38
təfəkkürü və əməli öz etik-estetik sintezini ortaya qoymuş olur. (Qeyd:
yaradıcılıq və quruculuq bir-birini tamamlayan ifadələrdir. Məsələn, bir
binanın layihəsi-interyeri və eksteryerinin təsviri forması- bir memarlıq
nümunəsidir. Bu yaradıcılıq reallaşır və quruculuqda, yəni inşaatda
özünü büruzə verir. Layihə ilə bina tikilir. Eləcə də bir abidənin
ə
dəbiyyatda təsviri quruculuğu yaradıcılıqla tamamladır. Hər hansı bir
ə
dəbiyyatçı, yazıçı, rəssam mövcud abidənin və digər qurulunun təsvirini
yaradır).
Konkret mədəniyyət nümunələri haqda.
Tarixdən məlumdur ki,
mədəniyyət əsasən oturaq həyat sürən xalqlarda və onun təsərrüfat, bu
baxımdan maldarlıq, əkinçilik, heyvandarlıq və s. fəaliyyətində yaranıb. O
cümlədən sənətkarlıq və peşə məşğuliyyəti də mədəniyyəti formalaşdırıb.
İnsanların mifoloji və dini təfəkkürləri, həyata və təbiətə baxışları da onların
mədəniyyətlərinin formalaşmasında əvəzsiz rol oynayıb. Xalq öz yaradıcılığını
məhz nümunələrdə əks etdirib. İncəsənət nümunələri, o cümlədən
heykəltəraşlıq vasitələri, toxuculuq, nəqliyyat vasitələri (məsələn, gəmilər,
qayıqlar və digərləri), musiqi alətləri və digər vasitələr xalqın mədəniyyətinin
formalaşmasında əvəzsiz rol oynayıb. Memarlıq mədəniyyəti, onun tərkibi
olan rəssamlıq, rəssamlıq nümunələri olan heykəltəraşlıq vasitələri, mozaik
vasitələr, bu baxımdan freskalar, divar ornamentləri (naxışlar və bəzəklər),
qrafika (təsviri sənət növündən biri kimi “dəzgah qrafikası” və “çap qrafikası”-
qravür-metal, ağac və daş üzərində qazılmış və ya həkk olunmuş şəkil),
boyakarlıq (sulu boyalarla çəkilən akvarel, quaş, tempera, yaxud da pastel
(rəngli karandaş)) nümunələri mühüm əhəmiyyət kəsb edir. Müxtəlif vasitələr
üzərində və müxtəlif vasitələrlə həkk olunmuş rəssamlıq nümunələri olan
qobelenlər (divar xalçaları), barelyef və qorelyeflər xalqın sistemli olan və
ardıcıl yaradıcılıq və quruculuq nümunələrinə aid olur.
Mədəniyyət həm proseslərdə, həm də prosesləri təmin edən vasitələrdə
formalaşıb. Bu baxımdan da mədəniyyət insan və onun fəaliyyətinin təzahür
xüsusiyyətlərindən ibarətdir. İnsanlar öz istəklərini, maddi aləmlə
vəhdətlərini, duyğularını, əqli düşüncə səviyyələrini öz mədəniyyət nümunələri
ilə büruzə edirlər. Məsələn, dövlət bir mədəniyyət nümunəsidir ki, onun
yüksək səviyyədə qurulması xalqın milli təfəkküründən çox asılıdır.
Xalqın tarixi yaşayış dövrləri elə onların mədəniyyət dövrlərini də
formalaşdırıb. Hər bir proses cəmi özündə dövr və mərhələləri meydana
gətirir. Məlumdur ki, tarixdə istifadə olunan alətlərə müvafiq olaraq paleolit
mədəniyyəti, tunc dövr mədəniyyəti, mis-dəmir mədəniyyəti, orta əsrlər
mədəniyyəti, intibah dövr mədəniyyəti, klassik mədəniyyət, müasir
mədəniyyət və postmodern mədəniyyət dövrləri mövcuddur.
