinə malik zehni
vardır. Buna görə də baxmayaraq ki, adı “insandır”, o da
239
başqalarını məhv etməklə (heterotrof üsulla) özünün
yaşamasını təmin etmişdir.
Bitkilər də bizim kimi canlıdırlar. Çox maraqlı bir
məsələ ondan ibarətdir ki, amma onlar bizdən fərqli olaraq
heç bir canlıya ziyan vurmadan (avtotrof) özləri üçün
yaşayırlar. Onlar da bizim kimi Günəş enerjisi ilə
qidalanırlar. Fotosintez prosesi onlar üçün həyat mənbəyidir.
Torpaqdan su və mineral maddələri, havadan isə Günəş
işığının aktiv təsiri ilə karbon qazını yarpaqları vasitəsilə
udaraq VII fəsildə bəhs etdiyimiz kimi, biokimyəvi
mexanizm proseduru ilə oduncağa – selülozaya çevirirlər.
Göründüyü kimi, bitki mənşəli canlılar heç bir başqa canlıya
zərər yetirmədən, öldürmədən bəsit qeyri-üzvi maddələrdən
yem kimi istifadə edərək üzvi maddələrə çevirirlər (abiogen
sintez), inkişaf edirlər, böyüyürlər və hətta dadlı-dadlı bəhər
verirlər. Mənim fikrimcə, Allahın Ona ən sevimli olanı,
yaratdığı bitkilərdir ki, ədalətsiz hərəkət etmirlər. Bir kiçik
palıd qozası torpağa düşdükdə tez bir zaman ərzində
yüksəkliyi 30-40 metrə çatan qollu-budaqlı, iri gövdəli,
nəhəng bir ağaca çevrilir. Möcüzədir, elə deyilmi? Bu
nəhəng ağac Günəşin işıq şüalarının enerjisi və sadə qeyri-
üzvi birləşmələrdən – sudan və karbon qazından əmələ
gəlmişdir. Çox qəribədir, 60 yaşlı insan isə bu illər ərzində
hər cür nemətdən istədiyi miqdarda istifadə etməsinə
baxmayaraq (eninə-uzununa), onun boyu vur-tut 1,6-2
metrdən yüksək deyildir. Həm də palıd ağacı 500, bəzən də
1000 il yaşadığı halda, insanın maksimal yaşama dövrü 100
yaşı aşmayır. Görəsən bu niyə belədir? Bir atalar sözü burda
öz yerindədir:”Allah adi qarğaya 300 il ömür vermişdir,
insana isə 100”. Əgər insan ilk yarandığı andan bitkilər
kimi, ona məsləhət olan əsl qida mənbəyindən (sudan və
havadan) istifadə etsəydi, yəqin o da bitkilər qədər yaşamış
olardı və yırtıcı heyvan kimi vəhşilik etməzdi. Bu baxımdan
Yer kürəsində günahsız adam tapmaq qeyri-mümkündür.
Dostları ilə paylaş: |