O da məlumdur ki, mədəniyyətlərin etno-milli və coğrafi-regional
təsnifatı da mövcuddur. Məsələn, qədim yunan və qədim roma mədəniyyəti,
türk mədəniyyəti, ərəb mədəniyyəti, islam mədəniyyəti, Şərq mədəniyyəti,
39
Aralıq dəniz mədəniyyəti, Orta Asiya mədəniyyəti, Avropa və Asiya
mədəniyyəti, hinduların, asteklərin (Amerika) mədəniyyəti və s. kimi
təsnifatlar da vardır.
(Qeyd:
qədim dövrlərdə insanlar öz yaradıcılıqlarını daha çox daşlardan,
qayalardan, gildən və digər materiallardan istifadə etməklə ortaya qoyurdular.
Onlar öz istəklərini və təbiətlə əlaqəli olan təsvirlərini, mifik baxışlarını, öz
xəyallarını daşlar və qayalar üzərində də həkk edirdilər. Məsələn, Qobustan
qayaüstü rəsmlərini buna nümunə göstərmək olar. Eləcə də qayaları yonmaqla
müxtəlif memarlıq nümunələrini yaradırdılar. Bu aspektdə tarixi məşhur olan
və hal-hazırda İordaniya ərazisində yerləşən Petra mədəniyyətini qeyd etmək
olar. Petra qaya mədəniyyəti qədim Nabatey çarlığının paytaxtı olub.
Petradan bir qədər aralıda isə qaya qəbirstanlıqları mövcud olub. Eləcə dəbu
kimi mədəniyyətə nümunə olaraq, Çinin Leşan şəhəri yaxınlığında Buddanın
ən yüksək –Maytreyi Budda adlı heykəli yerləşir. Bu, dünyada qayadan
yonulmuş ən böyük tarixi heykəl hesab olunur. Qədim Misir sfinks heykəli də
bu kimi abidələrdəndir. ABŞ-ın Cənubi Dakota ştatındakı “Prezidentlər
dağı”nı da qaya abidələrinə nümunə göstərmək olar. Burada ABŞ-ın dörd
prezidentinin-Vaşinqton, Ceferson, Ruzvelt və Linkolnun barelyefləri var )
Qeyd olunduğu kimi, xalqın mədəniyyəti və təfəkkürü onun yaradıcılıq və
quruculuğundadır. Mədəniyyət nümunələri yaranması baxımından tarixi,
tarixi-arxeoloji və mövcud zamana aid olur. Mövcud zamanda ən geniş
yayılmış mədəniyyət, məsələn, inşaat sahəsində metal-konstruksiya və şüşə
mədəniyyəti hesab olunur.
Mədəniyyət nümunələri xalqın kimliyini əks etdirir. Çünki müvafiq
nümunələr xalqın təbiətlə olan əlaqəsinin mövcud və keçmiş (irsi) zamanın əks
etdirir. Mədəniyyət nümunələrində olan yaradıcılıq və quruculuq vərdişləri,
eləcə də əldə olunan nəticələrin xarakteri məhz xalqın xarakterini ortaya
çıxarır. Hər bir yeni üsul yeni mədəniyyət nümunəsini yaradır. Xalqın
xarakteri onun düşüncə tərzindən də meydana gəlir. Mədəniyyət yaradıcılıq və
quruculuq vasitələrindədirsə, onda belə qərara gəlmək olar ki, mədəniyyət
xalqın ruhundadır. Çünki mədəniyyət nümunələrini elə xalq öz ruhu ilə
yaradır. Mədəniyyət və xarakter əksetdirici vasitələrdir. Vərdişlərdən və
normalardan xarakter yaranır, eləcə də xarakter vərdişləri formalaşdırır.
Mədəniyyət əxlaq normalarında və bütün sahələr üzrə davranış
qaydalarında əks olunur. Bu halda mədəniyyət yenə də yaradıcılıq və
quruculuqda özünü büruzə edir. Hər bir xalq öz dilində, öz məmləkətində və
tarixən ayaq basmış olduğu məkanlarda qoyduğu izlərlə mədəniyyətini
göstərir.
Yaradıcılıq və quruculuq bütün sahələri əhatə edir. Sistemli yaradıcılıq
və quruculuq, mənalı nümunələr məhz bütün sahələrdə mövcuddur. Bu
baxımdan da mədəniyyət sistemli yaradıcılıqda öz əksini tapır. İnsanların
mədəniyyətləri iqtisadi, sosial və digər sahələrdə mövcud olur. Məsələn,